زوج وزوجته وبنتهم الصغيرة عايشين بأحد الأحياء الهادية. فجأة يسكنون عندهم مجموعة من الشباب أو بيت أخوية وكل يوم يسوون حفلة وشرب وازعاج وصخب. الزوجين انزعجوا من هالموضوع وقرروا انهم يردون اعتبارهم وينتقمون حق نفسهم بمواقف كوميدية. ومنو الي راح ينتصر بالأخير؟ الفيلم حلو ويشد وكوميدي اعطيه 8.5 من 10
==========
سليبنغ بيوتي
النسخة المشوهة من ماليفسنت. الصراحة مادري شلون شريت الفلم! العادة اشوف التريلر وعلى اساسه اختار الفيلم. الفيلم عن قصة الأميرة النائمة الشهيرة. لكن للأسف ما استمتعت في مشاهدة العمل. يمكن لأني شفت ماليفسنت فعلشان جذي استصغرت الفيلم. وشفته أول نص ساعة بس بعديت طوفت وطوفت لي نهاية الفيلم. ماحبيته مع ان الاضاءة والاخراج والديكورات كان روعة وبيرفكت. أعطي الفيلم 3 من 10
========
أباوت لاست نايت
الفيلم لا ينصح مشاهدته فوق 25 سنة لول. الفيلم ماله قصة لأن يعتمد على الكلام البذيء والسرير والعلاقات الجنسية بس مافي أي قصة!! انا خذيت الفيلم علشان الممثلة ريجينا هول تموت ضحك وكوميدية بس ماحبيت لها هالفيلم. وللأسف مسوية فيلم ثاني نفس القصة!! عن الجنس والسرير والخرابيط. الفيلم مأساة. أعطيه 2 من 10
==========
سون أوف غوود
اعطي الفيلم 8.5 من 10 الفيلم يحكي قصة سيدنا عيسى عليه السلام من وجهة نظر المسيح. بس استمتعت فيه وحبيته وانا اشوف المشاهد الي يشفي فيه الاكمه والأبرص ويحيي الموت بإذن الله وحبيت مشهد العشاء الأخير. مشاهد التعذيب ما كانت بذيك القوة الي في فيلم آلالام المسيح او المخرج ما سلط الضوء عللى مشاهد التعذيب والصلب كثر حياته وان الناس تصدقه أو ما تصدقه انه هو المخلص. آخر الفيلم أنواع الماسونية. هاي بدر وكريس النقطة الوحيدة الي ماحبيتها هي السيدة مريم عليها السلام. حاطينها فل ميك أب!! ودورها مهمش وحسيتها وحدة من الناس العاديين. مجرد جم لقطة لها وكأن مالها دور. حسيت الفيلم يروج للمسيح الدجال بأكثر من مشهد وخاصة مع المشهد الأخير. وبعدين فيه مشهد ماحبيته صوروا سيدنا عيسى عليه السلام يشرب الخمر أعوذ بالله..
==========
أوكولس
اعطيه 7 من 10. القصة باختصار عن مراية فيها لعنة. وكانت هالمراية من القرون القديمة موجودة. وفي العصر الحديث امتلكتها عائلة مكونة من ولد وبنت واب وام. المراية قتلت الأم والأب وتحكمت في تصرفاتهم. الولد والبنت كبروا واتفقوا من لما كانوا صغار ينتقمون من المراية علشان يردون اعتبار أبوهم وامهم. وكل شوي يحطون لقطات من لما كانوا صغار ولقطات حالية وصاير دمج فظييع وعوار راس مادري شنو صار. ماحبيت الفيلم حوسة وهو من نوعية الأفلام " الرعب " النفسي. لكن فيه مشاهد رعب جيدة.
============
ذا لوف بانش
وايد حبيت الفيلم. أبطال الفيلم أعمارهم فوق الـ 50 بس وايد وايد وايد حلو وكوميدي ويضحك. القصة باختصار رجل ومرأة مطلقين وعندهم ولد وبنت لكن علاقتهم حلوة وفيها مد وجزر. الرجل تتعرض شركته لانهيار ومالك الشركة يسلبه المعاش التقاعدي. يسافر الرجل وطليقته بعد ما يطلب منها المساعدة الى فرنسا علشان يقنعون مالك الشركة يعطيهم المعاش التقاعدي لكنه يرفضه بعدها يتجهون لحيلة من خلال مواقف كوميدية تضحك. الفيلم روعة لازم تشوفونه. وايد حبيت خفة دمهم. أعطي الفيلم بصورة عامة 9.5 من 10
===========
ستاج
مجموعة من الاصدقاء المتزوجين. يقررون يحتفلون بصديق لهم ناوي يتزوج. وهذا الصديق كان يسوي مقالب من النوع القوي في اصدقاءه المتزوجين في حفلات عزوبيتهم ف لما صار حفل توديع عزوبيته يمرون الاصدقاء بظروف يخلي الحفلة عادية وفاشلة من جميع النواحي. الفيلم فيه لقطات وايد مخلة. وبالنسبة لي حسيته عادي مو قوي أعطيه 5 من 10
=================
ساديس سين
فيلم تركي وعنوانه حبي الوحيد الفيلم مأثر فيني لحد هاللحظة مع اني شايفه من يومين. ومن كثر ما حبيت الفيلم قررت اشتري نسخته الأصلية اذا موجودة بأمازون أو ايباي. ساوند تراك الفيلم بروحه عالم ثاني. انا ما احب المسلسلات التركية. تابعت بحياتي بس مسلسلين. " اكليل الورد " الي كان او مسلسل تركي مدبلج يعرض بقناة عربية وسنوات الضياع بعدها ما تابعت أي مسلسل ولا فكرت أتابع. لكن الأفلام التركية غير. فيه عندهم شي يشد. الفيلم اعطيه 20 من 10 والقصة درامية رومانسية. بس خلص الفيلم عورني قلبي ليش خلص. ماحب قصص تعور القلب جذي كنت أبي أعيش معاهم مابي أقول أحداث القصة لان ابيكم تشوفون الفيلم
الفيلم روعه روعه روعه أنا شفت الدعايه من قبل وماتحمست له
لكن يوم دخلته وشفته غيرت رأيي كلياً من أحلى أفلام السنه
الشخصيات تعيشك جو وكل واحد له ميزته والبطل إلي هو الممثل دايلن أوبراين مبدع بدع بالدور
--------------------
When the evening falls And the daylight is fading From within me calls ? Could it be I am sleeping For a moment I stray Then it holds me completely Close to home, I cannot say Close to home, feeling so far away
رد مقتبس:المرسل الأصلي هو Angie-Q8: اللي سووا أفلام ذا ماتريكس مسوين فيلم جديد بينزل شهر فبراير الجاي اسمه Jupiter Ascending ,, القصة عادية تقليدية والتريلر مايحمس
بس مادري ليش للحين مهتمة فيه وأبي اشوفه بطولة ميلا كونس وتشانق تاتيم
إرسال هذه الصفحه لصديق!
لطباعه هذا الموضوع
![الملف الشخصي لـ [ L.O.V.E.R ]](http://salmiyaforum.net/ubb/profile_ubb6.gif)
![[Embarrassed]](redface.gif)
![[rofl]](graemlins/rofl.gif)
![[heartpump]](graemlins/heartpump.gif)
![[Razz]](tongue.gif)
النقطة الوحيدة الي ماحبيتها هي السيدة مريم عليها السلام. حاطينها فل ميك أب!! ودورها مهمش وحسيتها وحدة من الناس العاديين. مجرد جم لقطة لها وكأن مالها دور. حسيت الفيلم يروج للمسيح الدجال بأكثر من مشهد وخاصة مع المشهد الأخير. وبعدين فيه مشهد ماحبيته صوروا سيدنا عيسى عليه السلام يشرب الخمر أعوذ بالله.. 
![[crying]](graemlins/crying.gif)
مابي أقول أحداث القصة لان ابيكم تشوفون الفيلم ![[Frown]](frown.gif)
![[Smile]](smile.gif)
![[nut]](graemlins/nut.gif)
فعلا اللي يحب هنغر قيم بيحب الفيلم ,, فكرة مشوقة وأحداث غريبة وغير متوقعة ,, مليان حماس من أوله لأخره , فيلم ممتع يخليك تندمج وتنسى نفسك معاه
![[Confused]](confused.gif)
![[eyelove]](graemlins/eyelove.gif)
![[crazy]](graemlins/crazy.gif)
