مرسله في
مبروك كرم عنجد حلو ومشكور عالموقع ما كنت بعرفه فيه كتير اشياء حلوه والاسعار بتجنن
بالنسبة للاواعي كيف مقاساتهن! شبهنا بالشرق الاوسط لانو كذا مره طلبت اشياء الي او لولادي من مواقع صينيه واوروبية وبالاخير صدمة ووجع قلب بعرفش ليش بس كل شي بيوصلني صغير
المشاركات: 1789 | تاريخ التسجيل: يناير 2005
|
مرسله في
القطع اللي اخترتهم كانو جاكيتات بعني قطع بالعادة بتكون وسيعة واحتياطيا باخد نمره اكبر مع هيك مش زابطه معي وبستحي ابيع القطع للحواليي لهيك بعطيهن ياهن هدايا مع غصة قلب
مبارح ستحليت بموقع ويش جاكيت للصغير اللي عندي وعملت طلب كمان كان في تقليد للتشارمز تبعون pandora طلبت كم وحده تا نشوف اذا بتزبط او لأ صراحة الاسعار مغرية وبتشد
المشاركات: 1789 | تاريخ التسجيل: يناير 2005
|
مرسله في
نفس ما بعمل تماما متلي كانك عم تحكي عني لا وبفكروا اني بهديهم لاني ميت عدباديبن وبعيشوها زيادة بس مو مشكلة المهم اني ما بيعها ما بحس حالي ابدا بهيك كاركتر متل ماقلتي الاسعار مو محرزة القطعة اللي ما بتزبط عمليها نزالات للمطبخ والاكسسوار اللي ما بيعجبك حطيه علعبة من لعب الولاد متل ما شفتي هالجزدان كيف طلع معي وفيكي تشوفيه بقسم الحقائب عالموقع .. عالواقع احلى الف مرة والموضوع نسبي بالنهاية
[ يناير 11, 2017, 09:10 AM: تم تحرير المشاركه من قبل: K رم ]
كيف هيك !! دعاياتهم معبية شوارع باريس والاعلانات تبعن عاليوتيوب بتطلعلي بكل فيديو اربع خمس مرات شيري حبيبتي بدي ياكي تصوري كل شي وصلك بطريقة تبين الكواليتي
مرسله في
كرم بعتذر عالرد المتاخر، انشغلت شوي حاولت قد ما بقدر اخد صور واضحة مع ان كامرة موبايله صارت عدم من بعد حادثة الغرق
انا كنت بالاول طالبة بس جاكيت بس تاني يوم نهبلت وعملت كمان طلبيه هدول اللي وصلوني وفي كمان اشياء للولاد الكبار بس لسه ما وصلو
منيجي للقطع انا قسمت الصورة قسمين صورة من الموقع وصورة شو وصلني
هدا الجاكيت للامانة جودة القماش بتجنن بس المقاسات غلط يعني الاكمام طلعو طوال عالولد والجاكيت نفسه قصير مش واصل خصره
هدا البنطلون المفروض يكون سكيني بس طلع شروال من تبع الدروز ناهيك عن نوعية قماشته الكتير رقيقة وبسرعه بتنمزع
هدا البنطلون ستحليتو لانو كتير كيوت بس لما وصلني كان غير ما قريت عنه اولا المفروض يكون ضيق من تحت وقماشته سميكة وشتوية وشكل التم غير لكن وصلني خفيف وجودة معفنة. والله العظيم صار فيه خزقين من عند الركب
وهدا الطقم هوي الوحيد اللي كنت رضيانه عنه نوعا ما لانه شبه شو شفت وقريت ما عدا القياس. طلع كبير عالولد
خلاصة الموضوع. البضاعة كلها صينية ومعظمها غير متقن التصنيع وكان المفروض اجرب قطعه وبعدين عا هواها بطلب بس الطمع وما ادراك مالطمع
وطلب صغير اذا حدا بيقدر يساعدني ويدلني عا موقع بيبيع adidas superstar مقاسات اطفال لحد 33 وباسعار معقولة
المشاركات: 1789 | تاريخ التسجيل: يناير 2005
|
مرسله في
ياربي شو هاد لو سوق احد وخضرة ما بكون هيك
هلق اول شي حاسس اني انا السبب بهالطلبية هيدي ما بعرف ازا من موضوعي اخدتي الحماس ولا من اعلاناتن اللي معبية الشوارع واليوتيوب ازا مني : انا مستعد عوضك عن كل شي دفعيته وهالكلام للتنفيذ مش للحكي
وازا مش مني فعوضك ع الله ..
ولاد الكلب الله يلعنن
قبل ما شوف ردك الاول كنت ناوي بنفس اليوم ابعت الاوردر شوفي
إرسال هذه الصفحه لصديق!
لطباعه هذا الموضوع
![[eyelove]](graemlins/eyelove.gif)
![[heartpump]](graemlins/heartpump.gif)
![[rose]](graemlins/40.gif)
![[rofl]](graemlins/rofl.gif)
![[Mad]](mad.gif)
![[Eek!]](eek.gif)
![[help]](graemlins/help.gif)
![[sick]](graemlins/sick029.gif)
![[Big Grin]](biggrin.gif)
