اخوانى اخواتى الكرام تحية طيبة وبعد .. انا ادرى بتقولون هذا صج زفر ومواضيعه كلها زفرة .. وطبعا الكتاب باين من عنوانه .. الموضوع عن الحداق السالفة صج زفرة بزفرة .. لكن زفرة هالمرة على غير شكل الموضوع عن الحداق وعن سمجتنا هالايام والحين خلونا ندش فى الموضوع امس كنت قاعد مع الربع فى الدوانية ونسولف عن البحر وكان الجو صج جو بحر ويبيله نحرك اصابعنا اللى بدت تخمل و تظهر عليها ملامح النعومة فقررنا انه نروح الحداق .. وبما ان الطلعة مو مخطط لها قلنا خل نروح مكان قريب يعنى اذا باعدنا خمسين ميل بحرى >> يعنى مو بعيد المهم رحت و لبست دشداشة الحداق الزفرة وقعدت ازهب الطراد ومن عقبه ردعت الميادير وجهزت الخيوط على ما يتجمعون الربع تدرون شلون .. اشرايكم تشوفون الطلعة بالصور والتعليق .. يتراولى احسن واخف من الكتابة الوايد واللى مالها داعى
وراح نبدى باول شى قعدت اسويه اللى اهووو تجهيز الطراد وطبعا هالبنت الحلوة مالكم شغل فيها لانها مو من ضمن الموضوع لكن كان فيها حب استطلاع وحبت ترز ويها علشان تعرف شنو بسوى قبل لا اقلص الطراد
وعقب ما خلصت من الطراد وكان كل شى اوكى وعلى حسب الاصول قلت خل اضبط الخيوط واسنع الشغل علشان لا دشينا الا كل شى جاهز وفعلا تليت شنتة الخيوط وفتحت شنتة الميادير وقعدت اردع واجهز شغلى
المهم ضبطت كل شى والربع وصلو قلصنا الطراد ودشينا بحر وصلنا محدقنا وقطينا السن وحطينا طاسة الييم اللى اهى هذى
عاد كل واحد اخذ اخيط وشك ييمته وسمه باسم الله وقط خيطه .. عاد وانا قاط خيطى طرى على ( بومتيين) صاحبنا ليش طرى على هالانسان ما ادرى وذكرت شى ما ودى اذكره بالبحر لان هالشى من ينذكر لازم يطلع واللى اهو هذا ( الجم )
قلت ولييييه اول قطة جم .. عيل كدينا خير واقوم اقط القطة الثانية ولا نبرة جم من خمط عرفته ويوم تليته وقام يطق براسه قلت لا محاله ان جم بل اجزم انه جم وفعلا طلع جم ثانى وهذا اهوو
هم قلت مو مشكلة لكن كنت خايف من الثالثة .. ما بغيت اثولث وعلى فكرة ترى محد صاد جموم الا انا وربعى قاطين خيوطهم لا نبرة ولا شى جنهم قاطين بجليب بس قاعدين يضحكون على ويطنزون وكل شوى هذا مكان يايبنا نحدق فيه مو لو قاعدين فى الدوانية نشرب جاى ونسحق زقاير ابرك المهم وانا قاط خيطى ولا تنبر ذيج النبرة الحلووووة عاد جان اقولهم مو جم هالمرة هذى خوش نبرة .. نبرة طيبة المهم جان اصيده ومن كربت عليه قام يشاوط ويلاوط لا قام يدب براسه جان اقولهم زهبولى المطاعة الحبيب الثالث وصل او واحد منكم يقوم يتل السن نبى نغير مكانا .. وعلى ما سحبت خيطى الا الشباب تالين السن وصاحبنا الجم المحترم شرف اللى اهو هذا
تعالوا تحت شوية علشان تكملون الموضوع v v v v
مرسلة من AL-SA7ER (رقم العضويه 4904) on :
عاد رحنا مكان ثانى وقطينا ولا اول قطة نويبى قلت هذا احسن من ذاك على الاقل سمجة تونس اشوى ان افتكينا من ذاك ابو الصنق اللى اذانا وهذا اول نويبى .. شوفوا شلون زانطه بس علشان اراويكم الضرسين ملوته شحلاتهم جنه ياهل طايحين ضروسه .. وهذا اهو النويبى
والله قعدنا فى هالمكان فترة تقارب الساعتين واكثر ولا فى شى يذكر وهذا اللى صدناه شى ما يترس العين جم نويبية على جم شعرى هذولى اهم جدامكم بالزبيل
عاد اهنى قلت بلا طراد بلا دوخة راس ماكو الا اروح ميفرتى المحظورة وايد ابرك ويقول المثل شلك بالبحر واهواله وارزاق الله على السيف قلت حق الشباب الظاهر البحر كله شعرى ونويبى نشرع وايد ابرك وفعلا شرعنا وردينا بيوتنا لكن ايدى تحكنى .. وكان ودى احدق على طول اخذت اغراضى ورحت مكانى اللى ما اقدر اخذ ربعى فيه والله وقعدت وقطيت خيطى .. ولا ذيج النبرة الحلوة اللى صج تشرح الصدر تليتها ولا بنت النوخذة شوفوها شحلاتها
وقطيت القطة الثانية ولا هم بنت النوخذة .. قلت اييي هذا الشى اللى يونس وقعد اتل من بنت النوخذة ويخلط معاها شعم وبالوول على ينم شى حلووو وشى طيب شوفوا هالفسكرتين من ناحية الجمال الفسكر احلى سمجة بالبحر ومن ناحية الاكل .. شى عجيب
وتليت من هالفسكر والشعم لين طاب خاطرى .. على فكرة هذا شى من لا شى صدناه الباجى بالثلاجة طبعا .. بس والله كود حلووووو
بس اللى كنت متحسف عليه انى ما صدت مثل السبيطى هذا اللى يعور القلب
ولا مثل هالكود اللى يثلج الصدر .. هذا الواحد اللى وده لا طلع البحر يكون حداقه جذى ماشاء الله .. حداق عجيب وسمجة تسر الخاطر بالوول وشعم ومزيزى وسبيطى وفسكر بعد اهنى بس الواحد لا دش البحر وصاد يقول صدت
فى نهاية الموضوع عندى سؤال بحرنا ليش بدت تنقرض منه السمجة ؟؟ مع ان الخير تارس البحر !!! فى الايام اللى فاتت .. ايام منع دخول البحر بالليل كنا نقول متى يسمحون والله اذونا حارمينا من البحر ومن الحداق لان حداق الليل له لذة وطعم خاص .. والحداق بصفة عامة راحة نفسية ورياضة ذهنية لكن عقب ما اسمحو وشالو المنع .. والله اتمنى يردون يمنعون الحداق وطلعة الطراريد واى قطعة بحرية بالليل لان الكرافات نشفو البحر .. وما تسلم شباكهم من اى سمجة .. او على الاقل يمنعون الكرافات ولا يحددون لهم وقت وفى النهاية اتمنى يعجبكم الموضوع وتعبى ما يرووح بلووووشى
اخوكم / الســــــاحــــــــــر
[ 24. أكتوبر 2003, 10:05 PM: تم تحرير المشاركه من قبل: AL-SA7ER ]
مرسلة من طرووووق (رقم العضويه 5228) on :
هلا والله بالغالي...ساحرنا الكبير
والله خوش "حداق" خخخخخخخخخ
صح ان بوميتين نكدها شوي لما جا في بالك خخخخخخخخخ بس ماعليه ..خيرها بغيرها :وتتذكرني المره الجايهp عشان تشوف بعينك وش راح يصير..
أخوك طرووووووووووق،،
مرسلة من salmiya (رقم العضويه 3169) on :
موضوعك مرسلة من AL-SA7ER (رقم العضويه 4904) on :
طرووووق
رد مقتبس: هلا والله بالغالي...ساحرنا الكبير
هلا بحبيب البى منور الموضوع يالغالى
رد مقتبس: والله خوش "حداق
بالتالى صار خوش حداق .. اما بالاول والله مايسوى ولا يسر
رد مقتبس: صح ان بوميتين نكدها شوي لما جا في بالك خخخخخخخخخ
تصدق طرووووق عاد يوم طرى على بومتييين ومانى ذاكر ليش طرى على قلت انى بصيد الحين نقرور لكن نقرورى انقلب جم ليش ما ادرى
الله كريم والجايات اكثر من الرايحات وانشاء الله بتطرى على لان السالفة صارت فى بالى وراح اقولك شنو صدت واكيد مو جم لان الجم هالايام بدى يفج من البحر
رد مقتبس: أخوك طرووووووووووق،،
حبيب ألبى
سالمية تسلم اخوى الغالى ويسعدنى انك تسير على اخوك من قترة لفترة وانت بعد كمان مرسلة من NoOr_Q8 (رقم العضويه 12147) on :
شنو هالأزفره من الصبح يا الساحر
واااااي لايكون اللي بالصوره بو اصابع كبار هذا انت ؟
مرسلة من AL-SA7ER (رقم العضويه 4904) on :
NoOr_Q8
رد مقتبس: شنو هالأزفره من الصبح يا الساحر
لا مو من الصبح الموضوع من امس بالليل بس الزفرة هذى من الصنق اللى طلع من الجم
رد مقتبس: واااااي لايكون اللي بالصوره بو اصابع كبار هذا انت ؟
لا طبعا مو انا انا اصابيعى شحلاتهم وجنهم البخت ماشاء الله عليهم ينوكلووون جنهم درااابيييل مرسلة من بنت الديره (رقم العضويه 3351) on :
والله انك شيييييييييييييييييي يا ساحرنا
بس ما قلت لي وين الخثاااااااااااااااااااااااااق؟؟؟؟؟؟؟؟؟؟؟؟؟؟؟؟؟؟؟؟؟
مرسلة من الجوكر (رقم العضويه 2431) on :
يا عيني عليك سويحر اثاريك صياد مو ساحر
مرسلة من OSAMA. (رقم العضويه 12) on :
ماتعلمنا وين هالقطعه الي صايد فيه هالشقر هذول
ابي اسئلك عن قطعه يمدحونها
مادري إذا حدقت فيها من قبل ولا لأ
القطعه الي على يمين قصر السيف اليديد
يقولون فيها خوش سمجه
بس لي الحين ماجربتها كل يوم اقول باجر ومااروح
شرايك فيها
صج فيها سمجه ولا خرطي؟
وإذا القطعه زينه ودي اخاويك بطلعه حداق هناك على يوم
شرايك مرسلة من BOUMETEEN (رقم العضويه 7) on :
قبل كلشي قولي منو هذا
رد مقتبس:اخوانى اخواتى الكرام تحية طيبة وبعد .. انا ادرى بتقولون هذا صج زفر ومواضيعه كلها زفرة .. وطبعا الكتاب باين من عنوانه .. الموضوع عن الحداق السالفة صج زفرة بزفرة .. لكن زفرة هالمرة على غير شكل الموضوع عن الحداق وعن سمجتنا هالايام والحين خلونا ندش فى الموضوع امس كنت قاعد مع الربع فى الدوانية ونسولف عن البحر وكان الجو صج جو بحر ويبيله نحرك اصابعنا اللى بدت تخمل و تظهر عليها ملامح النعومة
بعد شبدي انت اي نعومه يا بو خلي هذي ايد سياف مو حداق
مشالله عليه الله يعطيه الصحه والعافيه انشالله
رد مقتبس:عاد كل واحد اخذ اخيط وشك ييمته وسمه باسم الله وقط خيطه .. عاد وانا قاط خيطى طرى على ( بومتيين) صاحبنا ليش طرى على هالانسان ما ادرى
انا اقولك ليش قاعد تفكر وتقول صيد اليوم كله ما راح يشبعه شسوي الحين
رد مقتبس: عاد رحنا مكان ثانى وقطينا ولا اول قطة نويبى قلت هذا احسن من ذاك على الاقل سمجة تونس اشوى ان افتكينا من ذاك ابو الصنق اللى اذانا وهذا اول نويبى .. شوفوا شلون زانطه بس علشان اراويكم الضرسين ملوته شحلاتهم جنه ياهل طايحين ضروسه .. وهذا اهو النويبى
الله يعينه على زنطتك يا بو خلي انا اشهد ان لو ترده البحر يحرم يقرب من اي ميدار الا اجزم انه يقرر يموت يوووع
مشالله كل هذا وطلعه مو متزهبين لها اجل وشلون لو تعزم وتفكر قبل اسبوع اظني انك بتنشف البحر يا بعد شبدي
وعساك على الفوه يا الغالي
مرسلة من AL-SA7ER (رقم العضويه 4904) on :
رد مقتبس: والله انك شيييييييييييييييييي يا ساحرنا
بس ما قلت لي وين الخثاااااااااااااااااااااااااق؟؟؟؟؟؟؟؟؟؟؟؟؟؟؟؟؟؟؟؟؟
بنت الديرة انتى والله اللى ششششششششى وشى عجيب بعد حاااااظر غالى والطلب رخيص .. اعتبرى الخثاق وصل انشاء الله بعد رمضان تامريين امر
رد مقتبس: يا عيني عليك سويحر اثاريك صياد مو ساحر
الجوكر انت ماسمعت الاغنية اللى يقولون فيها عمى ياصياد السمج صيدلى بنية هذى عنى غنوها .. ومن عقبها صرت صياد بس زقيرووووون
رد مقتبس: ماتعلمنا وين هالقطعه الي صايد فيه هالشقر هذول
اسامه .. بوحمد هذى الله يسلمك مو قطعة هذا حداق سيف ومن الخشب اللى تحتى والحديد اللى يمى يبين انه مكان ممنوووووع القرب منه يعنى السالفة مكان محظوووور جدا جدا لكن السمجة وسحرها اللى يقط بالتهلكة
وبالنسبة حق القطعة اللى تتكلم عنها الكلام اللى وصلك صحيح لكن مايات يوم اتل فيها خوش تل ويوم ياذيك اليميام والجم لكن والله فيها خوش سمجة وسمجتها مشكلة شعم ونويبى وبطان وينم وشعرى وسبيطى .. احلى من هالسمجة ماكو لكن مايات وحداقها ثبر وتبى جرة ماية وحق السبيطى يبى منجوسة ولا زورية حية
رد مقتبس: وإذا القطعه زينه ودي اخاويك بطلعه حداق هناك على يوم
شرايك
نتشرف بخوتك واذا ودك ترى كل شى جاهز .. انت ييب معاك ماعادبدرى وانا اييب معاى بومتيين ونقلب الحداق منتدى بالطرااااد
مرسلة من AL-SA7ER (رقم العضويه 4904) on :
بومتين
رد مقتبس: قبل كلشي قولي منو هذا
منو السبيطى ولا اللى شايله
رد مقتبس: بعد شبدي انت اي نعومه يا بو خلي هذي ايد سياف مو حداق
مشالله عليه الله يعطيه الصحه والعافيه انشالله
اى والله بومتين .. ترى صج الحداق اذا ما شاف اصابعه متبترة يحس بالنعومة ويصير ويه جذى وعاد ايده تقعد تحكه واصابعه تبدى تسيح
رد مقتبس: انا اقولك ليش قاعد تفكر وتقول صيد اليوم كله ما راح يشبعه شسوي الحين
اتهقى جذى كان اللى فى بالى والله يمكن
رد مقتبس: الله يعينه على زنطتك يا بو خلي انا اشهد ان لو ترده البحر يحرم يقرب من اي ميدار الا اجزم انه يقرر يموت يوووع
المشكلة انه ماينرد لا دش الجيس .. وعقب الزنطة هذى كان يصرخ ويقول تكفى حرمت واللى يسلمك ودنى الجدر بسرعة
ويقويك يالغالى ويسلمك ويخليك مرسلة من كويتي عتيج (رقم العضويه 10420) on :
أيبااا .. شغل عدل
الزفرة واصلة ال home page مالت السالمية نت
بس ياخي نرفزتني .. و رفعت ضغطي !!
يا شين "الجموه" .. ما اواطنهم
لا ضربوا عليك .. يكدرونك
"الجمه المنقسي" ينبر نبره تقوول موت .. تمصع الواحد !!
واخرتها خياس ...
وتعال طلع الميدار المنفهق من حلجه ..
وبعدين قطه بحر .. وللا عطه الصعايدة !!
دق على تالي لبغيت تطلع حداق ..
ترا أعرف أقصص ييم مرسلة من AL-SA7ER (رقم العضويه 4904) on :
لا والله ما يكدرون يلوعون الجبد وخاصة لا ياك واهو يدم براسه ولا طلعته الصنق تارس الخيط صج يلوع الجبد
رد مقتبس: "الجمه المنقسي" ينبر نبره تقوول موت .. تمصع الواحد !!
واخرتها خياس ...
كويتى عاد تصدق ذاك اليوم كنت احدق بخيط خمسين وما كان فى نبرة وكنت مولع زقارة وقاعد اسولف مع الربع شوى ولا ذاك اللى ضرب على وحرق ايدى حرق يوم تمكنت من الخيط وصعدته كانت الماجأة ذاك المنقسى اللى عمرى ما ضرب على نفسه حتى من كبره مستحيل انك تعرف ان الضارب عليك جم والله فكر انه سكن ولا يريور عود
رد مقتبس: وتعال طلع الميدار المنفهق من حلجه ..
لا عاد اهنى اول شى عطه وحدة على الراس وبعدين بطل على راااااااحتك عاد عندى بايب خاص حق الجموم الله وكيلك ضربة وحدة على الراس تشوف الجم مغفى على الماى ويقولك : مع ريح الهوا مسافر .. مساااافر
رد مقتبس: وبعدين قطه بحر .. وللا عطه الصعايدة !!
الحين حتى الصعايدة ما يبونه .. تصدق مرة صدت جم بالدوام وخليته قلت تاكله القطوة .. القطوة تمر عليه حتى مالها خلق تطالعه
رد مقتبس: دق على تالي لبغيت تطلع حداق ..
ترا أعرف أقصص ييم
خوش عيل وقت الطرشة خلك جاهز .. يبيله والله بس ياريت يكون ورى الفطور ويستحسن عقب صلاة العشاء ناخذ سحورنا ونرد الفجر
مرسلة من BOUMETEEN (رقم العضويه 7) on :
رد مقتبس: منو السبيطى ولا اللى شايله
لا اللي اللي شايل يا بعد شبدي
رد مقتبس: اى والله بومتين .. ترى صج الحداق اذا ما شاف اصابعه متبترة يحس بالنعومة ويصير ويه جذى وعاد ايده تقعد تحكه واصابعه تبدى تسيح
مجرم بحري انت يا بو خلي
رد مقتبس: اتهقى جذى كان اللى فى بالى والله يمكن
هههه مو يمكن الا اكيد اقرى افكارك انا افا عليك بس
رد مقتبس: المشكلة انه ماينرد لا دش الجيس .. وعقب الزنطة هذى كان يصرخ ويقول تكفى حرمت واللى يسلمك ودنى الجدر بسرعة
ويقويك يالغالى ويسلمك ويخليك
رد مقتبس: وعقب الزنطة هذى كان يصرخ ويقول تكفى حرمت واللى يسلمك ودنى الجدر بسرعة
الجم قالك جذي
رد مقتبس: نتشرف بخوتك واذا ودك ترى كل شى جاهز .. انت ييب معاك ماعادبدرى وانا اييب معاى بومتيين ونقلب الحداق منتدى بالطرااااد
ماعرف احدق انا مرسلة من OSAMA. (رقم العضويه 12) on :
رد مقتبس: الجم قالك جذي
لا يابومتين
مو الجم
السبيطي الي قاله جي
شفيه استيعابك بطيء
----------
تصدق يالساخر البارح رحنا نحدق بالقطعه الي سئلتك عنها
اعلى مد كان الساعه 1,30 بالليل
وصلن االقطعه الساعه 1,15 يمكن
اول قطه كان النابر يبشر بخير
ومايمديك تقط الخيط إلا واليم مأكول
السمجه حاضره بهالقطعه لكن ماصدنا شي للاسف
خصوصا ان اغلب الوقت ضيعناه بترديع الميادير من كثر الشيرات
وايد يشير الخيط هناك
الزهيويه بعد وايد
لكن ماصدنا شي للاسف
بس من تعدت الساعه ثنتين وقف النابر وماقام ينبر الخيط إلا من النويتش
وبعدها حتى النويتش اختفى
تقول قاط الخيط بجليب
لكن انشالله الليله إذا الله سهل بنرد نروح نفس المكان ونحاول نلحق على رشه المايه
والرزق على الله
مرسلة من ما عاد بدرى (رقم العضويه 4762) on :
يا عينى يا روحى يا الساحر
اى السمجه الطيبه ما تبين الا بذاك المكان اللى ما نروح له ومحد يروح له الا انت
ما تودينا ياخوى
ولا نييك باللنج العود ونوقف ونحدق عينى عينك
بعدين كل هالزفره وينها ما ناكلها بدال الدياي اللى توكلنا اياه كل يوم
وشوف الدفان حق مرينا مول والدفان فى الجنوب ومنى ومناك
وشوف الخيوسه اللى من خيستها سموها الخيوسه لان الماى ما يداور فيها لانهم عاكسوا التيار لما دفنوا هالطريق او هالقناه
وشوف المصانع اللى على البحر وين تصب رواسبها
وشوف الكرافات على قولتك اللى تاكل الخضر واليابس بالبحر
وتجفيف الاهوار
والحرب اللى طافت
تعرف احنا فى عنق الزجاجه يعنى ماى الخليج كله يداور عندنا
كل هالتلوث وتقول وين راحت سمكتنا
سلامات يا الساحر
وتذكر المد الاحمر وذيك السنه لما مات كل السمك ببحر الكويت
ماكو رقيب ولا حسيب
الله يعوضنا ببحرنا وعسا الله يرزقنا الخير اللهم امين
تسلم يا الزفر على الموضوع اللى شفنا صورة ونبى نشوفه بقاعة الجدر حق السحور ان كان باكر ولا عقبه ولا لى فرشنا الزوليه
تحياتى اخيي الساحر
مرسلة من AL-SA7ER (رقم العضويه 4904) on :
حبيب البى بو متيين
رد مقتبس:لا اللي اللي شايل يا بعد شبدي
مو انا واحد حداق ما يعرف يمه ارحمينى .. راعى الاقواع
رد مقتبس: مجرم بحري انت يا بو خلي
اى ومطلوب للعدالة البحرية .. وراصدين مكافئة جمين وعنزة حق اللى يقبض على
رد مقتبس: هههه مو يمكن الا اكيد اقرى افكارك انا افا عليك بس
الا قريت افكارى وقلبى بعد بعد جبدى انت
رد مقتبس: الجم قالك جذي
هااا والله يمكن
رد مقتبس: ماعرف احدق انا
انت تعال والحداق امره هين اعلمك ولا اخلى اسامة يبتلش فيك مرسلة من AL-SA7ER (رقم العضويه 4904) on :
بوحمد ( اسامة) مساك الله بالخير اخوى
رد مقتبس: تصدق يالساخر البارح رحنا نحدق بالقطعه الي سئلتك عنها
اصدق ليش ما اصدق بوحمد
رد مقتبس: اعلى مد كان الساعه 1,30 بالليل
عدل
رد مقتبس: وصلن االقطعه الساعه 1,15 يمكن
يعنى على اخر الثبر
رد مقتبس: اول قطه كان النابر يبشر بخير
شى حلو .. شى طيب
رد مقتبس: ومايمديك تقط الخيط إلا واليم مأكول
يعنى اليميام تارس البحر
رد مقتبس: السمجه حاضره بهالقطعه لكن ماصدنا شي للاسف
افا
رد مقتبس: خصوصا ان اغلب الوقت ضيعناه بترديع الميادير من كثر الشيرات
عاد صج المكان كله شيرة .. وحلاته الحداق فيه يكون ركه وبلد صغير كلش
رد مقتبس: وايد يشير الخيط هناك
اى من كثرة الصخر
رد مقتبس: الزهيويه بعد وايد
زهيوية .. ليش انتو قاعدين تحدقون حداق سيف
رد مقتبس: لكن ماصدنا شي للاسف
هذى يبيلها اخر السجى بداية الثبر ماية القطعة هذى ثبر .. وتبى جرة ماية بعد حلات حداقها حمل علشان تكون الماية فيها تجر
رد مقتبس: بس من تعدت الساعه ثنتين وقف النابر وماقام ينبر الخيط إلا من النويتش
اى لان الماية ميتة وتكثر السمجة الصغيرة .. خاصة اليميام والمجوه انصحك بالحمل .. ويكون نهار والييم شريب
رد مقتبس: وبعدها حتى النويتش اختفى
تقول قاط الخيط بجليب
هذا البحر .. مايات
رد مقتبس: لكن انشالله الليله إذا الله سهل بنرد نروح نفس المكان ونحاول نلحق على رشه المايه
بعطيك نصيحة شوف دام بتروحون حداق ليل .. خل يمتك مصير ترى فيها شعم وسبيطى .. واحسن من المصير بالمكان هذا مفيش
رد مقتبس:والرزق على الله
ونعمة بالله .. وانشاء الله تتوفقون
مرسلة من AL-SA7ER (رقم العضويه 4904) on :
يالله حى حبيب الالب صالح بوصلوح اللى يرد الروح
رد مقتبس: يا عينى يا روحى يا الساحر
هالكلام الحلو لازم وراه شى ..
رد مقتبس: اى السمجه الطيبه ما تبين الا بذاك المكان اللى ما نروح له ومحد يروح له الا انت
بدى الحسد .. ولييييه ومن شر حاسد اذا حسد
رد مقتبس: ما تودينا ياخوى
ليش انت قلت بروح معاك وانا عييت يا اخى امرنى وانا بالخدمة .. نشيلك على راسنا من فوق
رد مقتبس: ولا نييك باللنج العود ونوقف ونحدق عينى عينك
تسويها اعرفك لكن والله نتشرف لا سيرتوا علينا ترى احنا اللى نشك الييم واحنا اللى نسحب وانت ما عليك الا تمسك الخيط
رد مقتبس: بعدين كل هالزفره وينها ما ناكلها بدال الدياي اللى توكلنا اياه كل يوم
انا قلت هالكلام الحلووو لازم وراه شى ولا مو العوايد
رد مقتبس: مو احسن توكلنا من صيدك الطيب يا الساحر
ابشر .. تامرنى امر تبى السحور مال اول يوم رمضان .. اللى صاحبنا سواه لنا بطروق الخباز
رد مقتبس: والله يا الساحر محد هامه البحر
اى والله صدقت
رد مقتبس: شوف دفان العكاز اللى يوديك حق الدوحه
وشوف الدفان حق مرينا مول والدفان فى الجنوب ومنى ومناك
اى والله البحر كله اندفن والسمجة ضاقت واحس ان بعد جم سنة البحر كله بيصير بر ..والسمجة بتهج من بحرنا وتصير علينا بالحسرة
رد مقتبس: وشوف الخيوسه اللى من خيستها سموها الخيوسه لان الماى ما يداور فيها لانهم عاكسوا التيار لما دفنوا هالطريق او هالقناه
اى والله صكوه وذبحو المكان باللى فيه
رد مقتبس:وشوف المصانع اللى على البحر وين تصب رواسبها
صاج اخوى بوصلوح جنه مافى مكان غير البحر يقطون نفاياتهم فيه ولا قالوا .. قالوا حافظوا على البيئة مو جنه اهم اللى ذبحو كل شى حى بالبيئة
رد مقتبس: وشوف الكرافات على قولتك اللى تاكل الخضر واليابس بالبحر
عاد اسكت ياخوى هالكرافات حكايتها حكاية والله انهم مافيا .. والله قراصنة حتى الجم ما سلم منهم كل سمجة بطريجهم يكرفونها .. والطامة الكبرى لا شارت شبكتهم ويبون يتخلصون منها قصوها وهدوها بالبحر والسمج يشبك فيها ويخيس ويموت وفوق كل هذا المشاكل اللى تصادف الطراريد واللنجات اللى تسحب الشبكة بالبروانات .. تعال فجج والله انى عانيت من هالمشكلة يا اخوى صالح
رد مقتبس: وتجفيف الاهوار
عاد هذى لها سالفة كبيرة ومشكلتها بيئية بالدرجة الاولى
رد مقتبس: والحرب اللى طافت
تعرف احنا فى عنق الزجاجه يعنى ماى الخليج كله يداور عندنا
كلامك عدل
رد مقتبس: كل هالتلوث وتقول وين راحت سمكتنا
ادرى والله ياخوى صالح واكثر من جذى بعد بحكم طبيعة عملى بالنسبة للبواخر اللى تقط بلجها بحر ياما حاولنا ان نسيطر على هالشغلة بس المشكلة مافى جهات تعاون واللى يعاون .. يكون تعاونه محدود وحتى الرقابة مو قوية على مثل هالامور .. مع ان رمى المخلفات ممنوع عالميا لكن الشكوى لله .. والكل يقط البلج بحر حتى اللنجات الصغيرة
رد مقتبس:سلامات يا الساحر
وتذكر المد الاحمر وذيك السنه لما مات كل السمك ببحر الكويت
اى والله انحرمنا من سمج وايد .. وتعورت قلوبنا يوم نشوف ثروتنا تتدهور جدام عيونا واحنا لا حول ولا قوة لنا
رد مقتبس: ماكو رقيب ولا حسيب
الكل يبى يبرى ساحته واخر شى مافى احد مسؤل عن السالفة وقيد المحظر ضد مجهول
رد مقتبس: الله يعوضنا ببحرنا وعسا الله يرزقنا الخير اللهم امين
اميين يارب العالمين
رد مقتبس: تسلم يا الزفر على الموضوع اللى شفنا صورة ونبى نشوفه بقاعة الجدر حق السحور ان كان باكر ولا عقبه ولا لى فرشنا الزوليه
انا قلت بالبداية .. انى مو متعود اسمع الكلام الحلووو الا اذا كان فى غرض من وراه خلاص يبه ابشر بالخير .. جم بصلوح عندنا ( واحد مافى غيره صاحب الصورة اياها )
رد مقتبس: تحياتى اخيي الساحر
حبيب قلبى انت .. ولك منى اجمل تحية يالغالى
مرسلة من BOUMETEEN (رقم العضويه 7) on :
رد مقتبس: مو انا واحد حداق ما يعرف يمه ارحمينى .. راعى الاقواع
والله شكله صج يقول انه ما يعرف يمه ارحمني ويعني اشهد ان البحر يخاف من طلته
رد مقتبس: اى ومطلوب للعدالة البحرية .. وراصدين مكافئة جمين وعنزة حق اللى يقبض على
الله يفربل ابليسك يا الساحر ما تيوز انت
رد مقتبس: الا قريت افكارى وقلبى بعد بعد جبدى انت
رد مقتبس: انت تعال والحداق امره هين اعلمك ولا اخلى اسامة يبتلش فيك
من الحين تحاذقتوني مرسلة من OSAMA. (رقم العضويه 12) on :
على فكره اخوي الساحر
ترى خبرتي بالحداق مو لي هناك
وتعلمت منك بهالموضوع شغلات مهمه
رد مقتبس: وصلن االقطعه الساعه 1,15 يمكن --------------------------------------------------------------------------------
يعنى على اخر الثبر
كنت اظن ان الثبر يبدي مع الطفوح يعني مع وقت آخر مد
وتوني عرفت منك ان الثبر ينتهي بهالوقت مو يبدي
رد مقتبس: ومايمديك تقط الخيط إلا واليم مأكول --------------------------------------------------------------------------------
يعنى اليميام تارس البحر
يتروالي ان النابر كان ينوكل من الجموم الصغار الي تقول ميداليات من صغرهم
لان كل الصيد كان منهم
رد مقتبس: خصوصا ان اغلب الوقت ضيعناه بترديع الميادير من كثر الشيرات --------------------------------------------------------------------------------
عاد صج المكان كله شيرة .. وحلاته الحداق فيه يكون ركه وبلد صغير كلش
تصدق عاد هذي كانت غلطتنا
لان كنا نحدق بخيوط علاق مو ركه
رد مقتبس: الزهيويه بعد وايد --------------------------------------------------------------------------------
زهيوية .. ليش انتو قاعدين تحدقون حداق سيف
لاوالله مو على السيف
وياليت يحصل لنا حداق على اسيف بهالمكان
لكن السيف مسكر بالاسلاك الشائكه من كل صوب والحرس مو جودين بالمكان
رد مقتبس: هذى يبيلها اخر السجى بداية الثبر ماية القطعة هذى ثبر .. وتبى جرة ماية بعد حلات حداقها حمل علشان تكون الماية فيها تجر
وهذي بعد مشكله
اظن ان الوقت الي كنا نحدق فيه كان فساده
رد مقتبس: اى لان الماية ميتة وتكثر السمجة الصغيرة .. خاصة اليميام والمجوه انصحك بالحمل .. ويكون نهار والييم شريب
الشرايب هذي من ويت نيبها ؟
تدري شكنا نحدق فيه
كنا نحدق بسلوس صغار
وجربنا بعد الخثاق والربيان
رد مقتبس:بعطيك نصيحة شوف دام بتروحون حداق ليل .. خل يمتك مصير ترى فيها شعم وسبيطى .. واحسن من المصير بالمكان هذا مفيش
تصدق عاد من بعد ذيك الليله كل ليله نروج وعلى حظنا مع وصولنا يصير الهوى عالي والجو مو جو حداق بالمره
لدرجه ان الماي ساعات يوصل لنا لي فوق الصخر الي واقفين عليه
ماتسوى الواحد يقط الخيط ويشير بويهيه من زود الهوى مرسلة من AL-SA7ER (رقم العضويه 4904) on :
بومتين .. حبيب البى
رد مقتبس: والله شكله صج يقول انه ما يعرف يمه ارحمني ويعني اشهد ان البحر يخاف من طلته
بومتين انت شفت اصابيعه مشاء الله تقول محراث زرع .. هذا بس لا تتحرش فيه ويصيدك بربعة
رد مقتبس: الله يفربل ابليسك يا الساحر ما تيوز انت
حرام عليك انا برئ .. وعلى النية
رد مقتبس: من الحين تحاذقتوني
افا والله على راسى من فوق وجوة نن العين حبيب قلبى انت احنا جم بومتيين عندنا مرسلة من AL-SA7ER (رقم العضويه 4904) on :
اسامة .. بوحمد - صبحك الله بالخير
رد مقتبس: على فكره اخوي الساحر
ترى خبرتي بالحداق مو لي هناك
وتعلمت منك بهالموضوع شغلات مهمه
والله يخوك وانا بعد خبرتى على قدى والبحر كثر ما تتعلم منه ترى ما تعلمت شى .. وكل ما تغزر فيه تكتشف حلاوته ويا حلو ان الواحد يتعلم شى يديد
رد مقتبس:كنت اظن ان الثبر يبدي مع الطفوح يعني مع وقت آخر مد
وتوني عرفت منك ان الثبر ينتهي بهالوقت مو يبدي
الثبر ياطويل العمر يبدى بنهاية السجى لا طفحت الماية الى اخر شى تبدى تثبر ( تنزل ) واكيد تعرف علاقة القمر بالمد والجزر لا طلع القمر من الشرق يبدى السجى ولا توسط السما توقف الماية واذا بدى ينزل ناحية الغرب يبدى الثبر ولا شفته كانه الشمس فى غروبها ينتهى الثبر ويبدى السجى مرة ثانية وعلى هالموال .. واذا مثلا انت بحر وتبى تعرف الماية سجى ولا ثبر شوف صدر طرادك لا قطيت السن اذا صدر الطراد جنوب يعنى سجى واذا شمال يعنى ثبر وهذى من المبادئ اللى لازم كل حداق يعرفها
رد مقتبس: يتروالي ان النابر كان ينوكل من الجموم الصغار الي تقول ميداليات من صغرهم
لان كل الصيد كان منهم
صاج يصير لان الجم غازى البحر بس ابشرك خلاص الحين الجم راح بحر .. يعنى ما راح انشاء الله من اليوم ورايح يضرب عليك جم
رد مقتبس: تصدق عاد هذي كانت غلطتنا
لان كنا نحدق بخيوط علاق مو ركه
مثل هالاماكن اللى اهى رق دوم حداق الركة افضل وعلى كثر ما تقدر دقق الخيط وزقر البلد
رد مقتبس: لاوالله مو على السيف
وياليت يحصل لنا حداق على اسيف بهالمكان
لكن السيف مسكر بالاسلاك الشائكه من كل صوب والحرس مو جودين بالمكان
عيل من وين يتكم الزهيوية
رد مقتبس: وهذي بعد مشكله
اظن ان الوقت الي كنا نحدق فيه كان فساده
الفساد مو فى كل مكان زين فى اماكن تحتاج ان الماية فيها تجر .. وخاصة اذا كنت عارف شنو السمجة اللى تحتك علشان تعرف اذا كانت تبى جرة ماية ولا ماية طايحة
رد مقتبس: الشرايب هذي من ويت نيبها ؟
هذا امره سهل تدل المزارع اللى بفنيطيس .. اللى يبيعون لبن ترى اغلبهم يبيعون شرايب المية شريب بدينارين ونص .. ما عليك الا انك تروح لهم وتشترى الكمية اللى تبيها وتتوكل على الله وانصحك بالشريب الوسط اللى ماهو كبير ولا صفير ولا تشكه كله .. كسر عضاضه واحدق بالشريب لان العضعض ترى بروحه فيه شعم يعنى الشريب مع عضاعضه لازم تحدق فيه ثلاث مرات
وعلشان اريحك بعد شوف قبل لا تروح الفنيطيس تبى تشترى شرايب دق على هالرقم 6575099 هذا محمد البنقالى .. يبيع شرايب اسأله اذا كان عنده شرايب ولا لا اذا قالك فى قوله زهبلى العدد اللى تبيه وقوله بعد ابيهم يكونون وسط علشان اذا رحت له تلقى شرايبك جاهزين
رد مقتبس: تدري شكنا نحدق فيه
كنا نحدق بسلوس صغار
وجربنا بعد الخثاق والربيان
السلس شغل عدل .. بس حلاته يكون حى والله يجيب السبيطى من بعد كيلو وحتى الربيان تمام بس لا يكون تحتك ناتف لان ما يمديك من تنزل الخيط الا وطارت الربيانة بس ما عليك جرب المصير .. صج انه خايس بس شغل عدل حق الشعم والسبيطى
رد مقتبس: تصدق عاد من بعد ذيك الليله كل ليله نروج وعلى حظنا مع وصولنا يصير الهوى عالي والجو مو جو حداق بالمره
لدرجه ان الماي ساعات يوصل لنا لي فوق الصخر الي واقفين عليه
اى والله صاج .. عقب ذاك الكوس ضرب شمال وعزم جم يوم والاسبوع اللى طاف كله هوا مو مال بحر ابدا بس امس واليوم كان البحر عجيب وعلى كلام الارصاد الجوية يقولون ان باجر الظهر ولا العصر راح يضرب الكوس مرة ثانية .. والله اعلم
رد مقتبس: ماتسوى الواحد يقط الخيط ويشير بويهيه من زود الهوى
بوحمد بقولك سالفة على طارى يشير بويه مرة واحد من الربع عليمى ويبى يحدق عاد اخذته معاى البحر وكنا رايحين جنوب مكان اسمه المهدة واهناك اللى يبى يحدق لازم يشوح عاد انا كنت اشوح وصاحبنا شافنى شنو سويت يبى يسوى مثلى اول قطة انا كنت داير ويهى عنه بس سمعت واحد يقول ااااااييييييي ولا الميدار شاير براسه .. شلون ما ادرى المهم طلعت له الميدار وكملنا حداقنا بس والله توفقنا ذاك اليوم بشكل غير طبيعى وحتى اهو صاد اكثر منى .. وطلع هامور ريال مو هامور والحين صاحبى حداق عنيف زفر درجة اولى
بس صاج والله اذا كان هوا ترى البحر ما ينبغى .. اذيته اكثر من وناسته
مرسلة من BOUMETEEN (رقم العضويه 7) on :
رد مقتبس: بومتين انت شفت اصابيعه مشاء الله تقول محراث زرع .. هذا بس لا تتحرش فيه ويصيدك بربعة
لا يحوشك
رد مقتبس: حرام عليك انا برئ .. وعلى النية
ايه اشهد اشهد
رد مقتبس:افا والله على راسى من فوق وجوة نن العين حبيب قلبى انت احنا جم بومتيين عندنا
يسلم لي راسك ونن عينك مرسلة من sara_kw (رقم العضويه 6544) on :
هلا بساحرنا العزيز ...
مادري حداقنا و الا الفيشرمان بتاعنا ..
المهم ...
انا وحدة احب البحر .. لكن مااحب الزفرة .. بس تعال جان مسكتلنا سمجة شقرا على قولت العمدة .. عشان نشوف الدرابييل ؟؟؟؟؟؟
![[Big Grin]](biggrin.gif)
![[Mad]](mad.gif)
نكدها شوي لما جا في بالك خخخخخخخخخ
![[Confused]](confused.gif)
![[battingeyelashes]](graemlins/battingeyelashes.gif)
![[thinking]](graemlins/thinking.gif)
![[Smile]](smile.gif)
![[Eek!]](eek.gif)
![[blushing]](graemlins/blushing.gif)
![[Roll Eyes]](rolleyes.gif)
![[nerd]](graemlins/nerd.gif)
![[Razz]](tongue.gif)
![[doh!]](graemlins/doh!.gif)
![[Frown]](frown.gif)
![[Wink]](wink.gif)
![[crying]](graemlins/crying.gif)
![[nervous]](graemlins/nervous.gif)
