رد مقتبس:

---

المرسل الأصلي هو Scorpian v2.00:
ماجد

اي هذا هو بالضبط, قصة نيو اورليينز من بعد مأساة كاترينا

بس الحلو في المسلسل انه ما ركز عالمعاناة كثر ما ركز على جمالية سكان هالمدينة الصغيرة وحبهم للحياة, بالذات في حي Treme

كل شي في المدينة يخليك ودك تلم أغراضك الان وتروحلها, تشوف ثقافتها, تسمع الجاز فيها من أهله وتذوق أكلها

وبالأخص حلاها اللي أغلبه مأخوذ من أيام الاستعمار الفرنسي (بطني نغزني لول)

الشخصيات أغلبها مبنية على ناس حقيقين عايشهم الكاتب في الفترة اللي كان ساكن فيها هناك, وبعضهم طلع في سبيشال انذاع بعد المسلسل

الشخصيات مرة كثيرة وكلها ثرية وعندها قصص ممتعة, من المحاضر للموسيقي للشيف للمتسول..

والموسيقيين اللي جايبيهم على فكرة حقيقيين, مواهب فعلا ماخذينها من أحياء نيو اورليينز, لهالدرجة مهتمين بالجودة

الموسم كان عبارة عن عشر حلقات, كل حلقة فيهم سخية من ناحية الأحداث وكم المتعة, بالذات ان التصوير كان أغلبه خارجي والموسيقى حاضرة

والأروع ان بعض الحلقات طلع فيها الفيس كوستللو!! بغت تجيني سكته لما شفته, جد انه لا زال سوبر كوول

انشالله أكون قدرت أوصّلك لو حتى ربع الأسباب اللي مخليتني أحب هالعمل هالقد..

---

روعة وصفك ريان.. حمستني عالاخير للمسلسل
شخصيا ما عندي معلومات كفاية عن نيو أورلينز
والاستعمار الفرنسي.. فبيكون شي حلو اني اتعرف على
تاريخ المدينة في هالمسلسل..
ان شالله قريبا ببدا أتابعه