مرسله في
أخيراً لقيت أحد يشوفه معاي .. انا شايفه من السيزن الأول ومن اللي شفته للحين فالأول أحلى بمراحل من الثاني .. هالمسلسل غريب أحسه حييل أمريكي .. محلي على قولتهم لول .. يناقش قضاياهم بشكل خاص ويمكن يحسس وايد ناس بالملل .. بس أنا حبيته وحبيت الكاست كله والكوميديا اللي فيه عجيبة لول ... خصوصاً سارا وكيفن لما يتحرشون ببعض .. وأمهم نورا عجيبة .. بس للحين السيزن الأول أفضل بوايد .. ألحين كل الحلقات تكرار بتكرار وماكو شي ممبز ويديد
[ يناير 21, 2008, 01:58 AM: تم تحرير المشاركه من قبل: Voice Of Love ]
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
مرسله في
اي صح .. للحين نزلت عشر حلقات من السيزن الثاني بس ولا وحدة حلوة .. كلهم ملل .. حتى من الملل أطالعهم وانا أسوي شغلة ثانية .. بس أسمع الصوت لول ... بس مع هذا للحين متأمل إنه يتحسن .. خصوصاً إنه الكاست عجيب والكل ظابط دوره .. أحبهم
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
مرسله في
انا يا جماعة مدمن مسلسلات من الدرجة الاولى ، تابعت lost و prison break و alias و grey's anatomy و desperate housewives و heroes بالكامل و خلال فترة قصيرة جدا ، تقريبا 4 حلقات باليوم ، و لكن هلا مش عارف ايش اتابع ، حاولت اتابع supernatural بس ما عجبني و تركته و هلا بتابع jericho كنوع من تمشاية الحال ، بدي تنصحوني بمسلسل يكون حلو كتير و يكون بمستوى المسلسلات الي تابعتها
-------------------- المشاركات: 2510 | من: Palestine and Germany | تاريخ التسجيل: يناير 2006
|
هلا اخوي .. قريت طلبك بخصوص المسلسلات .. و حبيت اساعدك .. طبعا انت شفت اقوى المسلسلات لحد الآن .. و آنا راح اقترح عليك مجموعة من المسلسلات اللي آنا شفت بعضها كامله و بعضها ما كملتها للحين و بعضها شفت يمكن بس الحلقه الاولى منها و في بعضهم شفت دعاياتهم أو قريت عنهم و عندي نيه اشوفهم .. بالاضافه لبعض البرامج التلفزيونية اللي تسلي و اللي انصحك تشوفها اذا تبي تضيع وقت
نبتدي ؟ أوكي .. توكلنا على الله
The O.C
مسلسل شبابي حلو يتكون من أربع مواسم أو أربع أجزاء .. اجتماعي حلو خفيف و آنا شخصيا شدني .. بلشت اشوفه من الصيف اللي فات .. بس لأني كسول في سحب الحلقات فللحين آنا في السيزون الثالث .. انصحك شتوفه
Ugly Betty
طبعا غني عن التعريف و اكيد تعرفه .. مسلسل كوميدي حلو خفيف و كل الشخصيات اللي فيه بطوله يعني ماكو بطله وحده .. يتكلم عن عالم الموضى و الحياة في نيويورك .. انصحك تشوفه .. نزل منه لحد الحين موسمين الأول .. و الثاني وقف عن الحلقه العاشره اظن .. بسبب اضراب الكتاب .. لكن ابشرك المسلسل بيرجع لأن الاضراب انتهى
Nip/Tuk
مسلسل اجتماعي حلو و جرئ شوي .. يتكلم عن عالم التجميل و هوس الناس بالتجميل و مشوق .. لكن اكرر جرئ .. شفت منه جم حلقه من الموسم الأول و أظن لحد الحين نازل منه اربع مواسم .. و يمكن خمس .. مو متأكد .. انصحك تشوفه
Sex And The City
و مادمنا نتكلم عن الجرأه إذا لازم نتكلم عن هالمسلسل المعروف .. يوميات اربع نساء في نيويورك .. كثير من الجرأه قليل من الاحتشام .. لول .. شنسوي بعد احنا فينا فضول فتابعنا هالمسلسل .. المهم أنصحك فيه اذا حبيت تغير جو المسلسلات المتحفظه
Eureka
مسلسل كنت اسمع اسمه بس و اشوف له اعلانات بالنت بس ما كنت عارف شنو فكرته .. و هذاك اليوم شفت جزء من احدى حلقاته على الشوتايم و شدني .. فكرته غريبه عن بلده كلها اسرار و ما راح اقولك شنو الاسرار اكتشفها بنفسك .. و آنا عن نفسي ناوي اشوفه
24
طبعا المسلسل اشهر من النار على العلم معروف و وايد حطوه في MBC4 انا شخصيا ما تابعته لكن شفت منه مقتطفات و قريت عنه و الحلو فيه ان يشد لأن أحداث كل حلقه مختلفة عن الثانيه و فكرته ان في كل حلقه يصير حدث و خلال وقت معين او يوم واحد لازم يحلون هالحدث او راح تصير مصيبه فتقعد على اعصابك و انت اتابع .. اذا تحب هالسوالف انصحك فيه
30 ROCK
مسلسل كوميدي تكلموا عنه وايد النقاد و اخذ جم جائزه و انا شفت منه جم حلقه على الشوتايم .. مو بطال و يضحك شويه .. شوفه منت خسران شي
ALIAS
مسلسل اثارة و تشويق معروف عن الجاسوسه الشابه اللي تخوض المخاطر و المغامرات .. ولا مره تابعته لكن ودي اتابعه بعد .. شوفه اذا تحب هالنوعيه من المسلسلات
يتبع ....
[ فبراير 19, 2008, 05:17 AM: تم تحرير المشاركه من قبل: Dreamer78 ]
المشاركات: 2197 | من: kuwait | تاريخ التسجيل: يوليو 2006
|
الموضوع مغلق
إرسال هذه الصفحه لصديق!
لطباعه هذا الموضوع
![[Frown]](frown.gif)
![[Big Grin]](biggrin.gif)
