منتــدى الســالميــه: #Classy________________

This is topic #Classy_________________ in forum ســاحــة مقاطع الفيديو والصور at منتــدى الســالميــه.

To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=19;t=001153

مرسلة من م KRA (رقم العضويه 76358) on :

الموضوع بشكل خاص لرامي وبشكل عام للكل .

رامي خليني زكرك أول شي بكم شغلة رح يشتتولك مصاريك هون وهون إزا ما اقتنعت فيهم

- حق الكميرا مالو علاقة أبدا بنوعية الصور اللي بتعملها , ياما وياما .. والنتايج زبالة والعكس صح عم تطلع صور خيلة من تلفونات ,
يعني بهالفكرة إنت محتاج من الكميرا دقتها ومواصفات تانية والباقي عليك
هلىء أكيد مواصفات الكميرا مرتبطة بسعرها بس السعر مو مقياس أبدا

- العدسة أهم من الكميرا نفسها وإوعاك تتورط وتجيب مع الكميرا عدستها الأصلية 18-55 لإنها جاية من مصنع الكميرا من غير أي مواصفات فنتائجها غالباً محبطة وبتخليك تكره الكميرا مشان هيك بتجيب Body الكاميرا وإنت بتختار عدسة معينة مرتبة بدل الأساسية ( جايين لعندا ) وبتدفع الفرق بين العدستين

الكاميرات :

هلىء أكتر كاميرات شهرة وشعبيتهم كبيرة

Nikon D3200

Nikon D5100

Nikon D5200

Nikon D800

Canon 600D

Canon 650D

Canon 700D

Canon 60D

Canon 70D

Canon 5D mark ii

Canon 5D mark iii

كلن روعة وكلن صورهم رهيبة وكلن بروفيشنال بدك تقلي شو المواصافات اللي إنت حاببها لطلعلك ياها بيناتهم ... اعطيني مواصفات حاببها مع البادجت لطلعلك ياها بيناتن فورا

+ هالبيج https://www.facebook.com/PickYourCamera?fref=ts لشركة بتوصلك الكميرا لعندك وأكيد عندن سيلرز ومندوبين بالأردن , ناس بروفيشنال ومهنيين لأقصى درجة , عندن عالصفحة عروض بتجنن بتوفر عليك كتير وبتغنيها للكميرا تبعك ,

- بس تعتمد عالكميرا منحكي بموضوع العدسات .

مرسلة من م KRA (رقم العضويه 76358) on :

وتفضل [Big Grin]

https://www.youtube.com/watch?v=xxhWtA1BFBY

مرسلة من • Classy (رقم العضويه 83835) on :

حبيبي شكراً كتير عالموضوع كرم ..

صراحة ما عجبتني الكام يلي إلها شاشة بتتحرك .. حابب اشتري شي practical أكتر من Nikon

انا عاجبيتني سلاسلة الـ Nikon D لاني شفتها مع شب قريب الي .. ريزليوشن والوان كتير حلوة

اكيد الايديتنيغ بيلعب اكبر دور بنتيجة الصورة .. إنت شو بتنصحني ؟

سؤال تاني / أنواع العدسات ؟ ما بفهم فيهم لول شو ملم ؟

مرسلة من م KRA (رقم العضويه 76358) on :

رامي مو إذا الشاشة متحركة يعني مش عملية , الشاشة تبعها متينة كتير وعموما فيك تتركها محلها وما تحركها وهيك بتكون حطيت عالإحتياط أوبشن كتير حلو

أنا قلتلك هالحكي لأنك منقى إختها لهالكميرا فخود الحلوة ليش لتاخد الوسط , عموما هاد عامل نفسي انت بتحددو وبترتحلو

وأكيد إذا ارتحت لكمرة رفيقك رح تعمل فيها صور أحلى لانك بنيت علاقة مبدئية حلوة معها

بس ما فهمت أي نيكون حابب تشتريها ما حطيتلي الرقم تبعها.

أنا قلتلك نصيحتي إلك Nikon D5200 .. ليش ؟

سعر مقبول ورح يكون مقدور عليه

كواليتي صورة ممتاز وألوان بتاخد العقل ( في حال لغينا موضوع الإيديتنغ )

القوائم والإعدادات تبعها كتير سلسة وحلوة ومريحة و واضحة وما بتخلق حاجز بينك وبين العلّومة عليها

حجمها كتير حلو والبودي تبعها عملي وخامتها فخمة كتير

شاشة تاتش متحركة بكل الإتجاهات

عدسات متوفرة بأي متجر حتى لو مش أوفيشال

إحترافية كتير ومش مضطر تغيرها أبدا

إلها عروض كتير حلوة معها عالنت , شنتة وريموت وترايبود إلخ

,

العدسات موضوع بقمة التعقيد والبساطة بنفس الوقت وبتختلف حسب نوعية الفن اللي بتميل إلو ,

إنت لو اخدت عدسة 55 - 300 mm معها بتكون شملت كل أنواع التصوير فيها

الـ mm يعني كل 100 ملمتر = 10 سنتمتر مسافة حية قدام العدسة وهيك بقا بتشوف عدسة 100-400 mm بكون الزوم تبعها كبير كتير بس بنفس الوقت بتقل زاوية الرؤية تبعها ليش ؟ لأن الرقم النهائي تبعها كبير يلي هو 400 وبهالحالة إنت صرت بقمة الزوم البصري واختفت زوايا وعناصر كتير من الصورة

معناتو لازم تفهم لحالك أنو الرقم المينيموم للعدسة يعني زاوية رؤية واسعة كتير وبتشمل أكبر قدر من العناصر ( صورة المدرج الروماني اللي موجودة بالموضوع آخدها بعدسة 10-22 ) حطيتها عالرقم عشرة , يعني أوسع من مجال رؤية العين نفسها ( مجال وزاوية العين 18 ) يلي هو رقم العدسة اللي بيجي مع كل الكميرات كعدسة أساسية , يعني عم يعطوك عينك مع الكميرا
أنا حطيت الرقم 10 بهالعدسة لحتى اعمل زوم عكسي للرؤية وزيد من الزاوية والعناصر المشمولة بالصورة شوف كيف طلع أكتر من 70% من المدرج بالصورة لان زاوية التصوير واسعة كتير ( رقم ملمتر قليل )

بس بالصورتين الباقيين خليت الرقم طبيعي ( 18 أو 20 يمكن ) لأن كان المشهد حلو متل ما شايفه بعيني

وهي نفسها بيتسخدموها بمسرح ستار أكاديمي لبين كبير وغميق [Razz]

هي حاولت إشرحلك ياها بطريقة مبلوعة شوي لان الشرح اللي عالنت بخليك تكره حالك ويغب عقلبك

ومع هالصورة رح تفهم أكتر كلامي :

الأرقام الفوقانية هي إسم العدسة ورقم الزوم تبعها أو Focal Length حسب ما بسموه يلي هو درجة زوم العدسة بالميدان اللي عم تصور فيه

والأرقام اللي تحت هي زوايا ومجال الرؤية الناتج عن اختيارك لزوم العدسة ( الرقم اللي فوق ) ,

تمام ؟

[ يناير 22, 2015, 03:52 PM: تم تحرير المشاركه من قبل: م KRA ]

مرسلة من • Classy (رقم العضويه 83835) on :

حبيت جداً الكاميرا يلي نصحتني فيها .. راح اطلبها من الامارات اكيد متوفرة بسعر أرخص من عنا ..

بالنسبة لموضوع العدسات وأخيراً فهمت الفكرة لول ..

خلاصة يعني كل ما زاد mm العدسة زادت زاوية الرؤية وصارت أكبر << انشالله ما أكون جبت العيد هههههههه ..

هلأ ننتقل للـ step يلي بعده .. موضوع الفلاتر والشغل على الصور عالفوتوشوب ؟ ممكن تحط صور قبل وبعد ؟

شكرا كتيررر كرم ما قصرت .. [rose]

مرسلة من م KRA (رقم العضويه 76358) on :

حاج تشكرني , إنت بستحق كتير وأنا مدين إلك بصور نجحت كتير وضربت معي وعالجتن باكشنز إنت عطيتني ياهن وتعبت بتحميلهم واحد واحد كرمالي سنة 2011 . انا ما بنسى اللي متلك <3

رد مقتبس:
خلاصة يعني كل ما زاد mm العدسة زادت زاوية الرؤية وصارت أكبر << انشالله ما أكون جبت العيد هههههههه ..

كل ما زاد الملم بتقل زاوية الرؤية .. رجاع شوف الصورة ) التناسب عكسي

كون التقريب بياكل من المشهد , اللي بزيد هو الزوم البصري

بالنسبة لطلبك بالصور قبل وبعد مع انو مستحيل حدا يفوت جوا الفولدرز تبعي كون الصور مابقا وحدي إلي سلطة عليهم وماعادو ملكي بس تكرم عيونك تفضل وتمالك نفسك شوي [Big Grin]

.. رح حطلك نص كل صورة لإني موقع عكزا تعهد بخصوصن ما بقدر حط النسخة الخام كاملة .. بتحب ببعتلك ياها كاملة لوحدك <3

النتيجة الكاملة موجودة بتاني موضوع , بعرف شو حاسس وشو هو شعورك .. الصور نسفتها بالكامل وأسستا من جديد

تمام ؟

مرسلة من • Classy (رقم العضويه 83835) on :

ههههههههههه طيب والله العظيم اني فهمانها هيك بس مش عارف ليش كتبتها بالرد على اساس انه العلاقة طردية .. لول

في كمان عدسات بتعمل تأثير ال Bokeh اذا عندك فكرة عنهم .. هدول رووووعة

واوووو الايديتينغ سطلني [Eek!]

روووووعة قليل عليهم .. مش طبيعي !!

علمني بليز .. [pleased]

مرسلة من م KRA (رقم العضويه 76358) on :

بعلمك بعلمك والله لعلمك

عفكرة كمان حسيت أنو خانك التعبير.

جيب الكميرا وحكيني ..

مرسلة من وجـــــــدي،،، (رقم العضويه 84098) on :

http://www.adslgate.com/dsl/forumdisplay.php?f=43

http://www.dpreview.com/forums [heartpump]

مرسلة من *risky (رقم العضويه 14875) on :

عجيب شرحك كروم كتبت الزبده [Smile]

بخصوص الانواع انا افضل الكانون عالنكيون

يمكن لان اللي عندي واللي بالبيت كلنا نستخدم الكانون

ولانها متوفره عندنا هي وعدساتها بشكل كبير

الحين اشوف السوني كاميراتهم وايد افضل فالسابق كانت مشاكلهم ماتتوفر عدسات وايد

بس الحين متوفر عندهم كل شي بس المشكله ان الاسعار دبل مقارنه مع الباقي [Big Grin]

ابحث عن هالشي كروم دامك تحب هالسوالف وطلعلنا الفروقات [Razz]

يعطيك العافيه

مرسلة من • Classy (رقم العضويه 83835) on :

انا سمعت انه عدسات الكانون واكسسواراتها متوفرين وارخص من النيكون

مرسلة من م KRA (رقم العضويه 76358) on :

تمام كانون كونها بابيولار اكتر هالشي ساعد مع الوقت لمراكز اعتماد واكسسوارات اكتر الها
هالحكي ما بيشمل لبنان والخليج طبيعة هالدول فيها اهتمام بالتصوير ومراكز شحن للشركتين فيهم رغم انو مصورين الخليج أغبى مصورين بين كل دول العالم
بس موضوع مين احسن كانون او نيكون هي كزبة كبيرة انعملت بجلسة تأسس الشركتين نفسن , الموضوع مين بريحك اكتر لان كل كمرة من الشركة الاولى إلها ضرة من التانية

ريسكي شركة سوني ما بتجزبني ابدا ابدا فيها عنصر تشويق ناقص مش معروف شو هو متل الطبخة اللي فيها كل شي وناقصها كل شي بس تدوقها , واصلا ما بيشتريها غير اللي آخدين التصوير من مبدا nerd وبدو يصور فيها علبة دوا كرمال بحث بالجامعة لووول .. مش من مبدا الوايد انجل والألوان الحلوة , انا هاد رايي فيها من زمان + نسبة امتلاكها 2% ..

مرسلة من • Classy (رقم العضويه 83835) on :

كرم

canon eos 1200d شو وضعها ؟

مرسلة من م KRA (رقم العضويه 76358) on :

مو هالزيادة , وال 18 تبعونها fake , فعليا 12 بس

UBB.classic™ 6.7.1