الحين لما بالمرة الثانية تحاول تنقذهم لما خلت المره مع الريال بنص السفينة عشان تروح تيب هذاك الي انطق على راسة ويطلعون بره السفينة
تصرف غبي انها تقولهم دربالكم وتروح !! اول شي المفروض تقولة لهم انه في وحدة تشبهني لما تييكم لاتصدقونها !! غباء انه ماتقولهم على هالنقطة وخلت شبيهتها او نفسها تلعب فيهم لول وبعدين ليش تروح عنهم المفروض كلهم مع بعض يروحون ياخذون هذاك وبس
الفلم معقد اوكي وصلت الفكرة وتقبلنا وزرع فينا حماس بس حطولنا نهاية مريحة على الاقل
الحين شستفدنا؟ مافي شي غير انه بيتكرر كل شي وبينعاد وبينعاد وبينعاد
المشاركات: 44721 | من: الـكـويـت | تاريخ التسجيل: أكتوبر 2003
|
هي كل مره تكتشف شغله او غلط وتحاول تصلحه المره الجايه لول ، واتوقع اخر روحه لها اللي بنهايه الفلم معناته عرفت كل اخطائها ورح ترجع بدون اخطاء وتضبط الوضع ههههه
من يومين حضرت فيلم كابتن أمريكا حبيب القلب وبطلي المفضل في مارفل
الفيلم كلمة يجنن شوي في حقه وااااايد حبيته أكثر من الأول حتى
إلي ناوي يحضر الفيلم لازم يشوف الأول ضروري لأن الأحداث متصله ببعضها
--------------------
When the evening falls And the daylight is fading From within me calls ? Could it be I am sleeping For a moment I stray Then it holds me completely Close to home, I cannot say Close to home, feeling so far away
بطولة ساندي. حاولت اني أفصل حقدي عليها لأنها قالت عن نوال انها كبر امها لول وما كنت ناوي أخذ هالفيلم بس حبيت اجواءه من التريلر. للأسف وحرام حرام هالفيلم مسوينه ومتعبين فيه نفسهم. ساندي ما تنفع ممثلة أبدًا. دورها لازم تمثله ايمي سمير غانم، ياسمين عبد العزيز. وحدة دمها خفيف. أما ساندي بشعت الدور جدًا والفيلم فيه أنواع الفوتوشوب. مو طبيعي كمية الفوتوشوب حتى الدموع والصباح والمسا فوتوشوب تخيلوا!! بكل بساطة القصة بنت تكون متينة بليل وضعيفة في النهار لأن ابوها عالم ومعطيها تركيبة تسوي فيها هالحالة. الممثلين مو معروفين ودمهم ثقيل. وقصة الفيلم ولقطاته مأخوذة من عدد من أفلام أجنبية من التسعينيات خاصة أفلام لندسي لوهان. الي خرب على الفيلم ريتم الاحداث بطيئ جدًا ومافيه أي حركة وسرعة. فاشل إلى درجة الشناعة. وكله استعراض حق جسم ساندي ومفاتنها.. أرف وعلى فكرة جيمي هي البنت الصغيرة والبطل ( فيس ترجيع )
==============
[ درينكينغ باديز ]
2 اصدقاء بنت وشاب يشتغلون في مصنع خمور. وهالاثنين مقربين جدًا ياكلون مع بعض وقت البريك وقراب من بعض جدًا.. وكل واحد فيهم مصاحب وعنده بوي فرند وغيرل فرند. الي يصير ان كل واحد والي مصاحبه يروحون في رحلة البنت مع صاحبها والشاب مع صاحبته. وتصير سوالف وايد. وبالاخير كل من البنت والشاب ينفصلون عن حبايبهم. مابي أحرق الأحداث الفيلم يستاهل المشاهدة حيييل لأنه يبين ان ممكن علاقة الصداقة القوية ما تتحول الى علاقة حب وهذا الي يصير بنهاية الفيلم. جدًا ممتع وحبيته حييل
==============
[ ذا كريوس كيس اوف بنجامين بوتون ]
هذا الفيلم الوحيد الي احبه حق براد بيت وهالفيلم اعتبره من قائمة أفلامي المفضلة والمحببة. الفيلم انتاج 2009 واول ما نزلت رحلته سينما وشفته. بس كان خاطري اشوفه مرة ثانية. وفعلاً شفته كأني أول مرة أشوفه. شخص يولد وهو شايب وهرم ويموت وهو طفل عكس الطبيعية البشرية. حبيت ان كل شوي الشكل يتغير واللي حوالينه يتغيرون وبالاخير يموت وهو طفل بالمهد وايد القصة حلوة وشيقة مدة الفيلم ساعتين و 35 دقيقة ولا حسيت فيهم فيلم فخم ويستاهل المتابعة ونوعًا ما عائلي ومافيه لقطات مخلة الا اثنين او ثلاثة وعلى السريع. الي ما شاف هذا الإبداع ضروري يشوفه. قصة ولا ممكن تتطوف.
===============
[ ديد يو هير أباوت مورغانز ]
زوجين منفصلين يشهدون عملية قتل. المجرم يطاردهم وبرنامج حماية الشهود يطلب منهم السفر الى ولاية ثانية لأن المجرم خطير ويطلعهم من ارض يابسة. ويروحون ولاية ريفية نوعًا ما مافيها تلفونات ولا انترنت ويعيدون يكتشفون بعضهم ويرجعون لبعض بنهاية الفيلم بعد ما يلقون القبض على المجرم. الفيلم كوميدي جدًا وأنا أحب افلام هيو غرانت الي من هالنوعية عبيط ودمه خفيف حلو الفيلم ومسلي
================
[ جست رايت ]
قصة رومانس كوميدي. أحب افلام كوين لاتيفا، هالفيلم حلو لكن مافيه زودة قصة خفيفة وحلوة عن كوين لاتيفا تشتغل ممرضة وفاشلة بقصص الحب. بالصدفة في محطة البنزين تشوف لاعب كرة سلة مشهور وهي كانت فان له وبعدها يدعوها حق حفل عيد ميلاده لأنه لاحظ انها حافظ كل مشواره الرياضي وبنفس الوقت كوين لاتيفا تودي اختها وياها الحفلة ويعجب هاللاعب باختها وكوين لاتيفا ما تأثرت لانها ما تحب تواعد لاعبين. اما اخت كوين لاتيفا استغلالية ووصولية ويهمها الفلوس والغنى. وهاللاعب مشهور وغني ولما انكسرت رجله تخلت عنه وهربت وصارت كوين لاتيفا تعالجه وخلت صحته تمام لحد ما حبها وتزوجها..
==================
حمزة
[ أبريل 06, 2014, 08:05 PM: تم تحرير المشاركه من قبل: حمـزة ]
[ أبريل 08, 2014, 04:32 AM: تم تحرير المشاركه من قبل: A H M A D ]
--------------------
When the evening falls And the daylight is fading From within me calls ? Could it be I am sleeping For a moment I stray Then it holds me completely Close to home, I cannot say Close to home, feeling so far away