مرسله في
عاجبكم شكل الشخصيات و الفيلم ؟ جنهم شخصيات رابونزل بس غيروا الألوان وصغروا الوجوه ههه طالع الفيلم مكس بين رابونزل وأفلام باربي على شوية عبط ايس ايج وين التميز ؟ .. ماحبيت وياليت كان مرسوم باليد مو الخرابيط هذي اللي ماتصلح لديزني شفتوا فيلم the croods ؟ المناظر الطبيعية فيه كانت خيالية مب اللي هني مستواها عادي .. بانتظار الفيلم لأنه من ديزني بس ولا هو بصراحة مافيه شي يخلي الواحد يتحمس وايد غير الأغاني
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
اللي شايفه اعلان كوميدي مش اعلان فيلم كلاسيكي كانه فيلم لدريم ووركس هذا اذا ما كان اخس .. صحيح الاعلان حلو ويحمس بس كانه مش فيلم لديزني كلاسيك .. فاهمين قصدي واكيد الاعلان بيكون مختلف شوي عن الفيلم في بعض المشاهد نفس رابونزل الاعلان كلان كوميدي نوعا ما بس تفاجئت انه بالفيلم غير
رد مقتبس: ديزني فرحانه بنتيجة تانجلد وحابه ان الفيلم يمشي على نفس الخطه التسويقية للفيلم ..
انا لو كنت مكانهم كنت بسوقه على نفس الطريقة ناصر.. شوف أنجح أفلام الأنيميشن هالسنة وبتعرف انه هالنوع الكوميدي الأهبل هو الدارج.. بس شخصيا مب شايل هم الفلم لأنه تانلجد كلنا خايفين انه يطلع كوميدي وأثبتلنا العكس تماما.. فلم كلاسيكي ما يقل أهمية عن كلاسيكيات ديزني اللي تربينا عليها.. الدعاية هذي بتنفع الفلم تجاريا واذا نجح الفلم تجاريا بنشوف أفلام ثانية من هالستايل
رد مقتبس: واضح انه بيكون رائع واحسن من تانجلد بمليون مره .. فليش كل هالخوف مش عارف!!
وين واضح هالشي؟؟ وبمليون مره بعد؟؟
-------------------- [ المشاركات: 7335 | من: الامارات | تاريخ التسجيل: يوليو 2003
|
ماجد لاتاخذ هالاعلان كمقياس على فروزن .. لو بقيم الفيلم على اساس هالاعلان كنت قلت اللي قلتوه واكثر .. لكن لليوم صار عندنا اطنان من المعلومات عن الفيلم ومن بينها القصة كلها صارت بين يدنا .. انا من كثر ماحرقت على نفسي مو باقي الا اعرف النهاية وخلاص .. وصدقني من اللي قريته الفيلم فيه عناصر وسحر ديزني اللي اي فان ممكن يحب يشوفها اكثر من العناصر الموجوده بتانجلد .. عشان جذي قلت مايتقارن بتانجلد ..
تانجلد لو انعمل بنفس القصة اللي كان مخطط لها جلين كين كان طلع ملحمي وسوداوي ورائع اكثر من النتيجة الدريموركسيه اللي طلع فيها .. بس بالشكل اللي ظهر عليه طالع كأنه شي مهجن .. شوي ديزني وشوي شريك .. فيلم حلو وممتع ماقول لا .. لكن مش هذا اللي يجيب راسي لما اشوف فيلم لديزني الصراحه
فروزن حتى من ناحية السينماتوغرافي واضح انه احلى اكثر .. واجواء الثلج وهالعالم الساحر عموماً احس انه ارض خصبه لابداع اي فنان .. والشخصيات مثيره للاهتمام اكثر من شخصيات تانجلد ذات البعد الواحد .. تانجلد مافيه غير جوثل اللي تخليك تفكر بابعادها كشخصيه .. لكن فروزن عندك السا وانا ورابط الاخوه بينهم اللي اول مره نشوفه بفيلم لديزني وعلاقتهم المعقده وكريستوف وهانس بالاخص واللي راح يكون صدمه لكل من بيشوف الفيلم .. عندك هنا مجموعه من الشخصيات اللي تخليك تفكر فيها وتهتم لامرها اكثر .. عالاقل بالنسبه لي ..
غير هوية الفيلم والثقافه النرويجية اللي يستند عليها واللي راح نلمسها بالاخراج الفني من الديكورات والملابس وغيرهم .. فيلم غني ودسم اكثر من تانجلد المجهول الهويه حتى من هالناحيه .. واذا جينا للاغاني فتانجلد نقطة ضعفه كانت الاغاني .. وليت ات جو بينت لي وين رايح فروزن من ناحية الاغاني واللي اكيد بيكون احسن ..
حتى بالنسبة للانميشن واضح انه رائع .. واذا جينا للكاست نفسه فكريستين بيل شكلها بتكون مقنعه اكثر من ماندي مور ودمها اخف .. غير ادينا منزيل كممثله مسرحيه عندها خبره وصوتها حلو ومتعشم منها كثير ..
حتى النظره العامه للفيلم فيها جرأه اكثر من اي فيلم جديد لديزني .. المشاهد كلها رماديه والاجواء معتمه وقليل ماتلاقي الوان براقه طفوليه .. وهالشي كثير حابه لاني فعلا اشتقت للمسات ديزني السوداوية بافلامها بعد موجة الافلام اللي تملك مظهر لماع .. هنا فروزن طالع كأنه من صنف احدب نوتدرام اللي كله على بعضه معتم ..
انا شايف ان ردت فعل العالم بالانترنت جدا مبالغ فيها ومتحاملين بشكل مستفز على اي تريلر ينزل لفروزن بس لانه سي جي .. على طول سانين اسنانهم عشان يهجمون وينتقدون وخلاص ..
[ سبتمبر 27, 2013, 01:32 PM: تم تحرير المشاركه من قبل: [ L.O.V.E.R ] ]
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
مرسله في
ناصر كلامك حمسني أكثر للفلم .. معاك انه تانجلد مهجن شوي مثل ما قلت.. لكن يضل فيه لمسة ديزني السحرية من ناحية الفيري تيل و الأغاني والسحر والخيال.. ان شالله يطلع فروزن بهالمستوى وأحسن.. انا شخصيا في صف هالأفلام الكلاسيكيه وضد الكوميديا والهبل اللي منتشر هاليومين شفت Despicable Me 2 في السينما وزعلت انه هالهبل مدخل أرقام خيالية ومعتبرينه من أنجح أفلام الأنيميشن في التاريخ
-------------------- [ المشاركات: 7335 | من: الامارات | تاريخ التسجيل: يوليو 2003
|
إرسال هذه الصفحه لصديق!
لطباعه هذا الموضوع
![الملف الشخصي لـ [ L.O.V.E.R ]](http://salmiyaforum.net/ubb/profile_ubb6.gif)
![[help]](graemlins/help.gif)
وين التميز ؟ .. ماحبيت وياليت كان مرسوم باليد مو الخرابيط هذي اللي ماتصلح لديزني ![[Embarrassed]](redface.gif)
شفتوا فيلم the croods ؟ المناظر الطبيعية فيه كانت خيالية مب اللي هني مستواها عادي .. بانتظار الفيلم لأنه من ديزني بس ولا هو بصراحة مافيه شي يخلي الواحد يتحمس وايد غير الأغاني
![[nerd]](graemlins/nerd.gif)
![[girlie]](graemlins/girlie.gif)
![[Wink]](wink.gif)
![[iwantattention]](graemlins/iwantattention.gif)
![[Roll Eyes]](rolleyes.gif)
![[Big Grin]](biggrin.gif)
![[heartpump]](graemlins/heartpump.gif)
![[eyelove]](graemlins/eyelove.gif)
![[thinking]](graemlins/thinking.gif)
![[Razz]](tongue.gif)
![[rofl]](graemlins/rofl.gif)
![[super]](graemlins/super.gif)
![[nut]](graemlins/nut.gif)
