منتــدى الســالميــه   
ملفي الشخصي | الدليل تسجيل الدخول | بحث | مســـاعدة | الألعاب | قائمة الإداريين | الصفحه الرئيسيه

  الموضوع الأقدم التالي   الموضوع الأحدث التالي
» منتــدى الســالميــه » القسم الـفـنـي » الســـاحـــــــة الــثــقــافــيــة » الـــسفـــــينــــــــه

- إرسال هذه الصفحه لصديق!    
الكاتب الموضوع: الـــسفـــــينــــــــه
OSAMA.
عضو فعال جدا
رقم العضويه 12

This user is from Kuwait
 		أيقونه 1 مرسله في     Offline  الملف الشخصي لـ OSAMA.   الموقع المفضل للعضو   البريد الإلكتروني OSAMA.   إرسال رساله خاصه جديده       تحرير/حذف المشاركه 
ضاقت وساع الفيافي والوعد متن السفينه
للطريق اللي دعاني بعد أمان الله وأمانه


لاتناديني وصوني قلبج الله لايهينه
لايراهن في رجوعي لجل مايخسر رهانه


ليه ما أرحل عن غرامك بعد ماذقت الغبينه
أذكريلي شي واحد يستحق أقعد عشانه


قلب (ماحن) لوصالي ماني بحاجة حنينه
وأشهد أنه مايعزر بالرفيع الا هوانه


الهوى الغدار حد الله مابيني وبينه
والرجل لاخير فيه إن ماحفظ قدره وصانه


واحدٍ مثلي اليا من حدته عوجا سنينه
ماشكى لقرب أبن ادم لوهو أقرب من أخوانه


يوم (قلبي ماعصاج) وماقدرتي تذبحينه
ليه خنتي فيه وأنتي معه من نفس الديانه


كان ذبحي بيدج أرحملي من اللي تفعلينه
وأن طلبتج تذبحيني ماذبحتيني لعانه


كل جرحٍ من جروحي تذكرينه .. تنكرينه
كن مالج في نزيفه يد خانت بالأمانه


ينزف الخافق تواضع لين لطختي جبينه
والا أنا ماكنت أبيها توصل لحد الأهانه


قلت من باب الميانه صاحبك وتعذبينه
لعنبوك إرخي معاي أشوي ماصارت ميانه


طعت عقلك يوم قيل إن العقل للبنت زينه
لكن الشرهه علي اللي كنت أحسب إنج تكانه


من بعد ماكنتي أنتي في حشاي أغلى سجينه
اوعدج بطلق سراحج وأتهمـني بالأدانه


وين رايح..؟ لأي دربٍ مايرجع للمدينه
ليه رايح..؟ لان قلبج ماترك قلبي وشانه


كيف أبنسى.؟ ربي اللي ملهم القلب السكينه
مثل ماعانه بقربج لانوى فرقاج عانه


(كان قاسي) يجرح أطراف السكاكين السنينه
مايطيح وبنتٍ مثلج حبها هزت كيانه


والا أنا خابر خفوقي مايمد الا الثمينه
وإن بغى يغيض الثريا قعد القمرى وزانه


مزعلٍ (لجلك) هنوفٍ رجت عقول رزينه
وإن تهادت بالطريق الجرهدي تزهر جنانه


جادلٍ كن الجمال قبالها كتف يدينه
والقمر لو شاورت له ينزح وتقعد مكانه


كانت أول من تحكم في فروع الياسمينه
وأن تعدتهن تثنن خيزرانه .. خيزرانه


بعتها (لجلك) وصارت لأصغر أطرافك رهينه
وألا هي لفتة هدبها تغمرج ثقل ورزانه


والخفوق اللي تغذى من معزة والدينه
مشكلته إنه تعلق في زمن( ماهو زمانه)


كل مازادت جراحه وأكتشف (غلطة ضنينه)
صدقيه أن قال مابه شخص يستاهل حنانه


يوم نادا (يافلانه) مارضيتي تسمعينه
لين صوت يافلانه ,يافلانه ,يافلانه


كنت (أشوفج) زعفرانه تقرض الورد وتدينه
يمكن أني ماقطفتج بس أشوفج زعفرانه


كنت أهاب البعد عنج و(أطلبج لاتذكرينه)
كان (خوف) من الفراق وخطوة الفرقا جبانه


وماقتنعت أن الخيانه للرجل تلوي يمينه
لين ماربي بعثج وذقت من طعم الخيانه


إسمحيلي..مابقى فيني مكانٍ تطعنينه
وأقبلي من جوف قلبي كل عطفه وأمتنانه


والله الله في عذابج بتركج عينج بعينه
دلليه ولايرده عن شقاج إلا لسانه


والا أنا قررت أسافر وأمتطي ظهر السفينه
لأن مابه شي واحد يستحق أقعد عشانه








بقلم : الشاعر / حامد زيد

[ أغسطس 26, 2008, 02:17 PM: تم تحرير المشاركه من قبل: OSAMA. ]

--------------------
-

صــدق ظــني

المشاركات: 13441 | من: الــــKــويـــت | تاريخ التسجيل: أبريل 2001  | أرسل ملاحظه لمشرف الساحه عن هذه المشاركه
دمـــــاثـ
عضو نشيط
رقم العضويه 67684

This user is from Saudi Arabia
 		أيقونه 1 مرسله في     Offline  الملف الشخصي لـ دمـــــاثـ   البريد الإلكتروني دمـــــاثـ   إرسال رساله خاصه جديده       تحرير/حذف المشاركه 


حامد زيد

ذو أحرف حادة تجرح الأفئدة وتداويها

كل الشكر لك اسامه على ما أمتعتنا به من قصيد
[Smile]




--------------------


اللهم أنر بالإيمان قبروالدي واشدد أزره وآمنه من الفزع ويمن كتابه
إلهي وخالقي وحبيبي
أسألك أن تيسر حسابه وتثبت له يقينه وأجعله من أصحاب الوجوه المسفرةالضاحكة المستبشرة
في جنة عالية
لاتسمع فيها لاغية فيها عين جارية
وبشره بروح وريحان وأنهار وجنان يامنان
اللهم إني أسألك أن تجمعني به في جنات النعيم على سرر متقابلين

اللهم آمين
المشاركات: 899 | تاريخ التسجيل: يوليو 2006  | أرسل ملاحظه لمشرف الساحه عن هذه المشاركه
شموخ الملكة إليسا
عضو نشيط
رقم العضويه 84954

This user is from Saudi Arabia
 		أيقونه 1 مرسله في     Offline  الملف الشخصي لـ شموخ الملكة إليسا     إرسال رساله خاصه جديده       تحرير/حذف المشاركه 
مشكور أسامة على اختيارك للمبدع حامد زيد ورائعته السفينة
من ناحيتي بصراحة بعد ما سمعت أشعاره ما عاد عجبني أي شاعر من جيله أو بعده
شعره رصين وعباراته جزلة تطرق لمواضيع اجتماعية كثيرة وماحصر نفسه مثل البعض بس بالغزل أو الوصف
لو اخترت له قصيدة ثانية وما عليك أمر ياليت تكون الجمهرة أو الذهب وشكرا


[ أغسطس 29, 2008, 05:19 AM: تم تحرير المشاركه من قبل: شموخ الملكة إليسا ]

--------------------
-
المشاركات: 567 | من: فوق هام السحب | تاريخ التسجيل: مايو 2008  | أرسل ملاحظه لمشرف الساحه عن هذه المشاركه
OSAMA.
عضو فعال جدا
رقم العضويه 12

This user is from Kuwait
 		أيقونه 2 مرسله في     Offline  الملف الشخصي لـ OSAMA.   الموقع المفضل للعضو   البريد الإلكتروني OSAMA.   إرسال رساله خاصه جديده       تحرير/حذف المشاركه 
هلا ديمــــــــــاثـ

فعلا حامد زيد خامه شعريه جيده

ويتميز بالافكار الجديده

والكلمه المعبره الي توصل بسهوله


=============


شموخ الملكة إليسا

ماطلبتي شي

غاليه والطلب الجمهره

تفضلي


http://forum.salmiya.net/cgi-bin/ultimatebb.cgi?ubb=get_topic;f=11;t=003260


==========

ياجماعة الربع

الصوت يشتغل عندكم [thinking]

انا مايشتغل وياي [Confused]

--------------------
-

صــدق ظــني

المشاركات: 13441 | من: الــــKــويـــت | تاريخ التسجيل: أبريل 2001  | أرسل ملاحظه لمشرف الساحه عن هذه المشاركه
عـاشقـة...الـبحـر
عضو فعال جدا
رقم العضويه 12387

This user is from Saudi Arabia
 		أيقونه 1 مرسله في     Offline  الملف الشخصي لـ عـاشقـة...الـبحـر     إرسال رساله خاصه جديده       تحرير/حذف المشاركه 
كلمات روعه

مو غريب ع الشاعر حامد زيد


--------------------
(بنت النور)
المشاركات: 9623 | من: الـبحر | تاريخ التسجيل: نوفمبر 2003  | أرسل ملاحظه لمشرف الساحه عن هذه المشاركه
دمـــــاثـ
عضو نشيط
رقم العضويه 67684

This user is from Saudi Arabia
 		أيقونه 1 مرسله في     Offline  الملف الشخصي لـ دمـــــاثـ   البريد الإلكتروني دمـــــاثـ   إرسال رساله خاصه جديده       تحرير/حذف المشاركه 
رد مقتبس:
المرسل الأصلي هو OSAMA.:

ياجماعة الربع

الصوت يشتغل عندكم [thinking]

انا مايشتغل وياي [Confused]
شغال 100%
[Smile]

--------------------


اللهم أنر بالإيمان قبروالدي واشدد أزره وآمنه من الفزع ويمن كتابه
إلهي وخالقي وحبيبي
أسألك أن تيسر حسابه وتثبت له يقينه وأجعله من أصحاب الوجوه المسفرةالضاحكة المستبشرة
في جنة عالية
لاتسمع فيها لاغية فيها عين جارية
وبشره بروح وريحان وأنهار وجنان يامنان
اللهم إني أسألك أن تجمعني به في جنات النعيم على سرر متقابلين

اللهم آمين
المشاركات: 899 | تاريخ التسجيل: يوليو 2006  | أرسل ملاحظه لمشرف الساحه عن هذه المشاركه
$$انين الروح$$
عضو نشيط
رقم العضويه 84656

This user is from Italy
 		أيقونه 1 مرسله في     Offline  الملف الشخصي لـ $$انين الروح$$   الموقع المفضل للعضو   البريد الإلكتروني $$انين الروح$$   إرسال رساله خاصه جديده       تحرير/حذف المشاركه  إيطاليا الحب
كلمات وايد حلوه
حامد زيد شاعر مبدع
يعطيك الف عافيه أسامه

--------------------
~~علمتني روما أن أري حريتي من غير حدود~~
المشاركات: 520 | من: ايطاليا | تاريخ التسجيل: أبريل 2008  | أرسل ملاحظه لمشرف الساحه عن هذه المشاركه
ladi_87_bird
عضو نشيط
رقم العضويه 84386

This user is from Kuwait
 		أيقونه 1 مرسله في     Offline  الملف الشخصي لـ ladi_87_bird   البريد الإلكتروني ladi_87_bird   إرسال رساله خاصه جديده       تحرير/حذف المشاركه 
راااااااائع ...
كل الشكر على الاختيار المميز ...

--------------------
يا عله بحشاي محد درا بها ولا احد بيدري بها...


خلي إللي بالقلب يجرح تا يطلع لبره ويفضح ...
المشاركات: 466 | من: kuwait | تاريخ التسجيل: أبريل 2008  | أرسل ملاحظه لمشرف الساحه عن هذه المشاركه
razan007
عضو متميز
رقم العضويه 233

This user is from Kuwait
 		أيقونه 1 مرسله في     Offline  الملف الشخصي لـ razan007     إرسال رساله خاصه جديده       تحرير/حذف المشاركه 


-

حامد زيد من الشعراء المبدعين اللي حطولهم خط مميز مشوا عليه

قصايده الواحد يعيش معاها جووو و احسها قصةةةة تشددددك لي النهاية

اختيار رائع بوحمد [rose]

-
المشاركات: 20695 | من: دولة الكويت | تاريخ التسجيل: يوليو 2001  | أرسل ملاحظه لمشرف الساحه عن هذه المشاركه
OSAMA.
عضو فعال جدا
رقم العضويه 12

This user is from Kuwait
 		أيقونه 1 مرسله في     Offline  الملف الشخصي لـ OSAMA.   الموقع المفضل للعضو   البريد الإلكتروني OSAMA.   إرسال رساله خاصه جديده       تحرير/حذف المشاركه 
تصدقون عاد انا اشوف إن نقطة ضعف القصيده هي فكرة (السفينه)


الشاعر يقصد بالسفينه إنه بيرحل عن الديار ويتركها لإن مابقى له فيها شي يستاهل إنه يبقى علشانه

لكن ماتعودنا بالجزيره العربيه خصوصا (حياة الباديه) إن احد يرحل عن دياره بالسفينه

مادري يمكن الشاعر له تخيل غير الي تخيلته انا من الكلمات

لكن بالنسبه لي اعتقد إن لو مغير فكرة السفينه لشي ثاني اقرب لواقع المحتمع (بالجزيره العربيه) يمكن كانت القصيده راح تكون معبره ومقنعه اكثر

كلامي هذا مايعني إنها غير معبره بالشكل الكافي

لكن يمكن كانت راح تكون فكرتها ومفرداتها اقوى

[ أغسطس 30, 2008, 03:59 AM: تم تحرير المشاركه من قبل: OSAMA. ]

--------------------
-

صــدق ظــني

المشاركات: 13441 | من: الــــKــويـــت | تاريخ التسجيل: أبريل 2001  | أرسل ملاحظه لمشرف الساحه عن هذه المشاركه
قطوه شيرازيه
عضو مستمر
رقم العضويه 473

This user is from Kuwait
 		أيقونه 1 مرسله في     Offline  الملف الشخصي لـ قطوه شيرازيه     إرسال رساله خاصه جديده       تحرير/حذف المشاركه 
اساااامه الله يسامحك عورت قلبي عدل

بس صراحه هذا حامد زيد عاد إلقائه بروحه يعور القلب تحسه من قلب يقول القصيده

بس اسامه عندي تعليق علي رايك صراحه خليتني افكر احترم رايك والله بس لي راي اذا تسمح اطرحه بعد

لو نقول اهو يتكلم عن ايام اول مثلا او يتكلم بالماضى السفن كانت وسيله كبيره حق البضاعه والسفر بين مثلا الهند وايران والجزيره العربيه يعني موبعيد عليه السفر بالسفينه وبرئيي ان عوار قلبه من الخيانه وحبها مو بس خلاه يرحل عن المنطقه لاء خلاه يرحل عن الجزيره كلها يعني صج قالها غوار الطوشى يقطع الحب شو بيزل لووول بس بقوللك تحلليل ثاني ليش اختار السفينه

في وايد ناس حبها للبحر كبير وتعتبره وسيله للترفيه عن النفس او التفكير العميق وطبعا اكلمك عن خبره هي هي هي بس الواحد تحس يريح قلبه من الهموم جدام البحر تخيل لو انت داخله وبرحله طويله مثلا

وهم كلمه السفينه حق الشاعر لها ميزان اسهل

ماقصرت ويعطيك العافيه وصراحه اختيااار ولا اروع

تحياتي

[ أغسطس 30, 2008, 04:55 AM: تم تحرير المشاركه من قبل: قطوه شيرازيه ]

--------------------
معقول ارجع من بعد غيبه سنين
واللـــــه مرجع لـــه ولا عود ثاني
المشاركات: 2793 | تاريخ التسجيل: سبتمبر 2001  | أرسل ملاحظه لمشرف الساحه عن هذه المشاركه
OSAMA.
عضو فعال جدا
رقم العضويه 12

This user is from Kuwait
 		أيقونه 1 مرسله في     Offline  الملف الشخصي لـ OSAMA.   الموقع المفضل للعضو   البريد الإلكتروني OSAMA.   إرسال رساله خاصه جديده       تحرير/حذف المشاركه 
هلا قطوه شيرازيه

مشكوره على مرورج

وراي اكيد محل تقدير واحترام

والحمدلله على السلامه

من زمان مو شايفينج بالمنتدى

=========

انا طبعا مااافترض إن رايي او نظرتي للقصيده اهو الصح

لكن احساسي بالقصه صار جذي مو مع السفينه -

خصوصا إن اللهجه بدويه صرفه

والبدو ماتعودوا الرحيل او الهجره بالسفن


ويبقى هذا إحساس شخصي انا حسيت فيه

ومو شرط إن الشاعر او انتي يكون عندكم نفس الإحساس

ولا شرط إن احساسي يكون صحيح

خصوصا إن احساسي هالايام وايد يخون فيني [crying]

--------------------
-

صــدق ظــني

المشاركات: 13441 | من: الــــKــويـــت | تاريخ التسجيل: أبريل 2001  | أرسل ملاحظه لمشرف الساحه عن هذه المشاركه
قطوه شيرازيه
عضو مستمر
رقم العضويه 473

This user is from Kuwait
 		أيقونه 1 مرسله في     Offline  الملف الشخصي لـ قطوه شيرازيه     إرسال رساله خاصه جديده       تحرير/حذف المشاركه 
رجعت بس عشان ارد علي القصيده

واشكرك علي ردك لي ولاتخاف احساسك مافيه شي بس شكلك مونايم عدل لوول

تحياتي

--------------------
معقول ارجع من بعد غيبه سنين
واللـــــه مرجع لـــه ولا عود ثاني
المشاركات: 2793 | تاريخ التسجيل: سبتمبر 2001  | أرسل ملاحظه لمشرف الساحه عن هذه المشاركه
   

   إغلاق الموضوع   تثبيت الموضوع   نقل الموضوع   حذف الموضوع الموضوع الأقدم التالي   الموضوع الأحدث التالي
- لطباعه هذا الموضوع
إذهب إلى:


إتصل بنا | منتدى السالمية دوت نت

Powered by Infopop Corporation
UBB.classic™ 6.7.1