هللو هذي دفعة من الافلام الي شفتها مؤخرًا. راح احط نقطتين الاولى عامة عن الفيلم والنقطة الثانية حرق أحداث. ف الي ما يبي الاحداث تحترق علي لا يقرا النقطة الثانية..
===========
نوت سيف فور ورك
* أعطي الفيلم 7.5 من 10 الفيلم حلو ويعيشك جو الأكشن لكن أول 20 دقيقة منه مملة. بعدها تبدا الاحداث تحلو إلى نهاية الفيلم.
* حرق أحداث: الفيلم عبارة عن شركة دوائية تنتج الأدوية لكن مسؤول الشركة وقع على عقد دواء غير صالح للاستخدام الآدمي وواحد من الموظفين يكشف هالشغلة في نهاية الفيلم لكن الشركة الي وقع لها العقد كانت تبي تحرق الملف ف كل احداث الفيلم تكون داخل مبنى الشركة. حبيت وما حبيت.. بس ينفع جدًا حق قعدة عائلية ولمة شباب.
===============
كوايت وانز
* أعطي الفيلم 6.5 من 10 وهو مأخوذ عن قصة حقيقية حدثت في عام 1974 وفي نهاية الفيلم يحطون لكم صور من أبطال القصة الحقيقية.
* حرق أحداث: الفيلم ينقز = يصروع = يخليك تخترع لان فيه لقطات تحبس الأنفاس لكن مع هذا ممل الى حد الغثيان ماحبيته وايد. وهو عبارة عن استاذ ومجموعة من الطلبة يتابعون حالة بنت مسكونة بشبح بنت ف لأن السبعينيات ما كان فيه أجهزة وتكنولوجيا ف حبيت انهم عيشونا شلون يكتشفون الأشباح والجن بهالفترة من الزمن. الفيلم كئيب وما أمتعني وايد لكن ما انكر ان فيه لقطات حلوة.
==============
بريث إن
* أعطي الفيلم 10 من 10 فيلم حيل رائع وأحس خلص بسرعة. من الأفلام الدرامية الي تعيشك جو حماسي. وايد انصح فيه
* القصة عبارة عن بنت تروح تدرس في ولاية منهاتن ويستضيفونها أحد العائلات البنت فقيرة وبحالها وما تسوي أي مشاكل لكن القدر يخليها تحب والد البيت وتصير بينهم علاقة حب قوية الي يخليهم يقررون انهم ينحاشون مع بعض ويترك رجل البيت زوجته وبنته الي بعمر البنت الي مستضيفنها لكن في شي يحول دون ذلك... ماهو؟ >> على أساس اكشن مسويلكم لول
===============
ذا أذر ومن
* أعطي الفيلم 9 من 10 وايد أحب الأفلام الي جذي. صح مو جديدة ومافيها شي جديد بس اندمج مع القصة بسرعة وعيشتني مواقف حلوة ومضحكة انصح فيه.
* القصة باختصار رجل خوان والخيانة تمشي بدمه يخون زوجته مع كاميرون دياز وفجأة الزوجة مع كاميرون يلتقون ويخططون ينتقمون منه وتدخل على الخط حبيبته الثالث وتنضم لهم ويتفقون انهم يدمرونه في مواقف كوميدية حلوة جدًا..
==================
بيت لحم " فيلم فلسطيني "
* أعطي الفيلم 4 من 10 الفيلم كله سوالف وكلام مافيه مشاهد تشد وفوق هذا كئيييب والعنصر النسائي فيه شحيح. أنا وايد احب الافلام الفلسطينية وشفت وايد افلام. لكن هالفيلم اضعفهم. شفته على مدى يومين من كثر ما كان يملل.
* ابراهيم وداود اخوان. ابراهيم يشتغل عميل لأسرائيل وفي سلك الشرطة ومكانته مهمة. أما داود الاخ الأصغر دايما يعير بإن اخوه مع اسرائيل ف يعيش داود حالة نفسية سيئة تشوبها نوع من التمرد. أحلى شي بكامل الفيلم أخر 10 دقايق منه.
============
هوليدي هافوك وذ مستر بين
* ما أعطيه أي درجة. لان اكتشفت انه مو فيلم جديد لمستر بين ولا شي. السي دي عبارة عن مجموعة مشاهد قديمة من حلقات مستر بين مدتها أقل من ساعة واعتقد 56 دقيفة. ما استمتعت وانا اشوفه لأنه خلص بسرعة وفوق هذا مشاهد شايفها وانا صغير.. احس انغشيت لول
===============
ذا ايمجرنت
* أعطي الفيلم 3 من 10 احداث الفيلم تدور في عام 1921 اختين بولندا يحضرون أمريكا حتى يلاقون عمتهم ويتستقرون عندها. الفيلم طويل شوي لكنه ممل.. وقصته مو حلوة
* حرق أحداث: اختين من بولندا يحضرون امريكا لكن وحدة من الخوات مريضة وفيها مرض بالصدر يحطونها تحت الملاحظة لمدة ست اشهر واذا ما تحسنت راح يرحلونها بولندا. اما الاخت الثانية ياخذها صاحب كازينو ويخليها تقدم فقرات لرواد الحانة علشان تحصل فلوس وقوت يومها. تتعرف هالبنت على صاحب العاب سحرية وصاحب الكازينو يقتله. بالاخير تجتمع مع اختها ويروحون كاليفورنيا بمساعدة صاحب الكازينو الي رق قلبه بنهاية الفيلم على المهاجرة. الفيلم مادري شنو يبي بالضبط.
لووول عاد انا اول جزئين ماشفتهم وكنت بشوفهم مره بس هونت بس يلا زين حبيت الفلم واستانست وبشوف الجزئين اللي قبل
وكاهي صورتهم
كان بدبي وسمع ديانا تغني وقالها بأخذج بفلمي بس هالشي ما صار للاسف
+ الفيلمين الثانين اللي شفتهم كان Transformers كلش مو نوعي هالافلام ودخلته عشان الصغار بس اندمجت والثاني Dawn of the planets of apes دعايته كانت قويه بس شفت الفلم عادي مادري يمكن لاني كنت ابجي وباد مود
+ كنت بشوف lucy بس اخوي قال مو حلو وكنت بشوف tammy بس بيومها اخوي قال عمره الصجي ومادخلنا غبي ع يومها صار ما يجذب
[ أغسطس 17, 2014, 09:41 AM: تم تحرير المشاركه من قبل: ::Modmenat Diana:: ]
المشاركات: 38759 | من: Kuwait | تاريخ التسجيل: نوفمبر 2009
|
لوول ادري بس مال القرده ما كنت ادري الا لمن قالي اخوي وهذا الموجود كان وحسافه كل افلام اليديده تنزل 21 واحنا باجر مسافرين بالكويت ما ادخل سينما لان يقطعون ومني اقص احداث مو المشاهد لذا حرام اشوفه ع اوسن ولا بسينما
+ لا والله مو مفربكه واذكر كانت بالايفينت لابسه ازرق اهيا وسهيل هم بس ماعندي الصوره عندك ديانا بتوتير اسالها ما اجذب انا
هذا لقاء واحد وعرض عليها فيلم وأنا أعرف وحده الله يستر عليها كل سنة بالمهرجانات العالمية ولاحد عطاها وجه رغم أن هالوحده ماعندها خطوط حمراء وممكن تشتغل أي فيلم معاهم ويقولون أن تمثيلها قوي بس ما دري ليش أهو الحظ سئ يمكن
بخصوص tammy حتى أنا كنت بدخله لما كنا مسافرين بس كان معاي أخوي والأفلام المعروضة كانت ولا شي نفس ما قلتي كلها تكملت أجزاء دخلنا Step Up All In 2014 3D بس الفيلم عادي مثل الأجزاء الي قبل ويمكن أقل بالنسبة لي السلسة أول جزء فقط أما الباقي رقص*رقص