This is topic ***... مـــــاضـــــي أحـــــزانـــــــي ...*** in forum الســـاحـــــــة الــثــقــافــيــة at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=11;t=001781

---

مرسلة من أجمل إحساس (رقم العضويه 9558) on :
 
هلا وغلا بالكل ....


حبيت أعرض لكم قصيده أعجبتني من قصائد الشاعره الكويتيه الشابه (( بشاير الشيباني )) .. بعنوان (( ماضي أحزاني )).. ان شالله تحوز على إعجابكم ..


سنة مرت على غدرك وحبك في وسط صدري
سكنّي من زمـان بعيـد ولا صديـت لاقانـي
أنـا والله سامحتـك وجرحـك تـوّه ابيبـري
ولكن مرت الذكـرى وهـزّت كـل وجدانـي
نزفت كثير من جرحك وزاد النزف في شعري
أحاول أكتم أنفاسي..يفجر شعري بركاني
في نفس الليلة كنت أبكي وعني انت ماتدري
هناك بعيد كنت انت معاها تخيط باحزاني
أنادي بصوتي المبحوح لين يبان لـي فجـري
ويكسر عيني شعـاعٍ يبيّـن ظلمـك الجاني
أحاول أغفي وعيوني بتجبرني علـى سهـري
أنا مليت ومـا ملّـت تناظـر طيبـك الفاني
تخيلتك تسامرها وأنـا مشتعلـة فـي جمـري
تخيلـتـك تناظـرهـا وتغنيـهـا بألحـاني
وذكرت إني في يوم مر امنتك علـى عمـري
وانك يومها رديت أغلـى شـان اهـو شاني
توقف عقلـي تفكيـره وزاد بداخلـي قهـري
أنا خدعة أنا كذبـة أنـا مـا أظـن تهواني
أنا ضحيت بسنيني ورميت الطيب في بحـري
لأن ادري ابتجينـي يـوم تبكـي واترجاني
وجا هاليوم وجيت انت بذلّك تستمـح عـذري
وأنا رديت بغـرورٍ .. مـات اللـي تناساني
ولكن ما قوى قلبي يصدّك يـا بعـد عمـري
قبلت أعذارك وحاولت أنسى كل مـا جاني
طويت الهم وأحزانه .. نسيت الماضي وغدري
خذيتك بلسم لجرحي تطيّب ماضـي أعياني
وهذي هي سنة طافت وجرحك تـوه ابيبـري
تمر ذكري تعذبني وتنبـش ماضـي أحزاني
 

---

مرسلة من بستكي (رقم العضويه 16193) on :
 






بصراحه انا مو من المتابعين لكتاباتها

بس الحق ينقال

مبدعه ها البنت


يسلموووو اجمل احساس
 

---

مرسلة من بكيل (رقم العضويه 23043) on :
 
دايماً نشعر مع أجمل إحساس
بأجمل إحساس
 

---

مرسلة من اخر العنقود.. (رقم العضويه 24492) on :
 
صح لسان شاعرتنا بشاير ...

وتسلم الانامل على النقله الرااااائعه

والاختيار الموفق ...

يعطيك الف عااااااااافيه..

تقبلي تحيتي لك...
 

---

مرسلة من منى الوجود (رقم العضويه 18297) on :
 
ما ازيد على كلام اخر العنقود بصراحه قصيده رائعه جدا وتسلم يدينك على النقل.
 

---

مرسلة من أجمل إحساس (رقم العضويه 9558) on :
 
مشكورين على مروركم وما قصرتوا...


فعلا بشاير شاعره منطلقه بقوه الصاروخ ماشالله عليها ولها مستقبل كبير ....


الله يوفقها..
 

---

مرسلة من أخت القمر (رقم العضويه 17970) on :
 
قصيدة روعة
الشاعرة بشاير الشيباني من افضل الشاعرات
تسلمين لنا اجمل احساس
 

---

مرسلة من أجمل إحساس (رقم العضويه 9558) on :
 
الله يسلم عمرج حبيبتي أخت القمر
 

---

مرسلة من hayfaa (رقم العضويه 23760) on :
 
yeslamou ya okhti 3ala el kalimat el helwa we enchalah fi istimrar
 

---

مرسلة من أجمل إحساس (رقم العضويه 9558) on :
 
هيفا حبيبتي...


مشكوره على المرور بس ترى هذي مو كلماتي.. هذي كلمات الشاعره الكويتيه الصاعده ( بشاير الشيباني )..


شكرا على المرور
 

---

مرسلة من حسَاس (رقم العضويه 19999) on :
 




غبتي .. و رجعتي با ختيار ..مميز .. كالعادة

اسمحيلي ..احطي القصيدة ... بالصوت


سلامي...








 

---

مرسلة من ** نبض المشاعر** (رقم العضويه 24982) on :
 
يسلمووووووووووووووو أجمل أحساس

اختيار موفق واختيار اكثر من رائع
 

---

مرسلة من صووووصه (رقم العضويه 19159) on :
 
مشكور اجمل احساس

صوت الشاعره يشبه لحليمه بولند ؟؟؟؟؟؟؟مدري مين يقلد الثاني
 

---

مرسلة من أجمل إحساس (رقم العضويه 9558) on :
 
حساس..


مشكور اخوي على الصوت وعلى االطراء


نبض المشاعر..

الله يسلمج حبيبتي


صوووصه..

فعلا أصواتهم وأسلوبهم متشابه.. بس بصراحه انا اعرف بشاير الشيباني قبل ما تطلع حليمه وتنشهر.. وما اتوقع وحده تقلد الثانيه يمكن صدفه بس

شكرا على المرور..
 

---

مرسلة من شذى العود (رقم العضويه 19662) on :
 
حروفك يا قلبي
ترقص في دمي

انت
يا سي الجمال
و انشودة الخيال
و جنة الله
على الارض


اجمل احساس

لا ادري من اين تأتي بهذا القلب و كل هذا الحنان!

رائع انت باحساسك و مشاعرك و نبلك يا اختي العزيزة جدا

كلماتك كالبسلم بل هي البلسم الشافي

وجودك اصبح فرضا في قلبي


و بدونه


لا تستقيم ممشى كلماتي

لا عدمت وجودك ابدا ايها الغالي


مساؤك ياسمين او زهر اروع منه

[ مارس 28, 2005, 07:22 PM: تم تحرير المشاركه من قبل: شذى العود ]
 

---

مرسلة من أجمل إحساس (رقم العضويه 9558) on :
 

رد مقتبس:

---

رائع انت باحساسك و مشاعرك و نبلك يا اختي العزيزة جدا

---

رد مقتبس:

---

لا عدمت وجودك ابدا ايها الغالي

---

انا بنت


مشكوره حبيبتي شذى العود على كلامج الرائع
 

---

مرسلة من مســ حنون ــيوو (رقم العضويه 20667) on :
 


تفسر بشاير الشيباني المجهول بعلمها الغزير ترقب الصبح لتهديه عقدا من نجوم الشعر يمطر دمع صبرها لينمو ثمر قصيدها شاعرة مبدعة تترجم الاحساس مثلما صياغة الذهب شاعرة صاعدة تقول بصدق وتنشد باحساس
اختيار موفق يا اجملوو وتسلمين يا الغالية


 

---

مرسلة من أجمل إحساس (رقم العضويه 9558) on :
 
شكرا مستر حنون


وشكرااا على مرورك
 

---

UBB.classic™ 6.7.1