This is topic قصة أكل مطعم الفاست فود الي مايعفن مهما مر عليه الزمن !! in forum ســـــاحـــــة مــــشــتـــريـــاتــــي at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=21;t=000036

---

مرسلة من طـبـيـعيـے (رقم العضويه 11956) on :
 



انتشرت فيدوات وايد منها العالمية ومنها الكويتية

عن احتفاظ شخص بساندوش من مطاعم ماكدونالدز

والصدمة حين يكشف على الساندوش بعد مرور سبوع او شهر او حتى سنة لايظهر اي علامة من علامات العفن

بعكس اي ساندوش ثاني بمجرد مرورة أيام فقط يبدأ بالتعفن


هالموضوع غريب ويثير الاستغراب والاغرب انه شركة ماكدونالدز لم ترد او توضح بخصوص هالموضوع نهائيا

بالرغم من شهرة هالموضوع , الا انها تصر انه اكلها كله طازج ودائما يسون زيارات ميدانية الى ثلاجات اللحوم وطريقة تصنيع الهامبورغر

غريب الموضوع

مانقدر نستغني عنه ماكدونالدز بكل شبر بالعالم فرع !!

ونجذب لو نقول الاكل ماله مولذيذ


شب غريب
 

---

مرسلة من la princesa _ (رقم العضويه 88536) on :
 




شفت الصوره وانصدمت
صار فيني معقوله


صج انا اشوفه انظف فاست فود
واحب اكله




 

---

مرسلة من iDoc (رقم العضويه 74592) on :
 
من سنين و حنا نعرف هالشي
كله من المواد الحافظة حسبي الله عليهم و إحنا قاعدين نأكل منه
شخصيا ما صرت أحب أكل من ماك مؤخرا طعمه صار منحدر و أي كلام
صرت أكل من هرفي او من المطاعم المحلية الجديدة الخاصة بالبرجرات

[ مارس 30, 2015, 07:50 AM: تم تحرير المشاركه من قبل: iDoc ]
 

---

مرسلة من طـبـيـعيـے (رقم العضويه 11956) on :
 
دوك احنا هرفي الي بالكويت مو ناجح ابدا زي السعودية والبحرين

اصلا ماعندنا الطبق المشهور عندكم جكن بروستيد

والمطاعم المحلية عندنا عد وخربط يمكن مليون بس تعال اطلب منهم ,,, البورجر سعرها 5 والا 7 دنانير وحالتهم حاله

منو بيقط هالمبلغ بشكل يومي اكيد لا وماك اقرب لنا واسهل درايف ثرو والطعم الى الان ممتاز "اعشق دبل جيز برجر " وسعره رمزي


بس مشكلة بالمواد الحافظة كيف يسوين جذي هل الصحة تسمح لهم ؟ مو المفروض يكتبون انه يحتوي على مواد حافظة ؟
 

---

مرسلة من Zyood (رقم العضويه 90699) on :
 
شوفو فيلم super size me اذا ماشفتوه للحين



هالفيلم نزل في 2004 و كان فضيحة لماكدونالدز وقتها
و اللي بالصورة سوا تجربة اللحم فالفيلم و مر شهر ولا تعفن البرجر
من بعد هالفيلم ماكدونالدز راحت و زادت اعلاناتها انه اكلنا طازج و لحمنا طبيعي الخ

[ مارس 31, 2015, 03:09 PM: تم تحرير المشاركه من قبل: Zyood ]
 

---

مرسلة من M.I.N.I.S.T.E.R. O.F. E.V.I.L (رقم العضويه 89162) on :
 
والله صارلي سنتين أكبر طاف عليه و على لحمته البلاستيك

مع اني كنت من مدمنين هالمطعم و كل اسبوع لازم اكل منه مره مرتين بس فجأه وصلت لمرحله لاعت جبدي

و لما قمت اجرب مطاعم البرجر الحقيقي اللي لحمه فريش صادني اكتئاب شنو هاللي كنت اكله و من وقتها و انا اكبر طاف عليه هو بالذات

اللي يقولي نظيف و نظيف اي نظيف بس ضااار اكثر من غيره و كميه الدهون و السعرات الحرارية اللي فيه لا تطاق

عالأقل برجر كينج و هارديز يشوون البرجر و نسبه كبيرة من الدهون تتصفى

هذا مدري يقليهم ولا يشويهم بالمايكرويف ولا يحطهم عالشمس وع

الشي الوحيد اللي ممكن اكله من عندهم الفرايز و ايسكريمهم بو ريال و ماك فلوري
 

---

مرسلة من iDoc (رقم العضويه 74592) on :
 
وسيم لا تقولي تحب مكاك فلوري بطعم الأوريو بعد
 

---

مرسلة من طـبـيـعيـے (رقم العضويه 11956) on :
 
بالكويت بس في بطعم الاوريو !! كان في كتكات وام اند امز بس خلصوا

[ أبريل 02, 2015, 05:35 AM: تم تحرير المشاركه من قبل: طـبـيـعيـے ]
 

---

مرسلة من iDoc (رقم العضويه 74592) on :
 
هنا في بطعم الكتكات و أوريو
طبعا أوريو أفضلهم

ماك فلوري ما أقرب منه غير بالصيف خصوصا برمضان يا سلام
 

---

مرسلة من Zyood (رقم العضويه 90699) on :
 
تدرون ليش ماك يسمي الميلك شيك شيك بس بدون ميلك؟
لأنه مافيه حليب اصلاً! كله نكهات صناعية،حتى الحليب نكهة صناعية
الحكومة منعتهم يسموه ميلك شيك لهالسبب

[ أبريل 02, 2015, 08:30 AM: تم تحرير المشاركه من قبل: Zyood ]
 

---

مرسلة من مَملُوحْ (رقم العضويه 90740) on :
 
من فترة اتفرج لبرنامج أطباء على قناة دبـي

اتكلموا على الاطعمة الجاهزة و السريعة ... الخ ، بصراحة انصدمت :

في وايد اشياء نجهلها و اكيد لو سمعنا بها نفسنا تعاف هالماكولات

لكن منظمة الصحة تسمح باشياء معينة ما دام ما تجاوزت خطوط حمرا هي معينها

تسمح بنسب معينة من الكلور و بنسب من الروث ..... الخ

انصدمت ! ، صرتحة ما في مثل الاكل الطازج و اكل البيت ، أكل الأم .
 

---

مرسلة من DR.LOZA (رقم العضويه 15071) on :
 

رد مقتبس:

---

المرسل الأصلي هو Zyood:
تدرون ليش ماك يسمي الميلك شيك شيك بس بدون ميلك؟
لأنه مافيه حليب اصلاً! كله نكهات صناعية،حتى الحليب نكهة صناعية
الحكومة منعتهم يسموه ميلك شيك لهالسبب

---

بالسعودية معد في ميلك شيك
 

---

مرسلة من InnocentSinner (رقم العضويه 91235) on :
 



ماكدونلز بيمر بازمه حاليا خصوصا ان الناس هنا بدات تهتم
بالاكل الصحى عشان بقى موضه

http://fortune.com/2015/04/22/mcdonalds-restaurants-closing/



 

---

مرسلة من ,Bas (رقم العضويه 83164) on :
 
^
^
صح,, تقريبا 700 فرع بأمريكا رح يقفلوا عنهاية هالسنة.. بس
 

---

مرسلة من yasmino (رقم العضويه 66894) on :
 
ماكدونالدز اصلا باميركا غير انه موضة قديمة صار يعد من المطاعم الرخيصة اللي اذا انت مفلس اتروح اتجيب ساندويش ان الدولار و نص.

الحمدلله عمري ما حبيت حتى البطاطا و ابني ما حب اكلهم الحمدلله
 

---

مرسلة من sami89 (رقم العضويه 90821) on :
 
http://ibelieveinsci.com/?p=7828
 

---

UBB.classic™ 6.7.1