This is topic طاح الحطب... in forum الســـاحـــــــة الــثــقــافــيــة at منتــدى الســالميــه.
To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=11;t=003267
مرسلة من نانا الأمورة (رقم العضويه 73925) on :
اميل وصلني...اعجبني...
المشهد الاول
وحدة مزيونة بالحيل.......و حبيبة ...
بس تخون!!!!
وش اسوي بجمالها؟؟
بياخذها الزمان و تبقى عجوز.....
عادي........طاح الحطب.......... و حلوة الحياة
المشهد الثاني
ملتزم ......
يصلي كل الفروض........
و اذا تعب..... فوت صلاة الفجر
واذا شبع راحت صلاة العصر......
و عنده دش.......و يكذب كثير
و اذا صحى الصبح .....مشط اللحية
عادي........طاح الحطب.......... و حلوة الحياة
المشهد الثالث
غني و ظالم .........
يطرد المساكين......و يستغل الضعوف
مغرور و فاسق......
و مجلسه عامر.......
كلن يبهر له........
و مع ذلك يجمع حسنات.......من كثر اللي يسبونه
عادي........طاح الحطب.......... و حلوة الحياة
المشهد الرابع
يكد يدرس و يشتغل.........
لاجل يبني مستقبله.......
تزوج و جاب عيال......ثم تقاعد
صار يسكن في مكان.....و أم عياله في مكان
والسبب العيال......
صار دار المسنين بيتهم............
عادي........طاح الحطب.......... و حلوة الحياة
المشهد الخامس
تغازل و تاخذ ارقام...........
و تطلع مع هذا.....و تواعد هذاك........
و يوم طاح الفاس في الراس.......
بكت........
و راحت تشكي لامها غدر الزمان.......
طبطبت عليها امها وقالت:
ولا يهمك .....سفرة لمصر.... وشوية سيولة
و ترجعين بنت......
عادي........طاح الحطب.......... و حلوة الحياة
المشهد السادس
مرفوع الكفن أبيض ......
وصاحبه وسط البياض.........
بعضهم يبكي.......و بعضهم عادي
دفنوه.....و تبكبكوا شوي
و اخر الليل سكارى.........
عادي........طاح الحطب.......... و حلوة الحياة
المشهد السابع
سيارة مسرعة........
و تدعس لها واحد........
مسكين هندي..........
و العسكري صديق الطايش.......
والخطا نصه على الهندي......
والباقي على أبو الطايش..........
و في الليل.....الطايش يلعب بلوت
عادي........طاح الحطب.......... و حلوة الحياة
المشهد الثامن
قارورة مويه ......
ما تضره .......طايحة في السيارة
يناظرها بغضب.......زعلان منها
و يفتح الشباك .....و رماها وسط الطريق
واذا اجتمع مع الشباب قال:
متى بنتحضر؟؟؟؟؟؟
عادي........طاح الحطب.......... و حلوة الحياة
المشهد التاسع
اهم شي الثوب نظيف.......و الشماغ مكوي......
و القلم ماركة......والساعة تضوي......
و الجزمة جلد.......والسيارة عجب......
و تلفونه ما يسكت......
إما بنات.....
أو البنوك تبي فلوسها.......
.عادي........طاح الحطب.......... و حلوة الحياة
المشهد العاشر
سطحية .......و مغرورة
غبية......و متكبرة......و يا ريتها حلوة
تبي زوج مواصفات......
ما يقول لا.......ويكره الاستراحات
لازم وسيم.....و انيق.....و متعلم.....و دخله ممتاز
و يحب السفر.........
و بعد سنين......تلاقي نفسها في الانترنت
تدور واحد يقبل بها.......
عادي........طاح الحطب.......... و حلوة الحياة
المشهد الحادي عشر
فتح الكمبيوتر......
و دخل للمنتدى......و كلامه ما يتعدى ان الموضوع روعة و رهيب
و هو ما قراه و لا يعرف كاتبه........
بس يبي يزيد المواضيع موضوع ........
ويزيد همومنا هم.........
علشان يصير صاحب الألف موضوع......
و يتميز........
والمشكلة انه يتميز...........
عادي........طاح الحطب.......... و حلوة الحياة
المشهد الأخير
الكذب اثم.........ومع ذلك نستخدمه
و ندري ان هذا حرام........و مع ذلك نجربه
نتذكر السهرة و الفرح و السفر.......
و ننسى الجالسين على كتوفنا.........
و نتناسى ان معهم كتاب يسجل افعالنا و نياتنا.......
كل شي محسوب.......
حتى النظر......
نسينا ان ورانا يوم......علاماته
أن بقيت على حالك تتناسى .......لازم تعرف
إن ذاك اليوم مهوب عادي
وانت الحطب
و ما به حياة
مرسلة من نــســايـم ليـلـ (رقم العضويه 83639) on :
يعطيج العافيه نانا
فعلاً هذي المشاهد تكرر بحياتنا يومياً وبالأخير طاح الحطب ولا كأنه صار شي
حبيت آخر مشهد
فعلاً ننسى إنه في يوم ينطرنا
الله يجعل خاتمتنا خيره
في ميزان حسناتج إنشاءالله
مرسلة من نانا الأمورة (رقم العضويه 73925) on :
معك حق تسلمي اختي شكرا على مرورك...
مرسلة من _ غلا حصه_ (رقم العضويه 17970) on :
الله يعينا على يومنا
يزاج الله خير , بس اتوقع مكانه العامه
مرسلة من نانا الأمورة (رقم العضويه 73925) on :
تسلمي غلا حصه على مرورك....
مرسلة من razan007 (رقم العضويه 233) on :
هذي قصيدة من روائع صاحب السمو الملكي الأمير عبدالرحمن بن مساعد
يعجبني اسلوبه في كتابة هالنوعية من القصائد
و كعادته أبدع
نقل رائع اختي نانا الأمورة
يعطيج العاااافية
و اسمحي لي انقل الموضوع لساحة الأدب
[ سبتمبر 16, 2008, 01:49 PM: تم تحرير المشاركه من قبل: razan007 ]
مرسلة من نانا الأمورة (رقم العضويه 73925) on :
تسلمي رازان عالمرور وعالإضافه مع انه مو مبين عليها قصيده...
مرسلة من razan007 (رقم العضويه 233) on :
^
^
^
^
^
^
صح كلامج
لأنها اقرب للنثر من انها شعر ..
و اذا انتي متابعة للأمير عبدالرحمن بن مساعد
راح تلاحظين انه بالقصائد الاجتماعية تقريباً اعتمد هالاسلوب ..
مثل قصيدة تعاريف .. و مشاهد ..
و بصراحة تميز و تألق فيه ..
مرسلة من loloinsana (رقم العضويه 84867) on :
اعجبني جدا.. وبالفعل دي هيا حياتنا اليومية للأسف كلها شكليات فارغة واطارات مزركشة من الخارج ومجوفة من الداخل ... وطاح الحطب.
شكرا عالموضوع
مرسلة من ladi_87_bird (رقم العضويه 84386) on :
حبيت ...
رووووووعه ...
كل الشكر على الطرح ...
مرسلة من مهووسة ديانا _ عهد (رقم العضويه 86477) on :
كتيير حلو
الف شكر اختي
مرسلة من l3yoondiana (رقم العضويه 86525) on :
واااايد حلو
ماقصرت
UBB.classic™
6.7.1