مرسله في
بسم الله الرحمن الرحيم جــرح صـابني بتــالي الوقـــت صيـدة كني حبارى شارد من داخل المحمية وألقــى من يصيدني وأنــا من جبتها على نفسي كلٍ تتركني على حالي ولا ألقى من يواسي كـــنت صيــاد وأملــى الدنيا بفخـري صيـد وكل ماصدت قلت أنا كاسر الأسد العتيد كنت ذيب الفيافي صايد الحر الأصيل حتى الذياب خاويتهم وصرت واصل وصيل مشبه الحال والحال ما يحتاج توصيف حلو الوصايف صادني ذالك الرهيف مادرى عن حــالتي وأنــا غريــق طايح بشبكه من الحجاز لطويق كنها ريم الفي تقفا وتتركني على الحال يجفا
حبيبتي دموعي أربع تجر أربع كني قعود كاسر الوقت يربع في فراقك الحال يشكي لبعضه شكاوي وأمني النفس في غيابك وأعطيها هقاوي وأتشره على نفسي وبي علة بالروح وبعد هاالوقت ألقى خاطري مجروح صرت في غيابك كاني يتيم فاقد أهله ولا طفـل صـغير خايـــف ومضيــع دربــــه ما أقدر أوصف شعوري بدونك ضايع بها الدنيا والقلب مفتونك أسير بالجسد دون باقي علومه وقلبي حرٍ طليق عند الحبيب وبيوته أبنساك وببتعد عن الدنيا اللي بدونك حاولت وعيا قلبي ينتصح لفرقاك أبكي دموع العين وتكثر بالمحاجر الجروح تنزف دموعها دم كله لأجل جعتك يابعد هالروح
لاحشــا منتــي بشـر ! إنتي ملاك وجمالك مثل القمر يافرحة اليتيم بالعيد وهداياه ويارجعة الطفل الصغير لأهله إنتي زهرة بعمري وإنتي كل أمري في غيابك حالتي ماتسر العدو وفي قربك يحلى عمري وما يبقى عدو ريانة العود حلوة الخصال مزيونة من شافها سمى عليها من هول شوفة سبحان من صورها بذاك الشعر الشليل الـلـي علـى الكـتفيـن طايــح يسيــل وسبحانه اللي حط العيون اللي ساحرتني علـى خــط الرموش الــلي مــذوبـتـنــي
حبيبتي يوم أطريك كاني أطري قلبي ودمي ويوم ألقاك أنسى كل ماكان همي سبحان من خلاك حلوة التقاسيم خلى بك شي من حور الجنان والنعيم ممشوقة قوام ناعسة طرف كحيل ومهما قلت فيك يبقى شي قليل
وسلامتكم
-------------------- الخيانة أصعب مايلقاه المحب المشاركات: 18 | من: السعوديه | تاريخ التسجيل: مارس 2005
|