هناك عدة أسباب لتغيير لون الأسنان مثل القهوة والكولا والتدخين، من الممكن أن تؤثر بعض العقاقير والتقدم بالسن على لون الأسنان أيضا.
تغيير اللون خلال ساعة في عيادة الأسنان ( Zoom ) تبييض الأسنان خلال ساعة بنظام( (Zoom2Advance System وهذا النظام يعطي بياضا ناصعا لسبعة أضعاف، ويعتبر رقم 1 في العالم ويستخدم للمرضى الذين يريدون النتيجة مباشرة أو ليس لديهم الوقت الكافي لاستخدام نظام التبييض في البيت وهو يعمل كما يلي: _ أولا يتم عزل الأسنان عن اللثة بواسطة عازل مطاطي لمنع المادة الهلامية من الوصول إلى الأنسجة اللينة. _ يتم وضع المادة الهلامية على الأسنان وتفرك كل 5 دقائق. _ يتم تنظيف الأسنان من المادة الهلامية كل 15-20 دقيقة ويتم وضع المادة مرة اخرى وتكرر لمدة ساعة.
التبييض في البيت: هي طريقة بديلة فعالة لنظام( Zoom ) ولكن تحتاج إلى علاج متواصل لمدة اسبوعين ويتم عملها كما يلي: _ يتم أخذ طبقة من الأسنان العلوية والسفلية ويتم تحضير العلاج اللازم لها. _ بعد أن يتم تحضير المادة اللازمة، والتي لايمكن ملاحظتها من بعد سيتم إعطاؤك نظام التبييض مع شرح خاص من طبيب الأسنان عن كيفية استعماله. _ حتى تجنب أسنانك التكلس ، طبيب الأسنان سوف يعطيك الخطة المناسبة لنظام التغذية بالبيت حتى تحافظ على ابتسامتك الرائعة لمدى الحياة.
--------------------
أنا بعد ما حطيت التقويم أسناني بدت تتغير لونها لأن تفريش الأسنان صار بطيء وفيه أماكن ما توصل لها الفرشة
وخصوصا إني آخر فترة قمت أشرب منبهات وايد .. قصدي قهوة و شاي و كابتشينو و نسكافيه مو أشياء ثانيه لول
اللي جرب تبييض الأسنان أو عنده معلومات عنها خل يقولها لنا
أنا راح أسويها أول ما أشيل التقويم .. يعني شهر 9 الياي
مرسله في
انا كنت بسوي تبييض .. بعدين قالولي ان التبييض يسوونه بانهم يشيلون من طبقة المينا بالأسنان و ما يبقى على طول بعد 6 شهور يرد لون الاسنان مثل ماكان ! و ما تقدر تسوي تبييض مرة ثانية لان راح يشيلون طبقة المينا بعد !! و الاسنان تصير ضعيفة حيل و حساسة مثل ما قالت قلب ..
في ناس تبرم اسنانها و تسويها عواد و تلبسهم و يصيرون بيض مثل الطوفة بس يمممة يخرع و حرام على اسناني مافيهم شي لول بيض و الطمع شين
--------------------
أبشرك قلبي نسى طعم الآلام .. نموت لكن ما تموت الكرامه دامك نويت الصد فالوعد قدام من يومنا حتى تقوم القيامه ....
ياللي تقول في غيبتك حدي أيام .. و يرد قلبي يشتكي من غرامه بهديك للهجران عام ورى عام .. لا عاش راسي لو رجع في كلامه
.. حــبوبہ ..
المشاركات: 14858 | من: كو المحبة يـــت | تاريخ التسجيل: يوليو 2003
|
التبييض بالليزر يرد بعد فتره اللون الطبيعي بسسسسس يعطون معاه مثل الجيل ينحط كل جم شهر للي حاب.. او مره او مرتين بالسنه.. هذا يرد لونهم الابيض مثل بعض الليزر مباشره..
القهوه والجاي وهالتدخين يغيرون لون الاسنان..
--------------------
أنا لا أملك جمال يوسف ولا قوة موسى ولا كنوز قارون لكني أملك في قرارة نفسي
"مالا يعلمه الآخرون"
المشاركات: 57172 | من: Kuwait & Dubai | تاريخ التسجيل: يونيو 2003
|
خذوها مني مو أنا دكتور إسنان(قيد الإنشاء),, لاتجربوا تبيضوا إسنانكم و لا شي و نصيحة مني إنكم ما تسونها لإنكم ما تعرفون مضار التبييض متل ما بعرفه,,
أهم شي يا حمد إنك بعد ما تشيل التقويم تعمل جلسات تنظيف الإسنان لإني أنا إن شاء الله رح بشيل التقويم إللي فوق بعد أسبوعين و already قررت إني جلسات تنظيف و رح بقولك بالنتايج أول بأول,,
تبييض زوم مو زين .. لأنه يخلي لون الظروس يتغير لمدة 6 شهور بالكثير بعدين يرد مثل ما كان .. وفي ناس يطول معاهم سنة .. وهالشي يعتمد على نظافتك لول .. يعتمد على شكثر تفرش وبعد ما تاكل أو تشرب شكثر تطول على ماتفرش ظروسك .. يعني لازم اهتمام دايم وكل ماهتميت أكثر كل ماطول أكثر
بس اللي أحسن منه هو التبييض المنزلي على قولتهم .. اللي انت تسويه بنفسك .. هذا طريقته .. إنك تروح عيادة وتقولهم تبي تبييض منزلي فأول شي ياخذون impression لظروسك اللي فوق واللي تحت ويسوون قالب بلاستك حق ظروسك اللي فوق واللي تحت ... وبعطونك مادة التبييض وتحطها كل يوم بالقالب البلاستك وتلبسه نص ساعة قبل لا تنام .. لمدة 15 ساعة .. ولو تبي تبيض أكثر تستمر أكثر .. وحتى بعد شهرين لو شفت ظروسك ردت للونها القديم .. تقدر ترد تستخدمه .. معظم الأمريكان اللي أعرفهم يستخدمون هالطريقة
أو في الحل النهائي
رد مقتبس: في ناس تبرم اسنانها و تسويها عواد و تلبسهم و يصيرون بيض مثل الطوفة [Razz] بس يمممة يخرع
الفنييرز أو الـ veneers.. هذا الحل النهائي لول .. مو شرط يكون لونهم أبيض يبط الجبد مثل نيشان لول .. انت تختار اللون والشكل بعد بس اللي ظروسه طبيعية وقوية وممكن تتعدل بطريقة ثانية حرام يسوي الفنييرز .. تعتبر جريمة بحق الظروس .. بس اللي مضطر يسويها ليش لأ .. نوال الكويتية توها مسويتها لول وأصالة مسويتها من زمان واليسا بعد ..
إذا بتشوفون صور للفنييرز سو سيرج لكلمة veneers يقوقل
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|