اخوانى .. اخواتى الحياة مواقف وانا حصلت معاى مواقف كثيرة منها الطريف ومنها المحرج فحبيت اكتب مذكراتى وهذا الموضوع راح يكون فيه اغلب المواقف اللى احصلت معاى على بس راح تكون على شكل دفعات
وراح ابد فى موقف حصل معاى من قبل كم سنة .. موقف لايمكن انساه كنت انا مع واحد من الربع داشين البحر رحلة صيد ( حداق ) ضبطنا شغلنا وسنعنا الطراد وقلصنا كنا حابين ندش مكان فى الجنوب يسمونه ( المهدة ) المهم وصلنا المسنة نزلنا الطراد بحر وكان طرادنا صغير 16 قدم والمكينة سكان صاحبى سحب مشبل علشان يشغل الطراد وفعلا من اول تلة جان الطراد يشتغل المهم واحنا رايحين القطعة اللى بى نحدق فيها طايحيله اغانى .. والاغنية اللى شكلت معانا اهى حاسس بمصيبة جيالى .. يالطيف يالطيف .. مصيبة ماكنتش على بالى يالطيف يالطيف وكل شوى نردد نفس الاغنية ونفس مقطع الكلام شوى ولا موجة .. الطراد طار فوق وهبد على جنب .. جان اقوله علامك سوق عدل بغيت تقطنا بحر جان يقول صاحبى ابشرك .. المكينة طاحت بحر
ياجماعة مكينة الطراد طاحت بحر .. شلون ماادرى المهم ان المكينة طاحت بحر وردينا بواسطة خفر السواحل بعد ما خسنا من الحر والشمس اصقعت روسنا
الموقف الثانى هم بعد موقف بحرى كنا قاعدين نحدق .. وكان اخوى الصغير معانا والحبيب اول مرة يركب طراد المهم حط اليم فى الميدار ومسك الخيط يبى يحذه .. على باله ان قاعد على السيف .. وهو بيحذف سمعنا واحد من اللى معانا بالطراد يقول اااااااااى التفت عليه ولا الميدار شاير بذونه .. وشكله صار جنه لابس تراجى .. والمهم شرعنا وما ردنا الا المستشفى علشان يطلعون من اذون صاحبنا الميدار
وهذا بعد موقف هم بحرى مرة كنت ابى ادش البحر وكنت مواعد اثنين من ربعى علشان يدشون معاى وفعلا كان كل شى اوكى والبحر من ابدع مايكون جهزنا الطراد وقلصنا شوى ولا احنا على المسنة .. من الوناسة كنا نبى ندش بسرعة الكل يالله بسرعة يالله بسرعة المهم نزلنا الطراد شغلت المكينة ركبوا الربع جان اعطيه فل سبيد .. وانا قاعد امشى قمت احس ان فى شى بارد يلمس ريولى طالعت تحت ولا الطراد متروس ماى .. اثارى السالفة من العيلة نسيت اسكر المغر مال الطراد جان اراد المسنة على طول واصعد الطراد على العربانة علشان ننزل الماى اللى فيه .. ولا شنو الطراد متروس ماى والله ستر علينا
اما هالموقف برى بحرى كنا مرة قالصين نبى نروح جليعة المهم واحنا فى الطريج طايحليه سوالف وزقاير وببسي وجذب .. كل واحد يقول انا امس داش وصايد جذى وجذاك المهم انا نسيت انى قالص الطراد قمت ادوس وصلت وانا دايس تقريبا 120 كيلو صاحبى قال دير بالك ترى انت قالص طراد وراك علامك طاير قلت اووووف اى والله نسيت جان اخفف وقمت اتمشى 80 الى 90 كيلو واحنا قريب نوصل المكان اللى نبيه حاشتنا مطبة شوى جان نشوف طراد يمشى بروحه على القار الثانى لفيت فوق حدر جان يقول لى صاحبى هذا مو جنه طرادنا . . يوم التفت وراى ولا ماكوا طراد قلت له اى طرادنا افتلت من القلص لحق عليه لا تدعمه سيارة ويتفلش فى الشارع .. والله ولحقنا عليه وعدت السالفة على خير
تعبت من الكتابة وانشاء الله عجبكم الموضوع انتظروا الجزء الثانى من مذكرات ساحر مرسلة من NADWAH (رقم العضويه 10635) on :
تسلم اخوي على هاي المذكرات وتراك موتنا من الضحك بس ضحكت على الاخيرة اكثر لووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووو ووووووووووووووووووول
مرسلة من الجوكر (رقم العضويه 2431) on :
LoOoOoOoOoOoOoOoOl
ههههههههههه
يسلموووووووووووو
مرسلة من بــــدر (رقم العضويه 1124) on :
ميدار
قالص
مشبل
تراجي
مسنة
قار
..........
ساحر واللي يرحم والديك تحجى عربي مرسلة من .S.W.A.T (رقم العضويه 9795) on :
ميدار: الي يصيدون فية السمج
قالص : يسحب أو يجر
مشبل:الي يشغل المكينة
تراجي:الي يحطونهم بالأذون
مسنة :الي ينزلون فيها الطراد
قار : يعني شارع
-=-=-=-=-=-=-=-=-
قاموس نصة غلط
يسلمووو االساحر مرسلة من AL-SA7ER (رقم العضويه 4904) on :
NADWAH انشاء الله الضحكة دوم .. وانتظرى الجزء الثانى فى نفس الموضوع باجر
الجوكر الله يسلمك مستر جوكر
بدر والله قاعد اتكلم عربى .. تبى اجيب لك ليلى تفسر لك الكلام المكتوب المهم بدران هذا انا راح اكتب لك معانى الكلمات اللى تبيهم
ميدار .. يعى الله يسلمك هذا اللى يصيدون فيه السمك وبالانجليزى هوك وبالمصرى سنارة
مشبل .. المشبل الله يسلمك الحبل اللى يطلع من المكينة ويسحبونه علشان تشتغل
تراجي .. الله يهديك عاد تراجى ماعرفتها تراجى يعنى حلق .. اللى يحطونه بذون البنات
مسنة .. المسنة هى المكان اللى ينزلون من عليها الطراد فى البحر
قار .. بدر - اذا القار ماعرفته انت من وين جاى الله يهديك القار اهو الشارع يعنى الازفلت
بدر الحين منو اللى ما يعرف عربى .. يالله خلصنى تعال الكويت خلنى اسويلك محمر وخباط مالح
مرسلة من AL-SA7ER (رقم العضويه 4904) on :
S.W.A.T الله يسلمك حبيبى .. وفعلا كلامك عدل بس المشكلة بدر الله يهداه .. ما ادرى الحبيب جنه جاى من بوركينا فاسو وانا ما ادرى
مرسلة من KatkoOotaa (رقم العضويه 9539) on :
قلصنا <<< مدري اذا هذي تصير حق قالص المغر مرسلة من s7s7 (رقم العضويه 8265) on :
هههههههههههههههههههههههه
يسلمووووووووووووووووووو السااااااحررررر ...
مرسلة من فاطمة علي (رقم العضويه 6531) on :
رد مقتبس: حاسس بمصيبة جيالى .. يالطيف يالطيف .. مصيبة ماكنتش على بالى يالطيف يالطيف
هههههههههههههههههههههههههههه موتني من الضحك مرسلة من زهــــرة (رقم العضويه 6088) on :
لووووووووووووول
موتني من الضحك
يسلمووووو
مرسلة من AL-SA7ER (رقم العضويه 4904) on :
KatkoOotaa الله يسلمج كتكوتة .. وتسلمين على الرد حبوبة
بدر لا الظاهر بصير لك مترجم يبا اكو اسهل من هالكلمات
السيف : معناتها الله يسلمك الشاطئ
قلصنا: يعنى سحبنا العربانة مالت الطراد
المغر : مكان تصريف الماء فى الطراد ولا بغوا يدشون البحر لازم يسكرون مغر الطراد ويسكرونه بواسطة ربلة فيها برغى علشان لا يدش بالطراد ماى ويطبع بعدين بدر .. اضن بعد ماتبى ترجمة .. الا بسألك انت يالحبيب من وين
s7s7 الله يسلمك حبيب قلبى وتسلم على الرد
فاطمة على فطووومة هنا وانا اقول هالنور اللى اهنى من وين طلع علينا فجأة تسلمين يالغالية على الرد
زهرة الله يسلمج حبوبة وانشاء الله تضحكين دوم وشكرا على الرد
مرسلة من ابو رفسه (رقم العضويه 3295) on :
عناوين مغامرات الساحر : 1- طبت المكينة بحر 2- اخوك وتراجي 3- طراد متروس ماي 4- سوالف وزقاير وبيبسي ومطبات هذه القصص متوفره لدا مؤسسة ابو رفسه للفيديوهات للطلب والاستفسار اتصل على رقم 777 أو 999 وإذا كان الخط مشغول يرجى معاودة الاتصال فلوسكم هي هدفنا اتصل الآن قريبا في الاسواق مغامرات الساحر الجزء الثاني مع تحياتي الموزع المعتمد للفيديوهات والبيتزاهات المحترم ابو رفسه
مرسلة من بــــدر (رقم العضويه 1124) on :
مشكور على الترجمة اللي بتفيدني في حياتي السلماوية
أنا من عنيزة يبا مرسلة من بنيدر (رقم العضويه 6197) on :
ساحر اشفيك دوخت الشباب تكلم عدل زين قولهم على سالفة يوم كنت مراهق ولاحق وحده لابسه نقاب اخر شي اطلعت خالتك جان تسحبك من اذونك ليه البيت لوول
مرسلة من AL-SA7ER (رقم العضويه 4904) on :
بورفسة
خلاص من اليوم انت المعنونجى حق مواضيعى وبعدين فى الجزء الثانى من مذكراتى ابيك تكتب العناوين قبل لا انزلهم واعتبر نفسك الناطق الرسمى لى فى صفقة بيع المذكرات
بدر زين منو اللى قال انك من الخبر ولا جدة بس يا اخى تعال على الماسنجر واسألنى ولا رسالة يهاجر بيد ساعى البريد المهم لك وحشة يالغالى .. والخباط ترى على الوعد
بنيدر يالخفس .. السالفة هذى بكتبها فى الجزء الثانى من مذكراتى بس بقول منو اللى كان لاحق البنت صج ولاتخاف .. مانى قايل كل شى بكتب بس رؤس اقلام ومانى قايل ان انت اللى كنت لاحقها وانطر الجزء الثانى راح تلقى وايد مفاجأت
مرسلة من الـفاتنه (رقم العضويه 4148) on :
يسلمووووووووووووو
مرسلة من بنت الديره (رقم العضويه 3351) on :
ابدااااااع
موضوعك كله ابداااااع في ابدااااااااع
بس اكثر شي ضحكني انكم ظايحين له ( بيبسي و زقاير و جذب) لووووووووووول
و السالفه اللي صارت في اخوك صارت فيني بس انا بايدي مو باذوني.
تحياتي
مرسلة من AL-SA7ER (رقم العضويه 4904) on :
الفاتنة الله يسلمج وشكرا على المرور
بنت الديرة انشاء الله الضحكة هذى دوم اخيتى وبعدين تعالى شنو وين كنتى قاعدة تحدقين يوم الميدار صادج .. دلينى يخوج هالايام البحر كله جموم جود الله يرزقنا البنت اطلعت مو هينة .. راعية بحر وحداقة بعد اى مو بنت الديرة اكيد بنت نوخذة
مرسلة من بنت الديره (رقم العضويه 3351) on :
رد مقتبس:بنت الديرة انشاء الله الضحكة هذى دوم اخيتى وبعدين تعالى شنو وين كنتى قاعدة تحدقين يوم الميدار صادج .. دلينى يخوج هالايام البحر كله جموم جود الله يرزقنا البنت اطلعت مو هينة .. راعية بحر وحداقة بعد اى مو بنت الديرة اكيد بنت نوخذة
تسلم لي يا ساحرنا
و كنا قاعدين نحدق في بنيدر يم الحاله ...... و كان الحداق على كيف كيفك بس المشكله الوحيده حزتها اني كنت اول مره اطلع الحداق مع ابوي و شار الميدار بصبعي و ابوي قال لي ربج واحد ما ارد و شال الميدار من صبعي و ياب قطعة من وزاره و حرقها و جواني و بعدين لفها لي و قال لي صيري ادميه و هدي الخيوط بس انا ما رضيت و صدت (( 2 مجوا)) اللي فيها نقطه على ذيلها بخيط واحد .....
و على فكره يدي ابو ابوي الله يرحمه كان نوخذه
مرسلة من AL-SA7ER (رقم العضويه 4904) on :
بنت الدريرة يسلام عليج والله .. صج طلعتى مو هينة اذا كنتى قاعدة فى الحالة يعنى تعرفين ذاك المكان عدل عاد تدرين البحر ذاك الصوب من انضف الاماكن اللى بالكويت وخاصة صوب الحالة لا صخر ولا وصخ ماغير ذيج الرملة اللى الواحد وده ما يوخر عنها وبعد شعليج .. صايدة مجوا .. وحلالى بعد وابوج الصراحة تصرف عدل يوم طلع الميدار وجواج .. اى علشان لا يحوشج تسمم ولا يلتهب عليج الجرح والله يرحم يدج .. ويرحم يدى هم كان نوخذة ومعروف عند اهل البحر حيل وياما تعلمت منه وسوالفه لين الحين بذنى .. ويمكن بعد كانوا ربع والله العالم وعلى العموم مشكورة اخيتى على الرد
مرسلة من sara_kw (رقم العضويه 6544) on :
لوووووول يسلمو ساحرنا مرسلة من AL-SA7ER (رقم العضويه 4904) on :
sara_kw الله يسلمج سارتنا .. مشكورة اختاه على الرد ونتمنى تواصلج شكرا
مرسلة من ابو رفسه (رقم العضويه 3295) on :
ساحر : اكتب العناوين قبل لا تنزلهم مو كأنك صعبتها مرسلة من honey (رقم العضويه 49) on :
لا لا يالساحر
كل موقف اخس من اللي قبله
اتصدق عاد مواضيعك كلهااتضحك
مرسلة من *أَمَلِ مَقتُول* (رقم العضويه 7416) on :
هههههه لووووووووووووول يثلم
مرسلة من AL-SA7ER (رقم العضويه 4904) on :
ابو رفسة ابدا حبيب البى ما من صعوبة ولا جاجة .. انت قدها وقدود
honey دام ان العسل كله ضحك يعنى نجحنا بتقدير امتياز .. وبمرتبة الشرف بعد وانا ما ابى غير ضحكتكم .. وانشاء دوم الكل يضحك تسلمين honey ولا تقاطعين
امل مكتول الله يثلمك .. مثكور خيوووو
مرسلة من honey (رقم العضويه 49) on :
ما يحتاي شهادة مني
يتراوالي إن الكل بالمنتدى يجمع على ان مواضيعك فوق الامتياز مع مرتبة الشرف
مرسلة من honey (رقم العضويه 49) on :
صج نسيت اقول لك الله يسلمك
وراح اكون من المتابعات لمواضيعك
مرسلة من AL-SA7ER (رقم العضويه 4904) on :
تسلمين العسل وانشاء فى الطريج مذكرات ساحر الجزء الثالث وموضوع بعنوان كنت دايخ وصحيت
وحياج الله اختى اتشرف بدخولج مواضيعى
مرسلة من honey (رقم العضويه 49) on :
مشكور
وناطرينه بس مو تطول مرسلة من AL-SA7ER (رقم العضويه 4904) on :
العسل طرحنا حاليا فى الاسواق الجزء الثالث من مذكرات ساحر تقدرين تقرينه .. الحين نزل وفى متناول الجميع
وانتظرينى فى .. كنت دايخ وصحيت لين انتهى من الدبلاج .. شكرا خيه
![[doh!]](graemlins/doh!.gif)
![[Smile]](smile.gif)
![[Big Grin]](biggrin.gif)
![[Confused]](confused.gif)
![[crying]](graemlins/crying.gif)
![[Cool]](cool.gif)