صبحكم الله بالخير جميعا بشروني عنكم بصراحه حسيت اني من زمان ما نزلت قصيد ولا انتو وش رايكم
بكيتك من الفرقى وانا دمع عيني حار سلام على الشرهه والآخر على المنقود يقولون من طينة محنه وقلبنك بار لا والله من طينة عذاب وجفا وصدود يا دوب اتحمل جمرة من جحيم النار تلحق عليه بختها اللي براس العود خذيت الهوى طيش وعبث حب واستهتار على قولة العربان عيب وعليه اشهود تبريت مني والوفا فيك طير وطار عساك آخر العنقود منت اول العنقود مخليني اعجوبة زمن في طريق المار تشمت بي العاقل وتضحك بي المقرود لاني داخل الصورة ولا خارج الاطار حبيبك وانا غايب عدوك وانا موجود رغم ما تسوي بي مسامحك على ما صار وخيرك كثير وموقفك ما عنه منشود معك ما بعد عديت عمري من الاعمار مخليه ريشه بين اصابع هبوب النود تذكر ولك بالذكر مالك من الاسفار تذكر وخل الذاكره بالزمان تعود تذكر يوم ان حدود وصلك ثلاثة امتار تخطيتها ما كن ذيك الحدود حدود وصلتك وقمت بواجبك قبل سابع جار اخفي عليك سدود وابدي عليك سدود سدود تبي تبنى والآخر تبي تنهار من ابدع تصاوير الله الخالق المعبود احس اني ابحر في سفينة مع البحار وانا اقول يا لبيى هذيك الوساع السود اغازل حورها وانصب لرمشها تذكار واثمن عطاياها وهي ما وراها فود تذكر وانا وياك في لمة السمار تقول البرا مردود اقول البرا مردود تحديت فيك الشاعر من الشعار بعد ما تقول اسمه تذكر علامة قود توارت نجومه يوم لدت لي الانظار طلع في عيون الناس ما هو بذاك الزود تذكر يوم انك جيتني يا غريب الدار ابشر بشوفك كني ابشر بمولود فتحت الك صدري يا حبيبي زرار زرار هذا بيتك وبيت امك وبيت ابوك العود وتحتلني وتحطني دولة استعمار وانا في الكويت تحت راية ابن صباح سـلامـتـكـم
[ أبريل 03, 2005, 06:02 AM: تم تحرير المشاركه من قبل: مســ حنون ــيوو ]
مرسلة من ¤مسـ خاين ـيوو¤ (رقم العضويه 10158) on :
كلمات روعه بس عندي ملاحظة بسيطه لاخر بيت لو كاتب وانا في السعوديه وتحت راية ابن السعود مو احسن ويسلمو ياصحبي
مرسلة من مســ حنون ــيوو (رقم العضويه 20667) on :
لا والله يا فيصل انا كويتي وتحت راية ابن صباح سامحوني على البيت الاخير ادري انه مكسور
مرسلة من فطونة (رقم العضويه 19557) on :
يااااااااااا سلام يا كويتى على هالكلامات
تستاهل الكويت
صح لسااااانك
مرسلة من مســ حنون ــيوو (رقم العضويه 20667) on :
ويا سلام يا الاماراتيه على مرورج وصح بدنج يا فطونه
مرسلة من أخت القمر (رقم العضويه 17970) on :
رووووووووووووووووعة مستر حنزن
كلمات وااااااااايد حلوة
استمر و يعطيك العافية
مرسلة من مســ حنون ــيوو (رقم العضويه 20667) on :
اخت القمر وانتي الاروع والاحلى والله يعافيج ملاحظة حنون وليس حنزن
مرسلة من دلوعه حزينه (رقم العضويه 20825) on :
كلمات حلوه جد ياكويتي === انا كويتي وتحت راية ابن صباح .. .. === صح لسانك خيوووووو (حنزن )
![[rose]](graemlins/40.gif)
صبحكم الله بالخير جميعا بشروني عنكم![[applause]](graemlins/applause.gif)
![[Razz]](tongue.gif)
![[gibe]](graemlins/gibe.gif)
![[Big Grin]](biggrin.gif)
![[kiss]](graemlins/kiss.gif)
..![[battingeyelashes]](graemlins/battingeyelashes.gif)
