مرسله في                     

رد مقتبس:

---

المرسل الأصلي هو :::ShoSho::::
أفأ راندوملي من اول مشاركه لي بالموضوع قلت اني شفت شاروخ

و الحين راح أقولكم القصه لما شفتهم بس مو تضحكون علي

اسم الله عليكم كنت في لندن وقت ال Temptation Tour و كنت أعرف ان ربعنا أهناك و لول مدري ليش بس كنت اشيل الكاميرا معاي وين ما أرح كسرت كتفي والله لول و الكل كان يضحك علي يقول من صجج عند روحج رح تشوفين شاهروخ المهم أنا ما همني و كنت مصره ان اي شي ممكن المهم ذاك اليوم طق براسي أروح Selfridges و مشيت و مشيت (ما أدخن ترى) جان أوصل حق الاشاره اللي بين ماركسبنسر و سيلفريدجز تعرفونه ربع لندن طبعا المهم و قفت و الاشاره حمره الله كان هاديها جان أتلفت و الا أوووووووخ اشوف بريتي و ترى انا استحي بس قلت يالله خل اروح احاجيها جان أروح و أسألها Hello? excuse me, are you Preity Zinta? جان تقول ايه يحليلها ما جذبت .. جان تسألني انت من وين جان أقولها أنا كويتيه و بعديت قالت لي انت في اجازه؟ جان أقول لها نعم.. و عاد مدت ايدها اللي فيه كيس البطاطا (شوفوه بالصوره لول) و كالت لي تفضلي؟ قلت لها لا مشكوره جان تقول لا تستحين قلت لها لا مو يوعانه .. المهم قلت لها ابي اتصور معاج قالت أوكي و كانت رفيجتها معاها و عطيتها الكاميرا (مسكينه ما سالتها اذا تبي تتصور معانا و الا لا لوول و صورتنا و سلامتكم تعبانه الحين باجر أقولكم الجزء الثاني و هو لقاء شاروخان..

---

يا حظج لو كنت انا مكانج كنت يمكن مانتبهت لاني مو من النوع اللي يطالع الناس
لول نغزة بس كان المفروض تقولينلها: على وين رايحة يا بريتي؟ و لما تجاوبج,
تقولينلها: I'm coming with ya .


ومشكووووووووورة على القصة اللي من اختراع الخيال ترى نبي اثبات
انج انتي اللي يمها


سايونارا
المهندالحالم



--------------------

..






.....

المشاركات: 5849 | تاريخ التسجيل: فبراير 2004  | 

مرسله في                     

رد مقتبس:

---

المرسل الأصلي هو :::ShoSho::::
^
^
^
^
أفأ!! مو مصدقني؟!! لول يعني احط صورتي جدام العالم أخاف أصك عليها حرام ..

المهم الحين شوفوا رحت رديت على الاشاره كانت خضره و عبرت و دخلت المحل رحت صوب Muji و اشتريت استكانات صينيه مالت الشاي الصيني المهم و الاخت البارده قاعده تغلف علشان ما ينكسرون و الا يرن الموبايل جان تطلع مرت حماي (ألاخت متزوجه ) و الا اشوفها تقوللي: أنت بعدج بالمحل؟ جان اقول لها ايه انا توني داخله جان تقول : رررررررررررررررررررررررركضي! شاروخان اهني, عند ال لوي فيتون .. و الا اسم الله عليكم مدري شنو صار فيني و الاخت لحد الحين قاعده تلف الاستكانات و بعدين قلت لها كافي التغليف زين و جان اخذ الكيس و أركض و اركض و انكسرت وحده من الاستكانات اظن .. و الا اشوف مرت حماي و بنتها يقولون تعالي كاهو و الا اشوفه مع كاران مختار شنطه و قاعد يحاسبونه و ما قدرت امشي استحيت احاجيه و البنت تقوللي روحي اشفيج (عمرها 11 سنه ذيك السنه) و أنا أقول لها لااا لا ما اقدر و اهي تقول روحي! و انا اقول ما اقدر و بعدين مدري اشلون اشوفها سحبتني و ودتني عنده جان أقول هاي و قال هالو و الويه معضرط ماله خلق عطيته ورقه علشان يوقع و ووقع و بعدين قلت له ابي اتصور معاك و تصورنا و الصور ترى كلها البنت مصورتهم مو انا .. و بس و قفت اشويه من بره أتطمش و بعدين مشينا..

المهم رحنا البيت و الا اشوف ولد حماتي معصب لان ما شافه فالمهم رحت النت و طلعت اسم الاوتيل اللي قاعدين فيه و رحنا ثاني يوم و حسافه وصلنا بعد المؤتمر مالهم و لما وصلنا شفنا كاران يكلم الريسبشن و رحنا اخذنا توقيعه و عقب قعدنا و الا اشوف بنت حماي تقول كاهو وراج جان اقول روحي جذابه جان تقول والله شوفي و الا يطلع من الاوتيل مع ولده و بنته و الناني مالتهم و ركضت وراه بنت حماي و اخذت التوقيع و رجعت جان تقول ان سمعت ولده يقول أبي أروح Hamleys و اهوا قال لا مو الحين..

المهم هذا اللي صار و سلامتكم مو عبالكم تاليف

و بقولكم بما اننا بموضوع المشاهير و لقائهم ترى شفت هيو غرانت بمطار هيثرو بس ما حاجيته بس شكله وايد جنتل و خجول ..

---

ويه لا تشترين من موجي, اشياءهم مو مزخرفة بس احبه لانه كوري
مشكورة على باجي التفاصيل و حظج حلو ان حماتج عصرية الله يحفظها. لو وحدة ثانية
جان مرت يمه بدون ما تعرفه, و لو تعرفه ماكانت بتقولج و اذا قالتلج
بتفتن عليج حق ريلج علشان يتصرف وياج
بس املق شي لما الفنان مايكون له خلق, يعني لو انا مكانج كنت راح اكنسل التصوير و اروح.
و بالنسبة للمشاهير فشفت وايد ومنهم مادونا اللي ابتسمتلي و ديانا روس
وويل سميث و اكزيبيت و سيارا و غيرهم....

و لا تخافين مصدقج, و دام انج متزوجة فما نبي الصورة كاملة (يا سلام على الادب ).


وبالنسبة لاش لاش فاخذي راحتج و لا تخافين منهم اش اش تمثيلها تعبان قوليها
بصوت عالي. و كلها جم يوم و محبين اش اش يطلعون من الملتقى و شلتنا تزيد و ناخذ
راحتنا و نسميه ملتقى الــ ANTI-AISH

سايونارا
المهندالحالم



--------------------

..






.....

المشاركات: 5849 | تاريخ التسجيل: فبراير 2004  |