الكاتب
الموضوع: عدت من دبـــي ولكن
Fisaal
مشرف
رقم العضويه 31
مرسله في أغسطس 21, 2008 01:52 AM
10 ايام كامله قضيتها في دبي منها يومان في العاصمة ابوظبي تطورات كبيرة حدث في دبي منذ زيارتي الاخيرة قبل اقل من عام ولكن مع الاسف للأسوء بالبداية 10 ايام كان الجو مغبر طوال الفترة الشوراع بالكامل حفريات حتى بالشوارع الفرعية شكل الشوارع محتاجة فترات طويلة حتى يتم الانتهاء منها اول ملاحضاتي عدد الزوار قليل جدا مقارنه بالعام الماضي المطار كان شبه فاضي بالنسبة للقادمون الاسعار ارتفعت بشكل خطير ملاحظة جدا مهمة المولات كانت حارة ماني عارف هل هو ترشيد بالكهرباء منها المجمع الجديد الفيستفال وتايم سكوير سيتي سنترمول الامارات وبرجمان ووافي سيتي خدمة الواي فاي WIFI بكل مكان بفلوس وباسعار غالية جدا الفنادق 110 درهم على الاقل المفروض بالوبي يكون بالمجان او على الاقل بالكافيهات كل شي بفلوس حتى نظام التعرفه على الشوارع او مايسمى بسالك نظام فاشل ونهب لجيوب الناس وبالنهاية الاسعار نار وبخاصة الفنادق تكاد تكون اعلى سعر على مستوى العالم بدون مقومات سياحية واخيرا المخالفات المرورية حدث ولاحرج الكاميرات تصطاد كل من امامها حتى لو تجاوزت السرعه كيلو متر واحد مع العلم بان الشوارع حفريات والمخارج مغلقة الله يعين سكان دبي على التعذيب اليومي وجهة نظر شخصيه --------------------
المشاركات: 15562 | من: دار آل الصباح | تاريخ التسجيل: أبريل 2001
|
أجـمــل إحـســاس
Miss Golden
رقم العضويه 9558
مرسله في أغسطس 21, 2008 02:00 AM
الحمدالله عالسلامه اخوي فيصل الظاهر دبي اختربت من عقب ما تخرجت وخليتهم ورجعت الكويت -------------------- أنا لا أملك جمال يوسف ولا قوة موسى ولا كنوز قارون لكني أملك في قرارة نفسي "مالا يعلمه الآخرون"
المشاركات: 57172 | من: Kuwait & Dubai | تاريخ التسجيل: يونيو 2003
|
Fisaal
مشرف
رقم العضويه 31
مرسله في أغسطس 21, 2008 02:28 AM
الله يسلمج اجمل احساس دبي حلوة باهلها الطيبين بس البلد فعلا اختربت وماعادت دبي اللي انعرفها السعي للعالمية افقد البلد هويتها --------------------
المشاركات: 15562 | من: دار آل الصباح | تاريخ التسجيل: أبريل 2001
|
يجيلك يوم
عضو فعال جدا
رقم العضويه 122
مرسله في أغسطس 21, 2008 05:09 AM
هلا و مرحبا اخوي فيصل تو ما نورت البلاد و انشالله تكون استانست في رحلتك لبلدك الثانيه الأمارات الجو مغير لأنه صيف و اكيد بيكون حر عمليات الحفر لازم تكون موجوده كيف تبغي البلد تتطور اذا مال الشوارع تتكبر و حاليا اغلبية الشوارع فيها حفريات عشان المترو اللي المفروض يكون جاهز قريب .. هذا كله بيقلل الزحمه على طاري سالك .. يمكن انته مب عايش فلأمارات فما تعرف سالك كيف حال الأزمات خصوصا اللي عند القرهود .. اللي الحين السيد فيه يمشي بطريقه سلسه مو مثل قبل .. دبي قاعده تحاول تحارب الزحمه القاتله باي طرق المترو .. الجسر العائم .. سالك و غيرها من الطرق الذكيه بالنسبه للمولات انا مستغرب من كلامك انا بشكل يومي موجود فمولات دبي مول الأمارات , برجمان ووافي لا حر ولا شىء يمكن يوم تدخل عند الباب لأنه الجو من برع حر بس فالمول احيان بسبب الزحمه الشديده تحس بالحر بس التكييف ما فيه شىء ابدا .. اما بالنسبه للأنترنت فانته ساكن بفندق خمس نجوم اكيد بتدفع حق الأنترنت و هالشىء معروف بكل مكان ربعي هالسنه بلندن يدفعون يوميا 15 باوند حق الأنترنت بالغرفه و فالمانيا كنت ادفع 10 يورو حق ساعه و نص فالبزنس سنتر !! معروف اخوي هالشىء بالفنادق .. اما فالمقاهي فأغلبية المقاهي فيها انترنت لمرتادي هالمقاهي انا دوم افتح الأنترنت حق الـiphone في ايلمنتس كافيه اللي فوافي سنتر مثلا نرجع للأسعار .. بصراحه دبي تعتبر رخيصه اذا قارناها بالبلدان الأوروبيه خل نقول الماي .. بطل الماي الواحد ندفع فيه 3 يورو فاوروبا يعني حوالي 15 درهم .. فلأمارات تدفع بس درهم واحد عليه اما الفنادق فاذا ودك تسكن في فندق خمس نجوم محترم فما اتوقع 500 دولار وايد غالي على فندق 5 نجوم خصوصا انه اغلبيتها تابعه لشركات عالميه غير جذي بهالصيف اغلبية الفنادق مسويه خصومات مثل فندق الفستيفال اللي وصلت اسعار السويت فيه الى 1500 درهم .. و قصر الأمارات الغرفه وصلت 1600 درهم مع الضرائب عالعموم انشالله يوم تزورنا مره ثانيه .. تكون كل الأمور مثل ما تبغيها --------------------
المشاركات: 13760 | من: United Arab Emirates | تاريخ التسجيل: مايو 2003
|
R.O.O,7
عضو فعال جدا
رقم العضويه 12395
مرسله في أغسطس 22, 2008 12:42 PM
هلا اخوي فيصل الصورة اذا كانت من تصويرك فتجنن احب هالمكان عالعموووم الشوارع مدري اي واحدة اللي مختربة بس شكلك تتكلم من صوب مارينا والشوارع اللي بيمر منها الميترو نظام سالك اتفق معاك لانه بالعكس ما حل المشكلة والزحمة للحين موجودة والصراحة مدري شفايدة اضافة البوابة الجديدة بوابة الصفا بخصوص المولات انا اثلج يوم اروح فيستيفال سيتي ووافي وخصوصا الاول لاني كل ما اروح لاجتماع جنبه الفلف شوي في المحلات <<< بس خلي الكلام بيننا بخصوص الفنادق احس انهم مبالغين في الاسعار ويبيلهم يشتغلون شوي على خدمة العملاء لاني ودي اعطيهم كف يوم يتكلمون بالاشارات على فكرة معلومة جديدة في شقق فندقية مقابل الميديا سيتي وانت رايح مارينا اسمها تماني اعتقد شفتها تخيل اول ما افتتحوا كان السعر 4000 و5000 الاف لليلية مع انه لا مطعم فيها ولا يقدمون مشروبات ولا شي والحين عرفت منهم انهم خفضوا ل 500 درهم لليلة برايفت عبود شتروح تسوي في اليمنتس وع اي شي رحت لخان مرجان وشو رأيك بالللوح اليل حاطينها في الاستقبال ؟ وخدمة الانترنت في السيتي سنتر بفلوس لاني مرة شبكت من هناك يمكن 10 درهم للنص ساعة هذا السنة اللي فاتت --------------------
المشاركات: 12782 | من: دبـــي | تاريخ التسجيل: نوفمبر 2003
|
يجيلك يوم
عضو فعال جدا
رقم العضويه 122
مرسله في أغسطس 22, 2008 05:22 PM
لول .. دلول انتي شفتي جسر القرهود كيف طلع فجأه ؟ و الله الصراحه سالك في هاك المكان وايد حل مشاكل الزحمه جسر القرهود الكبير شوفي شكبره جد برافو عليهم كيف طلع الجسر الجديد مكان الجسر القديم بدون حتى ما نحس تماني : عباره عن فندق اسلامي ما يقدم مشروبات كحوليه ولا شىء .. و اتوقع اسعاره مناسبه و مكانه عند المرسى و انتي سايره جميره بيتش ريزيدينس يكون عاليسار مقابل فندق ونستون المهم ايلمنتس ربعي يروحون احيانا عشان الشيشه انا ما اشيش بس دايما اطلب de fondant au chocolat:P .. من احلى الـdesserts بصراحه .. احب وافي لأنه هادي خصوصا يوم ما تبغين الزحمه بس حق الزحمه و الوناسه ما فيه مثل مول الأمارات و قريبا انشالله دبي مول شكله بيصك على مول الأمارات مع انه كل ما نقول جذي ما يصير قبل يوم كان بيفتح فستيفال كنا نقول زحمه مول الأمارات بتخف الأسبوع اللي فات رحت مول الأمارات مطعم كرم بيروت حق الغدا كان المول فيه وايد زحمه و حق العشاء رحنا فستيفال صراحه الزحمه بعد كانت موجوده هناك على فكره رحت خان مرجان ما عجبني احسه وايد حق سواح مب حق عيال البلد لول بس ربعي راحوا مطعم مصري اسمه بلدنا و كان فيه رقاصه و عروض وايد عيبهم بس كان وايد غالي انصكوا بفاتوره عدله --------------------
المشاركات: 13760 | من: United Arab Emirates | تاريخ التسجيل: مايو 2003
|
shamshoom
عضو فعال
رقم العضويه 13
مرسله في أغسطس 22, 2008 06:36 PM
رد مقتبس: ربعي هالسنه بلندن يدفعون يوميا 15 باوند حق الأنترنت بالغرفه و فالمانيا كنت ادفع 10 يورو حق ساعه و نص فالبزنس سنتر !! معروف اخوي هالشىء بالفنادق .. اما فالمقاهي فأغلبية المقاهي فيها انترنت لمرتادي هالمقاهي انا دوم افتح الأنترنت حق الـiphone في ايلمنتس كافيه اللي فوافي سنتر مثلا نرجع للأسعار .. بصراحه دبي تعتبر رخيصه اذا قارناها بالبلدان الأوروبيه خل نقول الماي .. بطل الماي الواحد ندفع فيه 3 يورو فاوروبا يعني حوالي 15 درهم .. فلأمارات تدفع بس درهم واحد عليه حبيبي يجيلك يوم احنا اللي انعرفه انه الإمارات دولة خليجية مو أوربية يعني المفروض تقارن الأسعار بدول الخليج مو مع اوربا
المشاركات: 4381 | من: الكــويـــت | تاريخ التسجيل: أبريل 2001
|
يجيلك يوم
عضو فعال جدا
رقم العضويه 122
مرسله في أغسطس 23, 2008 01:11 AM
شو هالمنطق الغريب ؟ لول عيل على هالمنطق بريطانيا لازم نقارنها في البوسنه و الهرسك بس لأنها في نفس القاره --------------------
المشاركات: 13760 | من: United Arab Emirates | تاريخ التسجيل: مايو 2003
|
ALTENNEEN
Smart Star 2
رقم العضويه 42513
مرسله في أغسطس 23, 2008 01:48 AM
دبي دبي زمان غير عن دبي الحينه انا كرهت ادخل دبي .. و برايي اغلب اللي تقوله صح --------------------
المشاركات: 3426 | من: .ıllıllı. U.A.E .ıllıllı. | تاريخ التسجيل: أكتوبر 2005
|
howtodeal
Smart Star 2
رقم العضويه 10339
مرسله في أغسطس 23, 2008 02:26 AM
انا بصراحة أشوف ان اللي بيزور دبي المفروض ينطر شوي هالفترة لانه المدينة بكبرها Under Constructionعلى قولتهم بس بعد فترة لما يفتح الميترو و دبي لاند والمشاريع الثانية اليديده احس انه بتصير قفزة قوية لدبي والامارات في مجال السياحة.. بالنسبة للتكييف ما حسيت بالشي اللي قلت عنه فيصل وأسعار الفنادق فعلا مبالغ فيهاوضروري ينتبهون لهالشي.. يله ان شالله المرات اليايه تستمتع أكثر بزياراتك لدبي -------------------- [
المشاركات: 7335 | من: الامارات | تاريخ التسجيل: يوليو 2003
|
shamshoom
عضو فعال
رقم العضويه 13
مرسله في أغسطس 23, 2008 12:47 PM
رد مقتبس: شو هالمنطق الغريب ؟ لول عيل على هالمنطق بريطانيا لازم نقارنها في البوسنه و الهرسك بس لأنها في نفس القاره والله يا حبيبي انت اللي منطقك غريب ... يعني الكويت والرياض والبحرين صاروا البوسنه والهرسك وانتوا نيويورك وبعدين ومثل ما تقول انك تعرف بالمنطق ترى اوربا تعتمد اعتماد كبير على الضرائب عشان جذي بطل الماي باوربا بـ 3 يورو أما بالخليج ما في داعي انى يكون بطل الماي بـ 3 يورو لأن الدخل عندها من النفط. [ أغسطس 23, 2008, 01:23 PM: تم تحرير المشاركه من قبل: shamshoom ]
المشاركات: 4381 | من: الكــويـــت | تاريخ التسجيل: أبريل 2001
|
طبيعي
مراقب
رقم العضويه 11956
مرسله في أغسطس 23, 2008 04:48 PM
دبي ماتقارن مع باقي دول الخليج للتطور الواضح بالعين المجرده على كل في كلام غير دقيق خاصه او حادث صار بس بوقت روحتك لان سالفه مكيفات المجمعات ولامره سمعت انه مجمعات دبي حاره وعاشت دبي مزدهره قويه تشكل لنا بالخليج نيويورك من جمالها واذا سعار الفنادق غاليه شوف الكويت اللي فنادقها 70 دينار و60 وهذي ديره موسياحيه اكيد دبي بتكون غرفها اغلى
المشاركات: 44721 | من: الـكـويـت | تاريخ التسجيل: أكتوبر 2003
|
R.O.O,7
عضو فعال جدا
رقم العضويه 12395
مرسله في أغسطس 23, 2008 09:46 PM
عبود مالت لووول اي ادري انه القرهود فك الزحمة وما حسينا فيه ماشاءالله بس انا اتكلم عن شارع الشيخ زايد 3 بوابات ليش لوول بلدنا لبناني ولا حبيته واكيد بينصكون فاتورة عدلة ليش يبون يشوفون الرقاصة مجانا خخخ تعال دامكم مطيحين في وافي اطلبوا الوافي كارد بتعطيكم خصم 20 في المية --------------------
المشاركات: 12782 | من: دبـــي | تاريخ التسجيل: نوفمبر 2003
|
R.O.O,7
عضو فعال جدا
رقم العضويه 12395
مرسله في أغسطس 23, 2008 09:51 PM
رد مقتبس: المرسل الأصلي هو shamshoom: رد مقتبس: شو هالمنطق الغريب ؟ لول عيل على هالمنطق بريطانيا لازم نقارنها في البوسنه و الهرسك بس لأنها في نفس القاره والله يا حبيبي انت اللي منطقك غريب ... يعني الكويت والرياض والبحرين صاروا البوسنه والهرسك وانتوا نيويورك وبعدين ومثل ما تقول انك تعرف بالمنطق ترى اوربا تعتمد اعتماد كبير على الضرائب عشان جذي بطل الماي باوربا بـ 3 يورو أما بالخليج ما في داعي انى يكون بطل الماي بـ 3 يورو لأن الدخل عندها من النفط. ابشرك بيصير في ضرائب على الدخل قريبا بدبي --------------------
المشاركات: 12782 | من: دبـــي | تاريخ التسجيل: نوفمبر 2003
|
يجيلك يوم
عضو فعال جدا
رقم العضويه 122
مرسله في أغسطس 24, 2008 01:47 AM
رد مقتبس: دبي ماتقارن مع باقي دول الخليج للتطور الواضح بالعين المجرده على كل في كلام غير دقيق خاصه او حادث صار بس بوقت روحتك لان سالفه مكيفات المجمعات ولامره سمعت انه مجمعات دبي حاره وعاشت دبي مزدهره قويه تشكل لنا بالخليج نيويورك من جمالها واذا سعار الفنادق غاليه شوف الكويت اللي فنادقها 70 دينار و60 وهذي ديره موسياحيه اكيد دبي ما بزيد على كلام طبيعي بعدين انا حر شوف بلادي ما تتقارن بأي بلد بعدين بسألك دام دبي فيها و فيها ليش اول فرصه حصلتها يت دبي و مب يوم او يومين 10 ايام فديت دبي و اسم دبي انا .. و الله انها ما تتقارن فاي بلد شوف المشاريع فدبي .. شوف الشهره العالميه اللي محصلتنها شوف عدد السياح كل سنه .. اذا السنه الماضيه بس مليون سائح بريطاني .. هذا شو معناته ؟ لول لا و تقول بعد المطار فاضي .. انا من اسبوعين كنت راجع من المانيا و قسما بالله الجنسيات من كل مكان .. و اول ما قال الكابتن بقى 10 دقائق على الهبوط تشوف الناس ناطين على الدريشه يصورون .. لول هذي دبي .. الله يحفظ بلادنا انشالله [ أغسطس 24, 2008, 01:52 AM: تم تحرير المشاركه من قبل: يجيلك يوم ] --------------------
المشاركات: 13760 | من: United Arab Emirates | تاريخ التسجيل: مايو 2003
|