This is topic ملاحظة صغيييرة in forum سـاحــة الإعلانات والإقتراحات at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=13;t=000146

---

مرسلة من ANMAR (رقم العضويه 15365) on :
 
أهلا

مابيكم تعتقدون إني أتفلسف أو شايف نفسي..
ومو شايف خير..

ملاحظتي صج يمكن مو مهمة وايد.. لكني أشوف هالشي لازم يتعدل.. لأن منتدى السالمية من أشهر المنتديات العربية..

ملاحظتي إني شفت مكتوب في الصفحة الرئيسية للمنتدى
تحت ساحة المراقبين والمشرفين، وساحة المحذوفات:

فقط للمراقبين ومشرفين الساحات

الغلط في كلمة مشرفين.. المفروض تكون مشرفي الساحات
بدون نون..

لأنها مضاف..

سوري على التدخل.. أنا يمكن مو من حقي..
لأني توني مشارك جديد..

بس أنا حبيت ألفت انتباهكم بس..

وإذا ما عجبكم الموضوع.. أرجو المعذرة..

وأأكد إني مو قصدي أتفلسف أو أتدخل..

شكرا
 

---

مرسلة من [MiSs__StaR] (رقم العضويه 15010) on :
 
جديد وقديم ماتفرق ولو
ويعطيك الف عافيه عالملاحظة


بصراحه انا ضعيفه بالنحو كثير شرايك تعطيني دروس

بتكسب اجر فيني
 

---

مرسلة من ][وصـــايف][ (رقم العضويه 258) on :
 
يعجبوووووني الفاهمين في النحووو
يداً بيــــــد ياانمار
وقواك الله
 

---

مرسلة من سمفونية الصراصير الليليه (رقم العضويه 18891) on :
 
اخي انمار نكك غريب(يعني انه مقصر)


حسك النحوي جميل

عاد انشالله مراقبينه يعرفون المشكله ويصلحونها


شانكيو
 

---

مرسلة من ANMAR (رقم العضويه 15365) on :
 
شكرا على المرور..

سمفونية الصراصير الليلية..

نكي غريب؟؟ بالفعل!!

لكن شرايك إنه هو اسمي الحقيقي!!!

أنا اسمي أنمار

مس ستار.. لوووول أوكي ولا يهمك..
بس الساعة بألفين درهم أوكي؟؟
 

---

مرسلة من بـدر (رقم العضويه 1124) on :
 
هلا هلا أنمار ..

والله الملاحظة هذي ببالي من زمان ..

بس خلاص تبلد احساسي بالنت من كثر اللي يغلطون

حتى لو تلاحظ عنوان صفحة المنتدى اللي فوق بأعلى الصفحة فوق file , edit ..

مكتوب منتدي السالميه .. مفروض ألف مقصورة بدل الياء ومفروض الهاذ تصير تاء مربوطة فوقها نقطتين ..

باختصار الأخطاء كثيرة لا تدقق يا بعدي
 

---

مرسلة من Kuwaity (رقم العضويه 4) on :
 
كلامك عدل
 

---

مرسلة من ANMAR (رقم العضويه 15365) on :
 
مشكور بدر..

أنا ما كنت أدقق. بس لأني شفته.. وحسيت إنه غلط..

ومادري والله إن الأغلاط كثيرة..

بس أنا يعني أتمنى الأغلاط اللي واضحة ومكانها بارز تتعدل..

لأن السالمية منتدى مشهور..

على العموم.. التغيير ما بيغير من شي

شكرا
 

---

مرسلة من النسر الأبيض (رقم العضويه 16511) on :
 
اهو زين لو واقفه علي هذي بس

انتو لاحظتو عند تسجيل الدخول بعد ادخال
النك مالك شيقولك

شكرا التسجيلك الدخولك

بله هذي وين النحو عنها من امه بدليه

تحياتي

[ ديسمبر 15, 2004, 03:24 AM: تم تحرير المشاركه من قبل: النسر الأبيض ]
 

---

مرسلة من واقعـي (رقم العضويه 997) on :
 
تهون حبيبي عند :

ساحة اخر اخبار ( الفنان[يي]ن )

واقعي
 

---

مرسلة من ANMAR (رقم العضويه 15365) on :
 
هلا واقعي.. شخبارك..
المفروض تعرفني.. بس مادري

أفهم من كلامكم إن المنتدى مليان أغلاط إملائية ونحوية!!!!!

[ ديسمبر 15, 2004, 10:16 PM: تم تحرير المشاركه من قبل: ANMAR ]
 

---

مرسلة من منوووله الرياض (رقم العضويه 3141) on :
 



كل واحد شايل بقلبه وساكت

[ ديسمبر 16, 2004, 01:47 AM: تم تحرير المشاركه من قبل: منوووله الرياض ]
 

---

مرسلة من ][وصـــايف][ (رقم العضويه 258) on :
 
النسر الأبيض
نفس ملاحظتي وربـــــــــــي


وسعوا صدوركم أهم شي الاخلااااااااااااااق (==دخلت هالجملة فزعة عشان اختم الرد
 

---

مرسلة من AL-MO-HANNAD/ الحالم (رقم العضويه 14031) on :
 
كله كوم و البدليات اللي بالصفحة الاولى اللي بالانجليزي بكوم لوووووووووووووول و حطيت موضوع بهالساحة و ما تغير شي

شكرا اخ انمار على الملاحظة.

المهند الحالم
 

---

مرسلة من AL-MO-HANNAD/ الحالم (رقم العضويه 14031) on :
 
اقول ترى البدلية مكررة:
ممنوع مواضيع الشكاوي ضد مشرفين المنتدى

لووووووووووووووووووووول

 

---

UBB.classic™ 6.7.1