مرسله في
ناصر يقولون the wind rises فيلم ميازاكي الأخير راح يدش المنافسة وماراح يتأجل للسنة الجاية وإذا موجود أكيد هو اللي راح يفوز بس لو لأ فرزون ضامن الفوز ,, مو من كثر المنافسين هالسنة أصلا
مرسله في
شفت الإعلان مليون مرة و خلاني أكون جداً فخور كوني أحد أوائل الفانز العرب اللي تكلم عن هالفلم من قبل نزوله بسنة كاملة و السبب لأن النتيجة اللي شفتها من إعلان بسيط خلتني أعرف انه عمل يستحق هالشي فريق العمل يستحق الوقوف و التصفيق الحار على هذي الجوهرة اللي بتضاف لصندوق كنز Disney و لأول مرة نشوف فلم من Disney عامود أساسه نُصِب في نقطة تقاطع أفلام التسعينات مع عروض Broadway الضخمة و لأول مرة فلم CG أخذنا لأوائل التسعينات... فعلاً هذا العمل اللي يحمل بصمة Disney المعروفة و ينحط في مقارنة غير ظالمة مع Beauty and the Beast، Aladdin، Mulan و غيرهم من الأفلام الناجة في الستعينات و الحين بالضبط عرفت ليش كل هالتكتم و التصكك على تفاصيله ردة الفعل من مجرد إعلان كانت مشرفة، و أفراد من فريق العمل جداً فخورين و مبسوطين من اللي صاير
بالنسبة للمادة اللي تطرق له الإعلان... بالنسبة لي خلَّى الفلم مبهم أكثر فيه تفاصيل شفتها حطت فوق راسي مية إستفهام! أنا كنت متوقع و أكاد أجزم بأن الأحداث بتبدا و تدور و تنتهي بشكل معين رسمته في مخيلتي على ضوء المعطيات اللي عندنا (بما فيهم الكتب اللي تسربت ولو إني ما قريتها كلها) لكن الحين كل توقعاتي لازم أعيد النظر فيها!
بالنسبة للشخصيات فهي رائعة جداً فيها تناسق و تناغم رهيب على رغم كثرتهم خصوصاً Elsa شخصية ساحرة و ملكية و فخمة جداً، و فعلاً فعلاً تستحق تكون أول ملكة من ملكات Disney أتوقع لها شعبية كبيرة
بالنسبة لـAnna الجانب الجاد و العاطفي منها حلَّاها في نظري أكثر و أكثر احنا شفناها كشخصية مرحة هزلية و تفتقد نوعاً ما للجدية، بعكس Elsa لكن البنت صاحبة قرار و مصرَّة على إنقاذ أختها أولاً بعدين المملكة... حلو نشوف فلم كلاسيكي مبدأه انه يدعم فكرة الرابط العائلي على النطاق الضيق (الإخوة)
لكن اللي فعلاً الحين قاعد يدور في بالي، هل معقولة Anna تمتلك نفس قدرات Elsa في التحكم بالجليد و الثلج؟ ليش شعرها قلب أبيض؟ ليش طلع من يديها ثلج؟ هل هو لأنها على وشك التجمد و الموت؟ ولا لأنها فعلاً تملك قوى خارقة؟
فلم معقد تعقيد كنت أتمنى من زمان أشوفه في فلم كلاسيكي لـDisney و فعلاً، إذا ما أخذ الجائزة فأنا بحط اكس كبير على جوائز الأوسكار
--------------------
.
.
المشاركات: 5990 | من: Saudi Arabia | تاريخ التسجيل: أغسطس 2007
|
مرسله في
ناصر لا هالمرة صج اعتزل LOL وقلت أكيد لأنه كل النقاد متوقعين بيفوز بسهولة لو كان من ضمن المرشحين , كتكريم حق ميازاكي مع انه عدد كبير منهم يقولون الفيلم مش أفضل شغل ميازاكي وفروزن يستاهل الفوز أكثر , أعشق ميازاكي وشغله بس حرام ينظلم فروزن لأنهم يبون يكرمون ميازاكي
أفضل أعمال ميازاكي هو Princess Mononoke وطبعا فيلمين قلعة في السماء و خدمة كيكي للتوصيل LOL
[ أكتوبر 18, 2013, 06:03 AM: تم تحرير المشاركه من قبل: Angie-Q8 ]
مرسله في
روعة مستحيل اي شخص يحب ديزني ما يحب هالاعلان .. الأغنية فخمة جدا ومثل ما قال ناصر ستايل بروداوي وكريستين بيل طالع صوتها يجنن ذكرتني بOut there و أغنية أناستازيا اللي تغنيها بداية الفلم .. جد أتمنى من كل قلبي انه هالفلم يحقق النجاح اللي يستحقه
-------------------- [ المشاركات: 7335 | من: الامارات | تاريخ التسجيل: يوليو 2003
|
هذولا عاد extreme مرة يعني الواحد ينتقد بحدود المعقول، مش بهالهمجية بالأخير، كل الكلاسيكيات لها الحق انها تنحط بمقارنة مع بعضها مهما كانت المستويات متفاوتة بالنهاية الأعمال الكلاسيكية كلها تمشي بتوازي و على غرار بعضها... يعني على سبيل المثال، أمس واحد من صناع الفلم قال:
This is our greatest animated event since The Lion King. Our "grandest" film since The Lion King might better describe it."
و ما أشوف في كلامه أي غلط! وش المانع في أنه يكون أضخم فلم من بعد The Lion King؟ وش المانع يكون أقوى منه؟! ولا واحد من أهم و أقوى الأفلام في تاريخ السينما؟!
أنا أكره شي بالنسبة لي الإنتقادات اللاذعة اللي ما لها أساس هذا كله حكي فاضي الفلم اجتمعت فيه جميع المقومات الصورة رائعة الممثلين من أفضل من قاموا بتمثيل الصوت العمل يضم مجموعة كبيرة من الأغاني القصة مقتبسة من إحدى أهم حكايات Hans Christian Andersen، واحد من أهم و أشهر روائيين الحكايات الخيالية في التاريخ و القائمة تطول...
أي نقد سلبي خارج عن إطار الإعلان اللي شفناه فهو نقد في غير محله لما ينزل العمل و ينشاف بعدها يصير خير...
[ أكتوبر 18, 2013, 04:05 PM: تم تحرير المشاركه من قبل: Frozen *. ]
--------------------
.
.
المشاركات: 5990 | من: Saudi Arabia | تاريخ التسجيل: أغسطس 2007
|