Badr
عضو فعال
رقم العضويه 1124
|
مرسله في
 
السلام عليكم
أنا اليوم جايكم بموضوع مهم ..
يعني مباراة الشباب والهلال الأخيرة فرحنا الحمدلله بالعدل والنزاهة اللي فيها ..
أول مرة نفتك من ظلم التحكيم وأول مرة الرئاسة تتخلى عن الهلال ودعمه ..
وبكذا انكشف الهلال على حقيقته وجته الثلاثة على رااااسه ..
لكن .....
يبقى المتعصبين في كل مكان ..
إذا افتكينا من بلاويهم لازم يطلع شي غلط بالمباراة كعاداتهم ..
هالمرة الفضيحة ما جت من صحافة الهلال القذرة ولكن جت من التعليق ..
راح أترككم مع مقطع للمعلق ابراهيم الجابر هههه طبعا المعلق هذا أخو سامي الجابر ويا قلب لا تحزن ..
يقول في المقطع بعد صارت النتيجة 3-0 للشباب .. إن الهلال خسر بطولة ليست بتلك الأهمية ..
أنا بعرف هذا صادق ولا يمزح ؟ .. كان يتكلم من جده ولا زلة لسان ؟!
يعني بالله هذا كلام ينقااااااااااال ؟؟؟!!!
يا ابراهيم الجابر يا غبي
هذي أهم بطولة محلية
والملك حاضر المباراة
والكأس باسمه
وقدامه التلفزيون بالمنصة
ويسمع التعليق ..
وقاعد تعلق لقناة حكومية سعودية رسمية
ما تعلق لربعك بالاستراحة ..
وجاي تقول لي بطولة ليست ذات أهمية ؟!
اجل وش اللي له أهمية ؟؟ بطولة الارهاب والكباب ولا كأس الاتحاد ..
لازم نشوف أجراء صااااااارم ضد هذا المعلق الأحمق ..
بالله اسمعوا المقطع والله كأنه واحد من المدرجات اللي يعلق ما هو معلق قناة رسمية ..
للتحميل بصيغة amr
للتحميل بصيغة wav
وفي آخر كل شي يجون يقولون لنا ليش الأندية بالمملكة تكره الهلال ؟؟
بلا والله من الظلم اللي قاعدين نشوفه وتعصب الصحافة والتحكيم والتعليق والرئاسة وتحيزها للهلال وظلمها لكافة الأندية ..
نشوف فيك يوم يا ظالم ![[Frown]](frown.gif)
[ أبريل 23, 2006, 09:34 AM: تم تحرير المشاركه من قبل: Badr ]
المشاركات: 7290 | من: London - Riyadh | تاريخ التسجيل: فبراير 2002
| 
|
إرسال هذه الصفحه لصديق!
لطباعه هذا الموضوع
