لول امي مسويه مجبوس حقنا وحق شلة البنات الباقيين بس مسكينـه ردينا من براتر متأخر ورحنا تعشينا فماكدونالدز ونسينا المجبوس وكلن رد غرفته ولا حد كل العشا وامي من كثر ماحترت قالت بكرة مافي براتر بس مسكينه خلتنا ثاني يوم
وهذا قصر قديم بالجبل رحنا له يوم الاحد لان كل شي مسكر الجبل روعه وكله قهاوي وقعدات ويوم الاحد الواحد مب محصل مكان الا اذا حجز
وهني كوكي ينطر الاكل
منظر لفيينا من فوق الجبل
وهذا منظر ثاني المغرب لفيينا وتقدرون تشوفون البراتر من بعيد
والحين تعالوا نشوف The best place for Qatari people in vieena
Praaaaaaater <3
هذي لعبة الصحن
المهم براتر من تجي الساعه 9 ونص تنترس بهل قطر وجان زين على كبر الملاهي يتوزعون ماينترسون الا فمكان محدد عند السيايير والصحن
ودي اشوف جنسيات ثانيه بهالمكان كويتين ولا اماراتيين ماشوف الا هل قطر كل يوم نفسهم
بس بعد جد احلى واونس مكــان ففينـا واكثر مكان واحشني نسهر فيه لين 1
وهذي اشهر لعبه عندنا فبراتر سيايير التصادم وهالسنه مولع البوم عبدالمجيد فاللعبه وهي اخر لعبه تسكر بالملاهي بكبرها لان الناس يخيسون فيها لين بعد نص الليل
وهذا الدونا انزل السنه مارحنا له الا مرتين بس
وهنـي بحيره رحنا لها حق اللي يبون يصيدون السمك طبعا انا واختي تمللنا وتمينا نحن عليهم عشان نرجع الكيرتنر مب مال رحلات طبيعيه
وهذا شارع الماريوت فليل
: :
وفالختام اسمحوا لي عالتقرير البسيط
بس الصراحه السنه ماطلعنا مكان من الكيرتنر لين براتر نحب الروتين
وان شاء الله انتظروني في تقرير فيينا 2009 >> من الحين حاجزين لها
--------------------
و اللي مش عاجبووو يرجع ع بلدوووو
المشاركات: 4399 | من: Qatar <3 | تاريخ التسجيل: أغسطس 2005
|
الحمد الله على السلامة ميس ميلانو ... مبين انكم استانستوا في الرحلة وقضيتوها طلعات و وناسة .. بالعافية عليكم لعبة سيارات التصادم ليش ضيقة وايد؟؟ احس لازم تكون المنطقة واسعه شوي علشان الواحد ياخذ راحته ويسوق بحرية أكثر.. بس تظل لعبة حلوة و مادري ليش لازم تنتهي بصياح أحد اليهال كل ما نلعبها
هالمنظر حسيته Peaceful بشكل.. يعني الواحد لما يشوف الصورة بس ترتاح أعصابه
رد مقتبس: ودي اشوف جنسيات ثانيه بهالمكان كويتين ولا اماراتيين ماشوف الا هل قطر كل يوم نفسهم
شكلها منطقة التجمع السرية لأهل قطر أخوي راح هالسنة بس راحوا صوب زيلامسي وسالسبورغ.. وعلى فكرة راحوا تور لموقع تصوير فلم The Sound of music
الحمد الله على السلامة مره ثانية ومن الحين ناطرين فيينا 2009 ولو فيه أجزاء ثانية من فيينا 2008 ما عندي مانع خخخخخ
-------------------- [ المشاركات: 7335 | من: الامارات | تاريخ التسجيل: يوليو 2003
|
يلا انشالله السنه الجايه تيجي وصدقني اللي يروح فينا مايبي الا هي
روح المحبـــة
والله انج راعية ذوووق , تدرين هالاغنيه كنت ماحبها
بس صرت اموت عليها رزون تعرف ليش خصوصا مقطع بس قول ابغى
اي وانا اللي ضفتج هناك
howtodeal
الله يسلمك ماجد
عاد انت من اكثر الناس اللي كنت انطر ردهم هني والحمدلله انبسطنا واستانسنا
ماتتخيل مكتأبه هذي حالتي كل سنه من ارد من فيينا لول
وحرام عليـك والله ترى سيايير التصادم مب وايد صغيره حجمها معقول واصلا هم مستانسين حق التكسر
عاد فاتك هالمره مب صياح جهال هالمره هوشات على كبير , تخيل سعوديه سبت وحده قطريه كان يفزعون لها كل الشباب وصارت هوشه خلتنا كلنا نصير جذي
وبخصوص الصورة اللي من الجبل صج ماتتصور عقب شهر من الهيله وازعاج الكيرتنر وبراتر اول مرة احس اني مسويه ريلاكسيشن فهالمكان جد جو شاعري وهادي ويريح الاعصاب بس شالفايده فليل رحنا براتر وخربنا ابو الريلاكسيشن
واخوك يحليله كان لازم يجي فيينـا يلا انشالله السنه الجايه وانت وياه عاد خالتي السنه راحت زلمسي تقول كلها هل الامارات احنا رحنا لها العام بس تمللنا وماصدقنا على الله متى ردينا فيينا يعني اذا تحب الطبيعه والهدوء بتصلحلك
وخلاص ولايهمك بنزل جزء 2 بدر صور اماكن غير عشان مالوع جبدكم فبراتر والكيرتنر
--------------------
و اللي مش عاجبووو يرجع ع بلدوووو
المشاركات: 4399 | من: Qatar <3 | تاريخ التسجيل: أغسطس 2005
|