ملفي الشخصي | الدليل تسجيل الدخول | بحث | مســـاعدة | الألعاب | قائمة الإداريين | الصفحه الرئيسيه

» منتــدى الســالميــه » القسم العـــام » ســاحــــة الــسياحــه والـسفـــر » ابي اروح للكويت ممكن تساعدوني (الصفحه 1)

إرسال هذه الصفحه لصديق!

الموضوع متكون من صفحات: 1  2

الكاتب الموضوع: ابي اروح للكويت ممكن تساعدوني AbdulAziz™ عضو متميز رقم العضويه 2399 مرسله في                    قوه شباب وبنات الكويت انا انشالله يوم الثلاثاء رايح للكويت يالت تعطوني احلي مجمعات وشوارع -------------------- المشاركات: 31670 | تاريخ التسجيل: يوليو 2002  |  الصغيره miss salmiya رقم العضويه 10056 مرسله في                    ^ ^ حيالله أزوز والله بتنور الديرة والله الله ماكثر بديرتنا كثر المجمعات في الافنيوز كبيير هالمجمع اخذ معاك جوتي رياضه وفيه مطاعم وايد وسينما حتى ايكيا وسوبر ماركت فيه وفي مجمع المارينابعد فيه سينما ومطعم داخل المجمع وفوق وتحت حصار مومطاعم لوووووول مجمع الفنار فيه بعد سينما وتحت فيه مطاعم سوق شرق ماحبه مافيه شي بايخ لاتروح يعني هالمجمعات تلقى فيها الرخيص والغالي اذا تبي مجمعات فيها الماركات الغاليه اكثر شي عندك مجمع الصالحيةوفيه فندق ماريوت بعد شحلاته في مطاعم تهبل يعني الفندق والمجمع صايرين بمنى واحد بس بينهم باب معلومه: مجمع الصالحية يسكر يوم الجمعة وفي بعد مجمع فيلا مودا صاير مكانه بالمنطقة الحره مينا الشويخ ويمه في مطاعم حتى اذكر رحت مطعم ايطالي ومجمع الرايه فيه تحت كافيهات وفوق في مطعم برجر بوتيك ويتصل في المجمع فندق كورت يارد فيه مطاعم مطعم ايطالي ويمه مطعم بوفيه وايد حلوين المطاعم حتى مجمع الثريا بعد تلقى فيه ماركات عالمية وخيال بصراحة واغلب محلاتهم تابعه للاسطورة والشواع شارع الخليج بس زحمة ماحبه لاتنسى تروح المطاعم اللي عالبحر روح نينو احب انا Roca Sald وشارع البلاجات وروح مطعم ستيكات في منتجع النخيل بالبدع حلو المطاعم واغلب زباينهم اجانب انا بصراحة احب اكلهم وشارع سالم المبارك احب هالشارع صج زحمه بس يونس يطل عليه عدة مجمعات منه ليلى جاليري لملابس السهرة ومجمع البستان مجمع صغير وفي بعد مجمع زهرة صج صغير بسفي محلات راقيه بصراحة وقريب ان شالله شارع مس سالمية بيفتحونه وانا وسفير بنقص شريط افتتاح الشارع ان شالله تستانس بالكويت وعلى حظك جونا صار حلو بالليل براااد شتبي بعد واذا تبي شي اسأل ماتتكسفش ولاتنسى تروح المباركية ياولد الحجيه >> واذا رحت قولي لاني ولا مره رايحه المباركية بخاطري اروح لووول [ أكتوبر 10, 2008, 09:26 PM: تم تحرير المشاركه من قبل: الصغيره ] -------------------- سمو الامير الشيخ صباح الاحمد الجابر الصباح ( نبض القلوب) المشاركات: 18126 | من: بنت الكويت | تاريخ التسجيل: يوليو 2003  |  [ سميره سعيد ] عضو فعال جدا رقم العضويه 2150 مرسله في                        ووع صج ماعندك سالفه شيجيبك الكويت ! مافيها الا الفلس روح شارع البدويه بالفحيحيل وشارع زرقاء اليمامه بحولي روح الجهراء من ارقى المناطق فيها مجمعات ومنتجعات وروح الصليبيخات شوف المقبره روح الفروانيه والرقعي فيها سوووق ولاتنسى تمر خيطان فيها احلى القهاوي وشارع مكه بالفحيحيل فيه مطاعم روح مطعم ميه ميه روح المرقاب وروح سوق الصفافير وروح المباركيه روح راحت روح العدو -------------------- The One and ONLY is BACK .. Stay away.. المشاركات: 15893 | من: الزمن الجميل | تاريخ التسجيل: يوليو 2002  |  طبيعي مراقب رقم العضويه 11956 مرسله في                    لول عزوز لو طعت بداحو عيل عليك السلام روح الافينيوز مرينا الفنار سوق شرق تمشى بشارع سالم المبارك على كبره جذي يعني المهلب لو تبي بس ماحبه انا المشاركات: 44721 | من: الـكـويـت | تاريخ التسجيل: أكتوبر 2003  |  الصغيره miss salmiya رقم العضويه 10056 مرسله في                    بدااااح يبيلك طق هذه اماكن تخلي الصبي يروح لها اسم الله عليه شوديه صليبخات أزوز ماعليك منه اسمع كلامي وكلام طبيعي وان شالله بتستانس في الكويت -------------------- سمو الامير الشيخ صباح الاحمد الجابر الصباح ( نبض القلوب) المشاركات: 18126 | من: بنت الكويت | تاريخ التسجيل: يوليو 2003  |  AbdulAziz™ عضو متميز رقم العضويه 2399 مرسله في                    بداح علي ت ب ن فدييتج الصغيره لول ماقصرتي بس كلها يومين الاربعاء بروح لمسرحية طارق العلي لول والثلاثاء بوصل العصر اكيد اني بطلع وبروح والخميس اكيد والجمعه العصر بمشي بيرسي طبطب وماقصرتو بس ابي احلي ثلاث مجمعات ليوم الثلاثاء والاربعاء ابي مجمع حيلو وصغير عشان المسرحية الساعه 7 ونص يقلون الخميس بخليها ل اكبر مجمع عندكم والجمعه بمشي -------------------- المشاركات: 31670 | تاريخ التسجيل: يوليو 2002  |  «[.MASTER.]» عضو متميز رقم العضويه 12532 مرسله في                     يا حظك ... اكيد رديت نبي تقرير و صور -------------------- امــــــي A N N E المشاركات: 40288 | من: U.A.E الامـــارات | تاريخ التسجيل: نوفمبر 2003  |  [ سميره سعيد ] عضو فعال جدا رقم العضويه 2150 مرسله في                        يا بقره المسرحيه اذا بدت امبجر فهي تبدي 9 ومسرحيات طارق دايما تطوّل تتم 5 ساعات لول روح الصالحيه تمشى وبعدين تعشى وروح المسرحيه -------------------- The One and ONLY is BACK .. Stay away.. المشاركات: 15893 | من: الزمن الجميل | تاريخ التسجيل: يوليو 2002  |  R.O.O,7 عضو فعال جدا رقم العضويه 12395 مرسله في                    5 نجوم يعني عزوز كاتب الموضوع امس ويقول رايح الثلاثاء يعني للحين ماراح وانت تبيه ينزل تقرير لووول صباح الليل -------------------- المشاركات: 12782 | من: دبـــي | تاريخ التسجيل: نوفمبر 2003  |  [ عبـد الـعزيـز ] عضو فعال رقم العضويه 17637 مرسله في                     عزوز إنطرني ناوي أروح الكويت هالشهر بنروح مع بعض لول ناوي اروح خلال هالشهر بس مابأخرك خذ أول تأكسي .. الكويت حلوه تتهنى يارب .. بداح -------------------- مـن يـومها شـو عـاد صـار ..؟ مـا صـار شـي كتـيـر ..! المشاركات: 6796 | من: عــيون فــيروز | تاريخ التسجيل: سبتمبر 2004  |  ladi_87_bird عضو نشيط رقم العضويه 84386 مرسله في                     حياك الله بالكويت ويشرفنا وجودك ... بالنسبه لأكبر مجمع عندنا فهو " الأفنيوز " وانشالله يعجبك فيه سينما ومطاعم وكافيهات وفيه محلات عاديه وفيه ماركات بعد ... اتوقع اهو الأنسب حق يوم الخميس ... أما بالنسبه" لمجمع الفنار" فهو مجمع صغير نوعا ما وفيه نفس الشي مطاعم وكافيهات وغيره ... وهو مجمع هادي نسبيا مافيه هيلق ولويه اتوقع هذا يناسبك حق نفس يوم المسرحيه ... وفي بعد " المارينا مول " بس هذا أكبر من مجمع الفنار وطبعا فيه نفس الشي من مطاعم وسينما وغيره .. بس اشوي زحمه ولويه وبعد الساعه 6 كله يهال وقز .. وطبعا لك حرية الأختيار ... وبالنسبه للشوارع مثل ماقالت أختي " الصغيره " عندك " شارع الخليج " وممكن منه تطلع على " شارع الحب " الصراحه ماادري شسمه الصج بس احنا بالكويت نسميه جذي .. وممكن تطلعله من اشارة " مطعم فرايديز " ... انشالله أكون كفيت ووفيت .. زياره موفقه .. انشالله تعجبك الكويت ... -------------------- يا عله بحشاي محد درا بها ولا احد بيدري بها... خلي إللي بالقلب يجرح تا يطلع لبره ويفضح ... المشاركات: 466 | من: kuwait | تاريخ التسجيل: أبريل 2008  |  هيـ حكي ــدا عضو فعال رقم العضويه 84913 مرسله في                    حيــاك الله يا هلا ومرحبـا المجمـعات الأفنيوز وهذا بالري مارينـا بالسالمية الفنـار بالسالمية الكـوت بالفحيحيل سوق شرق بـشرق الشوارع شارع سالم المبـارك شارع الخليــج وعلى طولة تلاقي المطـاعم كلها من فرايدزير ابلبيز جيلز ووايد مطـاعم اماكن سياحية الواجهه عند سوق شرق حلوه القعده فيها ابراج الكويت والبحر الي حولها واجهه مارينا هم حلوه وخاصة بالقسم الثاني من صوب البحر كله كافيهات راح تستانس بالقعده فيها ومجمع الكوت القعـده فيه وايد حلوه وخاصة الكافيهات الموجوده فيه وكل المجمعات الي ذكرتها فيها سينمـا وان شاء الله تستانس وتشوف الي يسـرك عندنا -------------------- ممتنـع حتى إشعار آخر المشاركات: 4615 | من: الكويــ عروس الخليج ــت | تاريخ التسجيل: مايو 2008  |  AbdulAziz™ عضو متميز رقم العضويه 2399 مرسله في                    ماقصرتو كلكم فديتكم -------------------- المشاركات: 31670 | تاريخ التسجيل: يوليو 2002  |  Fisaal مشرف رقم العضويه 31 مرسله في                        ياهلا ومرحبا اخوي عزوز راح تنور الكويت بالنسبة للكويت من 3 سنوات صارات المكان المفضل للسياحه العائلية ماشاء الله اعداد السعودين كبيره جدا وحتى بقية دول الخليج ايقاع الحياة بالكويت مختلف عن باقي دول الخليج وانشاء الل راح تستمتع معانا بالكويت بس الرحله قصيره طبعا الكويت في منطقة الخليج مثل مصر بالعالم العربي فهي مصدر الاشعاع الثقافي والادبي والفني والرياضي والسياحي يعني بمجرد وصولك بالكويت راح تحس وكانك تعرف هذه الاماكن لانك اكيد كثير شفتها بالتلفزيون والصور السايحة بالكويت ماتختلف عن باقي دول الخليج لان الطبيعه غير موجودة بس موجودة الشواطئ الجميله ممتدة مليئة بالمطاعم العالمية والكافيهات المعروفه وفي مجمعات تجارية حديثة وراقيه وفي اماكن ترفيهيه للعوائل والشباب مثل الأكوا بارك والمدينة الترفيهيه منتزه الشعب ومرح لاند ودور السينما شي مميز بالكويت وافضل اماكن للسكن هي منطقة السالمية الحركة على مدار الساعه حيث مئات المطاعم والمقاهي والمجمعات التجارية والفنادق والشواطئ انشاء الله راح تستمتع اهم المجمعات التجارية الأفنيـــور كبير جدا سوق شرق مارينا موول الكوت المهلب كويت ماجيك شارع سالم المبارك فيه الكثير كم المجمعات الصغيره نسبيا بس حلوه وهذه بعض الصور صوره للعاصمة الكويت مجمع الكوت صوره ثانية لمجمع الكوت هارد روك كافيه صوره ثانية للهارد روك سوق شرق مدينة الكويت منطقة السالمية مارينا ويف من اشهر المطاعم اليابانية المسجد الكبير اتمنى ان الصور اعجبتك واللي مايشتغلون عنده الصور يحط بروكسي لان موقع فليكر محجوب بالامارات بدون سبب -------------------- المشاركات: 15562 | من: دار آل الصباح | تاريخ التسجيل: أبريل 2001  |  موسيقي مراقب الساحة الفنية رقم العضويه 2114 مرسله في                    عيل انا بنصحك بجم مطعم : اول مطعم اسمه : slider station وايد حلو .. صج انه صغير بس اكله لذيذ و القعده فيه حلوه و غير عن باقي المطاعم ثاني مطعم نينو .. عندك 2 .. الاول على شارع الخليج ، و الثاني بافنيوز .. ثالث مكان انصح انك تروح له ( طبعا اذا كان الجو حلو بليل ) ، روح البدع .. فيه كافيهات و مطاعم كثاار .. اذا زيارتك هالمره قصيرة .. انصحك بـ 3 مجمعات .. افنيوز مارينا مول الكوت و اذا تبي حق محلات كلها ماركات .. روح الصالحية .. عندي لك جدول تسويه اذا بتروح الصالحية ، تروح تتمشى و تشتري الاغراض اللي تبيها ، تقعد بستاربكس شوي ، بعدين تطلع تروح تتعشى بلورينزو او جوني روكت (( موجودين مقابل الصالحية ، و لو تسأل اي احد بالصالحية بيقولك وين مكانهم )) .. طبعا انصح انك تروح بالليل عشان الجو تحياتي -------------------- المشاركات: 14288 | من: Kuwait | تاريخ التسجيل: يونيو 2002  |

الموضوع متكون من صفحات: 1  2

لطباعه هذا الموضوع

إذهب إلى: إختر الساحة:   القسم: القسم الـفـنـي -------------------- ســـاحــة الفـــن العـــربــــي ســـاحــة الفـــن الغـــربــــي   القسم: القسم التقـنـي و الإداري -------------------- ســــاحـــــة الكمبيوتر وتقنية الإتصالات ســاحــة المراقبين والمــشرفين   القسم: القسم الإداري -------------------- ســــاحــــة المـحــذوفـــــــات

إتصل بنا | منتدى السالمية دوت نت


UBB.classic™ 6.7.1