لم يفق الرياضين الشرفاء بعد من صدمة 3 ديسمبر حتى يصدموا بصدمة قوية
في 3 ديسمبر كان قمة كروية رائعه ديربي جمع العالمي بجاره الهلال
كل شيء صار طبيعي في هذه المباراه اقول طبيعي لان لاعبي النصر وجميع الانديه قدتعودوا توزيع الكروت الملونه عليهم بداعي وبدون وان يتغاضى عن كل انواع الركل والرفس التي اصبحت كالواجب الهلالي في كل مباراه اصبح طبيعي جدا ان تلغى عليك ركلة جزاء وانت تلعب امام الهلال وان يحتسب هدف من تسلل لصالح الهلال كل ذلك عادي واجزم لكم ان جميع لاعبي الانديه يدخلون وفي مخيلتهم ان ذلك سيحدث لهم امام الهلال
الكثير مماذكرت اعلاه حدث في اللقاء واصبح لاعبي النصر يحاولون التغلب على خصمين الهلال والحكام في هذه المباراه اما الاول فبصراحه قد اعتاد الاصفر على التغلب عليه ولو كان في حالة صعبه وان كان ترتيبه متاخر في سلم الدوري الوقت بدل الضائع من المباراه سعد يحاول تمرير كره للقادم من الخلف سعد ينجح والقادم من الخلف يقتنصها في شباك عميد لاعبي العالم لينطلق المدرج الشمالي متوهاجا براقا باللون الاصفر وكأنه اشعة شمس وطلال ينطلق معبرا عن فرحته ولكن لحظه!!!!
انتظر ياطلال للكابلي راي اخر هدفك صحيح نعم ولكن لم يعد هناك وقت لنحتسب للازرق ركلة جزاء او هدف تسلل او حتى هدف باليد!!! لالالا لايحق لك ياطلال الفرح فمن يستحق الفرحه يجب ان يرتدي الازرق المقلم بالابيض .. وبعد ذلك حدثت الكارثه من نزول لاعضاء شرف النصر
بعد ذلك الكل اجمع على الظلم الذي واجهه نادي النصر في هذه المباراه بما فيها الصحافه الزرقاء وان الهلال قد كسب الثلاث نقاط بفعل فاعل
صدرت قرارات الرئاسه ايقاف لطلال ونقل لمباراة النصر وحل للجنة التحكيم وايقاف الحكم ولــــــــــــــــــــكن بقي الاهم لماذا تعمد الكابلي رفع راية ظالمه مع ان طلال كان قادما من الخلف وكل شي واضح اذن نحتاج الى تحقيق في الموضوع
قررت ان ادخل للمنتدى في اليوم التالي منتداي العزيز السالميه فالقمه متابعه خليجيا ولابد ان نخبر اعضاء المنتدى بما حصل بعد المباراه دخلت لاجد موضوع لمشرفتنا العزيزه قرات الموضوع ولكن الموضوع يكيل المديح للاعبي الازيرق ويصف جماهير النصر بجماهير شغب مالذي اقرا؟؟؟؟؟ الموضوع لم يعرض هدف طلال الملغي ولم يتطرق لخشونة الخثران ولم... ولم... ولم انتظر ان المشرفه هلاليه دعك من كل هذا ولكن لماذا توصف جماهير الشمس بالشغب مافعله الجمهور النصراوي من قذف للحكم بالعلب الفارغه وغيرها امر يحدث في كل المبارايات والبطولات والدورات وان كانت تعتقد ان جماهير النصر قد نزلت الى ارض الميدان فلا انما اولئك اعضاء شرف كل ذلك دعاني لافتش في المواضيع التي كتبت في غيابي لاجد موضوع عن عنصرية جماهير الهلال وترديدهم لنيجيريا نيجيريا في لقاء الاتحاد فلم اجد فايقنت ان التعصب موجود لدى هذه المشرفه عموما اشتعلت المواضيع في كل المنتديات وكذلك في هذا المنتدى كنا نتظلم كانوا يردون لاذنب للهلال
كيف لاذنب للهلال ؟؟؟؟؟ مالذي يثبت لي ان الكابلي حكم الرايه لم يكن من ضمن القائمه التي اعلن رئيس الهلال مساعدتها لناديه والتي يحتفظ بما يدينها امام الراي العام مالذي يثبت لي ان الكابلي كان يخاف ان يفضح امام الملا ان لم يفعل فعلته الشنيعه استمرت المواضيع في المنتدى بسخونة كبيره وكانوا يقولون انها مجرد ثلاث نقاط كسبها الهلال؟ بدات المواضيع في الهدوء لم يعد هناك جديد من الردود اصبحت يوم الخميس الحمدلله بدأنا في محاولة جاده لنسيان كارثة التحكيم تذكرت لقد تم تقديم مباراة الهلال امام الاهلي
اتصلت ظهرا بزميل لي يعشق الاهلي ولكن ليس كعشقي للنصر يدعى سعود
قلت سعود اين ستشاهد المباراه رد ساشاهدها في البيت انا سعود لن تفوزوا رد بل سنفوز لاننا الاهلي وليس النصر انا سعود تذكر الحكم سيكون سعوديا والفريق الذي تواجهونه الهلال رد ياخوي ماحدث لكم ليس للهلال ذنب فيه بل لان رئيس اللجنه كان على خلاف مع رئيسكم قلت سنتواجه بعد المباراه
بدات المباراه الاهلي يتقدم بهدف واثنين ولكن انسيتي ايته القلعه من تواجهين وفي اي دوري تلعبين حدث التحول في المباراه لتقلب النتيجه بفعل فاعل
اليكم بعض الاخطاء الكوارثيه من الحكم الشريف والتي اجزم انه لا يقع فيها حكم مبتدى
وللاستمتاع بمقاطع يشيب لها الراس تدل على قصد الحكم لفعلته مقاطع لاتحدث الا في رياضتنا السعوديه مقاطع لاتحدث الا لمصلحة نادي واحد يدعى بالهلال اضـــــــــــغط هنـــا وانظر للحكام السعوديين
بعد كل هذا اايقنتم ياهؤلاء ان المستفيد ازرقكم فقط؟؟
اعلمتم ان المتضرر كل الانديه والمستفيد فقط الازيرق؟؟
اما انا فقط تاكدت ان قائمة رئيس الهلال تشمل 99.99% من حكامنا السعوديين
والان صدرت قرارات الرئيس العام حول المباراه
ايقاف للحكم .... ونقل لمباراة اهلاويه الى خارج جده وكذلك تكليف حكام اجانب للمباريات المهمه
وللاسف ضعف الشخصيه منع صدور قرار تحقيق حول التصريح الشهيــر؟؟
الم تلاحظ ايه الرئيس العام ان المستفيد واحد والمتضررين كثر
ختاما اسف جدا على الاطـــــــــــــاله ولكن كل سطر من هذه الاطاله يحكي سنين الظلم
الى اللقاء في كارثة قادمه بطلها تحكيم وفوائدها زرقاء :
مرسلة من ADRYANO (رقم العضويه 19201) on :
يعمي طير قال تحكيم قال يعمي روحو صححو اوضاع فريكم بعدين تعال تكلم يتعادلون مع الخليج والفيصلي ويبون يفوزون على الزعيم يحق لكم لانها بنسبه لكم معجزه بس لا تزعل ان شالله تحققون بطوله فوزكم على الهلال الدور الثاني بطول وبالعرض الزعيم يهز الأرض
مرسلة من [دلــوعةالسعـــوديه] (رقم العضويه 5506) on :
لا عاد
في هذي انتا اثبتت ان الهلال مسبب ازمه لك
ممكن في اي مباارة اجيب لك لقطات زي كذا
هذا شي طبيعي الاحتكاك
بس اللي مو طبيعي اللي عملوه لعيبة الاهلي قسم بالله كأنهم في مصارعه حره
وممكن اني اجيب لقطات شنيعه بس مايهمنا احنا كثير
لانه شي واضح ومو محتاج نكرره
وواثقين ان الكل مقتنع فيه
لكن انك يوميا تحاول تثبت شي راح تتعب
والاهم من هذا كذا مهازل الجمهور اللي صارت
وربي شي يخوف وللاسف في جمهور كذا
وروح شوف المنتديات ايش كاتبين وايش مصوروين فضايح
من الجمهور الذي قال عنه راقي !!
مرسلة من Fisaal (رقم العضويه 31) on :
الكرةالسعودية مازالت بخير وانشاء الله تتحسن الأمور
مرسلة من Fisaal (رقم العضويه 31) on :
الكرةالسعودية مازالت بخير وانشاء الله تتحسن الأمور
مرسلة من بنت النت (رقم العضويه 13183) on :
اناوالله محايده لا هلاليه ولا نصراويه ولا اهلاويه بس شفت المباراتين والحقيقه ولاتزعلي مني دلوعه الحكم الغا هدف صحيح للنصر وتحامل على الاهلي وغير النتيجه لان ضربة الجزاء اللي للهلال مو صح وللاهلي ضربة جزا ماحسبها هذا راي بليز مااحد يزعل مني
نصراوي مشكور على الموضوع وشكلك معصب مره ترى هذي كوره ماتسوى تحرق دمك
مرسلة من silent evil (رقم العضويه 64700) on :
غريبه والله لين الحين فيه جمهور للنصر !!!!!!!!!!!!!!!!!!!!!!!!!!!!!!!!
سلاموز ...
مرسلة من النصراوي (رقم العضويه 12297) on :
اولا مشكورين على الردووووود
ادريانو : ترى ماقدرت ارد عليك لاني مافهمت ولا شي من اللي تقوله الى ان جبت واحد من اخوياي يدرس املا صحح لك الاخطاء يعمي= ياعمي روحو=روحوا صححو=صححوا فريكم=فريقكم بطول=بالطول ويقولك المدرس سلمله على اللي درسوك املاء في الابتدائي
دلوعه : انتي تقولي كذا لانكم ماعمركم انظلمتوا ولا كلنا نذكر في 1414 وش صار في مباراة دور نص نهائي الدوري امانه يامشرفتنا الغاليه اذا بغيتي تكوني صادقه مع الاعضاء ومع نفسك لازم اذا نقلتي حدث تنقلينه كامل مو تختارين اهداف وتتهمين الجمهوور الاصفر وانتي ماكنتي في الملعب وشفتي اللي شفناه
fissal: للاسف هذا الكلام مو صحيح لاننا تعبنا وحنا نردده على الفاضي تصنيفنا يفشل والبركه في سلطان المجاملات
بنت النت : مو شرط تكوني محايده اذا رئيس ناديهم اعترف بالظلم للاهلي فما بالك بالجماهير ؟؟ وصدقيني اكثر مايقهر الرجال ان يغتصب حقه من قدامه وهو مكتوف اليدين
silent evil ياسيدي جمهور النصر موجود قبل تجي لوجه الارض ومازال الى الان وبالاكثريه والدليل استاد الملز وسيظل انشاءالله لانه مو زي جماهير النادي المدلل جمهور لا يحضر الا النهائيات وبشرط ان يكون الدخول مجانا فياليت تكون جاد في ردودك
مرسلة من S.A.U.D (رقم العضويه 36476) on :
موضوع مردود عليه جملة وتفصيلا,, من حق الاخت دلوعه أن تطرح ما تشاء والا لكونها هلالية اقصد من الزعماء , ادعيت انها من المتعصبين!! لو انها متعصبة كان شالت عبارات التعصب اللي دائما ما ترددها انت والاسطوانه النصراوية والمفروض منها تقفل الموضوع, لاني اشوف فيه عبارات خارجه عن الروح الرياضية(عبارات الشوارع). عموما (دلوعه) شهادتي فيها مجروحه , وان اشوف انها مثالية , وتعطي كل ذي حق حقه.
مباراة الاهلي والهلال صحيح انه كان هناك ظلم واضح للاهلي بشأن ركلة الجزاء الهلالية(تحدث في الملاعب العالمية), صحيح انه هناك ركلة جزاء للاهلي . لكن في الاخير الاهلي خسر 3 نقاط والهلال خسر لاعبين مهميين جراء العنف الذي تلقاه في الملعب , بما انك نصراوي وحللت مباراة خارجه عن ميولك ياليت شفنا فيك الحيادية (ولو ان هالامر مستحيل على النصراويه) لانه سبق وان قيل لو تقابل فريق الهلال وفريق من (تل ابيب). لشجعتم الفريق الصهيوني!! أقول ياليت تكون هناك حيادية في تحليلك وتأتي بلقطة ياسر وهو يتلقى الضرب , وايضا المرشدي , ومحمد مسعد في لقطته مع العبدسلام.
مباراة الزعيم القادمة مع الشباب ستكون بحكام اجانب, وسيفوز الزعيم باذن الله.. لكن السؤال هل الهلال (راشي) الخواجات!! ^ ^ ^ والله عقليه!!
مرسلة من MA'3RooR (رقم العضويه 15379) on :
المباراة انتهت .. وفاز الهلال .. وحسب التحاليل اللي وصلتني .. انه الهلال كان افضل !!!
مرسلة من نمر تسونامي (رقم العضويه 66879) on :
بأختصار .......
ولا وش راييك
لأني بكل صراحه اشوف ناس هنا اسلوبها اسلوب غير راقي في التحدث
بالذات الاخ الي اسمه ادريانو
فحبيت اني اختصر واحط صورتين تحكي البعد الحقيقي لرياضتنا الفاسده
متأسف على التأخير تقبل تحياتي
>>>>>>>>>> اتمنى ان لايأخذ الموضوع منحنى اخر <<<<<<<<<<
مرسلة من roni9 (رقم العضويه 15159) on :
بكل مكان في ظلم و نادي كبير ياكل الي اصغر منه
يا ترى لما يتقابلو الاتحاد مع الهلال الحكام يصفون مع من ؟؟
ولما يتقابل الهلال مع الاهلي المصري ؟؟
مرسلة من عمووووور (رقم العضويه 38974) on :
روني الاهلي المصري مبيلعبش في الدوري السعودي لووووولز
اخي الكريم النصراوي وباقي الاعضاء الهلاليين اقول كلمتين باختصار .. دي كورة مش عراك .. سلامي
مرسلة من ADRYANO (رقم العضويه 19201) on :
دقق على فريقك زي ماتدقق على أخظائي وان شاءلله تجيبون بطوله لو كيرم ولا كاس ولوجـــــــبن
مرسلة من [دلــوعةالسعـــوديه] (رقم العضويه 5506) on :
النصراوي كثير ناس غيرك كانوا في الملعب
وكل شي صار ينقل لنا
وصدقني احنا عارفين كل حاجه
ومين قالك ان احنا ماقد حسينا بالظلم !
بالعكس كل الانديه السعوديه تعرضت لاخطاء تحكيميه بس الفرق
ان الهلال يقدر يعوض وبسرعه وغير كذا
ربي موفقه والحمدالله (وعلى نياتكم ترزقون)
وغير كذا انتوا لو تشوفوا كيف الاخطاء التحكميه في المباريات الاخرى اللي مايكون فيها طرف هلالي او نصراوي او اهلاوي او تحادي يعني الفرق المتوسطه والصغيره وربي اخطاء كبيره وفضايح بس للاسف مايسلط عليها الضوء ولايهمتوا فيها
وحتى بطولة كاس العالم واللي يحكم فيها افضل حكام العالم
اخر بطوله في المانيا شهدت اكبر مهازل تحكيميه وتضرر منها منتخبات كثييره ..
بس للاسف هنا عندنا ضعف في الثقافه الرياضيه وتعصب اعمى وغير كذا مخلين التحكيم شماعه للفشل ..
شوف مستوى الهلال امام الشباب قسم بالله اللي يفهم الكوره راح يصنف المباارة من افضل مستوى مباراة في الدوري من مهارات واهداف
والهلال حقق اكثر البطولات وبتحكيم اجنبي ومستوبات عاليه واهداف مهاريه
وبالنسبه لكلامك اني ماسلط الضوء الا على الاهداف
لاني انا احب انقل الشي الواقعي واللي اشوفه مهم من وجهة نظري
المجال مفتوح للكل وكل عضو له الحريه انه يطرح
انا بالنسبه لي راح انقل مبارايات الهلال المهمه وتفاصيلها وومكن اني انقل اي حاجه انا احب اني انقلها واكتبها ..
بامكاني اجيب انواع الصور والفيديوهات للاعبي الاهلي والخشونه اللي عملوها واعظم من الصور اللي انتا حاطها
مع ان الصور اللي انتا نقلتها ممكن تشوفوها في اي مباارة شي طبيعي الاحتكاكات اللي تصير
![[thinking]](graemlins/thinking.gif)
.... ونقل لمباراة اهلاويه الى خارج جده ![[Mad]](mad.gif)
وكذلك تكليف حكام اجانب للمباريات المهمه ![[applause]](graemlins/applause.gif)
![[Smile]](smile.gif)
![[super]](graemlins/super.gif)
![[Big Grin]](biggrin.gif)
