بسم الله الرحمن الرحيم وشلونكم أخواني وأخواتي أعضاء وزوار المنتدى أبهدي لكم اليوم بعض روائع الشاعر الكبير فايق عبدالجليل إنشاءالله تعجبكم وهذا الموضوع هو امتداد لموضوعي السابق " الغائب ...... الحاضر "وهذا هو الرابط الغائب ...... الحاضر
وسنبدأ بالقصيدة الأولى
أنا آسف
أنا اللي يوم تمنيتك ترجيتك وناديتك أنا اللي قلت لك كل الفرح بيتك تعب صوتي .. ومليتك تعب قلبي .. وخليتك حبيبي .... لا أبد مو انت ذاك اللي تمنيتك أنا آسـف .... أنا آسـف اذا في يوم حبيتك
نثرت الروح في كفك أماني وقلت اطلب كل الأرض مفروشه بحناني وكل الشوق سويته اغاني لا انت صوبي ولا يمّي ولا حسيت في همي وجيت الحين ترعاني تصورت الجروح تطيب في لحظه .. وثواني
أنا اللي قبلك مضحّي ولا تحتاج حق شرحي تدري يا سبب يأسي وسبب جرحي انت ادري .. انت ادرى ولا تحتاج حق شرحي ايدي اللي كتبت اسمك بدت تمحي .... ايدي اللي كتبت اسمك بدت تمحي .... بدت تمحي ....
مرسلة من nightingale (رقم العضويه 25507) on :
القصيدة الثانية
نســـــاي
نساي ... نساي و انت الهوى بالنسبه لي و الماي اسمع أنا صوتك و لا تسمع نداي اشهق أنا باسمك ... واشتاق له و انت معاي اكتب على سمعي أغاني اكتب و اغنيك .. حيرتني و احترت أنا فيك تزعل بلا أسباب ... و تعاند و أراضيك بكل حالاتك أبيك .. بكل زلاتك أبيك حبـيـبـي انت ... والا العذاب انت و الا الفرح انت ... مدري وش أسميك نساي تغيب و الدنيا معاك تغيب تقطع خيوط الشمس عني و يصبح العالم كئيب و أصبحت أنا لوحدي ... على أرضك غريب ما تكتفي من غربتي ما تكتفي من حيرتي الله كم انت عجيب .. الصمت دايم لعبتك الصمت احيان رهيب
مرسلة من nightingale (رقم العضويه 25507) on :
القصيدة الثالثة
فينا واحد بيلعب
فينا واحد بيلعب .. فينا واحد يعاني
اعتقد فينا واحد .. ما يستاهل الثاني
فينا واحد تمنى .. يكون ظل لخليله
فينا واحد تجنى .. الف ليله و ليله
و اعتقد فينا واحد .. ما يستاهل الثاني
فينا واحد تصبر .. و عطر الدنيا طيبه
فينا واحد تنكر .. للمحبه و حبيبه
و اعتقد فينا واحد .. ما يستاهل الثاني
فينا واحد تغرب .. عن حياته و مكانه
فينا واحد تمادى .. حتى خان الأمانه
و اعتقد فينا واحد .. ما يستاهل الثاني
بعد كل ماجرالي .. منك و من زماني
حس و شعر بحالي .. صير انت بمكاني
شوف منهو اللي فينا .. ما يستاهل الثاني
مرسلة من nightingale (رقم العضويه 25507) on :
القصيدة الرابعة
حبيبى اختار
لاتنهار اعصابك
لاتنهار
اعترف بالسر..قول للناس
من حقنا نحب ونعيش
رغم الكون والاقدار
انت النبض فى شوقى
انت الدم فى عروقى
انت انسان خلق عمرى
وخلا لحظتى اعمار
وانا من غير حبك
ريشه فى تيار
ومعاك انته
يموت الفرق...
بين الشوك والازهار
وينبت فى حزن قلبى
فرح واشعار
انا وانت يمكن يوم
نروح عند القمر زوار
ونكتب فوق اشجاره سوالفنا
ونزرع سطحه وضلوعه
هوى واسرار
اوقف ارحم اعصابك
ارحمنى من الافكار
لاتتركنى دمعة حب
على ساحل هواك احتار
تعال نعلنها ثورة حب
تعال نذوق مره
لذة الاصرار
مرسلة من nightingale (رقم العضويه 25507) on :
القصيدة الخامسة
اتحداك إذا تقدر تخاصمني اتحداك ما تقدر تخاصمني ولا أقدر أنا انساك اتحداك . . . في عيونك أشوف أشواق تكلمني تقول لا يمكن أنت في يوم تخاصمني وسطورك لما تبعثها بحنين وحب تذوّب كل شيء بيننا يصد الحب وتتحدى الزمن بالشوق مثل ما انا اتحداك تقول انساك وانت اللي قضيت جنبي ليالي ما عرفها الحب من قبلك ومن قبلي تقول انساك وانت اللي تعيش الحب في عيوني ومن اجلي ماتقدر تخاصمني ولا اقدر انا انساك اتحداك
مرسلة من nightingale (رقم العضويه 25507) on :
القصيدة السادسة
يا اللي حبك قطع أنفاسي قصايد يا اللي ذنبك لوع حروف الجرايد انت وأنا اثنين .. والثالث هوانا والهوى مسكين .. ليته ما لقانا صدفه وحنا صغار .. صدفه الهوى لبسنا عطفه والهوى مسكين ليته ما لقانا والأمل (مقرود) يبكي في قفانا والحزن مرتاح كل حزنه هدانا وحنا بس اثنين .. والثالث .. هوانا والهوى مسكين ليته ما لقانا انت أقوى منّي .. وأنا اعترف أنا خطوة نار .. خلتني أجف بس مصير النار يقولون الرماد وانت نارك غير نيران العباد في وسط عيني أشوف انك تخون واسدل جفوني على طول العيون يا اللي حبك صبغ الدنيا ذنوب وبدل شموسي المنيره في الغروب من طفولتنا .. أتوب ... وما أتوب
مرسلة من nightingale (رقم العضويه 25507) on :
القصيدة السابعة
آن الآوان
مثل ما ياخذك .. النسيان .. أنا مثلك .. أنا انسان .. هم .. انسى .. أنا وقت التعب .. مثل السفن لي شافت المرسى .. يا مخدوع في فرحي .. انا في ضحكتي .. جرحي .. وامامك .. امامك .. كلمتي خرسى .. ناديتك بصوتي المتعب .. الولهان .. ناديتك .. وانتظرت سنين .. ناديتك صوتي .. والصدى .. للآن .. ناديتك ماحسيت .. ولا رديت .. صوتي .. والصدى للآن .. غيابك وصّل افراحي .. الى الأحزان .. اشوفك راحتي .. منّك أنا تعبان ..
يا مخدوع في فرحي .. انا في ضحكتي جرحي .. وامامك كلمتي خرسى ..
آن .. آن الآوان .. آن .. آن الآوان .. انا برتاح .. من يأسي .. من خوفي .. أنا بحاجه لأمان .. وداع .. يا شوق .. ياذكرى .. وداع .. يا زمان .. كان .. وكل اللي أقوله الآن .. ابارك لك .. بالنسيان ..
يا مخدوع في فرحي .. انا في ضحكتي جرحي .. وامامك كلمتي خرسى
[ أبريل 03, 2005, 10:37 AM: تم تحرير المشاركه من قبل: nightingale ]
مرسلة من nightingale (رقم العضويه 25507) on :
القصيدة الثامنة
الزمان اللي عرفنا كان عنود ...... واقسى من الحرمان خذانا للفرح مرة .. وعشر مرات للأحزان ضيعنا بدروب الليل .. ذوقنا الألم و الويل يا روحي تعال انذوب .. و نكتب للفرح مكتوب .. يمكن الفرح يفرح .... يمكن الحزن يسرح .. يمكن الزمان يتوب ليش انضيع وفرحناهناك ينطرنا .. تعال نبيع ضياع سنين ضيعنا ورا ليل الوهم .. دنيانا فرحانة و عش صغير .. الفرحة مغيرة ألونه ليش انضيع .. ليش انضيع .. و هوانا خضرة أغصانه
مرسلة من nightingale (رقم العضويه 25507) on :
القصيدة التاسعة
طيب
طيب وصدقت الحكي غلطان غرتني العيون ما ادري ان الناس في لحظة تحب والناس في لحظة تخون الناس آه يا لناس حتى في المحبة يكذبون
كنت أتصور حبي في عيونك كبير همزة وصل تبدي ولا تعرف اخير كنت أتصور كل شيء ممكن يصير نشوف الكثير نعاني الكثير نروح نتفارق الا اللي شفته ما هقيت انه يصير شي خطير الناس آه يالناس حتى في المحبة يكذبون
اجرح مشاعر حبتك.. اكذب علي اكذب وصدق كذبتك.. اكذب علي الطيب انا عادتي والظلم يمكن عادتك مسامحك روح.. رغم الجروح
مرسلة من منوووله الرياض (رقم العضويه 3141) on :
الله عليك يافائق
والله هالانسان دايم افكر فيه وعلى بالي
يملك احساس خاص فيه من نقراء القصيده نعرف انها
لفائق
نســـــاي
نساي ... نساي و انت الهوى بالنسبه لي و الماي اسمع أنا صوتك و لا تسمع نداي اشهق أنا باسمك ... واشتاق له و انت معاي اكتب على سمعي أغاني اكتب و اغنيك .. حيرتني و احترت أنا فيك تزعل بلا أسباب ... و تعاند و أراضيك بكل حالاتك أبيك .. بكل زلاتك أبيك حبـيـبـي انت ... والا العذاب انت و الا الفرح انت ... مدري وش أسميك نساي تغيب و الدنيا معاك تغيب تقطع خيوط الشمس عني و يصبح العالم كئيب و أصبحت أنا لوحدي ... على أرضك غريب ما تكتفي من غربتي ما تكتفي من حيرتي الله كم انت عجيب .. الصمت دايم لعبتك الصمت احيان رهيب
هالقصيده رهيبه وهي مغناه كثير حلوه
تسلم يدينك على هالقصايد الحلوه
مرسلة من مســ حنون ــيوو (رقم العضويه 20667) on :
nightingale فايق عبدالجليل شاعر كبير وغني عن التعريف والله يعطيك الف عافية
مرسلة من بكيل (رقم العضويه 23043) on :
فايق عبد الجليل أول مره أسمع بينه بس من القصايد باين عليه شاعركبير وانت ذواق جداً ياnightingale
مرسلة من nightingale (رقم العضويه 25507) on :
اختي منوووله الرياض ألف شكر لمرورك والله يعافيك .
مرسلة من nightingale (رقم العضويه 25507) on :
اخي مســ حنون ــيوو مرورك يشرفني شكراً لك ويعطيك العافية
مرسلة من nightingale (رقم العضويه 25507) on :
هلا بشاعرنا الكبير والموهوب بكيل وترى الشاعر فايق عبدالجليل شاعر معروف وغنى له الكثير من كبار الفنانين حيث غنى له عبد الكريم عبدالقادر القصيدة الاولى والقصيدة السابعة وغنى له محمد عبده القصيدة الثانية وغنى له طلال مداح القصيدة الثالثة والقصيدة التاسعة وغنت له رباب والقصيدة الخامسة وغنى له أصيل أبوبكر قصيدة واحد من الناس . وغيرها الكثير من القصائد التي لاتحضرني . وإنشاءالله أكون عند حسن ظنك .
مرسلة من nightingale (رقم العضويه 25507) on :
القصيدة العاشرة
لغات
صمتي .. ذخيرة وأسلحة وأنا متعلق في السنين مثل الصبر لما يتعلق في خيوط المسبحة اللي كتبته في حياتي صار.. لازم امسحه ولازم أعيش الهم حتى أشرحه حبّيت في كل اللغات لغة اهتزاز الوردة وهي مفتحه ولغة الجفاف بعين غيمه مجرحه حبّيت في كل اللغات حتى لغات الأجنحة ..للأجنحة
مرسلة من منى الوجود (رقم العضويه 18297) on :
طيب وصدقت الحكي غلطان غرتني العيون ما ادري ان الناس في لحظة تحب والناس في لحظة تخون الناس آه يا لناس حتى في المحبة يكذبون
كنت أتصور حبي في عيونك كبير همزة وصل تبدي ولا تعرف اخير كنت أتصور كل شيء ممكن يصير نشوف الكثير نعاني الكثير نروح نتفارق الا اللي شفته ما هقيت انه يصير شي خطير الناس آه يالناس حتى في المحبة يكذبون
اجرح مشاعر حبتك.. اكذب علي اكذب وصدق كذبتك.. اكذب علي الطيب انا عادتي والظلم يمكن عادتك مسامحك روح.. رغم الجروح
يعطيك العافيه على الموضوع واعجبتني هذه الابيات كثير مشكور
مرسلة من nightingale (رقم العضويه 25507) on :
اختي منى الوجود..
مرورك شرف لي .. شكراً لك
تحياتي...
مرسلة من المهندس السامي (رقم العضويه 18965) on :
الله الله الله .....
قمة في الاحساس والروعة , ماقول الا الله يعطيك العافية على الذوق الحلو والرائع...
واحب اني اذكركم بأنم الخلاف الي بين محمد عبده فنان العرب مع ابناء فايق عبدالجليل قد حل في هلا فبراير الاخير وتم الصلح بينهم والشريط القادم راح يحتوي على رائعة لفايق تذكرنا بالروائع ( اخر زيارة) و( ابعاد ) ( المعازيم ) وغيرها ....
تحياتي,,,,
مرسلة من nightingale (رقم العضويه 25507) on :
شرفتني بمرورك أخي المهندس السامي وشكراً على الأخبار الحلوة لك مني كل التقدير والتحايا ويعطيك العافية
مرسلة من nightingale (رقم العضويه 25507) on :
