This is topic ســـــــــوق الــمــبـــــاركــيـــــة يـــا ولـــد الــحــجــيـــــة in forum ســاحــــة الــسياحــه والـسفـــر at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=16;t=000500

---

مرسلة من أجمل إحساس (رقم العضويه 9558) on :
 







هلا وغلا..


سوق المباركية من أشهر الاسواق الشعبية في الكويت..


واااااااايد أحب هالسوق.. يذكرني بطفولتي لما كنت اروح له ويا يدتي.. نشتري سمبوسه و بطاط من عند المطعم الهندي اللي بالزاوية..

ونشتري زلابيا و كيك بو سفينه و قرص عقيلي و سمسمية وحلوى ورهش و بقصم ودرابيل وغيرها..

اذكر سوق الخضرة كنت أشم ريحة الطرشي واشتهيه للغدا

وكنت ومازلت اعشق التمور.. كانوا يحطونها عشان نذوقها وكنت رايحه وراده عليهم خصووصا اللي عليهم سمسم..

ياما رحت ويا امي و افترينا بمحلات الذهب..


ياما امي شرت لابوي ويدتي شرت لخوالي الله يرحمهم خامات عشان الدشاديش..

ياما شرينا عطورات عربية منه..

ملابس شعبيه..


ياما وياما..


المهم هالسوق هذا له ذكريات واااااااااايده..


ماراح اتكلم عنه أكثر..


بخليكم مع الصور


v


v


v


v







































 

---

مرسلة من ladi_87_bird (رقم العضويه 84386) on :
 
ناااااااايس ...
كل الشكر على الطرح ...
يعطيج ألف عافيه ...
 

---

مرسلة من أجمل إحساس (رقم العضويه 9558) on :
 








الله يعافيج حبيبتي

أشكرج على الرد







 

---

مرسلة من هيـ حكي ــدا (رقم العضويه 84913) on :
 
فيه أحد ما يتذكر المباركية


لوووووول أحب أروح له بعض المرات


مشكورة أجمل على الصور
 

---

مرسلة من A L- K O U T (رقم العضويه 5802) on :
 
والله هالسووق لما تدخله تشعر براحة
وانشالله راح اضيف على الموضوع صور من تصويري
 

---

مرسلة من أجمل إحساس (رقم العضويه 9558) on :
 







تسلمون على ردودكم


الكوت..

اييييييه انا بعد من ادشه استاااااانس واحس براحه.. بساطة و ذكريات حلوة بعيد عن جو المجمعات والناس اللي فيها


ناطرين صورك








 

---

مرسلة من Fisaal (رقم العضويه 31) on :
 
الله يعطيج العافية سوق المباركية من الاسواق التراثية المحببه اللي تذكرنا بماضينا الجميل وماشاء الله دايما اشوف فيه زوار الكويت يحرصون على زيارة المباركية وبخاصة المطاعم الشعبية
 

---

مرسلة من فطونة (رقم العضويه 19557) on :
 
اجمـــــــــــل


والله موضووعج رجعني 5 سنوات للماضى


صج هالسوووق له وحشه بالنسبه لــي


كنت اروح له قبل مايفتحون المحلات ونتريق في محل مقابل السوووق اعتقد اسمه بوابه الشام او جى يعني


واللللللللله على السرداااب والعماره البيضــا كانو ربحانين منــي


والله وحشتيني ياكوووووووووووويت


تسلمين الغاليه على الموضوع
 

---

مرسلة من __ Khaled __ (رقم العضويه 43438) on :
 


الله يسامحج أجمل

هالسوق يذكرني بشي .. والله لما أمر يمه أحس بغصة لول .. خلهم يهدمونه ويفكوني خخخخ

صج ذكريات

الله يعطيج العافية ونبي صور بعد

[ سبتمبر 26, 2008, 05:12 AM: تم تحرير المشاركه من قبل: __ Khaled __ ]
 

---

مرسلة من [ مغرم أحلام ] (رقم العضويه 66801) on :
 
Raw3aaaaaaaaaaaaaaaaaa

thanx ajmalo
 

---

مرسلة من أجمل إحساس (رقم العضويه 9558) on :
 








ماااااشاءالله المباركية لها ذكريات عند الاغلبية


فيصل..


اييييه عاد الاجانب يحبون هالسوالف وايد

اصلا عندهم شغلات تراثية حلوة لو يشترونها تطلع ارخص من اللي بالفنادق والمجمعات والمطار..

.

.

.


فطونة..


تعالي الكويت و اوعدج نروح انا وانتي و قلبووو ونسترجع الذكريات

.

.

.


خالد..


لييييييش يهدمونه!!!!!!!!!


لا يباااااا انت لا تمره كلللللش وخل السوق لاهله

بعدين ماعرفنالك مره ماتبي تشوفه ومره تبي صور أكثر


اذا حصلت صور بحطهم.. وخل ننطر صور الكوت


.

.

.


مغرم أحلام..


العفو اخوي








 

---

مرسلة من مغرومة ديانا (رقم العضويه 21283) on :
 
صور حلوة عن سوق المباركيه

السوق الرووعه اللي يذكرنا بايام اول

مشكووور اخوي

تحياتي
 

---

مرسلة من أجمل إحساس (رقم العضويه 9558) on :
 








^
^

فعلا السوق حلوووو ويذكرنا بطفولتنا الحلوة


بس انا اختك مو اخوك







 

---

مرسلة من عــاشقة البـحر (رقم العضويه 12387) on :
 
حرام عليج اجمل تأخذين قلب وفطونه وانا لا

اشتقت لكم يالكويت

مادشيتها الا مرة وانا بيبي

ولا اذكر شي وتوني اعرف من امي

وناسه
خاطري ازورها


ان شاءالله ياااارب


سوق المباركيه يذكرني بجدي دائما يروح يروح يجيب لنا درابيل لول

 

---

مرسلة من أجمل إحساس (رقم العضويه 9558) on :
 








لوووووووول عشووووقة


انتي تعالي الكويت بس و شوفي وين بوديج..


ماراح اخلي مكان


حياج الله حبيبتي الكويت بلدج الثاني







 

---

مرسلة من [ aZooZ ] ™ (رقم العضويه 2399) on :
 
وااااااااااااااو

اموت في هالاسواق اكيد بروح له اذا جيت هالاسبوع
 

---

مرسلة من موسيقي (رقم العضويه 2114) on :
 
أحب اروح المباركية من فترة للثانية .. احس غيييييير و اطلع من جو كل الاماكن الثانية بالكويت

يسلموو على الصور

تحياتي
 

---

مرسلة من شووشو (رقم العضويه 86391) on :
 
روووعه السوووق ^^
ثانكس حبيبتي
 

---

مرسلة من مهووسة ديانا _ عهد (رقم العضويه 86477) on :
 
كتيير بحب الاسواق القديمه

ان شاء الله اجي على الكويت واروح لسوق المباركية

الف شكر على الصور الحلوة
 

---

مرسلة من أجمل إحساس (رقم العضويه 9558) on :
 








تسلموووووووووووووووون عالردود الحلوة


وان شاءالله اللي ماراح المباركيه يروح و يستمتع







 

---

مرسلة من _ غلا حصه_ (رقم العضويه 17970) on :
 
اثاري سمبوسه الهندي من ذكريات وايد ناس

لمن كنت صغيره كنت احب اروح بس عشان السمبوسه

من زمااان ما رحت يبيله رووحه

ثنكيو ع التوبك اللي يوونس
 

---

مرسلة من Female (رقم العضويه 86611) on :
 
عجيب الموضوع


انا بعد احب معاي ذكريات السمبوسه بالمباركية


الموضوع وايد حلو الصراحه تسلم ايدج مشرفتنا
 

---

مرسلة من أجمل إحساس (رقم العضويه 9558) on :
 








تسلمون حبايبي على ردودكم الحلوه


والله يخلي المباركية لنا







 

---

UBB.classic™ 6.7.1