Bates Motel بداية مشوقة وممتعة بس مع تقدم الحلقات يتعقد المسلسل أكثر ويسخف أكثر , أنا ماكنت متوقعه شي مميز بس لأني أحب الفيلم الكلاسيكي قلت اشوف المسلسل ,,أفضل مافي المسلسل هو أداء الموهوبة فيرا تستاهل الترشيح للايمي أداءها طبيعي وطالعه فعلا شخصية سايكو غير سويه بس المسلسل نفسه مستواه عادي وكان ممكن يكون أحسن بوايد وعلى فكرة شخصية نورمان جداً مستفزة والممثل نفسه ثقيل على القلب
orange is the new black مسلسل ممتع والحلو فيه انه يتحسن مع الحلقات والمسلسل عن سجينات بس طالع خفيف ودرامته خفيفه مو مثل oz اللي عقدني لدرجة ماقدرت أكمله LOL بس ريد شنو هالأكسنت ؟ يعني روسية ؟ مزعجة و so fake بصراحة أنا أسوي أكسنت أضبط LOL استمتعت بالمسلسل وناطره السيزون الجاي إن شاءالله يصير في أحداث أكثر ونشوف مساجين جدد
Devious maids desperate wanna be أكبر مثال للتخبط بعد النجاح , مارك للحين ماهو قادر يطلع من جو دسبرت ! محاول بائسه لاستنساخ نجاح دسبرت نفس الأسلوب وتقطيع المشاهد وحركة الأسرار والأحداث الغير متوقعه بس طبعا شتان بين الاثنين , بعض الحلقات كانت ممتعه بس ككل المسلسل نسخة فاشلة مشوهة لديسبرت وسالفة التقليد بروحها تخليني أكره المسلسل ,,, لكن سوزن لوجي عسل