This is topic الجزء الاخيرuK[]طـــبـــيـــعـــي فــي[]uK الجزء الاخير صـ3 in forum ســاحــــة الــسياحــه والـسفـــر at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=16;t=000507

---

مرسلة من طبيعي (رقم العضويه 11956) on :
 


السلام عليكم


اليوم بتكلم عن رحله قمت فيها من اول يوم

عيد الفطر السعيد الى يوم 7 -10 ورحت فيها

بريطانيا وهذا تقرير خفيف جدا انشالله يعجبكم

اولا خلوني اتكلم عن المدينه الروعه الي رحت لها





اول شي خلوني اكلمكم عن الشقه اللي سكنت فيها مع

ولد خالتي ورفيجه سليمان الله يذكرهم بالخير اللي جد

ونسوني بالسفره وحلوها وايد هذي العماره اللي

سكنت فيها.



شقتنا على اليسار بالعماره البيضه والدعمه شفتوها

الحلو فيها انها تحتها كل شي سوق ونهر عليه قهاوي

وشوفوا هذي صوره ثانيه من نفس المكان من زاويه ثانيه



وهذي صوره من النهر العجيب والرومانسي



وطبعا بالنهر في قهاوي وايد ومطاعم ومجسمات ومنها
هذا



ولما نوصل لي نهاية النهر نلقى برج المنطقه العجيب

يذكرني في برج العرب بس هذا برج فقط موفندق

ويقولكم انه خذوا من سكان المنطقه كل واحد 2 جنيه

سترليني عشان يسون هالبرج المشرف لهم



وهذي صوره المينااو البحر من تحت ويصير تحت البرج



صور ثانيه من البرج



وايضا البحر



وهذا البرج بيوم ثاني شوفوا الغيم شلون عجيب



وباليوم هذا رحت السوق ودشيت محلات hmv للفيديو

ولاول مره اشتريلي من لندن هدوم وااااايد ومقاسي

صار متواجد بشكل كبير وناااسه راح اصور لكم الهدوم

شوفوا معاي صوره السوق


الحلو بسوق هالمنطقه كانه مفتوح بس لك

مافيه اي زحمه وكلا يكون شبه خالي وناسه للي

يحب يتسوق بمزاج



وهذا المجسم عجبني وقلت بصوره


وتسوقت لين المغرب ورحنا تغدينا وبعدها قررنا

نرجع الشقه ونقط الاغراض وصورت لكم جم صوره وقت

المغرب









وهذي الشقه



قريبا الجزء الثاني

طبيعي يذهب الى مسرحية ؟؟؟ وصور منها

ويذهب الى منطقة وندر لـ >>

ترقبوا لول

[ مايو 28, 2009, 04:31 AM: تم تحرير المشاركه من قبل: طبيعي ]
 

---

مرسلة من قلب حساس (رقم العضويه 10429) on :
 


حلللووو

بس وين الصوووووغه ؟


تحياتي فديتني ارق قلب حساس



 

---

مرسلة من hindworld (رقم العضويه 81493) on :
 
الصور تشرح النفس وايد وايد حلوين واتمنى تكمل
 

---

مرسلة من «[.نجـــ 5 ـــوم.]» (رقم العضويه 12532) on :
 


نزلت موضوع البريطانيون يستحقون الاحترام ..
المفروض
طبيعي يستحق احترام البريطانيون ..
حبيت الصور كثير
حلوة و بانتظار صور المسرحية
و وندر لاند ..

و شكرا كثير




 

---

مرسلة من Mak (رقم العضويه 5) on :
 
مشكور اخوي طبيعي على الرحله الخطافيه لبريطانيا الجو الحين بارد هناك والصور حلوه واحلى عيد بالجو الحلو وباحضان الطبيعه والحمدالله على السلامه
 

---

مرسلة من II.HaiFa.II (رقم العضويه 71453) on :
 
تبيعي هذا تصوير الكاميرا الجديده لول

النهر رووعه مافي صوره اكبر له
 

---

مرسلة من joeymaniaa (رقم العضويه 18802) on :
 
حمدالله على سلامتك .. و غرت عيني برجعتك ..
الحمدالله انك استانست و غيرت جو ..
ويالله شد حيلك حق الي اتفقنا عليه ..
 

---

مرسلة من [ عبدالعزيز ] (رقم العضويه 17637) on :
 


هلا بدر حمدلله ع السلامه يالغالي نورت وكالعادة مواضيعك تسويلي اغراء مثل اغراء السكر للنمل

المهم رحلتك مبين عليها وايد حلوه والتصوير جدا حلو وناطرين الباقي على احر من الجمر

كبلاتي الحاره


 

---

مرسلة من هيـ حكي ــدا (رقم العضويه 84913) on :
 
الحمد لله على السلامة طبيعي

وما شاء الله من الصـور باين على الرحلة كانت حلـوه

وخاصة صورة النهر عجيبـة

يا حلات القـعدة يمـه وجدامك وية حلو والكوفي بإيدك

لووووووووول

بإنتظــار باقي تفاصيل الرحلة والمسرحية
 

---

مرسلة من فطونة (رقم العضويه 19557) on :
 
الحمدالله على السلامه


رووووعه الصور


يعطيك العافيه
 

---

مرسلة من عـشـرة عـمـر (رقم العضويه 86128) on :
 
خووووش صور
احس المنطقه خاليه لووول ما فيها الا انتو
ماكو ناس ابد
وناطرين منك باجي الصور
 

---

مرسلة من عــاشقة البـحر (رقم العضويه 12387) on :
 
الحمدالله عالسلامه..طبيعي
والصور روعه

وبنتظار البقيه
 

---

مرسلة من ™DJ Khaled (رقم العضويه 30418) on :
 
الله حلوه الصور يا طبطب

بورت سمووث حلوه


طبطب اذ انت بلندن تعال خلنا نشووفك نعزمك شي مره انا عايش هونيك
 

---

مرسلة من [ سـي السيّد ] (رقم العضويه 2150) on :
 
هذا باي منطقه؟
انا بلندن غير ماربل ارتش ما اسكن لوول
هناك احسني بلندن!
اذا كل يوم ماشفت اكسفورد وسلفردجز ما احس اني بلندن

الصور حلوه ويالله نزل الباجي
 

---

مرسلة من أجمل إحساس (رقم العضويه 9558) on :
 








الحمدالله عالسلامه طبيعي


والحمدالله انك غيرت جو واستانست


الصور تشووووووووق ماشاءالله والتصوير رووووعه


والبرج قبل لا اقرا تعليقك قاعده اقول جنه برج العرب








 

---

مرسلة من وســام الأصــالة (رقم العضويه 79043) on :
 
واااو

سفره سعيده طبطب

الحمد لله انك انبسطت ولقيت هدوم مقاسك


فى انتظار الباقي ..
 

---

مرسلة من A L- K O U T (رقم العضويه 5802) on :
 
روووعه والله الصور
عليك بالعافيه
 

---

مرسلة من Dreamer78 (رقم العضويه 67446) on :
 
بدوووووووووور رفعت ضغطي و كرهتك لول .. لا اتغشمر عليك بالعافيه

زين وين الجزء الثاني من الصور علقتنا ترا ناطرين لول

فديتك والله
 

---

مرسلة من الصغيره (رقم العضويه 10056) on :
 
الحمدالله عالسلامه طبيعي
حلوه الصور يالله غيرت جو قبل الدوام
 

---

مرسلة من طبيعي (رقم العضويه 11956) on :
 




الجزء الثاني



بعد ماستقريت ورتبت اغراضي وجدولي في منطقه بورتمس

قررت اروح لندن الصبح خاصه اني قعدت من النوم

الساعه7 الصبح ولد عمي ورفيجه نايمين بعدهم نزلت

المحطه وكان الجو بارد وكنت اسمع اغنيه يارا انت

مني لكن للاسف ماخذت كامره معاي لندن

واساسا ممنوع التصوير في المسرح لاني قررت اروح

مسرحية ويكيد اللي قالولي عنها, لذلك بحط لكم صور

من المجله اللي شريتها من المسرح ..طبعا ماقولكم

شنو المسرحيه حلوه وعالميه وخياليه وتحسسك انك ما

رحت مسرحيات من قبل شي يخرع والله العظيم شوفوا الصور

اولا هذي التذكره



وهذي البطله المبدعه اللي صج صج لما طلعت بالنهايه

الكل وقف يصفق لها الا انا مالي خلق المهم

شوفوا صورتها



على فكره بالمسرحيه عكس فلم oz الساحره اهي الطيبه

والساحره الطيبه اهي الشريره اللي الحين بحط صورتها



وكانت نكته المسرحيه تضحك حدهاااا

اما الاستعراضات كانت جد جد خيالها اللي اصفق على

قوه ايدي لانه صج ابداع اللي شفته وهذي صور من الاستعراضات







مهما وصفت ماراح اوفي هالمسرحيه حقها والله جد جد خياليه


بعدها رديت المنطقه وعقبها بيوم طلعنا كلنا

ورحنا الحديقه اللي موجوده بهالمنطقه اسمها

فكتوريا بارك.







وبعدها اتجهنا للسوق واحنا بالطريح مرينا على

الديسكو اللي رحناله الليله اللي قبلها كاهو



وكملنا طريجنا لي السوق لما وصلنا سوق ثاني اكبر

من السوق اللي موجود تحت عمارتنا شوفوه





وهذي سكه عجبتني اصورها





ولما تسوقنا وخلصنا ردينا الشقه وصورت لكم الطريج








[ مايو 28, 2009, 04:32 AM: تم تحرير المشاركه من قبل: طبيعي ]
 

---

مرسلة من طبيعي (رقم العضويه 11956) on :
 
وهذي الهبله مادري شقصتها حاطينها فوق الظاهر تغار

من تمثال الحريه وقاصه على نفسها



وفي واحد كان يستعرض بالقاري وصورتها لانه كان بيطيح

قلت يمكن اصيده واهو متكرفس بس ماقدرت



واحنا بالطريج قربنا يم البرج المشهور



الخضار بكل مكان



بدى الجو يظلم



ووصلنا هييييييييييييه






قريبا الجزء الثالث والاخير

ذهبنا الى منطقه ونزدر عشان ديسكو حلو
وختامها مسك مع ؟ قريبا



[ مايو 28, 2009, 04:33 AM: تم تحرير المشاركه من قبل: طبيعي ]
 

---

مرسلة من Fisaal (رقم العضويه 31) on :
 
رووووووووعه بدر خوش صور

عليك بالعافيه عاد الجو بارد الحين في غرب اوربا

حمدالله على السلامة بس على اي خطوط سافرت
 

---

مرسلة من }{ Amr ...... Ali }{ (رقم العضويه 26891) on :
 
جميله الصور كتير

واضح انو انبسطت وليك حق تزعل انو رجعت لول

يلا عقبال الرحله القادمه
 

---

مرسلة من «[.نجـــ 5 ـــوم.]» (رقم العضويه 12532) on :
 



وناسة



 

---

مرسلة من [ عبدالعزيز ] (رقم العضويه 17637) on :
 


يالله بدر كمل موضوعك ابي احط موضوعي بس مابي اسرق الانظار لوووووووول

حلوين وايد الصور يالله لاتتحسف الايام تمر بسرعة وبترد تروح وتستانس


 

---

مرسلة من هيـ حكي ــدا (رقم العضويه 84913) on :
 
ونـــاســـة


وبإنتظـــار التكمــــلة


وأهم شيء الديــسكو

لوووووووووووووول
 

---

مرسلة من أجمل إحساس (رقم العضويه 9558) on :
 








وناااااسه الصور ماشاءالله..

اللون الاخضر يريح العين والاعصاب سبحان الله


المسرحية شكلها يشووق بعد..


بانتظار الجزء الثالث







 

---

مرسلة من موسيقي (رقم العضويه 2114) on :
 
الصور عجيبة

ابي اسافر

تسسسسسسسسسلم بدر على الصور ، و عليك بستين الف عافية على السفرة

تحياتي
 

---

مرسلة من عـشـرة عـمـر (رقم العضويه 86128) on :
 
المدينه تصفررررر لووووول وين الناس ؟!
وناسه عشان الواحد ياخذ راحته
الله يهنيك .. ولنا روحات يايه ان شاء الله سوى p:
 

---

مرسلة من MoOoDy™ (رقم العضويه 16665) on :
 
وااااااااااااااااو طبطب حلوه الصور اهم شي التصوير بالكاميرا اليديدة لوول


حبيت الصور واادي بس قهرتني اشلة البرج ماخدة كل من جريب ابي اشوفه من الارض شطولة كككككك

السوق وناسة احسها مالت علينا نصها هنود وريحة لوول اصلا من يروح سوق جذي كل مجمعات عن الحر


والشوارع ايا عليها مب احنا نخلتين وحشيش وبعد شهرين صار اصفر
والمسرحية كانها ستعاراض دعاية قطورة مال زين
وشوي من ستارك لوول
اهم شي تونست ولو انه مب حزاتهاالناس تعيد مع اهلها وانت رايح لي لندن لو اقول بسافر بالعيد لندان او حتى جزر حوار بزفوني بدل ما اروح العمره لوول
 

---

مرسلة من مهووسة ديانا _ عهد (رقم العضويه 86477) on :
 
وااااو

صور كتيير حلوة

الف شكر
 

---

مرسلة من «Ahmed»el»Zoughby« (رقم العضويه 82918) on :
 






i adore this pic
wht is the brand of ur camera ?

i hate uk its so depressing
i wanna go 2
france again & italy+ Brazil
soon isa





[ أكتوبر 15, 2008, 02:17 PM: تم تحرير المشاركه من قبل: «Ahmed»el»Zoughby« ]
 

---

مرسلة من only nouna (رقم العضويه 83453) on :
 
7elwin souwar


khalody jahez 7alak la rase sene
hiye jaye bi tari2

 

---

مرسلة من طبيعي (رقم العضويه 11956) on :
 
شكرا على الردود الحلوه احمد الزغبي كامرتي كانون 5 دي شكرا لك والحين بنزل لكم الجزء الاخير
 

---

مرسلة من طبيعي (رقم العضويه 11956) on :
 
باك مع الجزء الاخير من سفرتي الى بريطانيا الحبيبه

يوم السبت الموافق 4-10-2008 رحنا منطقة

windsor

تبعد عن منطقتنا بالسياره ساعتين تقريبا ورحنا لها

لهدف نبيل لول الديسكو ماله يمدحونه وكان جد

وناسه تعرفت على اصدغائي البريطانين

والبريطانيات لول اخليكم الحين مع

الصور اولا انا ماطولت وايد بالسهره ورحت نمت

<<<مؤدب والله

بس جد نمت ولا اقعد 6 الفجر تخيلوا ويوم احد يعني

كل شي راح يفتح متاخر لانه نهايه ويك اند عندهم

وقعدت ماعرفت شسوي وربعي نايمين جان

اروح البلكونه واصور شوفوا








وقررت بعدها انزل السوق وانطر شي يفتح ابي اتريق

واكل بيضه سكرامبل والفندق الصراحه مايشجع

رحت المطعم ماله ولا متروس انجليز ماحب انا الزحمه

والاكل اللي بلاش المهم نزل السوق ولا كل

شي مسكر مثل ماتشوفون بهالصور



ومثل ماتلاحظون مطر وايد



وبعدها رحت تريقت وفتحت المحلات ورحت تسوقت وشريت

بلوفرات حق لشته وجم تيشيرت ولا يدقون علي وقتلهم

اني بالسوق وقالولي خلك الحين بنييك ويولي ورحنا

القلعه المشهوره بهالمنطقه بس ماقدرت اصور لكم

السوق لانه المطر ماخلاني اطلع الكامره لين مايوو

ربعي ومسكوا لي الشمسيه واناكنت اطلع الكامره واصور

وهذي صور من القلعه








لاحظوا المطر من هالصوره على هالمجسم



دقوا الشماسي دقوا الشماسي


[ مايو 28, 2009, 04:39 AM: تم تحرير المشاركه من قبل: طبيعي ]
 

---

مرسلة من طبيعي (رقم العضويه 11956) on :
 




وهذي جهه السوق من هالمنحدر شوفوا





دعايه مرسيدس



شرايكم بهالصوره



وبعدها قررنا نرجع لمنطقتنا والدنيا كانت مطر

حسافه كنت بصور لكم اماكنت اكثر بس قررنا نرجع



شوفوا الغيم شلون وهذا الساعه 1 الظهر









ووصلنا المنطقه وخلاص باجر برجع الكويت

مادري شلون بركب الطياره كنت جد مستانس

صج الايام الحلوه تمشي بسرعه وقررت بليل انزل

اصور السوق والمطاعم والبرج اللي تحت شقتنا

وهذي اهي الصور



والبرج








وهذي ردهه المطاعم اللي تطل على البرج ياني كليت

من مطعم زيزي اكل يم يم عندهم باستا عجيبه


وبجذي اخلص التقرير انشالله عجبكم والى مزيد من

التقارير القريبه مني شكرا لكم



[ مايو 28, 2009, 04:40 AM: تم تحرير المشاركه من قبل: طبيعي ]
 

---

مرسلة من طبيعي (رقم العضويه 11956) on :
 



مشترياتي

بحط لكم صور من الاشياء اللي شريتها

بس مو كل شي وخاصه الهدوم لانهم وايد

وبالكبت مالي خلق اطلع كل شي

بس قلت اوريكم جم شغله

هذي ساعاتي وشريتها من سواج

اكثر وحده عاجبتني فيهم الخضره

007 لول طبيعي بوند



وهذي الكلونيات وفي بعد وحده بس مستخدمها حاليا

استحيت احطها لول شوفوهم



وهذيل تذكارات من المنطقه ومن مسرحيه ويكيد



وهذا بعد تذكار من المنطقه الساحليه



وهذول dvds بس اكيد موكلهم في بعد غيرهم وايد

انا من اول اهتماماتي بلندن محل hmv اموت فيه



وهذا جوتي لاكوست وجم تيشيرت بس والله هذول

مايعتبرون حتى 5% من اللي بالكبت حرام ماصورتهم

بس جد وايد ماعرفت شلون اصورهم






[ مايو 28, 2009, 04:42 AM: تم تحرير المشاركه من قبل: طبيعي ]
 

---

مرسلة من __ Khaled __ (رقم العضويه 43438) on :
 
الصور عجييييييبييييين بدر

والجوتي عجيييب ... توصخه بالعافية لوول
أحب جواتي لاكوست

أحلى شي من بداية الموضوع صور مشترياتك على قولتك
 

---

مرسلة من «Ahmed»el»Zoughby« (رقم العضويه 82918) on :
 





شكلك انسبطت ....
شكرا على التغطيه و ابقى بخر المشتريات




 

---

مرسلة من وســام الأصــالة (رقم العضويه 79043) on :
 
حلوين الصور كتير طبطب خصوصا القلعه

حمد الله عالسلامة وفى انتظار مغامرات اخري

بس خسارة ما صورت الديسكو من جوا



 

---

مرسلة من موسيقي (رقم العضويه 2114) on :
 
الصور عجيييييييييييييييييييييبة بدر !! جد جد عجيبة !!

الحمدلله شكلك استانست وايد بالسفرة عسى دوم

تحياتي
 

---

مرسلة من أجمل إحساس (رقم العضويه 9558) on :
 








روووووووعه الصور بدر


واغراضك وايد حلوه


العطورات رووعه خصووصا سكسي 212 عجييييب..


عليك بالعافية يارب








 

---

مرسلة من عــاشقة البـحر (رقم العضويه 12387) on :
 
الصور اكثر من روووووعه


العطور ورعه واحلا شي الساعه الخضراء مثل ماقلت


عليك بالعافيه
 

---

مرسلة من [ عبدالعزيز ] (رقم العضويه 17637) on :
 


مو حلوه

وين صور الديسكو ؟؟؟؟؟

لازم تكون صاحب ذمة وضمير وتحط لنا كل شي لول


كثير حلوين وتتهني يارب وعقبال المغامرات القادمه


 

---

مرسلة من / YouSef / (رقم العضويه 85723) on :
 
واااو
شو هالصور!!

هلأ عرفت ليش الكل بجن لما بدو يروح ع بريطانيا


قلي كيف اخدت هي الصوره؟؟
http://hudahussain.net/london08/42.jpg
 

---

مرسلة من [ P E P S i ] (رقم العضويه 2113) on :
 





وليش ما تعجبني الساعه الخضرررررره ..

غرامي شي اسمه ساعات ، موجوده بالديره ؟

عموما تقطعها بالعافيه بدير ماشالله روعه اللوانها ..

المهم سفرتك الحلو فيها مبين حيل خفيفه وموخرين عن الازعاااااااج اللي هناك بس يالله اهم شي ستانست وصورك حلوه .. شكلك مو مصدق خبر كل شوي تصور هالبرج ..

وحمدالله عالسلامه ..



[ مايو 28, 2009, 04:47 AM: تم تحرير المشاركه من قبل: طبيعي ]
 

---

مرسلة من [ P E P S i ] (رقم العضويه 2113) on :
 


وليش ما افصل واروووح swatch الفنار ..
.
.
.
.
.
.
.
.
.
.
.
.
.
.
.
.

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.


علي بالعافيه ..


[ أكتوبر 18, 2008, 08:30 PM: تم تحرير المشاركه من قبل: [ P E P S i ] ]
 

---

مرسلة من MoSeQe (رقم العضويه 2114) on :
 
ابي اروح اشتري الساعة الخضره .. حبيتها
 

---

مرسلة من [ P E P S i ] (رقم العضويه 2113) on :
 
لول .. طلول لا تروح الفنار باقي المعروضه ..

روح افنيوز اتوقع فيه لووول ..
 

---

مرسلة من أجمل إحساس (رقم العضويه 9558) on :
 







لوووووووول بيبسي


عليك بالعافية الساعه الخضرة..


سيرها يشوق.. جنه تمساح








 

---

مرسلة من طبيعي (رقم العضويه 11956) on :
 























 

---

مرسلة من MoSeQe (رقم العضويه 2114) on :
 
بدر :

انت من النوع اللي ما تحب 2 يلبسون نفس لبسك ؟
 

---

مرسلة من طبيعي (رقم العضويه 11956) on :
 
لا عادي لوووول بس احسب بعد مانزلت الكويت خخخخ كنت بكشخ فيها عليكم بس طلعت ماعندي ماعند يدتي
 

---

مرسلة من [ P E P S i ] (رقم العضويه 2113) on :
 
حكيتها حككك ..
 

---

مرسلة من MoOoDy™ (رقم العضويه 16665) on :
 
وااااااااااااو روعه الصور حبيت

عاد انت كلها جم يوم رحتها امادك شريت كل ذي انا وقت اسافر ما اعرف اشتري لي إلا قليل ذوقي صعب يازعم لووووووووووول

بعدين وين صوغتي ما اتنازل عنها عالاقل الساعه الخضرا
 

---

مرسلة من Female (رقم العضويه 86611) on :
 
وايد حلوة الصور


ومبين انك استانست


يعطيك العافية
 

---

مرسلة من Kuwaity (رقم العضويه 4) on :
 
ماشاء الله خوش رحله عليك بالعافيه اخوي طبيعي وبانتظار جديدك انشاء الله
 

---

مرسلة من يسووورة الشمحلالية (رقم العضويه 83453) on :
 
badour wallah ma3ak 7a9
ma fi 7ada birou7 3al UK w ma yesetanes
3anjad 3anjad 3anjad bekoun ra7
2ebeki lamma bekoun raje3a


bas bi ras el sene raye7a kameeeeeeeeeeeen

 

---

مرسلة من عاشقة الملكة نوال الزغبى(رزان) (رقم العضويه 84134) on :
 
بجد عشت معاك كل دقيقة لحظة بلحظة

وانتا تحكى وبالصور حبيت لندن جدا ويارب ازورها

قريبا واستانس مثلك لوول
 

---

مرسلة من Spanish-Moon (رقم العضويه 15216) on :
 
حلوين الصور.. بس مدري ليش عمري ماحلمت اروح بريطانيا ولا ابغا احلم.. ياحبي لاميركا

وعليك بالعافيه الهدوم الجدد
 

---

UBB.classic™ 6.7.1