This is topic تضامنا مع بدر و موسيقي ... أنا اصاب بـ ؟؟؟ in forum ساحه العنايه العامه بالصحه والجسم at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=15;t=000765

---

مرسلة من [ GaGa ] (رقم العضويه 2150) on :
 


احب اطمنكم وابيكم تحللوني انا اسبوع الجاي هعمل عمليه

حعمل ليزر لعيوني
ابي اقط العدسات والنظارات

في حد سواها من قبل ؟
طيب كيف الشعور وانت فاتح عينك وهم يحطون الليزر فعينك وما يبونك تسكرها
عطوني ليسته بالاسياْ اللي لازم اسويها قبل العمليه

والاهم من هذا كله بيعطوني اجازه طبيه اسبوعين
 

---

مرسلة من [ GaGa ] (رقم العضويه 2150) on :
 
ويه وينكم !
 

---

مرسلة من الصغيره (رقم العضويه 10056) on :
 
يالله سويها علشان اسويها عقبك
خنجرب فيك
سمعت تلبس نظاره سوده عقب العمليه بتصير ام كلثوم
 

---

مرسلة من K H A L I F A (رقم العضويه 89436) on :
 
اقولك لا تسوى عملية ابد هى صح العملية سهلة وسريعة ما تحس فيها ابد

لكن بعد ما تخلص العملية رح تقيد بروتين معين مثل ما قالت الصغيرة وكانك يا زيد ما غزيت

امزح بس فى البداية لانو يقولو العين تكون شوى حساسة من الضئ

[ يونيو 16, 2010, 02:14 PM: تم تحرير المشاركه من قبل: K H A L I F A ]
 

---

مرسلة من طبيعي (رقم العضويه 11956) on :
 
رفيجي سواها وايد زين الحين طبعا مايلبس نظاره خلاص كلش وو نظره تمام وصار انسان طبيعي بالنظر

بس نسيت عقب العمليه على طول شنو كان يسوي

مم بساله وبكتب هني بالموضوع
 

---

مرسلة من طبيعي (رقم العضويه 11956) on :
 
بداح دش العمليات واتوقع الحين سواها وخلص العمليه

بالسلامه بداااح
 

---

مرسلة من / Only Nouna / (رقم العضويه 83453) on :
 
ana 3amalt hal 3amaliya bada7da7o
shuf howe sara7a el manafe3 taba3a aktar men masaze2
el 7aja el wa7ida howe enno ba3d el 3amaliya
ra7 tdal t7ess bi 3younak ka 2enno nachfin w lazem ta3mol kel marra eye drops
w m lazem tshuf tv wala techteghel 3ala pc for 1 week, also ra7 tdalek labes nadarat chams 1 week
also sometimes lamma tchuf chi ra7 ybayen 3endak ka 2enno mesh safya soura

bas ahamma chi ftakkeit men nadarat wel 3adasat
bas halla2 kollo tamam l7amdelah
ana mechkelti el wa7ida howe lamma kan bichil hyada el transparent yalli be 3in nsit shu esmo
ra7 el docture w 7adali 3ar2 bi 3eini w nfajar sa3eta w daleitni ta2riban sana w 3eini 7amra
bas l7amdelah l7amdelah ma kan 3er2 kebir or chi, bas halla2 khalas ra7 kelchi bas dal 3endi cheway bas ma bibayen

gheir heik bel salamah w ma tekhaf kollo tamama

 

---

مرسلة من dR• M (رقم العضويه 74592) on :
 
بداااااااااح مبروك و حمدلله ع السلامة
أنا سويتها السنة الماضية
وفيك تقرأ جورنالي هنــا لول
 

---

مرسلة من v.e.l.v.e.t (رقم العضويه 87344) on :
 
الحمد لله على السلامه ومآجور ان شاء الله

مثل ماقالت الصغيره راح تلبس نظارة سودا لفترة



يعني علق صورة عائشة المرطه على باب غرفتك

 

---

مرسلة من طرووووق (رقم العضويه 5228) on :
 
هلا والله

انا مسوي الليزك من 2007 تقريبا

بصراحة انا كان عندي نفس معاناتك .. نظارات

ولما ألعب كورة ألبس عدسات وكل شوي عدسة طايحة او انسى وانام فيها

بس بعد ماسويت الليزك ارتحت كثير الحمدلله

طبعا ً وقت العملية فيه ألم .. وبعد العملية ألم مقرف جدا ً يروح ويجي طبعا ً العيون حمراا

بعد يومين بالضبط تبدا الاعراض تخف لون العين يبدا يخف عن اللون الاحمر الالم يبدا يهدا شوي

بس اهم الشي قطرات العيون وعصار تحطه على عيونك .. لااااااااازم تهتم فيه وتحافظ عليه لحد مايقولك الطبيب ستوب

ترا هذي عيون مو لعب انتبه وانا اخوك

وعلى فكرة على الوصف الشبه مخيف الي وصفتلك اياه .. لو ارجع لنفس حالتي ويقولون تسوي ليزك او لا .. بسويه عشر مرات

لاني الحمدلله مره ارتحت ولافيه اي اعراض جانبيه ولله الحمد

والف سلامه عليك
 

---

مرسلة من طرووووق (رقم العضويه 5228) on :
 
نسيت أقول لك .. انتبه تحك عينك او تخلي يشي يلمسها بقوة

لمدة 4 شهور ..

اذا لمسها شي بقوة سهل القرنية تنعدم .. وان لمسها شي .. خلاص ارمها

والا اقولك خل نفطر عليها بيض عيون p:
 

---

مرسلة من _ غـلا حصـه _ (رقم العضويه 17970) on :
 







ليش سويتها ؟ احس النظارة كيوت
بس يمكن اريح

اذكر بنت عمتي من زمان سوتها و الحين وايد زينه الحمد الله

سلأآمات








 

---

مرسلة من الصغيره (رقم العضويه 10056) on :
 
سلامات بداااااح
 

---

مرسلة من طرووووق (رقم العضويه 5228) on :
 
وينك يابوعيون جريئة !؟

شكلك سويت العملية .. الف الحمدلله على السلامة مقدما ً يابطل
 

---

مرسلة من [ GaGa ] (رقم العضويه 2150) on :
 
هههه نسيت الموضوع 
الحمدلله سويتها صارلي 10 ايام
الحمدلله ححسيت بالم بس بعد العمليه على طول تميت ساعتين مو قادر افتح عيني وتحرررقني
بش بعدها كل شي اوكي وحضرت عرس ولد خالي ثاني يوم بالنظاره الشمسيه خخخخخ
والحمدلله مستمر بالقطرات كانو 3 قطرات وقللهم الدكتور صاروا قطره وحده 6 مرات باليوم بالاضافه الى الرفرشمنت للعين
حاليا ماكو الم بس عيوني حمررؤه وقاعد يخف الحمار يوم عن يووم
والحمدلله ارتحت من النظاره والعدسات وانشالله نظارتي بحطها بالمزاد خخخخخ

شكرا جميعا
 

---

مرسلة من razan007 (رقم العضويه 233) on :
 
الحمدلله على سلااااااااااااامتك بداااح

خطاك السووو

عقبالي خخخخخخ
 

---

مرسلة من [ GaGa ] (رقم العضويه 2150) on :
 
سويها تسوى
خوش اجازه اسبوعييين
 

---

مرسلة من الصغيره (رقم العضويه 10056) on :
 
الحمدالله عالسلامه بداح

تدري ودي اسويها بس انا مشكلتي اخاف من القطره لوول
انزين بسالك وقت العمليه حسيت بشي ولا عادي وشكثر خذت وقت؟
 

---

مرسلة من [ GaGa ] (رقم العضويه 2150) on :
 
لا ماحسيتش بحاجه
تقريبا وقتها 10 دقايق او ربع ساعه

بس عقب العمليه عيوني حرتني شوي بس مع القطرات كل شي اوكي
بس للحين عيوني حمره مادري لي متى
 

---

مرسلة من dR• M (رقم العضويه 74592) on :
 
بداح حمدلله ع السلامة
أكيد شعورك دحين ما ينوصف
الحمرة رح بتخف تدريجيا ما عليك لول,
بس رح يكون عندك شوية مشكلة بلايتات الشوراع,
ما رح يأثر ع سواقك بس الحذر زين,
شقد كان نظرك بالأول ؟؟
أنا وصلت لدرجة 5- تخيل
والله الليزك علاج ما كو متله,
يسلم eggs إللي إخترعه
لو قالولي تيجي تسوي العملية تاني مرة , أسويه بدل المرة ألف
 

---

مرسلة من [ الملكه نازلي ] (رقم العضويه 2150) on :
 
لول دكتور انا صارلي اكتر من 15 سنه البس نظاره بس الهبل وعمايله ان للحين ما اعرف كم كان نظري لووول

والحمدلله شعور حلو من غير عدسات ولا نظاره

اليوم كان عندي موعد مع الدكتور وقلتله ليش عيوني حمره في ناس ما صارت حمره
قال انت كنت كتير متشنج وشاد على اعصلبك عشان جذي صارت حمره لوول
بس الحمدلله خف الحمار
والقطرات قالي هالاسبوع 4 مرات والاسبوع الياي 3 مرات وخلاص اوقفهم
وامس رجعت الدوام
 

---

مرسلة من ..Modmenat Diana.. (رقم العضويه 88536) on :
 


الحمدالله ع سلامه
وخطاك سوء
انا اخاف أحد يسوي
بعيوني شيء كلش ولاعيون

يلا الحمدالله



 

---

مرسلة من R.O.O,7 (رقم العضويه 12395) on :
 
الحمدلله على سلامتك بداح

وانتم السابقون ونحن اللاحقون

سؤال انت شو كانت مشكلتك ؟ يعني قصر نظر ولا شي زيادة ؟
 

---

مرسلة من KHaLaF (رقم العضويه 12634) on :
 
الحمدالله عالسلامه بداح

موضوع النظر بيتحسن تدريجياً الين بعد شهر وكم اسبوع بيصير 6 على 6

اللهم الشي المزعج هو تسرب ضوء وليتات الشوارع اثناء السواقه بالليل

بس الموضوع بيختفي اشويه اشويه

ولكم تو ذا كلوب بداح
 

---

مرسلة من Fisaal (رقم العضويه 31) on :
 
الحمدالله على السلامه بس عند اي دكتور؟؟
 

---

مرسلة من R.O.O,7 (رقم العضويه 12395) on :
 

رد مقتبس:

---

المرسل الأصلي هو KHaLaF:
الحمدالله عالسلامه بداح

موضوع النظر بيتحسن تدريجياً الين بعد شهر وكم اسبوع بيصير 6 على 6

اللهم الشي المزعج هو تسرب ضوء وليتات الشوارع اثناء السواقه بالليل

بس الموضوع بيختفي اشويه اشويه

ولكم تو ذا كلوب بداح

---

جيت وش جابك خلف >>>> تري غيرت الشعار شو رايك

الواضح انك سويت اليزك بدبي ؟ صح ؟ اذا ايه عند من ؟قصدي اي مستشفي لاني ناوية اسويه بس لما تكون الوالدة هنا عشان تاخذ بالها مني ؟

بانتظار جوابك السريع
 

---

مرسلة من [ الملكه نازلي ] (رقم العضويه 2150) on :
 
الله يسلمكم

روح كان عندي ضعف نظر
والحمدلله من ثاني يوم لليزك تحسين بالفرق
والحمدلله حاليا راح كل الاحمرار يسسسسسس
بعض المرات اتاذي من ليتات السياره بالليل ...

فيصل
سويتها عند دكتور غسان الزين
 

---

مرسلة من N.i.i.N.a. R.i.C.C.i.i (رقم العضويه 21036) on :
 
الف سلامة عليك بداح

عندي سؤال هو الليزك الي بتحكو عنو هو نفسو الليزر؟؟

لانو انا اعرف العلاج بالليزر بس اليزك ده عمري ما سمعت فيه

و دكتور هو الليزر بيصلح النظر؟؟ انا كنت مفكرة انو بيصلح الشبكية بس لانو انا كمان عندي عين ناقصة بشوف ازا بسويها او لا
 

---

UBB.classic™ 6.7.1