السلام عليكم .. ادري انه استفسار و اسع و مليق و مو محدد .. بس هذي اول مره اروح قطر .. و لا عندي اي معلومات عنها .. ياليت اذ في مجال تعطوني ارئكم و ين اروح .. شنو ازور .. انا مصور فأكيد ابي اصور احلى الاماكن بقطر .. الاماكن التراثيه .. المتاحف .. الفعاليات الي ممكن تصير بالفتره .. مثلا .. شنو افضل المولات الي عندكم .. السينمات .. المحلات التجاريه .. خصوصا الفيرجن .. بالنسبه للفنادق و الشقق الفندقيه هل هي متوفره مثل باجي مناطق الخليج ..
يعني ساعدوني بالي تقدرون عليه .. و اكيد تشكرون على المساعده .. ناطر ردودكم ..
اخوكم ضاري
[ يناير 18, 2009, 10:50 AM: تم تحرير المشاركه من قبل: joeymaniaa ]
مرسلة من Fisaal (رقم العضويه 31) on :
انا اقدر افيدك في بعض الاشياء بالدوحة
أسماء معظم المراكز التجارية بقطر
ستي سنتر City Center (+974) 4830582الهاتف
الاند مارك land mark doha (+974) 4875522
مركز حياة بلازا-والمخازن الكبرى Giant Stores - Hyatt Plaza (+974) 4694848
المول The mall (+974) 4678888
السلام بلازا Salam Plaza (+974) 4832050
السنتر The Center (+974) 4466111
رويال بلازا Royal Plaza (+974) 4694019
مركز المفتاح AL Muftah (+974) 4446867
الصالون الأزرق blue salon
امييريوم سنتر
البيت الحديث The modern home
السنتر بوينت Centrepoint
مركز اللولو Lulu Hypermarket
مركز العالم الجديد - سوق نابينا souq nabina
مركز الدسمان Dasman Centre
الأسواق التجارية
سوق الديرة Souq Al Deira
سوق الجبر Souq Al Jabor
سوف العسيري Souq Al Asiery
سوق آل أحمد Souq Al Ahmad
سوق الدوحة Doha Souq
سوق الذهب Gold Souq
سوق واقف Souq Waqif
مرسلة من Fisaal (رقم العضويه 31) on :
الفنادق في قطر
Al Sultan Beach Resort - فندق وممنتجع السلطان (مدينة الخور) Tel: (+974) 4722 666 Fax: (+974) 4724 111 P.O. Box 5555 Website: Al Sultan Beach Resort
Doha Marriott Hotel - ماريوت الدوحة Tel: (+974) 429 8888 Fax: (+974) 441 8784 P.O. Box: 1911 Website: The Doha Marriott Hotel: 5-star luxury for the business traveler
Four Seasons Hotel Doha - فندق الفورسيزن الدوحة Tel: (+974) 494 8888 Fax: (+974) 494 8282 P.O. Box: 24665 Website: Four Seasons Hotel Doha - A Luxury Hotel in Doha, Qatar
Grand Regency Hotel- فندق جراند ريجنسي Tel: (+974) 434 3333 Fax: (+974) 434 3444 P.O. Box: 22606 Website: ~:: Grand Regency Hotel ::~
Golden Hotel Tel: (+974) 432 3322 Fax: (+974) 432 4422 P.O. Box: 60566 Email: goldenhotel@qatar.net.qa
Remal Hotel Tel: (+974) 444 3482 Fax: (+974) 444 3483 P.O. Box: 7434 Email: remalhotel@gaweb.com
مرسلة من _ khaled_ (رقم العضويه 43438) on :
في بعد مجمـع فيلاجيـــو يم القرية الرياضيـه وآسبــاير , هو أحلى مجمع صراحه كشكل وحتى محلات لو تبي الماركات والمطاعــم وفيرجن بعد موجود فيــــه .. وفي المتحف الاسلامي في الكورنيش توهم فاتحينــه , متحف مميز وراقي وعندك مشروع اللؤلؤة او The pearl .. مافتح كله بس فيه قهاوي وقعدات عالبحر وفتحوا فيه جم بوتيك جيانكو فيري وهيرمز وبوس لايفوتك ... وعندك القريه الرياضيــه وأسباير دام انك تحب التصوير راح يعجبك المكان تصور شعلة الاسيـاد, وطبعا اهم مكان بقطر سوق واقف وعندك منتجع شرق بعد مكان جدا راقي وحلو للتصوير واذا تبي قعدات ومطاعم برا غير اللؤلؤة عندك شارع سلوى كله مطاعم وقهاوي بعد وفي سيلين والعديد منطقة الطعوس صج الجو مايساعد له هالوقت بس روح صور
ورحلة سعيدة بقطر
[ يناير 18, 2009, 12:29 PM: تم تحرير المشاركه من قبل: _ khaled_ ]
مرسلة من joeymaniaa (رقم العضويه 18802) on :
الف شكر للردود الحلو اخوي فيصل وخالد
و يليت اسمع من اهل قطر ..
مرسلة من _ khaled_ (رقم العضويه 43438) on :
^ ^
اقوى من ردي ماتحصل لول .. بس ننطر أهل قطر
لو تحس باحساس غير والبشر حولك درر .. ابتسم وابشر بخير .. انت ماشي في قطر مرسلة من طبيعي (رقم العضويه 11956) on :
مسكين خلود صاره ساعتين يكتبلك واخر شي تنطر اهل قطر
خلود روح انتحر لول
مرسلة من joeymaniaa (رقم العضويه 18802) on :
واييييييييييييييه دش فيها طبطب عيل رحنا .. ما قلنا شي شكرنا خالد الي ما قصر .. بس نبي اهل قطر يردون .. يمكن يضيفون شي زياده .. وعلى قولة المثل اهل مكه ادرى بشعابها << مو متاكد من المثل ..
وبعدين انتا شدراك يمكن ابي اوطد علاقتي بهل قطر يمكن ابي التقي فيهم .. طبطب انتا فج منها اتصير اوكي .. يالملقوف
وهم اعناد فيك يابدور ناطر اهل قطر مرسلة من هنوف الدوحه (رقم العضويه 60017) on :
اهل قطر موجودين ...
بس انا اشوف خالد كفى ووفى وماخلى لنا شي نقوله
انا اشوف احلى اماكن للتصوير
1- سوق واقف
2- الكورنيش
3- المتحف لاسلامي ... توفني رايحته له روووووووعه ما يتفوت
واحسن شي تسكن في الشيراتون لانه يطل عالكونيش و قريب من الستي سنتر
ويا هلا فيك
مرسلة من joeymaniaa (رقم العضويه 18802) on :
تسلمين يا هنوف .. اي اكيد خالد ما قصر
مرسلة من Mr m ' (رقم العضويه 87231) on :
بتنور قطر بوجودك
و بنصحك تحجز بفندق Inter Continental Doha أو Sheraton .. راحة مو طبيعية هالفنادق ، راح ترتاح فيهم أخر راحة !
و بالنسبة للمجمعات التجارية بقطر ، أول شي لازم تروح فيلاجو .. مطاعم و محلات و هايبر ماركت و فيرجن و تزلج
و كمان روح ع Land Mark & City Center & Mall & Centre point ..
إذا إنت من محبين السينما روح كل يوم المسا ع سينما الـ Mall ، سينما رايقة و رخيصة
و كمان من الـ Mall بنصحك تجيب هدايا إذا بدك لأهلك بالكويت ، هالمجمع بحسه أنسب و أفضل شي للهدايا ..
و لو بتحب يكون معك سيارة و شوفير تحت امرك بقطر ، ما تختار غير شركة Fox ،
إذا بدك بجبلك رقم تليفون الشركة و إتصل انت فيهم و أطلب سيارة بالموصفات اللي بدك ياها
و إن شاء الله بتقضي أيام حلوة .. أي مساعدة أنا جاهز ، إعتبرني دليلك السياحي مرسلة من joeymaniaa (رقم العضويه 18802) on :
حبيبي مستر ام ماقصرت ..
مرسلة من joeymaniaa (رقم العضويه 18802) on :
انا الحين في قطر .. الف شكر للكل ..
مرسلة من هنوف الدوحه (رقم العضويه 60017) on :
منور
ان شاء الله تعجبك الدوحه ...
وعلمنا وين رحت
مرسلة من [ عبدالعزيز ] (رقم العضويه 17637) on :
ضاري عسى ماشر
ليش ماتخبرني افااا صج زعلت
انت للحين هني ؟ ولا سافرت اذا لا بليز دز لي رقمك ع الخاص عشان ما ازعل أكثر
مرسلة من joeymaniaa (رقم العضويه 18802) on :
هنوف الف شكر .. اي والله استانست .. انشالله بس يبيلها رد على الراحه ..
حبيبي والله عبدالعزيز .. سامحني والله .. توني الحين و اصل بيتنى .. للاسف ماشفت تعليقك لاني ما حصلي استخدم الاب توب على طول .. انشالله ملحوقه يالغالي .. و ما قصرو الشباب ..
مرسلة من قـوقــســا (رقم العضويه 17637) on :
أهم شي رجعت بيتك سالم , وأنا ماصارلي أشارك وأساعدك بالموضوع لأنه انا كنت برا الدوحه ومن سافرت مادشيت النت ورجعت وصعقت بالخبر قلت آفاا بس
دقيت حق بدر قلتله ليش ماقلتولي ان ضاري عندنا كنا قمنا بالواجب واتشرفنا بمعرفتك بس مالك حق الصراحة المره الثانيه لازم لازم تخبرني
ونورت الدوحه بوجودك ياخوي وحمدلله على سلامتك
مرسلة من Fisaal (رقم العضويه 31) on :
رد مقتبس:المرسل الأصلي هو joeymaniaa: هنوف الف شكر .. اي والله استانست .. انشالله بس يبيلها رد على الراحه ..
حبيبي والله عبدالعزيز .. سامحني والله .. توني الحين و اصل بيتنى .. للاسف ماشفت تعليقك لاني ما حصلي استخدم الاب توب على طول .. انشالله ملحوقه يالغالي .. و ما قصرو الشباب ..
الحمدالله على السلامه واهم شي انك استانست في دوحة الجميع
![[Big Grin]](biggrin.gif)
![[Razz]](tongue.gif)
![[pleased]](graemlins/pleased.gif)
![[Smile]](smile.gif)
![[heartpump]](graemlins/heartpump.gif)
![[Cool]](cool.gif)
روح كل يوم المسا ع سينما الـ Mall ، سينما رايقة و رخيصة ![[girlie]](graemlins/girlie.gif)
![[Eek!]](eek.gif)
![[Frown]](frown.gif)
![[rose]](graemlins/40.gif)