وعـالسـاعة 11 العشـاء .. بيكون قطـع دجاج مشوي أو سلطة سيزار شيكن
وهالأسبوع الأول باجر بيخلص .. وبشوف وزني شنو صار معاه .
انا ماكتبت هالموضوع إلا ابيكم تنصحوني وتشجعوني
وبعطيكم ملخص كـل أسبوع وإن شـاء الله أوصـل للوزن إللي في بالي
[ ديسمبر 18, 2008, 09:22 AM: تم تحرير المشاركه من قبل: أحمدونا ]
مرسلة من Only Nouna (رقم العضويه 83453) on :
7elouuu el 3azima hiye kelchi sara7a yalah mewafa2 w naterin mennak el ta9arir kel 2osebou3 مرسلة من ســهـــم (رقم العضويه 86891) on :
طولك 175 ووزنك 116
يعني أنت تقريبا 35-40 كيلو فوق وزنك الطبيعي.
أول شئ حاب أقولك إياه أن بالإرادة بتقدر توصل للمستحيل.
بس نصيحتي لك تمارس رياضة, كبداية مشي عالكورنيش أو جري خفيف. بتلاحظ أنه بيساعدك تنزل وزنك, ريجيم بدون شوي رياضة ما ينفع.
نصيحتي الثانية, لازم تكون واقعي جدا. يعني لا تقول بعد شهر بنزل 15 كيلو. لا عط نفسك مهلة مثلا على وزنك وطولك قول على نهاية شهر مارس بنزل 15-20 كيلو, طبعا بالإرادة والستمرارية بالريجيم والرياضة.
أنا مو دكتور أو مدرب خاص, بس أتكلم عن تجاربي وتجارب الناس اللي حولي. يعني أنا الحمدالله جسمي رياضي متناسق وأتمرن بالصالة 4 أيام بالأسبوع. وأشوف ناس بالصالة وأسولف معاهم عن سوالف التمارين والأكل والخ والحمدالله قدرت أفيد بعضهم بمعرفتي المتواضعة بهالمواضيع.
بخصوص الملابس
صدقني بعدين كل شئ يطلع حلو عليك وما راح يفرق لو شاريه من D&G او H&M لول
واذا عندك أي استفسار ثاني أنا حاضر.
Goodluck سهم بقراطيسه
[ ديسمبر 22, 2008, 10:01 AM: تم تحرير المشاركه من قبل: ســهـــم ]
مرسلة من طبيعي (رقم العضويه 11956) on :
اهلين احمدونا لول تصيرلك مادونا؟
الصراحه حلو انك تفكر تسوي رجيم وخاصه انه وزنك مايخرع بس عشان تكون رشيق لازم تسوي رجيم
شوف اذا انت من نوع تكره الرجيم في حلول وايد اهم شي انك ماتتركه كلها ...رجيمك حلو استمر عليه وانشالله تشوف نتيجه
واذا منت قادر عليه او هديته قولنا اهني بالموضوع نشوفلك حل ثاني
مرسلة من [ سـي السيّد ] (رقم العضويه 2150) on :
اشوف ان وايد خبزتين و 3 خبزات لول حاول تاخذ خبز اسمر في خفيف او نخاله .. والحين الجو حلو حق المشي لووول قاعد اضحك وانا اكتب لان احس ضميري يقول علم نفسك بدال ما تنصح الاوادم خخخ بسوي رجيم عند دكتور بدر النصرالله اذا تبي بحطلك شيعطيني خخخ واذا بتمشي خذني معاك امشي لول
مرسلة من أحمدونا الحلومـي (رقم العضويه 21422) on :
سـهـم .. مشكور على كلامك ونصايحك انا حالياً بديـت بالمشـي .. ومأقدر أشترك في نادي هالشهر لأن بعد يوميـن راح لمـصـر بس متعود دائماً أفتر بشوارع القاهرة وبتكون بعد رياضيـة
طب طب .. لا هالرجيم الحمدلله ماشيء معاي وبشوف نتايجة بعد شهر بس الحمدلله من الأسبوع الأول نزلـت 2 كيلو بدون رياضة كلش وهالشيء شجعني شوي وإن شاء الله مستمـر
ودام أنت تشجعنـي .. بإذن الله راح أضعف لان أنا اهنييك على التجربة الحلوة إللي انت سويتها وو إن شاء الله انت بعد توصل للوزن إللي تبيـه قبل لاتسافر
سي السيـد .. شرأيك تبداء معاي الرجيم وانا وياااك نشجع بعض ونضـعف مرسلة من طبيعي (رقم العضويه 11956) on :
بدر النصرلله رجيمه وايد يضعف وفيه اكل تصدقون يقول اكلو غدا برجر كنج صمونه دجاج مشوي .خوش غدى مو؟
والعصر سنيكر او تويكس الصغار عرفتوهم؟ هم زين على زين
روحوله
مرسلة من أحمدونا الحلومـي (رقم العضويه 21422) on :
شدعوة .. شهالرجيم برغر كينغ وسنيكرز !!؟
عاااااد بخاطري آكـل كاكاو .. بس لأ يخرب رجيمي
وبدر النصرلله ويـن صاير وشلون نظامــة ابي اروحله قبل السفره ..
مرسلة من [ سـي السيّد ] (رقم العضويه 2150) on :
توني ياي من بدر النصرالله
احمدونا مادونا مكانه بالفري زوون قبل فيلا مودا يصر عاليمين يم كاريبو بنفس الباركينج عطاني رجيم اسمه detox plan مدته اسبوع يقول هذا لازم نبدي فيه عشان يعرف نوعية الجسم يقول المفروض باسبوع انزل من 4 الى 6 كيلو ننطر ونشوف مرسلة من طبيعي (رقم العضويه 11956) on :
بداحو جم فتح الملف عنده وجم كل مره زياره ودفعت لشي ثاني ولا بس ملف؟ طلب فحص دم ؟ طلب تاخذ منه حبوب؟
خنعرف اهو مادي ولا انساني لول
وشنو باجر وجبتك قول خنستفيد يمكن اروحله خصوصا اني هالايام موعارف شاكل
مرسلة من أجـمـــل إحـســـاس (رقم العضويه 9558) on :
^ ^
حلووووة مادي ولا انساني
بس صح كلامك يا خوفك من النصابين هالايام
أحمدوونا..
ماشاااءالله عليك شي حلو انك بديت تفكر برشاقتك و صحتك... صج اهنيك على هالبداية الحلوة
مثل ماقال بداح.. جرب الخبز الاسمر اللي فيه نخاله.. انا مع ان جسمي مناسب جدا الحمدالله بس احب احافظ من ناحية الاكل اختار الاسمر لو في خيارات بالموضوع.. بس مرات اخوره شوي لازم
والريااااضة الرياااااضة وااااايد مهمه.. لازم وانت تضعف تشد جسمك بالرياضة حتى لو مشي بس كبداية..
بدور ماكو فتح ملف تدفع 25 اول مره وثاني مره ما تدفع شي يعني 50 دينار بالشهر = 4 زيارات
مرسلة من أحمدونا الحلومـي (رقم العضويه 21422) on :
ياااااااااه .. بداحو حدك متأخر ليش مارديت على موضوعي قبل أسبوع بالأصل موضوعي ماصارلة أسبوع
باجر أنا مسافر للقاهرة .. فا مافي وقت أروحلة
بداح .. حط الرجيم وبمشي معااااك لمدة شهر على مأرجع الكويت
ومن ناحية المشـي .. بمصر أنا متعود باليوم أمشي بالسـاعـات بس متفرق لأن الجو هناك حاليا وااااايد حلو
مرسلة من ســهـــم (رقم العضويه 86891) on :
في بداية الريجيم والرياضة سهل الواحد ينزل بسرعة, بس بعدين يصير الواحد صعب ينزل نفس الوزن اللي نزله بأول فترة الدايت.
مثلا تقول كيف قبل نزلت 3 أو 4 كيلو بإسبوع (مثلا) والحين بالزور أنزل 1 أو 2 كيلو بالـ 10 أيام؟
ترى هذا الشئ طبيعي لأن في البداية الميتابوليزيم (حركة حرق الكالوريز في الجسم) يكون بمثابة صدمة للجسم فيشتغل أسرع, بس بعدين يتكيف على سيستم معين.
مرسلة من أجـمـــل إحـســـاس (رقم العضويه 9558) on :
^ ^
صح...
انا الـ fat في جسمي كان 5%
والحين 4%
قالت لي الاخصائية اني راح اتعب شوي عشان احرق هالاخر 4% من الـ fat او الشحم في جسمي..
مرسلة من [ عـشـرة عـمـر ] (رقم العضويه 86128) on :
رد مقتبس:المرسل الأصلي هو طبيعي: بدر النصرلله رجيمه وايد يضعف وفيه اكل تصدقون يقول اكلو غدا برجر كنج صمونه دجاج مشوي .خوش غدى مو؟
والعصر سنيكر او تويكس الصغار عرفتوهم؟ هم زين على زين
روحوله
لوووووووول بدور انت قصدك عبدالله المطوع .. مو بدر النصرلله ..
عبدالله المطوع كان معطيني ريوق : 3 تمرات + لبن خاااااالي الدسم او كورن فليكس فيتنس + حليب خااااالي الدسم
وبين الريوق والغدا .. عصير كي دي دي اناناس او برتقال
والغدا .. دجاج مشوي او لحم مشوي او سمج او تونه المهم مشوي ويكون بحجم كف اليد + نص خبزه سمره خفيفه + سلطه
او
صمونة برغر كنج تشيكن ووبر بس نحذف الخبزه اللي تحت لانها تشرب دهون ونطلبها من غير مايونيز
وبين الغدا والعشا .. شاي او قهوه مع سكر رجيم .. + سنيكرز او كتكات او تويكس الصغار او بدال الككاو حبة فاكهه
بالليل العشا صمونة حلوم .. او لبنه او اذا كنتوا بالبيت هاتوا الخلاط وحطوا فيه عصير اناناس كي دي دي + 3 حبات كيوي .. بينترس القلاص بتشربونه وتنترس بطونكم وتشبعون .. وهالعصير يحرق دهون لي الصبح
صارلي عنده شهر .. نزلت عنده 8 كيلووات
بس طق امطاقق على ما تحصلون حجز عنده .. اعرف واحد تووه متصل فيه قاله اعطيك اخر شهر 3 موعد او اول 4 !!!
انا موعدي الاول عنده كان قبل شهر .. تخيلوا كنت ماخذ موعد من رمضان
والله يوفق الجميع ويصير الكل رشيق .. وتعلموا من طبيعي ترى مسوي انجاز مو طبيعي
[ ديسمبر 24, 2008, 08:35 PM: تم تحرير المشاركه من قبل: [ عـشـرة عـمـر ] ]
مرسلة من [ سـي السيّد ] (رقم العضويه 2150) on :
عشرة عمر انا كنت مسوي عند عبدالله المطوع قبل لما كانت العياده مقرفه والهنديه اللي تقيس الوزن ريحتها صنااان ولما كنت ادخل بآي وقت عاادي لا موعد ولا بطيخ والزياره ب 5 والله ونزلت عنده وااايد الحين صار طق مطاقق عليه فجاه وعطوني موعد بعد شهر لول قلت الله يرحم ايام زمان خخخ
سو عشان جذي رحت بدر النصرالله عيادته وايد مرتبه ومواعيد سنعه وتعامل سنع احسن من الهندي الجلب اللي عند عبدالله المطوع ينافت مال اروح وازنطه لول
مرسلة من قلب حساس (رقم العضويه 10429) on :
^^
الظاهر ريحة الهنديه اهي اللي نزلت من وزنك
قوود لاك شبااااااب
تحياتي فديتني ارق قلب حساس
مرسلة من فـــهد (رقم العضويه 86872) on :
أنا عندي مشكلة بوزني بس عكسك
طولي 169 ووزني 47
آكل عادي بس مايتغير وزني مادري ليش , أحد عنده حل ؟
بس أخوي مثلك عنده زيادة بس هو وايد أكثر منك , مو متذكر بالضبط جم طوله بس وزنه كان فوق الـ 150 , حاول كل أنواع الريجيم وكان ينزل جم كيلوا عقب يرد دبلهم
آخر فترة راح لحسين دشتي و نفسيته تغيرت ولاعت جبده , بعد شهر راح موعده جان يقوله نزلت 4 كيلوا بس , تضايق وقطع
بعدها قام يخفف آكل ويمشي كل يوم مرتين , لما يرد من الدوام وبالليل
كان ياكل بس يخفف الأشياء اللي تمتن
من بداية الصيف وهو مسوي هالريجيم ونزل للحين 20 كيلوا يمكن وحده مستانس
بالتوفيق لكل اللي يبي ينزل وزنه وأبي حل حقي عشان أمتن شوي
[ ديسمبر 27, 2008, 10:52 AM: تم تحرير المشاركه من قبل: فـــهد ]
![[dance]](graemlins/dance.gif)
![[Wink]](wink.gif)
![[applause]](graemlins/applause.gif)
![[Big Grin]](biggrin.gif)
![[iwantattention]](graemlins/iwantattention.gif)
![[rose]](graemlins/40.gif)
![[Razz]](tongue.gif)
![[Smile]](smile.gif)
![[Cool]](cool.gif)
![[Frown]](frown.gif)
![[Mad]](mad.gif)
![[crying]](graemlins/crying.gif)
![[rofl]](graemlins/rofl.gif)
![[help]](graemlins/help.gif)
