This is topic ______اضافه باقي تفاصيل الموضوع | | صور للمنتخب في بطولة آسيا 1980_______ in forum الــــــســـاحــــــة الـــريـــاضــيـــة at منتــدى الســالميــه.
[ أكتوبر 30, 2006, 04:15 PM: تم تحرير المشاركه من قبل: قلب حسّاس ]
مرسلة من F.A.Y.E.Z. 0.0.7 (رقم العضويه 16242) on :
^ ^ ^ ^ ^ ^ ^ ^ على قوولتج يا قلبوو راااحووو الريياييل يسلموو على المجهوود الحلو تحياتي مرسلة من فطونة (رقم العضويه 19557) on :
راحوا الرياييل
عيل مابنعرس
يسلموو ياقلبو على الصور
يعطيج العاافيه
مرسلة من قلب حسّاس (رقم العضويه 10429) on :
فايز..
اي والله رااحوااااا
تحسهم صج كانوا رياييل مو الحين..
تطالع لعبهم ولا تطالع قصات شعرهم
.:. ___ .:.
فت فت
لووووووووول موتيني ضحك حسبي اله على ابليسج
خلاص بنزوجج لاعب كره طبي وتخيري بس
تحياتي فديتني ارق قلب حسّاس
مرسلة من F.A.Y.E.Z. 0.0.7 (رقم العضويه 16242) on :
^ ^ ^ ^ ^ ^ قلبوو اشراايج ارووح ادش المنتخب انا وربعيي واله احناا احسن منهم بمرااحل مرسلة من roni9 (رقم العضويه 15159) on :
^ ^ واذا تبون محترف هداف خبروني
قلبوووو من تتوقعي بنات الكويت يغلبون او بنات البحرين "" قصدي المبارا المصيريه الي راح تصير بينهم "" للتأهل لكأس آسيا
مرسلة من F.A.Y.E.Z. 0.0.7 (رقم العضويه 16242) on :
^ ^ ^ ^ لييش تعرف واحد مرسلة من قلب حسّاس (رقم العضويه 10429) on :
انا كنت لاعبه محترفه بعد بس اعتزلت للأسف
لو اقولكم عن مغامراتي بلعب الكره ما تخلص
بس والله كنت العب واايد زيين
وبالنسبه لاسئلتكم
1. فايزوو قالولك انا رئيس الاتحاد ؟
2. رونييي اول نشوف لهم مباراه وديه بعدين نحكم على اللعب
تحياتي فديتني ارق قلب حسّاس
مرسلة من roni9 (رقم العضويه 15159) on :
^ ^ تلعبني بعد لووووووووول يالله جهزي فريقك راح نعمل ضدكم مبارا انا وفريقي وقلبو مع فريقهااا
مرسلة من F.A.Y.E.Z. 0.0.7 (رقم العضويه 16242) on :
^ ^ ^ ^ ^ ^ وانا بعد وياكم مرسلة من [دلــوعةالسعـــوديه] (رقم العضويه 5506) on :
يسلمووووووو
وان شاء الله يرجع منتخب الكويت اقوى وافضل من قبل
مرسلة من MA'3RooR (رقم العضويه 15379) on :
^
^
^
محـــــال مرسلة من F.A.Y.E.Z. 0.0.7 (رقم العضويه 16242) on :
^ ^ ^ ^ ^ ^ الا ممكن بإجراء بعض التعدييلاات الإدااريه اولا ثم تعديلات على الاعبين تحياتي مرسلة من قلب حسّاس (رقم العضويه 10429) on :
.:. _______ .:.
اولا الصور المعروضه كانت للمنتخب سنه 1980..واهمه اللي مشاركين في البطوله
.:. ______________ .:.
أقيمت دورة كأس أمم آسيا السابعه في الفتره من 15 إلى 30 سبتمبر 1980 وشارك في هالبطوله 10 فرق قسمت على مجموعتين المجموعه الأولى وترأسها ايران لفوزه في البطوله اللي قبلها وضمت كل من سوريا , بنغلاديش , كوريا الشماليه والصين المجموعه الثانيه وترأستها الكويت لأنها البلد المضيف وضمت الى جانب الكويت كل من الامارات , قطر , ماليزيا وكوريا الجنوبيه.
المهم القى سمو ولي العهد الشيخ سعد العبدالله في ذاك الوقت كلمة افتتاح الدوره من استاد صباح السالم بالمنصوريه ولعب منتخب الكويت في مباراة الافتتاح مع منتخب الامارات وهجمات كويتيه في بداية المباراة وضغط لين سجل سعد الحوطي هدف الكويت الأول في الدقيقه 19
هجمة لجاسم يعقوب
واستمر الضغط الكويتي لكن ماكو فايده دفاع الامارات وقولجيهم سعيد صلبوخ كانوا سد منيع على مهاجمين الكويت
هجمه كويتيه أخرى ودفاع اماراتي مستميت
وفي ظل هالضغط الكويتي حطوا الامارات قول التعادل من لاعبهم احمد جومبي وانتهت المباراة على هالنتيجه التعادل 1/1 وماكانت هالنتيجه مطمئنه لجماهير الكويت المباراة الثانية كانت في يوم 18/9/1980 مع ماليزيا وبداية المباراة ايضا ضغط كويتي وكان لازم عليهم يفوزون في هالمباراة وكان لهم ماارادوا وسجلوا قول عن طريق فتحي كميل في الدقيقه 17 من كره نزلها له بو حموّد وشاتها بو كميل على طول ^_^ ولما صارت الدقيقه 43 جان اييبون قول التعادل ماليزيا وليـــــه شصاير بالكويت ؟؟ لكن مو مشكله اكيد لاعبينا لها ماينخاف عليهم وفي الشوط الثاني ضغط منتخبنا واحتسبت لهم ضربتين جزاء سجل منهم المرعب جاسم يعقوب الهدفين الثاني والثالث لتنتهي المباراة بفوز كويتي 3/1 المباراة الثالثه كانت مع منتخب كوريا الجنوبيه في يوم 21/9/1980 وكان من اقوى الفرق المشاركه في الدوره في ذاك الوقت وكان الملعب فل متروس من جماهير المنتخبين .. انتهى الشوط الأول بالتعادل السلبي
جاسم يعقوب يسدد على المرمى الكوري في المباراة الأولى
وفي بداية الشوط الثاني في الدقيقه 3 حطوا قولهم الأول الكوريين وواصلوا ضغطهم على الكويت ويابوا الثاني في الدقيقه 18 ... احم شالسالفه ؟؟ شوي جان اييبون الثالث وانتهت المباراة بخسارة منتخبنا 3/صفر وكانت النتيجه قاسيه على الكل اللاعبين والجماهير وكان اكثر شخص حصل نقد اهو قولجي الكويت في المباراة عبدالنبي حافظ وهذا اللي خله المدرب يبدله في المباربات اللي بعدها ولعب بداله جاسم بهمن ... والطرابلسي ماشارك بالدوره لاصابته وطلع بعدها الشهيد فهد الاحمد في نفس اليوم واعلن مسؤوليته عن الخساره كما اعترف اللاعبين كلهم بالتقصير في المباراة لكن كانت ثقته كبيره في رجال بالملعب وقال ان الدين سيرد لأصحابه بأذن الله وكان يقصد بالاهداف الثلاثه اللي سجلت على منتخب الكويت .. وكان ينافس منتخب الكويت على احتلال المركز الثاني منتخب ماليزيا وكان لازم على منتخبنا الفوز على منتخب قطر في المباراة الرابعه والأخيره يوم 25/9/1980 وبالفعل فازوا بنتيجة 4/صفر سجلها على التوالي فيصل الدخيل في الدقيقه 32 من الشوط الأول وجاسم يعقوب من ضربة جزاء في الدقيقه 4 من الشوط الثاني
جاسم يعقوب يسجل أحد الاهداف على قطر من ضربة جزاء
وسجل الثالث بعد جاسم يعقوب هم من ضربة جزاء في الدقيقه 12 ^_^ وعبدالعزيز العنبري الهدف الرابع في الدقيقه 21 واحتل منتخبنا المركز الثاني في المجموعه بعد كوريا الجنوبيه ليقابل ايران في الدور قبل النهائي وانتوا تعرفون شنو يعني منتخب ايران في ذاك الوقت كان بطل الدوره اللي قبلها وكان الكويت الثاني مباراة دور قبل النهائي مع ايران .. وكانت في يوم 28/9/1980 بدت المباراة وكان منتخب الكويت في ذذاك الوقت يبي يرضي جماهيره المتعطشه للفوز بالبدوره لكن مو بالسهوله اللي اهمه يشوفونها لأنه منتخب ايران كان صعب جدا في ذاك الوقت وخصوصا لاعبهم الاسمر بارزاقري ... أول مره اشوف بحياتي لاعب ايراني اسمر ^_^ انتهى الشوط الأول بالتعادل السلبي ومو باجي الا 45 دقيقه على نهاية المباراة وبدأ الشوط الثاني ومن كره طويله من الساحر ناصر الغانم مرسومه بالمللي على ريل جاسم يعقوب ينفرد بالقول ويسجل الهدف الأول للكويت في الدقيقه 18 وزاد الحماس في المباراة من الجانبين وفي الدقيقه 41 كره ون تو بين الدخيل وجاسم يعقوب يسجل الدخيل القول الثاني للكويت هياااااااااا طان طان طان
الدخيل يسجل الهدف الثاني للكويت على ايران
جنه قربوا ربعنا من النهائي ايابااااااه وضغط المنتخب الايراني يبي يحاول يعدل النتيجه جان اييبون قول في الدقيقه 47 قبل نهاية المباراة بثواني وانتهت المباراة بفوز الكويت على ايران 2/1 وكان هذا أول فوز للكويت على ايران في عمر لقاءاتهم وتأهل الأزرق الذهبي الى المباراة النهائيه ليلاقي المنتخب الكوري الجنوبي اللي فاز على منتخب كوريا الشماليه بنتيجة 2/1 بعد . المباراة النهائيه وفي يوم 30/9/1980 كانت المباراة النهائيه بين الكويت وكوريا الجنوبيه مره ثانيه ومنتخب كوريا كان فايز على الكويت في الدور الأول وهالشي كان احد اهم الاسباب اللي خلت منتخبنا يدش بعزيمه وقوه للقاء والاصرار على رد الدين والفوز على كوريا
سمو ولي العهد الشيخ سعد العبدالله يصافح لاعبي الازرق قبل بدأ المباراة الختاميه
وبدأت المباراة وفي الدقيقه 8 من الشوط الأول حط سعد الحوطي هدف الكويت الأول ... وعلى قولة الحربان في ذاك الوقت قالت قالت قالت يعني دشّت قول هدف ^_^ وساتمر الكويت بالضغط والهجوم على المنتخب الكوري وفي الدقيقه 33 سجل الدخيل الهدف الثاني من كره عرضيه من بو حموّد للدخيل داخل منطقة الجزاء الكوريه ليسجل منها الهدف الثاني ... ايوااااااااا هذي الاقوال اللي ترد الروح اي بعد بعد ^_^ وانتهى الشوط الأول بتقدم الكويت بهدفين للاشئ للكوريين ياعلهم من هالحال واردا بعد ...ويبدا الشوط الثاني ومن كره مرتده للمرعب ياخذها من نص الملعب وينفرد على قولجي كوريا ويوصل لي السته يارده ويطوف القولجي ويرجع قولجيهم مره ثانيه للقول .. بل عليهم المطاطي .. ويطالع جاسم يعقوب والا الدخيل يايله ركض ويباصيها للملك وقوووووووووووووووووووووول الثالث
هدف الدخيل الثالث
جنه ردوا الدين ربعنا ياعيني عليكم والله وحوش ... وفي ظل قرب احتفالات الكويت بالفوز في الدوره يحتسب الحكم ضربة جزاء للكوريين في آخر دقيقه .. وليــــــه وبعدين يعني مانرد دين الثلاثه صفر يعني والا شلون ؟؟ وكانت لجاسم بهمن كلمته في المباراة الختاميه وصد ضربة الجزاء لتنتهي المباراة بفوز الكويت 3/صفر وبالفعل ردوا الدين كاااااااامل وكان فوز الكويت بالدوره هو من فتح البوابه للكره العربيه للفوز بكأس آسيا من بعدها كونه أول فريق عربي يفوز بكأس أمم آسيا
فرحة لاعبي الكويت بعد نهاية المباراة
وخلونا الحين نشوف بعض من التتويج
منتخب الكويت قبل الصعود على منصة التتويج
المرعب جاسم يعقوب يرفع كأس آسيا
الملك فيصل الدخيل يرفع الكأس وبجانبه محبوب جمعه
المحبي محبوب جمعة صخرة الدفاع
الكأس بين يدي الساحر ناصر الغانم ويوسف سويد
لاعبي الكويت يطوفون استاد صباح السالم فرحين بالفوز
الكاس بين يدي لاعبي الأزرق
لقاء صاحب السمو امير البلاد الشيخ جابر الأحمد رحمه الله باللاعبين
الكأس أمام سموه رحمة الله عليه
__________
في الختام نتمنى من لاعبي هالجيل ان يتذكرون ايام منتخبنا الذهبي ويشوفون الروح اللي كانوا يلعبون فيها لرفع اسم الكويت فوووق __________
::منقول من ايميلي::
تحياتي فديتني ارق قلب حسّاس
مرسلة من قلب حسّاس (رقم العضويه 10429) on :
مرسلة من F.A.Y.E.Z. 0.0.7 (رقم العضويه 16242) on :
والله على راااسيي كلهم بس سؤال ماشفت اي صووره حق الطربلسيي بالأحرى ماا اعرف شكله لأني ماا لحقت علييه ويسلموو على المجهوود الطيب ويسلمووو الف على الأغنيه الأحلى اييييي نسييت اقوول طق طق طق طق طق مسمار التثبيت تحياتي مرسلة من قلب حسّاس (رقم العضويه 10429) on :
امبلاااااا الطرابلسي صورته موجوده افا عليييك
وميرسي على التثبيت ماتدري شكثر تعبت على المووضوع
خربطت بين الصور وكل شوي اعدلهم خخخ وكفايه نزلتهم على السالميه هذا بروحه مشقه
تحياتي فديتني ارق قلب حسّاس
مرسلة من F.A.Y.E.Z. 0.0.7 (رقم العضويه 16242) on :
^^^^ ^^^^ ^^^^ ^^^^ الله يعطيج العافية يالغالية ومشكورة وعورتي قلبنا شووي على الصور هذي يارب ترجع الذكريات ويرجع اللاعب اللي يغير على الفالينة الزرقة يارب
تحياتي فديتني ارق قلب حسّاس ![[Frown]](frown.gif)
![[Smile]](smile.gif)
![[nut]](graemlins/nut.gif)
راحوا الرياييل ![[Razz]](tongue.gif)
![[Big Grin]](biggrin.gif)
![[Embarrassed]](redface.gif)
![[crying]](graemlins/crying.gif)
