فعلا 2017 كانت سنه فخمه من ناحية المسلسلات .. و بالمقابل سنه تعيسه من ناحية الافلام
التلفزيون قاعد يعيش عصره الذهبي و قاعد يمتعنا بأعمال فخمه ..
سترينجر ثينقس 2 : ناوي ابلش فيه .. خاصه ان السيزون الاول عجبني .. لكن شعقبه .. عقب ما كنت اشوفه بشكل متقطع لأن اول الحلقات ما شدتني كلش بس بعدين شدني و عشت اجواءه و حبيته ..
هاند ميدس تيل : شفت اول حلقه .. و الثانيه كنت ببلش فيها .. و اذكر كنت اشوفه اونلاين علشان الترجمه .. بعدين استانست ان نزل على osn و لما نزلت الحلقات للاسف طلعو مو مترجمين مادري ليش .. ف شكلي برجع اشوفه اون لاين أمري لله ..
المسلسل الثاني اللي قلت عنه Alias Grace : بشوفه بعد ما اخلص من الهاند ميدس .. نتفلكس مبدعين بالمسلسلات
في مسلسل يديد نزل حق رايان ميرفي اسمه 911 : شفت الحلقه الاولى ماشي حالها .. بس اللي مخليني شوي ما ابلع فكرة العمل ان رايان ميرفي معودنا على اعمال غريبه و شاطحه مو مكرره بالتلفزيون .. خمسين مسلسل سوو عن الشرطه و الجرايم و الاكشن .. ليش رايان ميرفي دخل هالسكه مادري .. مع ان اعجبتني الجرايم و الحوادث اللي حطوها بالحلقه الاولى .. بس still المسلسل مو شادني وايد
و طبعا للحين ما شفت السيزونات اللي نزلت مؤخرا لمسلسلات : this is us - htgawm - empire
مسلسلات ناوي اشوفها : The good doctor - grown-ish
و آخر الاخبار : تايرا بانكس ترجع لبرنامجها الشهير america's next top model
بعد ان توقفت عن تقديمه الموسم اللي فات ..
و قبل ما أختم بسألكم .. أحد شاف السيزون اليديد ل ويل آند قريس ؟!..
--------------------
المشاركات: 547 | من: Kuwait | تاريخ التسجيل: أبريل 2015
|
مرسله في
ناصر ايليس غريس شفته تقريبا بعد هاند مايدز تال لانه مقتبس من نفس الكاتبه اللي واضح تعجبها قصص الهاند مايدز هو كاخراج حلو و مريح للعين و حتى الليد رول كان جيد و اتمنى اشوف سارا غادون باشياء ثانيه بس حسيت القصه كلشي شويه ، زي الانيمشن الاسيويه مثل سالي حقت كفاح و عذاب الخدامات هذا غير عندي مآخذ ع القصه ككل نهايه دكتور سايمون اللي كان يدرس حالتها و زواجها من الصبي اللي كان يساعدهم في المزرعه اللي حب يكفر عن ذنب سكوته ، هذا غير قصه تلبس روح ماري ويتني اللي تبغى تنتقم من كل رجل خاين و صدفها المتكرره مع جريمايا اللي نقصوا من قيمه القصه يظل ككل عمل حلو و مشاهدته تونس و لطيفه خاصه اخراجيا و تمثيل سارا خصوصا بس مش لدرجه يكون ضمن التوب 10 او حتى 20
[ يناير 10, 2018, 09:17 PM: تم تحرير المشاركه من قبل: Zak° ]
بدا يحلو المسلسل و بديت اتعود عليه و انطر حلقاته .. حبيته
مسلسل يديد بديت اتابعه بالصدفه The Gifted
وهو من مسلسلات مارفيل و يتكلم عن الميوتاتنس .. أو المتحولين .. و هذا الجيل اللي يا بعد جيل ال X men
و بما إن مدرسة المتحولين اختفت و كل شي راح صار هالجيل ما عنده اللي يسنده و يحميه من ظلم البشر المتسلطين خاصه اصحاب المراكز العليا اللي يبون يقضون عليهم و يكرهونهم
المسلسل نوعا ما حلو .. حبيت فيه الاحداث السريعه .. و يمكن لأني من محبين ال Xmen ف حبيت مضمون المسلسل و شخصياته و شلون كل واحد له موهبه مختص فيها او معجزه .. قاعد اشوفه جذي كتسليه ..
اللي يحب هالنوعيه من المسلسلات انصح فيه
--------------------
المشاركات: 547 | من: Kuwait | تاريخ التسجيل: أبريل 2015
|
تم الاعلان اليوم عن ترشيحات الاوسكار لعام 2018 .. آسف حاولت احط الموضوع في الموضوع الخاص بالسينما بس كل ما افتح الصفحه تاخذني لموقع ثاني .. ارجو من المشرفين يحلون المشكله ..
ترشيحات الاوسكار لعام 2018
--------------------
المشاركات: 547 | من: Kuwait | تاريخ التسجيل: أبريل 2015
|