رد مقتبس:

---

المرسل الأصلي هو عالي مقامي:
هالمسلسل شقولكم.. يشد الواحد مش لأنه يعتبر some kind of an entertaining show

لا بالعكس.. محد منكم مثلا حس انه متضايق من شي صارله خلال يومه و بعد ما شاف حلقة من حلقاته حس ان هالموقف اللي صارله يهون؟!.. أنا أتكلم من مبدأ (اللي يشوف مصايب غيره تهون عليه مصايبه) انشالله ما نكون من اهل المصايب بس.. كيف نعرف المشاكل ولو البسيطة اليومية اللي تصير لغيرنا علشان نعرف ان اللي تصير لنا تهون؟ هالمسلسل هو الحل..! ورانا فعلا الأشياء اللي يقع فيها الناس و احنا ماندري.. دخلنا عالم البيوت الغامض و عرفنا اللي يحصل بين جدرانه و يمكن يصير أكثر من اللي نشوفه أو بنشوفه..

أتمنى إني قدرت أوضح فكرتي.. و بس

تقبلوا مروري

---

والله صاج

انا ماحبيت ديسبريت الا عشان هالسبب والله !

وانا للحين ماعرف ليش يتصنف على اساس انه مسلسل كوميدي وهو درامي درجه اولى

ياما مريت بمشاكل صغيره وتضايقت منها

لكن لما اشوف وحده من حلقات ديسبريت بالفعل احس ان مشكلتي تهون علي

وانت مثلنا انا ورفيجي ميانين ديسبريت

لدرجة انه كل مانسولف نتخيل نفسنا عايشين بمسلسل ديسبريت خاص فينا .. انا اقوله ها شسويت بحلقة اليوم

اذا ماسوى شي يقول حلقه ممله ماسويت فيها شي

واذا مر بمشكله يقول حلقة اليوم فيها اكشن والجمهور استانس انه صار شي جديد عالاقل

لول واذا صارت مصيبه عوده بحياتنا نتخيل ان هذي الحلقه الاخيره من السيزن اللي عايشين فيه

انه شوف لاي درجة حتى المشكله اللي نمر فيها صرنا نستمتع فيها

وهذا بفضل ديسبريت هاوس وايفز

المسلسل رهيب ويلامس مشاعر المشاهد اللي يركز بأحداثه عدل .. مايشوفه على انه مسلسل للتسليه وبس

لازم تكون نظرته اعمق وابعد من جذي بوايد عشان يعرف قيمة المسلسل

المشكله شنو .. اذا جاك احد وقالك المسلسل مسلسل بنات !

والمشاكل اللي فيه ماتخصنا

انا اقولهم قبل لاتحكمون على الشكل شوفوا المسلسل سيزن واحد عالاقل !

سوزان - بري - لينت - غابي كل هالشخصيات موجوده فينا

وإلا مانمر بحالاتهم بأوقات مختلفه .. وهالشي ماله علاقه بمره او رجل !

انا الصراحه قلتها قبل واعيد واكرر ديسبريت مب مسلسل عادي .. ديسبريت مدرسه عن الحياه

بكل مافيها من لحظات فرح وحزن ويأس ومواقف محرجه

وانا مستانس وايد ان في واحد عالاقل بالمنتدى يشوف المسلسل مثل مانشوفه انا ورفيجي

ونسيت اقول ان اهم لحظه بالمسلسل واللي اكون ناطرها بالفعل

فقرة ماري اليس

احب تعليقها وايد .. وكذا مره حسيت اني مخنوق بسبب تعليقاتها !

اللي دايماً تكون واقعيه ومؤلمه بنفس الوقت