مساء النور .. عندي شكوى و إقتراح لساحة المرأة و المجتمع أول ببتدي بالشكوى خخخ بالنسبة حق إللي يشاركون فيها ينعدون على الأصابع و أغلب العضوات طايحين بالساحات الفنية و ساحة الصداقة ياريت يكون في مشاركة فيها منتدى السالمية وصل أكثر من 20 ألف عضو! حرام تكون عنده ساحة بهالمستوى! مع إحترامي لمشرفاتها طبعا يعطيهم العافية ما قصروا فيها يعني ياريت يكون فيها مشاركات أكثر و مواضيع نتناقش فيها هذي شكوى و طلب من العضوات العزيزات الجميلات الرقيقات إنهم يعطون الساحة حقها ثاني شي الإقتراح أوجهه للمراقبين إنهم يوافقون عليه و يعطوني ويهه ياريت يمنع بساحة المرأة و المجتمع مشاركة الشباب و أي رد أو موضوع يحذف و إذا ما لبيتوا طلباتي راح أفجر و أبدي بالقصف العشوائي يحليلي حاشني داء الإرهاب و الكباب (اليوم ماكله كباااااااااااااب ) و الصراحة حاسه إن الموضوع راح يمر مرور الكراااااام بس أتمنى ما تزعلون من كلامي
--------------------
حبيب الأرض يا أنت.. إذا شفت الحزن طوق طريق البيت إذا شفت الخطر قادم تهجى باسم الكويت و أرمي في عيون الخوف حفنة من رمل الكويت و أرمي في لهيب الحقد ضحكة من بحر الكويت
المشاركات: 4176 | من: دولة الكويت | تاريخ التسجيل: يناير 2002
|
دلال الكويت كل إنسان له ميولة و له هواياته بالمنتدى اللي يحب الفكاهة و اللي يحب الجد و السياسة و اللي يحب الرياضة و اللي و اللي ....
و من المعروف ان البنات أكثر شي يقعدون بساحة المرأة و المجتمع و اسم الساحة ( المراة و (((( المجتمع ))))
يعني اعتقد من حق الشباب المشاركة فيها
و بعدين ساحة المرأة نشيطة و ما تعتبر من الساحات الخاملة لان لو تدخلينها يوميا بتلقين مواضيع يديدة و البنات مو مقصرين ... و بعدين انا ما اشوف لج مواضيع وايد بساحتنا شاركينا
و احنا المشرفات ( أجمل احساس - بونيتا - الصغيرة و انا )
مو مقصرين بعد سوينا فيها مسابقات و مواضيع وايد زادت من نشاط الساحة ..
و على كلامج في شكوى من عضوات اتمنى اني اسمع رايهم هني بالموضوع علشان نطورها و نلبي رغباتهم على قدر المستطاع
و بعدين المراقبين شلون بيمنعون الشباب من المشاركة بالساحة بحيث يقدر اي واحد من الشباب يسجل بنك بنت و يشارك و يسوي اللي يبيه
يسلمو على رايج و هذا رايي ...
تحياتي 7aBoBah
[ فبراير 03, 2005, 10:50 PM: تم تحرير المشاركه من قبل: 7aBoBah ]
--------------------
أبشرك قلبي نسى طعم الآلام .. نموت لكن ما تموت الكرامه دامك نويت الصد فالوعد قدام من يومنا حتى تقوم القيامه ....
ياللي تقول في غيبتك حدي أيام .. و يرد قلبي يشتكي من غرامه بهديك للهجران عام ورى عام .. لا عاش راسي لو رجع في كلامه
.. حــبوبہ ..
المشاركات: 14858 | من: كو المحبة يـــت | تاريخ التسجيل: يوليو 2003
|
رد مقتبس: دلال الكويت كل إنسان له ميولة و له هواياته بالمنتدى اللي يحب الفكاهة و اللي يحب الجد و السياسة و اللي يحب الرياضة و اللي و اللي ....
و من المعروف ان البنات أكثر شي يقعدون بساحة المرأة و المجتمع و اسم الساحة ( المراة و (((( المجتمع ))))
شدخل الهوايات بمشاركتهم بساحة المرأة؟! و بعدين أنا ما قلت يخلون الساحات الثانية و أيون يشاركون بساحة المراة و المجتمع!
رد مقتبس: يعني اعتقد من حق الشباب المشاركة فيها
لا يا عمري مو كل المواضيع لهم حق يشاركون فيها
رد مقتبس: و بعدين انا ما اشوف لج مواضيع وايد بساحتنا شاركينا
أحرجتيني الصراحة والله إذا بحط مواضيع و بالنهاية يردون علي 7 و كلهم يسلمو أريح نفسي أحسن أتمنى تكونين فاهمتني و فاهمه كل إللي أقصده
رد مقتبس:و احنا المشرفات ( أجمل احساس - بونيتا - الصغيرة و انا )
مو مقصرين بعد سوينا فيها مسابقات و مواضيع وايد زادت من نشاط الساحة ..
من قال إنكم مقصرين! هذا و انا حاطتها بالخط الكبير!
رد مقتبس: و على كلامج في شكوى من عضوات اتمنى اني اسمع رايهم هني بالموضوع علشان نطورها و نلبي رغباتهم على قدر المستطاع
أنا ما قلت في عضوات يشتكون و أنا قلت رأيي ما تكلمت عن رأيي غيري
رد مقتبس: و بعدين المراقبين شلون بيمنعون الشباب من المشاركة بالساحة بحيث يقدر اي واحد من الشباب يسجل بنك بنت و يشارك و يسوي اللي يبيه
قلت الطريقة إقري كلامي مرة ثانية و شدعوه عاد شنو يخليه يسجل بنك بنت و يكتب بالساحة!!!!!!!!!!!!ههههههههههههههههههه أي شي
رد مقتبس: يسلمو على رايج و هذا رايي ...
على عيني وراسي
بس ياريت تاخذين لج فرة على منتديات الخاصة بالمرأة و تقارنينها مع ساحتنا (ساحة المرأة و المجتمع) راح تفهميني
--------------------
حبيب الأرض يا أنت.. إذا شفت الحزن طوق طريق البيت إذا شفت الخطر قادم تهجى باسم الكويت و أرمي في عيون الخوف حفنة من رمل الكويت و أرمي في لهيب الحقد ضحكة من بحر الكويت
المشاركات: 4176 | من: دولة الكويت | تاريخ التسجيل: يناير 2002
|
رد مقتبس: مساء النور .. عندي شكوى و إقتراح لساحة المرأة و المجتمع
مساء النور اختي اول مره اشوف احد يشتكي على ساحتنا
رد مقتبس: بالنسبة حق إللي يشاركون فيها ينعدون على الأصابع و أغلب العضوات طايحين بالساحات الفنية و ساحة الصداقة
مانقدر نقصب الاعضاء يشاركون بالساحه واحنا نسوي اللي علينا ونزل مواضيع لكن الاعضاء مايردون بس هذا مايدل على ان الساحه نايمه بالعكس انا اشوف ساحة المراه وايد احسن من قبل فرق كبير والحمدالله احنا نسوي اللي علينا مانقصر بالمواضيع
رد مقتبس: ياريت يكون في مشاركة فيها منتدى السالمية وصل أكثر من 20 ألف عضو! حرام تكون عنده ساحة بهالمستوى
اتمنى تزيد عدد الردودعالمواضيع مو المشاركات لان المشاركات في الساحه ممتازه باليوم تنزل بالساحه اكثر من خمس مواضيع
رد مقتبس: مع إحترامي لمشرفاتها طبعا يعطيهم العافية ما قصروا فيها
الله يعافيج
رد مقتبس: ياريت يمنع بساحة المرأة و المجتمع مشاركة الشباب و أي رد أو موضوع يحذف
انا اختلف معاج بالعكس انا احب اشوف مشاركات للشباب مافيها شي اذا شاركوا بالعكس انا استانس اذا شفت مشاركه لعضو وبعدين اذا امنعوا دخول الشباب يقدرون يسجلون بنك ثاني ويدخلون مافي شي صعب مانبي نطبق نظام منع الاختلاط
وبقول شغله ساحة المراه بنظري من الساحات النشيطه عالاقل باليوم تنزل مواضيع وفي جم رد واحنا نحاول نزيد عد المشاركات الحمدالله بالصيف كل المواضيع المثبت كانت مميزه منها مس سالمية اللي زاد عدد الاعضاء بالساحه وان شالله في مواضيع بالطريج ودايما نحاول تكون مواضيعنا مميزه
رد مقتبس: و الصراحة حاسه إن الموضوع راح يمر مرور الكراااااام بس أتمنى ما تزعلون من كلامي
لا ابد مافي زعل بس يمكن في اختلاف بوجهات النظر
[ فبراير 04, 2005, 01:48 AM: تم تحرير المشاركه من قبل: الصغيره ]
--------------------
سمو الامير الشيخ صباح الاحمد الجابر الصباح ( نبض القلوب)
مرسله في
مشكورة دلال الكويت على اقتراحك ويا ريت تزيد نسبة المشاركات في ساحة المراة و عن جد المشرفات مش مقصرين ابدا دايما في مشاركات جديدة حلوة ومفيدة
بعتقد قبل فترة كانت الحركة بساحة المراة اقوى واكثر بهيدي الفترة قلت وللصراحة بعدها احسن بكتير من الساحة العامة والشباب والرياضة الساحة الفنية والصداقة ماخدين الجو كله
مش غلط بس كمان حلو المشاركات من الاعضاء تكون باغلب الساحات ومشكورة دلال الكويت على اقتراحك والى المزيد من التالق لمنتدى السالمية انشاء الله
-------------------- ما في توقيع المشاركات: 28652 | من: كوكب زحل | تاريخ التسجيل: يونيو 2003
|
رد مقتبس: مساء النور .. عندي شكوى و إقتراح لساحة المرأة و المجتمع
مساء النور والله شي يسعدنا نسمع شكوى واقتراح عن ساحة المرأة يمكن نكون مقصرين بشي ومو منتبهين ونتساعد في تطوير الساحة خاصة وانج كنتي مشرفة على الساحة من قبل فيهمنا نسمع رايج وراي كل مرتادي ساحة المرأة
رد مقتبس: أول ببتدي بالشكوى خخخ بالنسبة حق إللي يشاركون فيها ينعدون على الأصابع و أغلب العضوات طايحين بالساحات الفنية و ساحة الصداقة ياريت يكون في مشاركة فيها
ينعدون عالأصابع طيب وين المشكلة وبعدين أنا ما اشوفهم ينعدون عالأصابع مشاءالله البنات مو مقصرين بالساحة والا لازم كل بنت تشارك بساحة المرأة واذا كانت البنت ميوله فنية مثلا واهي مسجلة بالمنتدى عشان الفنية لازم نغصبها تدخل المرأة دلال هذا مو منطق وان كانوا ينعدون عالأصابع احنا قاعدين نبذل جهدنا عشان الكل يشارك بساحة المرأة وكل فترة وفترة نحاول نسوي موضوع يزيد من مشاركات العضوات معانا وتفاعلهم وآخر موضوع طراطيش اللي نزلناه حبينا نتواصل مع الضوات ونتناقش بالمواضيع الموجودة في الموضوع وقبل هذا الموضوع كان موضوع عالم الموضة و مجلة she style وغيرها وغيرها من المواضيع كانت كلها مواضيع نقاشية وحاول من خلالها زيادة تفاعل العضوات في الساحة ولا انسى موضوع مس السالمية اللي كان استقطب عدد كبير من الأعضاء في المنتدى ولفت انتباههم لساحة المرأة وكانت ساحة المرأة من أكثر الساحات نشاط ولازلنا نحاول نقدم كل ما هو جديد للساحة من مواضيع نقاشية ومسابقات وصدقيني حبيبتي احنا كل يوم نجتمع ونتكلم عن الساحة ونحاول نسوي مواضيع بأفكار مختلفة ويديدة عشان الساحة
رد مقتبس: ياريت يكون في مشاركة فيها منتدى السالمية وصل أكثر من 20 ألف عضو! حرام تكون عنده ساحة بهالمستوى!
بالنسبة للمشاركات المشاركات موجودة وبدليل كل يوم تلقين بالساحة شي يديد انشاءالله يوصلون أعضاء المنتدى الى 100 ألف عضو وصدقيني ساحة المرأة مستواها تطور عن قبل بوايد وانا احس انها صارت انشط وراح تصير أنشط وأنشط مع الوقت وبجهود كل العضوات
رد مقتبس: مع إحترامي لمشرفاتها طبعا يعطيهم العافية ما قصروا فيها
الله يعافيج
رد مقتبس: يعني ياريت يكون فيها مشاركات أكثر و مواضيع نتناقش فيها
مثل ما وضحت لج قبل المواضيع النقاشية موجودة وليش ما تحطيلنا مواضيع نقاشية عشان نتناقش معاج فيها
رد مقتبس: هذي شكوى و طلب من العضوات العزيزات الجميلات الرقيقات إنهم يعطون الساحة حقها
ترى محد مقصر بحق الساحة ونتمنى من العضوات المشاركة مع ان المشاركة موجودة
رد مقتبس: ثاني شي الإقتراح أوجهه للمراقبين إنهم يوافقون عليه و يعطوني ويهه ياريت يمنع بساحة المرأة و المجتمع مشاركة الشباب و أي رد أو موضوع يحذف و إذا ما لبيتوا طلباتي راح أفجر و أبدي بالقصف العشوائي
أنا من ناحيتي أرفض الاقتراح شنو المغزى من عدم مشاركة الشباب في الساحة مع ان مشاركتهم قلية او شبه معدومة يعني مثلا لو شاف الشاب موضوع وحب يرد عليه وين المشكلة وبعدين الساحة اسمها ساحة المرأة والمجتمع وأعتقد الشباب جزء من المجتمع ولهم راي والا شرايج دلال
رد مقتبس: و الصراحة حاسه إن الموضوع راح يمر مرور الكراااااام بس أتمنى ما تزعلون من كلامي
تطمني دلال الموضوع ما راح يمر مرور الكرام وكلنا نحب نسمع من الكل وأكيد محد راح يزعل منج لأن ندري انج كتبتي الكلام من حبج لساحة المرأة وان ودج تكون افضل ساحة بالمنتدى
رد مقتبس: والله إذا بحط مواضيع و بالنهاية يردون علي 7 و كلهم يسلمو أريح نفسي أحسن أتمنى تكونين فاهمتني و فاهمه كل إللي أقصده
فاهمين يا دلال اللي تقصدينه ولكن لما يكون الموضوع عبارة عن صور ملابس والا اكسسوارات والا ديكور ...إلخ شنو بيكون ردج وسبق وقلت لج نزلي مواضيع نقاشية وخلينا نتناقش معاج
رد مقتبس: بس ياريت تاخذين لج فرة على منتديات الخاصة بالمرأة و تقارنينها مع ساحتنا (ساحة المرأة و المجتمع) راح تفهميني
انتي قلتيها بنفسج منتديات خاصة بالمرأة لكن الكل يعرف ان منتدى السالمية منتدى فني بالدرجة الأولى ومحد ينكر هالكلام وأغلب اللي يسجلون فيه يسجلون عشان الفنية
انا اشكرج دلال الكويت على هالموضوع والشكوى والاقتراح واتمنى تكون وجهة نظري وصلت لج واتمنى من كل العضوات اللي عنده اي اقتراح للساحة تطرحه واحنا نتمنى نسمع الكل
[ فبراير 04, 2005, 04:43 AM: تم تحرير المشاركه من قبل: [BONITA] ]
[ فبراير 04, 2005, 05:12 AM: تم تحرير المشاركه من قبل: [BONITA] ]
--------------------
المشاركات: 2752 | من: دار المـحــ الكويت ــــــبة | تاريخ التسجيل: سبتمبر 2003
|
رد مقتبس: هذي شكوى و طلب من العضوات العزيزات الجميلات الرقيقات إنهم يعطون الساحة حقها
أقصد طلب للعضوات العزيزات الجميلات الرقيقات إنهم يعطون يشاركون فيها و يعطونها حقهاااااااااا أشوف حبوبة تقول
رد مقتبس: و على كلامج في شكوى من عضوات اتمنى اني اسمع رايهم هني بالموضوع علشان نطورها و نلبي رغباتهم على قدر المستطاع
لا سوري كانت بدلية
مس سالمية مع إن كلامج تقريبا نفس كلام حبوبة بس راح أرد عليج
رد مقتبس: اول مره اشوف احد يشتكي على ساحتنا
لأن ما احد مهتم فيها غيري (لا تفهميني غلط أتغشمر )
رد مقتبس:مانقدر نقصب الاعضاء يشاركون بالساحه واحنا نسوي اللي علينا ونزل مواضيع لكن الاعضاء مايردون بس هذا مايدل على ان الساحه نايمه بالعكس انا اشوف ساحة المراه وايد احسن من قبل فرق كبير والحمدالله احنا نسوي اللي علينا مانقصر بالمواضيع
محد قال ((إنكم)) مقصرين
رد مقتبس:اتمنى تزيد عدد الردودعالمواضيع مو المشاركات لان المشاركات في الساحه ممتازه باليوم تنزل بالساحه اكثر من خمس مواضيع
المواضيع و الردود و نوعية الموضيع مكرره و ممله مع إحترامي
رد مقتبس:انا اختلف معاج بالعكس انا احب اشوف مشاركات للشباب مافيها شي اذا شاركوا بالعكس انا استانس اذا شفت مشاركه لعضو وبعدين اذا امنعوا دخول الشباب يقدرون يسجلون بنك ثاني ويدخلون مافي شي صعب مانبي نطبق نظام منع الاختلاط
شدخل منع الختلاط؟! في مواضيع مو لازم يشاركون فيها لو أحط موضوع ما أقدر أمنع فيه ردود الشباب أبيهم يعطوني حق بهالشي ما اقدر امنع على كيفي هذا إللي أبيه أنتوا كيفكم عاد بس مو حلو مثلا أدخل موضوع نقاشات خاص في المرأة(أي نقاشات وين يا حسرة خخخخخ) أو صور و أشوف تعليقات سخيفة من ناس مشوربين
رد مقتبس:وان شالله في مواضيع بالطريج
نشوووووووووووف
رد مقتبس: لا ابد مافي زعل بس يمكن في اختلاف بوجهات النظر
نعم نعم و الإختلاف في الرأي لا يفسد للود قضية
--------------------
حبيب الأرض يا أنت.. إذا شفت الحزن طوق طريق البيت إذا شفت الخطر قادم تهجى باسم الكويت و أرمي في عيون الخوف حفنة من رمل الكويت و أرمي في لهيب الحقد ضحكة من بحر الكويت
المشاركات: 4176 | من: دولة الكويت | تاريخ التسجيل: يناير 2002
|
رد مقتبس: مشكورة دلال الكويت على اقتراحك ويا ريت تزيد نسبة المشاركات في ساحة المراة و عن جد المشرفات مش مقصرين ابدا دايما في مشاركات جديدة حلوة ومفيدة
العفو عمري لا طبعا مو مقصرين المشرفات
رد مقتبس: بس كمان حلو المشاركات من الاعضاء تكون باغلب الساحات
صح كلامج
رد مقتبس:ومشكورة دلال الكويت على اقتراحك والى المزيد من التالق لمنتدى السالمية انشاء الله
تسلمين مشكورة على مرورج و تأييدج
منوووله الرياض هلا والله..
رد مقتبس: الساحه هذي ينقصها الجرئه بالطرح
والجرئه اللي اقصدها مو انه مايكون عندنا حياء
هههههههههههههه طبعا حبيبتي إن شاءالله الكل بيحترم نفسه
رد مقتبس:والمشرفات فيها والله مايقصرون يتفاعلون مع المواضيع
إي يزاهم الله خير
رد مقتبس: بس ياعمري اذا اغلب المطروح صور طبيعي بيكون الرد يسلمو وشكرا ولا وش راي الحلوه
لا مو شرط قولي لي ليش تقدر تعلق على الصور تضيف شي تعطي رايها مو بس يسلمو
Badr
رد مقتبس: مع الأسف دلول ..
3 أرباع البنات رامين أنوثتهم ورقتهم عند باب ساحة الرياضة ..
عادي ما فيها شي إذا شاركنا بساحة الرياضة أصلا الرياضة للجميع خخخخخخخخخخخ و لكلا الجنسين و لكل الأعمار خخخخخخ
رد مقتبس: ترا بروح أسرق وأبيع أنوثة عند باب الرياضة اللي يبي يجي لله يحييه
مو بس بهالساحة على باب المتتدى بكبره بسسسسسسسسسسسسسسسسسسس أخاف.. ولا خلاص ماني قايلة
شفتي ياريمي أشلون ساحة الرياضة فاضية بس رجاءا لا احد يقلبها على ساحة الرياضة
بونيتا راح أرد عليج بعد هالرد لأن الردود غصب تنعرض ماأدري ليش
--------------------
حبيب الأرض يا أنت.. إذا شفت الحزن طوق طريق البيت إذا شفت الخطر قادم تهجى باسم الكويت و أرمي في عيون الخوف حفنة من رمل الكويت و أرمي في لهيب الحقد ضحكة من بحر الكويت
المشاركات: 4176 | من: دولة الكويت | تاريخ التسجيل: يناير 2002
|
مرسله في
viva la libertad...vuestro broblema es siembre la misma...gente inocentes muriendo cada dia y vosotros no saben si entran al baño con la la bierna derecha o izquierda..en fin un saludo
المشاركات: 5 | من: tenerife | تاريخ التسجيل: فبراير 2005
|
الله بالخير بالمشرفه المتقاعده من الأشراف والمتقاعسه بالمشاركات .
ودي اقول رايي بموضعج بحكم اني من اقدم الأعضاء في المنتدى
اول شي مثل ما انتي قلتي ان اغلب العضوات مجابلين الساحه الفنيه مو حبا بالفن مع احترامي لهم
حبا بالنجره والمهاوش وحبا بالتعليق والحش في اشكل المطربين والمطربات
ملاحظه انا ما أقصد الكل بس اقصد الأغلبيه .
هذا شي والشي الثاني مثل ما قالت وحده من اللي رادين ان الموقع اصله فني فشي طبيعي يكون اغلب المشتركين ميولهم لساحة الفنيه وهذا شي ما تقدرين لا انتي ولا المشرفين ولا المراقبين تغيره
اما من ناحية منع مشاركة الشباب يا حبذا لو تقولين السبب يعني هل ردودنا تسبب الأحراج لكم لو ان تسبب الأحراج اقولج اوكي لو ان في موضوع حساسه فيكم اتوقع فاهمه هالشي
اما مثلا موضوع مثل مسابقة مس سالميه كل عضوه كاتبه لها موضوع واحنا ندش ونشوف من موضعها احلى ومنسق اكثر نصوت
اول مثلا موضوع فيه صور ميك اب وبنات مزاين الواحد يرد ويعبر عن مشاعره
الموضوع مغلق
إرسال هذه الصفحه لصديق!
لطباعه هذا الموضوع
![[Smile]](smile.gif)
![[kiss]](graemlins/kiss.gif)
![[help]](graemlins/help.gif)
![[girlie]](graemlins/girlie.gif)
![[nut]](graemlins/nut.gif)
إنهم يعطون الساحة حقها![[Frown]](frown.gif)
![[Cool]](cool.gif)
![[Mad]](mad.gif)
![[happy]](graemlins/happy.gif)
)![[worried]](graemlins/worried.gif)
![[bgrlaugh]](graemlins/bgrlaugh.gif)
![[Confused]](confused.gif)
![[Wink]](wink.gif)
![[rofl]](graemlins/rofl.gif)
![[Roll Eyes]](rolleyes.gif)
![[Razz]](tongue.gif)
![[Big Grin]](biggrin.gif)
![[heartpump]](graemlins/heartpump.gif)
![[check]](graemlins/check.gif)
![البريد الإلكتروني [BONITA]](http://salmiyaforum.net/ubb/email_ubb6.gif)
![[battingeyelashes]](graemlins/battingeyelashes.gif)
![[Embarrassed]](redface.gif)
)![[nerd]](graemlins/nerd.gif)
![[dance]](graemlins/dance.gif)
![[crying]](graemlins/crying.gif)
![[smoke]](graemlins/smoke.gif)
