متهياه اني اسافر لكن الحمدالله فجاه كل شي صار اوكي
وحجزت على القطريه كون مافي تذاكر على البرتش
المهم صادف انه في 9 ساعات راح اقضيها بقطر من 12
بليل لي 9 الصبح ويوم وصلت مطار الدوحه لفت انتباهي
تنظيمه وحجمه الكبير الي قاعد ينبني وشكله بيصير
اهم مطار بالمنطقه ....يوم وصلت المطار قالولي
بنصرف لك 3 وجبات وانثبر بالمطار قتلهم لا
ثم لا خلاص انا بسكن فندق على حسابي وطلعت بالتاكسي
وقتله بيساب انت رفيق لما يجي هني قطر وين يسكن
فندق انا يبي روح هناك شسوي فلوسي خاشها
حق لندن مابي اصرفها بفندق غالي ماكنت حاسب له
حساب لول
ووداني فندق اسمه لافيلا بلس والله حلو ومرتب اخذ مني
290 ريال لحضه ادور لكم صوره بالنت
والله حلو لاتضحكون اصلا مانمت فيه الا ساعتين
تعالوا شوفوا شنو صار بعد ماحطيت الشنتايه لول
دق علي تلفون ولا تلفون قطري قلت منو ذي امداهم اهل
قطر وصل لهم الخبر وبدوا يهلون المعجبين والمعجبات
شلت التلفون ولا
رونالد او روني قطر
تدرون هالانسان شسوي؟ تخيلوا كان ليله عيد
لالا مو المسلسل كان باجر عيد والحين الساعه
1 الفجر وقالي ابي امرك قتله والله ودي اكل بس مابي
اكلف عليك باجر عيد حرام نام قالي لا انا ابي اييلك
وماقصر يالي وصار مرشد سياحي ووراني كل معالم قطر
ومبانيها وسوق واجف والدفنه وانا طول الوقت عيوني
جذي
ماكنت متوقع قطر بهالجمال انصدمت كنت احسب انه قطر
تتنافس معانا لول او مع البحرين بس لاااا المنظر كان
شي مرعب قطر عباره عن دبي مصغر الابراج كان شكلها
على البحر شي مخيف اصلا اول شي قلته لروني ليش بالنت
مانشوف صور هالمباني الرهيبه؟ حتى الحين سويت سيرج
ومالقيت صور مثل الشي اللي شفته هناك ..ورحنا مطعم
وكلينا واكثر شي لفت انتباهي مطاعم الحلوم والبطاط
والخفايف يسمونها القطرين معصره
ورجعت الفندق والا الساعه 3 ومانمت الا عالاربع تقريبا
نمت ساعتين ونص وقعدت ونزلت تحت قتلهم يالله ابي
بوكروه لول تاكسي قالولي كلهم يصلون صلاه العيد
جان ويهي يصير جذي قتله حبيبي طياره وراي
موشغلي صج انكم فندق سكه جان يقول
ما يبت شي يديد
وبسلامتكم اخر شي ركبت باص كله هنادوه وانا جدام
بيقطوني المطار وبيروحون الكنيسه وانا كل ماتكلموا
لفيت ورى وقلت اووووووووص المهم وصلت المطار
ونزلت ورحت وصفيت دور وكان زحمه المهم دخلت سوق
الحره ولا ادور ساعتي ومالقيتها والساعه احبهااااا
اموت فيها ساعتي جان انقهر وتيني البجوه لول ولا
اشوف الساعه باقي 50 دقيقه على الطياره جان اطير
واقولهم نسيت ساعتي الفندق بروح ايبها وارجع جان
يقولون انت من صجك ماكو ماتظهر <<بالقطري لول لاماكو
قتلهم تكفووون الفندق 5 دقايق بالتاكسي بليييز
قالولي نطلعك بس لو طارت الطياره مالنا شغل قتلهم
اوكي وطلعت وركبت التاكسي ودربي دربي على الفندق
ونزلت وقلت للرسيبشن لحقوني الغرفه وفجوا الباب ودورت
ودرت وعفست الغرفه مااااكو شي قلت بس باقو ساعتي
السواج
فجاه ولا ادور بجنطتي مالت اليد ولا القا الساعه
حسيت اني مستر بن الخليجي وتاسفت ورجعت
المطار وقتلهم شوفوا لقيت الساعه وانا جذاب
اساسا الساعه معاي لوول ودخلت ولحقت على الطياره
ورحنا لندن
ترقبوا الاجزاء اليايه لندن والعضو عشره عمر والصور
[ سبتمبر 29, 2010, 02:31 PM: تم تحرير المشاركه من قبل: طبيعي ]
مرسلة من «[.نجـــ 5 ـــوم.]» (رقم العضويه 12532) on :
اللله سفير لندن بالسالميه رد طبعوه بانتظار جديدك
مرسلة من طبيعي (رقم العضويه 11956) on :
خمسوا انت قريت اول؟ بسرعه رديت اقرى شوف يامه لاتقرا لول
مرسلة من howtodeal (رقم العضويه 10339) on :
الحمد الله على السلامة مستر طبيعي .. مع اني ما زرت قطر ولا مره بس خاطري أزورها في يوم من الأيام... دايما أحس انها هادية وحلوة وأجواءها راقية.. بالنسبة للفندق.. خخخ حبيت المغامرة اللي صارتلك.. الحمد الله انه نهايتها كانت سعيده ولقيت الساعه ناطرين الأجزاء الثانية..
مرسلة من *risky (رقم العضويه 14875) on :
بدووور متى يييت ومتى رحت سكااااااااتي !\
انا اجوف ليلة العيد قطر مظلمه !
وبخصوص الفندق من وين هاي اول مره اجوف لول زين سويت فنادق قطر اسعارها اضعاف اسعار فنادق لندن
وحتى الباااااااص شلون جبته لووول عجيب انت صراحه تعرف تصرف روحك بسرعه
اهم شي روني رواك قطر .. لو ان الوقت كان من وهل جان قتلك عن اماكن وايد حلوووه واهمها اللؤلؤه
والحمدلله عالسلامه
مرسلة من Mak (رقم العضويه 5) on :
الحمدالله على السلامه
بالفعل قطر تتطور بسرعه ولكن في اماكن محدود مثل منطقة الدفنه اللي فيها الأبراج بس باقي الاماكن وتحديث شبكة الطرق بطيئ وايد
مرسلة من «[.نجـــ 5 ـــوم.]» (رقم العضويه 12532) on :
هههههههههاي قريت و حبيت الصور
مرسلة من الصغيره (رقم العضويه 10056) on :
لا لا لا بدر بدعت اهم شي الباص هههههههههههههههههههههههههههههههههه حسبي الله على بليسك وتزف الهنود احمد ربك وصلت المطار زين بعد ركبت مع ريحتهم واي لو انا ابجي ههههههههههههههه
وناسه مادري ان قطر حلوه جذي ليش الاعضاء القطريين مايحطون لنا صور
مرسلة من [B.I.A.H.Y] (رقم العضويه 87112) on :
روعة التفاصيل
عاد تدرون أن قطر تبعد عنا حوالي ساعتين بالسيارة أذا مو أقل
مع هذا ولا مرة رحتها
مرسلة من joeymaniaa (رقم العضويه 18802) on :
انت مو صج .. تعليقي الصجي بيني و بينك عيب احترام للاعضاء بس ضحكتني يا ..
مرسلة من Fisaal (رقم العضويه 31) on :
الحمدالله ع السلامه بدر
يعطيك العافيه على الموضوع الحلو واهم شي ان تكون رحله موفقه وسعيده وغيرت جو
وشرايط بمطار الدوحه الحالي
مرسلة من *risky (رقم العضويه 14875) on :
رد مقتبس:وناسه مادري ان قطر حلوه جذي ليش الاعضاء القطريين مايحطون لنا صور
نخاف من العين مرسلة من عاشقها (رقم العضويه 83580) on :
الحمدلله عالسلامة بديير .. قطر شي خياااال .. رحتلها قبل رمضان وقعدت فيها 3 آيام .. آنصدممممت بكم المناظر الخيالية اللي فيها .. وبما انك ماصورت شي .. اسمحلي اساعدك بكم صورة من اللي صورناهم :
منتظر تقريرك عن لندن .. آشتقتلها كلها آسبوع ونص وراجعلها آنشاء الله
يعطيك العافية بدر
مرسلة من طبيعي (رقم العضويه 11956) on :
شكريات على ردودكم العسل وبعد شوي بحط الجزء اليديد
فيصل الخطوط القطريه طيران حديث اكل روعه توقيته جيد جدا بس الاشكال اللي فيها تحس غير عن البرتش
واقصد الجاليه الهنديه كثرانه بقوه
المطار مبين انهم قاعدين يسون واحد كبييييييير شفته لكن هم مطارهم الحالي موهين السوق ضخم كبير مومثل مطارنا فيه محلات ويع
مرسلة من طبيعي (رقم العضويه 11956) on :
هذا اللي كنت اقصده
انا بعرف المصورين الشباب القطرين ليش مايصورون هالمباني
[ سبتمبر 20, 2010, 12:37 PM: تم تحرير المشاركه من قبل: طبيعي ]
مرسلة من *risky (رقم العضويه 14875) on :
الله على ديرتي كلامكم يثلج الصدر
اهم شي الصوره الرابعه ترافل قار قطر مرسلة من الصغيره (رقم العضويه 10056) on :
رد مقتبس:المرسل الأصلي هو عاشقها:
الحمدلله عالسلامة بديير .. قطر شي خياااال .. رحتلها قبل رمضان وقعدت فيها 3 آيام .. آنصدممممت بكم المناظر الخيالية اللي فيها .. وبما انك ماصورت شي .. اسمحلي اساعدك بكم صورة من اللي صورناهم :
منتظر تقريرك عن لندن .. آشتقتلها كلها آسبوع ونص وراجعلها آنشاء الله
يعطيك العافية بدر
قطر قطر هذي قطر ...... قطر قطر كاهي قطر قطر بنت منايرها وتحظن في بشايرها قطر بنت منايرها وتحظن في بشايرها ضواحيها تمد الأيد .. تمد الأيد هلا بك ياللي زايرها قطر بنت منايرها قطر قطر هذي قطر ...... قطر قطر كاهي قطر
مرسلة من علوووش (رقم العضويه 17300) on :
لوول طبيعي كيوت
تعا شوف هون الهنود هيصيرو اكتر من الاستراليين رحت من فترة حفلة لولاد العيلة بالمدرسة عذمتي ريحة الصالة تقتل لوول كل الاهل هنود
مرسلة من مهـاجـر (رقم العضويه 16752) on :
الحمدالله على السلامه اخوي طبيعي وبانتظار باقي التفاصيل
مرسلة من [ مَدام فيفي عبدُه ] (رقم العضويه 2150) on :
ماله داعي كل جم شهر حاطلنا موضوع عن لندن لول سافر دوله ثانيه لو سمحت !
اتوقع لي زياره قريبه لقطر انشالله
بس بطيت جبدي يوم طلعت من المطار ورحت الفندق تييب ساعتك وباقي 50 دقيقه !! حريييتني لا والساعه سواج مالت عليك لو رايح وراد والطياره طارت شبتغبر ؟
مرسلة من KHaLaF (رقم العضويه 12634) on :
خاطري اروح الدوحه مال كم يوم وافتر فيها كلها
سوق واقف + جزيره اللؤلؤه وغيرها من الأماكن اللي فيها
عاد سؤال في خاطري يا طبيعي
كيف تقدر تسافر بروحك من دون ما يكون احد وياك ... ما تمل ؟
كنت بسافر 3 مرات هالسنه بس في كل مره يهونون ربعي واكنسل لأني ما اتخيل عمري اسافر بروحي
في إنتظار صور لندن
مرسلة من ..Modmenat Diana.. (رقم العضويه 88536) on :
لول طبيعي روعه وانا احب قطر عندي جم شخص اعرفه هناك واسولف معاهم وقطر خاطري اروح لها وصراحه صور الي حطوها شوقوني اكثر إني اروح ناطرين نشوف شسويت بلندن طلعت من أهل لندن استغرب من كويتين الي يحبون العيد بره الكويت،،،أحس عيد ماله طعم إذا مو بالديره
مرسلة من الجـوري (رقم العضويه 17) on :
يعطيك العافيه طبيعي
عندهم سوق واقف اشهر الاسواق التراثيه صراحه يونس
مرسلة من [Hamza-Ro] (رقم العضويه 88448) on :
طبيعي التفاصيل تهبل ،، واصل،، قطر + ،،
مرسلة من عاشقها بجنون (رقم العضويه 88126) on :
كل مالها وقطر تتطور ماشاء الله
عاد ملاعب قطر شيى ثاني في الاحترافية والفخامة
بالتوفيق لقطر وان شاء الله مزيدا من التقدم والازدهار
مشكور بدر
مرسلة من [ بيبسي ] (رقم العضويه 2113) on :
حمدالله عالسلامه ..
اي والله صاج بداحو مالت عالباميه راد عشان سواتش انا قلت كارتير الحين لووووووووووووووووول
مرسلة من طبيعي (رقم العضويه 11956) on :
بيبسيو ساعتي اللي نسيتها الخضره لول الي انت خذيت مثلها
اموت عليها لول تولي كارتير جدامها خخ
الحين بنزل جزء يديد
مرسلة من طبيعي (رقم العضويه 11956) on :
![[nerd]](graemlins/nerd.gif)
قتلهم لا![[rofl]](graemlins/rofl.gif)
شسوي فلوسي خاشها 
![[heartpump]](graemlins/heartpump.gif)
![[Eek!]](eek.gif)
![[Big Grin]](biggrin.gif)
![[Mad]](mad.gif)
قتله حبيبي طياره وراي ![[cleverman]](graemlins/cleverman.gif)
جان يقول ![[Razz]](tongue.gif)
![[Embarrassed]](redface.gif)
المهم وصلت المطار ![[crying]](graemlins/crying.gif)
![[pleased]](graemlins/pleased.gif)
وتاسفت ورجعت ![[rose]](graemlins/40.gif)
![[thinking]](graemlins/thinking.gif)
![[nut]](graemlins/nut.gif)
![[girlie]](graemlins/girlie.gif)
![[Roll Eyes]](rolleyes.gif)
![[worried]](graemlins/worried.gif)
![[smoke]](graemlins/smoke.gif)
![[crazy]](graemlins/crazy.gif)
،، بالتوفيق واصل ![[super]](graemlins/super.gif)
،، بس روح لمدينة ثانية لووول ![[eyelove]](graemlins/eyelove.gif)
