هالصيف سالفتنا سالفة شهر 4 اتفقنا ان نروح باريس ولنـدن جا آخر 5 لقينا ابـوي حاجز على تركيا لان يقول خاطره فيها لان مارحنالها وهو بخاطره يروح بلد ماشفناها قبـل
سكتـنا قلنا معليـه يلا نشوف مكان ماشفنـاه, ليـن قبل كم يـوم قلت خل اتصفح فالنت واشوف اسطنبـول
ابد ابد ماعجبتني طبيعتها مب مثل اوروبا جنها بلد عربـي بالعربي مادشت خاطري
نطرت الا بدا كاس أوروبـا! شفت فيينــا وحنيت لأيامنا العـام
وبس قلت حق ابوي نبي نروح فيينـا اول شي عيـا قالي خل نروح تركيا ماشفناها فيينا دايم نروحلها كان اطنقر وأمد البـوز ولاكلمـته واني زعلانه وقلتله يبا شوف تبي تركيا؟ روحولها بدوني مب رايحه
لين اليوم جاني يقولي ترى حجزتلكم فيينـا وفكه طلقنا تركيا وسيرة تركيا مايسوى علينا نور
وليـالي الانس في فيينـا
وانا اموت ففينـا ومصرة عليها لان فيها أمـان والقهاوي فاتحه لين1 وعشان الكيرتنر نروح ونرد الحمدلله مافيه خـوف والملاهي قريبه
والتسـوق حلو يعني كامله مكمله والكمال لله
[ يونيو 12, 2008, 01:35 AM: تم تحرير المشاركه من قبل: miss Milano ]
--------------------
و اللي مش عاجبووو يرجع ع بلدوووو
المشاركات: 4399 | من: Qatar <3 | تاريخ التسجيل: أغسطس 2005
|
مرسله في
عاد احنا شفرتنا هالسنه غير لوول سفره عالية كل العائله من خوالي بنطري مع بعض يمعه اشكبرها
بننزل بلاد الشام كلهم كل بلد اسبوع الاردن ولبنان بعد وسوريا مع ان مالي خلق سوريا وهم راحين تركيا واايد متحمس حق لبنان من 2003 ما رحتها انشالله نطول فيها اكثر من اسبوع
مع اني كنت مخطط انزل الامارت بروحي لاني من شهر 3 يوم اروح انقهرت وقت ما نزلت دبي وقلت اعوضها بالصيف لكن كل شي تغير
يلا سفره يديده ومتحمس لها واايد احب اليمعات واايد
وكل صيف وانتو بخير
[ يونيو 12, 2008, 02:51 AM: تم تحرير المشاركه من قبل: [ m a t r i x ] ]
[ يونيو 12, 2008, 05:52 PM: تم تحرير المشاركه من قبل: [ m a t r i x ] ]
--------------------
المشاركات: 5859 | من: مملكة البحرين | تاريخ التسجيل: أغسطس 2004
|
رد مقتبس:المرسل الأصلي هو طبيعي: للحين ماتم القرار
مابين لندن ودبي او سنغافورة ودبي
طبيعـي
في واحد من هلي راح سنغافورة ومايمدحها كلش
خلك على لندن يازينها
ياربي مليت من لندن ...ودي اروح شرق اسيا والصراحه كل اللي سمعته انه سنغافورة راقيه وارقى دوله شرق اسيويه تقريبا فحبيت اجربها
المشاركات: 44721 | من: الـكـويـت | تاريخ التسجيل: أكتوبر 2003
|