انت بتابع شي المنتجات المحلية لوطنك البديل ؟ 🌚 لي من السيزن اللي فات قاعد اتابع ع قد ما اقدر اعمال دراميه استراليه و للامانه بمعزل عن موضوع البادجيت اللي ما يتقارن بامريكا لكن في عندهم اشياء اهم خاصه القدرات التمثيليه و الاخراجيه شفت السيزن اللي فات the slap - secret city - deadline gallipoli - the kettering incident و هالسيزن شفت seven types of ambiguity و بناءا بعض التوصيات ناوي اشوف the beautiful lie و the principal
و بعض الاعمال البريطانيه بحكم انها بعد مو تاخذ حقها هنا و التركيز ع الانتاجات الولايات الوسخة المفتريه عجبني هالسيزن strike و liar و ناوي اشوف broken و three girls و حاليا قاعد اشوف chewing gum تقريبا نفس اجواء fleabag ❤🤩كطرح و ستايل و ارجع اقول ان line of duty من اقوى الاعمال الموجوده حاليا في التلفزيون
زاك ولا مرة تابعت مسلسل استرالي من الليست يلي حطيتها وتقريبا كلهم ميني سيريز وقليل يلي بتابعو هالقنوات بس هالمسلسلات تترشح لجوايز ايميز باستراليا لول
في قتوات متل 7,9 and 10 هول بحطو مسلسلات عنسق اميركا اذا بدك كم مسسلسل قلي بعطيك ليستة
مرسله في
علوش مو كلهم ميني سيريز ذا كيتيرينغ انسدينت في سيزن ثان قاعد يتحضر و اظن بعد في سيزن تو لسيكرث سيتي بحكم الصحفي السياسي اللي نزل اول كتاب منزل كتاب جديد كجزء ثاني من قصه الكتاب و قريت مره ان في سيزن ثان بس بيكون بعد فتره و ذا سلاب و سيفن تايبز اوف امبيغيوتي فيك تعتبر مسلسل واحد لانه لنفس المنتجين و بمواسم غير مترابطه و احداث و شخصيات جديده انا بعرف ان في مسلسلات عندهم نفس النوعيه البي تنجح في اميركا يمكن اهم واحد حاليا هو wenthworth حاجه في البرتقالي في الاسوادني لول بس عموما اللي قاعد يجذبني في اعمال الممثلين عندهم خطيرين و مش من فراغ كل ما شفت حد مميز في فيلم او مسلسل امريكي تلقاه استرالي الجنسيه
[ نوفمبر 04, 2017, 03:02 PM: تم تحرير المشاركه من قبل: Zak° ]
مرسله في
بخصوص هاوس اوف كاردز لسه ما شفت السيزن الخامس بس احس القصه اساسا مطمطوها بزياده خاصه ان السيزن الرابع كان يمهد لسقوط فرنك و ان كلير تبتدي شويه شويه تاخذ سلطه مع التشجيعات اللي حصلتها بس ع النص رجعوا للصفر بهالبلوت ، كان المفروض السيزن نهايته ترسى ع نهايه فرانك و الخامس يكون النهائي و يختم بقصه كلير
كيفن سبيسي احسه في هاوس اوف كاردز قاعد يجسد حقيقته بكل قذارتها انا اللي يزعجني بخرابيط نتفلكس عن توقيف الانتاج او قطع علاقاتها بكيفن بعد سلسله الشكاوي هو ان المفروض شركات زي كده قبل ما تقرر تعطي الضو الاخضر لمسلسل و الكاست الرئيسي اللي بيكون جزء مهم من عمل من انتاجهم يسوون هالتحريات اللي يتكلمون عنها قبل ما توقع الفاس بالراس ، بلس هما المجال و عارفين خبايا هوليوود خاصه لو شي يخص نجم زي كيفن سبيسي زي ما كواليس هوليوود كانوا يتكلموا عن مثليته من سنوات يعني حتى قصص التحرش المفروض داريين عنها دور الاستغراب و الصدمات من لايق عليهم -
مبارح خلصت the handmade's tale عاده ما كثير احب قصص الواقع الافتراضي بس القصه مع الحبكة تحفه مش من فراغ كوشوا ع الايميز هالسيزن ، اليزابيث موس المفروض يكون في رصيدها اكثر من ايمي افضل ممثله دراما خاصه عن الشغل اللي قدمته في ماد مين ، بعد ann dowd تستاهل الفوز و المفروض بعد كانت تربح عن the leftovers بس معروف فوبيا الايميز من الساينس فيكشن
عموما المسلسل السيزن الاول بس تسخين و وضع اللبنات الاولى للقصه لان كان التركيز بس ع الهاند ميدز بس عموما اتمنى بعد ما يمطمطوا القصه لفوق اربع مواسم و يقلبوها البرتقالي في الاسوادني اشوف ثلاث مواسم جوهريه صالح لسرد القصه ، يتعلمون من the leftovers كيف الاقتباس من كتاب واحد كيف يكون عموما يظل هالعمل من المفاجأت الجيده هالسيزن خاصه من hulu المعروف بخياس انتاجاتها بشوف بعد ايليس غريس دامه من عند نفس الكاتبه اللي اقبسوا منها الروايه مع الفرق انه عن قصه حقيقيه
من الاعمال بعد اللي عجبتي هالسيزن مايندهانتر لديفد فينشر العمل تقريبا فيه بصمه فينشر السينمائيه و الاخراج فيه ابداع و فيه من روح زودايك السيزن الاول تقريبا نفس مسلسل قصص الخدامات تمهيد و تسخين للقصه ، متأكد ان المواسم القادمه بتكون احسن من هالسيزن كمستوى لان ع حلاوته في ثغرات لازم يتداركها الشخصيات الثلاثه الرئيسيه مميزه و كل واحد ماسك دوره بشكل جيد ، هولدن عجبتني كيف استعرضوا التطور في شخصيته ع مدار السيزن و احسهم ركزوا عليه بزياده مقارنه بزميله تانش و خصوصا د ويندي كار و اللي بالنسبه لي المسلسل ما ابتدت تبان قصته الفعليه غير مع دخولها الاحداث في الحلقه الثالثه و حتى مشاهدها دايما مميزه لانها تمثل صوت الضمير و المنطق في المسلسل البايلوت كان عادي و متوسط الحلقه الثانيه احسن و السبب يرجع بعد لتقديم شخصيه ايد كامبر ❤ المسلسل نقطته قوته غير فنشر هو السيريل كيلرز و كايف جايبين شخصيات حقيقيه وانهم قاعدين يحاولوا يحللوا عقليه المجرم و محركاته لارتكاب هالجرايم خاصه سيريل كيلرز زي ايد كامبر و جيري بروداس و ريتشارد سبايك مع تنويه ع الاداء للممثلين اللي قدموا ادوار ايد و جيري اكثر شي سيء و رفع ضغطي فهالسيزن هي شخصيه ديبي ، الممثلة سيئه جدن لدرجه احس عندها واسطه قويه من الانتاج او نامت مع فينشر لول ممثله بارده جدن رغم ان اشوف الكتابه للنساء فهالعمل فوق الجيده بس هي خربت الجو ببرودها المميت حتى زوجه تانش بالمشهدين اللي قدمتهم هالسيزن خلت اثر حلو عكس المساحة اللي عاطينها لديبي فوق هذا الكيمستري بينها و بين هولدن معدوم بلس المد و الجزر المستفز في علاقاتهم اللي ما له مبرر خاصه ما بين الحلقه الثامنه و خصوصا التاسعه حسيت انهم نسيوا شي ما حطوه https://www.reddit.com/r/MindHunter/comments/76m5wp/holden_and_debbie_rekindle/?st=J9LXXGVY&sh=0eb079e3 عموما الموسم رغم النقاط المزعجه اللي تكلمت عنها يظل من افضل انتاجات هالسنه
[ نوفمبر 05, 2017, 06:58 AM: تم تحرير المشاركه من قبل: Zak° ]
رد مقتبس: مبارح خلصت the handmade's tale عاده ما كثير احب قصص الواقع الافتراضي بس القصه مع الحبكة تحفه مش من فراغ كوشوا ع الايميز هالسيزن ، اليزابيث موس المفروض يكون في رصيدها اكثر من ايمي افضل ممثله دراما
خلصته في 4 أيام.. اليزابيث موس ممثلة ممتازة جدا و يعجبني فيها انه مب لازم تتكلم عشان تعرف بشو قاعدة تحس.. يعني لما يهزئونها بالبيت نظرات عيونها بس تغنيها عن ألف مسبة وتشبه في هالمسلسل الممثلة التركية اللي تمثل دور هيام بحريم السلطان.. لما شفت صورها في ماد مين أبدا ما فيه شبه بينهم بس في هالمسلسل وبهاللبس طالعه مثلها ... أتمنى انه المسلسل ما يروح لاتجاه انه الرجال هم سبب المشاكل كلها و الحريم كلهم بلا استثناء مظلومات .. وأتمنى ما يزيد عن ال3 سيزنات... كل قصة الها بداية و وسط ونهاية و على نهاية السيزن الأول وصلنا للوسط المفروض ماكسيمم سيزنين وخلاص..
أتابع بعد Westworld هالفترة... مستمتع فيه جدا و كل ما أحس انه فيه ثغرات بالقصة يجاوبون عليها في الحلقة اللي بعدها.. باقلي حلقة وبخلصه..
Stranger Things مثل ما الكل يقول فلم من 8 أجزاء أكثر من انه مسلسل...
-------------------- [ المشاركات: 7335 | من: الامارات | تاريخ التسجيل: يوليو 2003
|
بخصوص اليزابيث موس انا توني اتفاجئ ان هذا اول فوز لها بالايمي من اصل ثمان او تسع ترشيحات خاصه انها كانت خياليه في ماد مين كانت الند بالند لجون هام و اوقات كثيره كانت تتفوق عليها هي من الممثلين اللي ع قوله مدام ايناس الدغيدي بتمثل من جوا و توصل المعلوم ذا هاندميدز تيل سو فار بالنسبه افضل عمل درامي امريكي لسنه 2017 قاعد استدرك الوقت الضايع مع الاعمال اللي ما شفتها في 2017 و ما اكثرها بس هو لساته مميز و حتى صاحبه الكتاب عندها اقتباس تلفزيوني ثان لميني سيريز كندي و انعرض ع نتفلكس للان هو بعد من افضل الميني سيريز اللي شفتهم هالسنه alias grace
زي ما قلت في ردي السابق اتمنى ما يمطون القصه بالزياده ثلاث مواسم بزياده خاصه انهم مقتبسين من كتاب واحد و حتى النهايه محدده و واضحه يبقى لهم فرصه هالسيزن الثاني يوضحوا لنا الجوانب الثانيه من هالعالم الافتراضي و الثالث للملمه و التحضير للنهايه
ويستورد ، كان من ضمن الاعمال الجيده في 2016 بس مع ذلك خيب امالي شويه كنت متوقع منه عمق و ذكاء اكثر في الطرح خاصه كثره المشاهد اللي تنعاد على غير سنع تحسسك انهم يتعاملون مع المشاهد كأنه غبي بلس الحلقات الاخيره خاصه السابعه او الثامنه فيها شويه تويستات ما حبيتها او ما حبيت تفسيرهم لها و اقحامها بالاحداث
Strange things سر تميزه هم الاطفال و تخابيصهم بعد اتمنى ما يزيدوها بالمواسم يعني المفروض سيزن ثري يكون ختامي خاصه لو بيتم استحلاب قصه the upside down اوفر اند اوفر
[ ديسمبر 01, 2017, 05:52 AM: تم تحرير المشاركه من قبل: Zak° ]
رد مقتبس: خاصه انها كانت خياليه في ماد مين كانت الند بالند لجون هام
انا ما تابعت ماد مين بس حسيت تسليط الضوء كان كله على جون هام و جانيويري جونز.. اليزابيث كنت حاط في بالي انها من اللي يترشحون مجاملة للعمل يعني مثل كاست مودرن فاملي.. ماشالله كل ترشيحين يطلعلهم ترشيح ثالث مجاني بس طلعت the real deal ، و الحين تقريبا مع هالعمل و Big Little lies فهمت معاناة ممثلات هوليوود لما يقولون انه ما فيه أدوار أو أعمال نسائية عليها القيمه... يعني وحدة مثل اليزابيث انتجت المسلسل بروحها و تعبت علشان يتم الموافقة عليه و عرضه.. نفس الشي في Big Little lies بدون بطلة المسلسل ريس وذرسبون ما كان بيطلع العمل ..
رد مقتبس: مع ذلك خيب امالي شويه
أنا مستغرب انه إيفن ريتشل وود هي اللي مسويه ضجة مع انه تاندي نيوتن (ميف) هي اللي عالحلقة الثالثة صارت البطله .. معاك انه بعض التويستات فعلا ضيعت العمل و بعدني أحس انه فيه شوية ثغرات ... أكثر شي ما دخل مخي هو تهديدات ميف لل2 اللي يصلحونها.. شخصياتهم ضعيفة و خوافين.. الreaction الأول لأشخاص مثلهم في الواقع انه يبلغون عنها و يريحون راسهم ... خاصة انها تروح يوم كامل عنهم وترجعلهم آخر اليوم ... ما دخل مخي انهم مستحملين وحدة قاعده تهددهم بالقتل كل يوم وينفذون أوامرها مع انه يقدرون ببساطة يبلغون عليها من أول يوم... بقتلي حلقة وحدة.. كنت ناوي أشوفها بس ما كان عندي وقت لانه مدتها ساعه ونص..
This is us شو رايك فيه؟؟ ماندي مور زعلت عليها لما ما ترشحت للايمي.. ايفن ريتشل وود كممثلة أقوى بس ماندي عاطينها ماتيريال أفضل ... أعرفك ما تحب الممثلات النعومات
[ ديسمبر 02, 2017, 01:51 AM: تم تحرير المشاركه من قبل: howtodeal ]
-------------------- [ المشاركات: 7335 | من: الامارات | تاريخ التسجيل: يوليو 2003
|
مرسله في
انطباعك عن جانيوري جونز خاطئ عمرها ما كانت اهم من اليزابيث موس في العمل جانيوري دورها حده الدور الكليشي حق الزوجه النكديه و الأم البثره بس ماثيو واينر عرف يستغلها صح في اول ثلاث مواسم جانيوري كانت ضمن الكاست الرئيسي في اول ثلاث مواسم و احسن سيزن لها الثالث بعدها قالت لماثيو انها تبغى تاخذ بريك تخلف و كان بعد لانها طمعت بالسينما السيزن الرابع اظن طلعت بمشهد واحد او اثنين و المواسم اللي بعد كانت مشاركتها كضيفه شرف بس اتفهم انطباعك لان بعد كان يصير معي مع الغبيه فيرغارا في مودرن فاميلي هو الموضوع ان جانيوري البي ار تبعها كان شغال كويس عكس اليزابيث اللي كانت تروح تمثل و تاخذ بريك للموسم اللي بعده
من ممثلات ماد مين اللي بعد كانت ممثله جيده و احس للان ما اخذت فرصتها بعمل قوي يبرزها كريستينا هيندريكس ، هذي انوثتها البارزه بشكل مبالغ تلعب ضدها و يحطونها مع جماعه التنازلات و الاغراءات رغم انها ممثله يعول عليها
موضوع ضعف كتابه مواضيع للنساء و تقديمها في هوليوود زي بقيه الاقطار واقع فارض نفسه و اظن لاسباب انتاجيه ان دايما المنتج يركض وراء الممثل البطل اللي يشيل عمل ما عنده ثقه في الممثله اللي تشيل مهما اجمعوا ع حجم موهبتها ما عادا بعض التجارب الفرديه زي اللي ذكرتهم و اضيف بعد unreal و اعمال صاحبه الاسود البردقاني هذي بعد احسها تحب تدفع بقصص النساء للواجهة في بعد الكوميديا النسائيه قاعده تاخذ حقها من 2010 و طالع بعد نجاح غيرلز بصوره جريئه اذكر حاليا انسكيور و في اليو كاي فليباغ و شوينغ غام
بخصوص ويستورد عمري ما حسيت ان دور دولوريس اقل من ميف او العكس هما الاثنين ابطال كل وحده و لها قصتها ، يعني اوقات يطلعون بنفس الحلقه بس وحده يكون تواجدها هامشي و لاكمال الصوره ، بس احس الترويج ركز ع دولوريس اكثر بس اتفهم تركيزهم ع دولوريس في القصه ، لان لها خصوصيه اكثر بحكم انها اول هايبرد انشغل عليها و قصتها دايما مرتبطه بالشخصيات الكبيره ان كان شخصيه المان ان بلاك و دكتور فورد اكثر من ميفي اللي مجرد دول عندهم انا اكثر الاشياء اللي ضايقتني في المسلسل التطورات اللي صارت في اخر ثلاث حلقات مع برنارد و تيريسا و لما جابوا شخصيه تشارلوت و الحلقه الختاميه فوضى بفوضى و سيئه
This is us من المسلسلات كنت اتابع السيزن اللي فات و بدون سبب وجيه وقفتها كان ماشي صح بس حسيته flat ع الاخر مافي مشاهد مزعجه بس تستفزني الاعمال اللي كده خطية هذا غير ان تويستات العلاقات و مفاجأت الماضي و الحاضر ابتدت تزعجني ماندي كانت من الشخصيات اللي حبيتها في العمل و بس ما كملت كفايه لاشوف اذا عملت مشاهد كانت تستاهل عليها الترشيح للايمي بس مما لاشك فيه ان الدبه و الممثل البلاك وايد كانوا يبالغوا في مدحهم
[ ديسمبر 02, 2017, 04:18 PM: تم تحرير المشاركه من قبل: Zak° ]
مرسله في
بما اني العام الفايت كنت غايب و متعود ع نهايه ديسمبر بدايه يناير من كل عام احط قوائم لافضل مشاهداتي للتلفزيون هذي ليسته افضل ما شفت في 2016 ، فيها اعمال اتكلمت عنها و اعمال كثيره ما تكلمت عنها لان ما لها صدى هنا اتذكر القائمه لاني قاعد احضر حقت 2017 مع ماراثون مشاهداتي الاخيره هالشهر و اللي بنزلها نشالله في بدايه 2018
[ ديسمبر 02, 2017, 05:24 PM: تم تحرير المشاركه من قبل: Zak° ]
مرسله في
هاوس اوف كاردز هالسيزن ما عجبني الاضعف سو فار و السبب التكرارات اللي كنت خايف منها يعني اللي وصلنا له في نهايه هالسيزن كان المفروض يصير السيزن اللي فات و محسسيني ان امريكا دوله ديكتاتوريه سايبه حاكمها بيعمل اي شي ليظل ع الكرسي
يمكن اكوس شي عمله هالسيزن هو اضافه ممثلين قويين زي باتريسيا كلاركسون و كامبل سكووت و مع اللي وقف عليها السيزن اظن سبوبه التخلص من شخصيه فرانك اندروود بتكون smooth خاصه كلير بعد اللي سوته مع توم صارت اوفيشلي زوجه البط عوامه 🌚 بس يعرفوا كيف يحبكوها صح مع قفزه زمنيه لكام شهر لقدام و فرانك بيصير مجرد ذكرى عابره
اكثر مشهد استوقفني في هالسيزن كامل
Francis: Tom, don’t cheat on my wife
🤣🤣🤣🤣🤣
هالامريكان توقع منهم الغير متوقع في الكتابه
[ ديسمبر 03, 2017, 08:16 AM: تم تحرير المشاركه من قبل: Zak° ]
مرسله في
زاك من بعد The Handmaid's tale و Stranger Things و Westworld و This is us حان الوقت أتابعلي شي كوميدي وخفيف.. أعرفك ما تحب الأعمال الكوميدية وايد بس شرايك ب كيمي شميدت ؟؟
-------------------- [ المشاركات: 7335 | من: الامارات | تاريخ التسجيل: يوليو 2003
|
إرسال هذه الصفحه لصديق!
لطباعه هذا الموضوع
![[rofl]](graemlins/rofl.gif)
![[Big Grin]](biggrin.gif)
![[nut]](graemlins/nut.gif)
![[heartpump]](graemlins/heartpump.gif)
-
![[Razz]](tongue.gif)
