منتــدى الســالميــه: ______________-| Cinema Café |-_____________

»	منتــدى الســالميــه » القسم الـفـنـي » ســـاحــة الفـــن الغـــربــــي » ______________-\| Cinema Café \|-______________ (الصفحه 54)

إرسال هذه الصفحه لصديق!

الموضوع متكون من صفحات: 1 2 3 ... 51 52 53 54 55 56 57 ... 611 612 613

الكاتب

الموضوع: ______________-| Cinema Café |-______________

MR.FUN®
عضو فعال
رقم العضويه 68114

This user is from South Africa

مرسله في

عنوان ياهو ماسنجر do1it1on1purpose@yahoo.com

عنوان المسنجر iwishiwasadeadmanwalking@hotmail

نايف مشكور على الرعاية , تصدق كنت خايف و انا بكتب السبويلرز
اطلع متجاوز القانون و آخد انذار

[bgrlaugh]

[ L.O.V.E.R ]

الفيلم حلو بوسط هالقحط السينمائي , فعلا الواحد بتحمسله عشان آخر عمل لخواكين قبل ما يخطفوه الفضائيين

خسارته

--------------------

"معنتش"

المشاركات: 4366 | من: في حجم بعض الورد | تاريخ التسجيل: يوليو 2006 |

أرسل ملاحظه لمشرف الساحه عن هذه المشاركه

howtodeal
Smart Star 2
رقم العضويه 10339

This user is from United Arab Emirates

مرسله في

رد مقتبس:
فعلا الواحد بتحمسله عشان آخر عمل لخواكين قبل ما يخطفوه الفضائيين

مستر فن ما عليك منه هذا قاعد يصور فلم وثائقي
مع أخو بن أفليك.. مثل تجربة توري الناس شو يصير
بالفنان لما تتغير شخصيته ويصير مجنون وكيف تكون ردة فعل
الناس والاعلام.. الصحافة كشفته من زمان ودايما
يشوفون أخو بن أفليك يدور وراه بالكاميرا [Razz]

--------------------
[

المشاركات: 7335 | من: الامارات | تاريخ التسجيل: يوليو 2003 |

B.i.L.A.L...
عضو فعال جدا
رقم العضويه 17487

This user is from Lebanon

مرسله في

نزلت فيلم خواكين قبل ما اجي من استراليا [Frown]

هتابعه قريب [eyelove]

--------------------

المشاركات: 12866 | من: لبنان الحبيب | تاريخ التسجيل: سبتمبر 2004 |

*risky

عضو فعال جدا
رقم العضويه 14875

This user is from Quatar

مرسله في

^
^

علوش ولا بلال !! [Eek!]

ولا هاكر لوول

--------------------

المشاركات: 15301 | من: Doha Qatar | تاريخ التسجيل: أبريل 2004 |

MR.FUN®
عضو فعال
رقم العضويه 68114

This user is from South Africa

مرسله في

howtodeal

قرأت هيك اشي , معقول !! صار مسخرة العالم

و بالنهاية شو راح يفيد هالفيلم [Confused]

بس ضابطها الملعون , عنده تفاني للمهنة

--------------------

"معنتش"

المشاركات: 4366 | من: في حجم بعض الورد | تاريخ التسجيل: يوليو 2006 |

[ فـهـد ]
عضو فعال
رقم العضويه 2113

This user is from Kuwait

مرسله في

هاي شله ,

ابي شموضوع فلم Star trek !!

انا جد ما احب هالنوعيه من الافلام كلششششششش ولا تشدني ..

بس ماخذ رفيوهات زينه ومستغرب من جم رد هني .. احد يقولي شنو الحلو فيه ؟

انا ما اذكر الا اللهم قبل كنت اشوفه عالقنواة الارضيه ينحط لا والانجلش بعد اللي ما تنشاف [crazy]

--------------------

المشاركات: 5940 | من: K u W @ i T | تاريخ التسجيل: يونيو 2002 |

Scorpian v4.00
عضو فعال جدا
رقم العضويه 3262

This user is from Saudi Arabia

مرسله في

^

الفيلم فكرته باختصار عن مجموعة يربطها هدف واحد: انها توقف جسم غريب يهدد البشرية

الفيلم جدا ممتع ويسردلك القصة من البداية, ما يحتاج تكون شايف شي من العمل الأصلي

يمكن مسميّات الأشياء راح تلخبطك شوي بس تأثيرها على سير الأحداث 0% لأن الفيلم منفّذ بطريقة تسرق اهتمامك طول الوقت

--------------------

المشاركات: 9563 | تاريخ التسجيل: أغسطس 2002 |

randomly
Smart Star 2
رقم العضويه 13811

This user is from United Arab Emirates

مرسله في

STAR TREK

شخصياً حسيته مسلي من باب مشاهدة وحدة لا أكثر ولا أقل

أحداث مزحومة من غير داعي, سرعة الفيلم مبالغ بها بالتالي المشاهد تصير مزعحة بمناطق عديدة

لكن المؤثرات بكثير مناطق كانت فانتاك, بإختصار ماحبيته ولا كرهته يعني حده عادي

CORALINE

إسدي لنفسك معروف وإحضر كورالاين. الفيلم يمتص المشاهد من أول ثواني

الموسيقى التصويرية غير إعتيادية وفي النفس الوقت ملائمة ومريحة للأعصاب

قصة جداً بسيطة لكن الطريقة الي إنبنت بها الأحداث تخليك مشدود وعلى أعصابك طول الوقت

تمنيت لو حضرته 3D, إن شاء الله المرة الياية أدخله مع ربيعي

--------------------

المشاركات: 7100 | من: || Dubai || | تاريخ التسجيل: فبراير 2004 |

[ L.O.V.E.R ]

سوبر مصمم
رقم العضويه 3004

This user is from Quatar

مرسله في

خليفه قهرتني .. ليش تشوف كارولاين قبلي [Frown]

اتوقع بينزل عندنا هالخميس دام صار له اسبوع نازل عندكم ..

الفلم متوقع انه يكون رهيب قبل لا اشوفه

كفايه انه الفريق اللي اشتغل عليه قدم لنا التحفه ذا نايت مير بيفور كريسمس ..

بس بشر شلون اداء تيري هاتشر ؟ .. لول

المهم .. شفت اكثر من فلم بالسينما الفتره اللي فاتت ..

بحاول اذكرهم عالسريع

X-Men Origins: Wolverine

واحد من امتع الافلام اللي حضرتها بالسينما هالسنه ..

شخصية والفرين انخلقت بس لهيو جاكمان .. ماتخيل اي ممثل غيره يمثل هالدور ..

احلى شي ان قصة الفلم منفصله عن باقي اجزاء اكس مين

يعني مب شرط نكون شايفينهم عشان نشوف هالجزء ..

قصة الفلم تتكلم عن حياة والفرين والظروف اللي عاشها قبل مانشوفه بسلسلة اكس مين ..

بس والله انقهرت على شخصية والفرين وحزنت عليه ..

كل مايحصل ناس يحبهم ويحبونه يبعدونهم عنه .. جد ماينلام اذا تولد فيه حب الانتقام

كرهوه بعيشته المسكين ..

Frost/Nixon

الفلم فاق كل توقعاتي .. ماحسيت بالملل مع اني اكره الافلام السياسيه

اعصابي مشدوده طول الوقت خصوصا بمشاهد تصوير برنامج دايفد فروست ..

المواجهه اللي كانت بينه وبين نيكسون كانت حاميه كأني اشوف حرب شرسه بين خصمين

فرانك لانغيلا تمثيله لايعلى عليه

جسد شخصية الرئيس نيكسون بحرفيه عاليه ..

يعني في اشياء صغيره سواها صدقتها فعلاً وحسيت ان روح نيكسون تلبسته

خصوصا بأخر المقابله ..

نظراته الضايعه اللي فيها خوف وحيره .. المكالمة اللي ظل يسأل عنها ونسى تفاصيلها .. ابداع والله

بعد ماخلصت الفلم قررت انزل المقابله الاصليه واشوفها من كثر ما حبيتها من الفلم

Star Trek

شوفوا انا واحد مافهم شنو سر الاعجاب الكبير بسلسلة ستار وارز وستار تريك ..

ماتخيل نفسي اشوف فلم يتكلم عن حروب فضائيه بين بشر ومخلوقات غريبه

واسلحه بدائيه تشبه الليزر ..

بس قلت بادخل الفلم لاني كنت داخل مع شله كبيره وجزء كبير منهم مولع بهالافلام

المهم استمتعت جداً بالفلم .. الفلم مليان زخم من مؤثرات ومشاهد سريعه ..

لدرجة ان اللي تشوفه عالشاشه حتى لو كنت مب فاهمه يسحرك ويجبرك تشوفه للاخير

القصه عاديه وتتكلم عن صراع يدور بين البشر ومخلوقات غريبه ..

ماركزت وايد عالقصه كثر ماركزت على قوة المؤثرات .. لانه قدم وجبه ثقيله من هالناحيه

هذا ثاني فلم لنفس المخرج اللي اخرج لوست .. هالانسان شكله قادم بقوه

وماستبعد يكون واحد من اهم الاسماء بالمستقبل ..

مادري اذا في احد حس بإحساسي لما طلع شعار ستار تريك بأول الفلم .. لول حسيت بهيبه

وكأني حاضر فلم تاريخي ..

Paul Blart: Mall Cop

الفلم كيوووت .. اللي يحب الافلام الكوميديه الخفيفه البريئه واللي توصل رساله حلوه لازم يشوفه

ماتوقعت اني راح احبه لهالدرجه ..

الفلم يتكلم عن رجل امن يشتغل بأحد المولات .. معطي نفسه اهمية كبيره لدرجة انه مصدق روحه بأنه شرطي

بأحد الايام يصير اقتحام بالمول من قبل احد العصابات .. ويكون الاخ بالصدفه الوحيد اللي قاعد بالمول

الفلم وايد يضحك وبريء بشكل مب طبيعي .. احلى شخصيه بالفلم بنت الشرطي الدبه

تنصح ابوها وتهتم بمشاعره وكانها امه ولا زوجته .. لول تجنن

--------------------

المشاركات: 27170 | من: ~ NeverlanD ~ | تاريخ التسجيل: يوليو 2002 |

Scorpian v4.00
عضو فعال جدا
رقم العضويه 3262

This user is from Saudi Arabia

مرسله في

رد مقتبس:
المرسل الأصلي هو [ L.O.V.E.R ]

مادري اذا في احد حس بإحساسي لما طلع شعار ستار تريك بأول الفلم .. لول حسيت بهيبه

عقلي انشلح لول بالذات عالموسيقى

--------------------

المشاركات: 9563 | تاريخ التسجيل: أغسطس 2002 |

Nayef - The N
عضو متميز
رقم العضويه 18421

This user is from Palestine

مرسله في

PUSH

حلو الفيلم ,
مش عاطل , بس مش جامد ..
ما بتزهق وانت بتتفرج عليه ,
يعني بسليك ..
البنوتة الصغيرة بتجنن [kiss]

--------------------

/
/
/
/
/

المشاركات: 26541 | تاريخ التسجيل: أكتوبر 2004 |

randomly
Smart Star 2
رقم العضويه 13811

This user is from United Arab Emirates

مرسله في

نصور يالدب ... في مجال أقرى لك رد فيه تذم فيلم؟! خل إيجابيات يولي وسوي كلام شوية عن سلبيات بابا

عاد من بين كل الي ذكرتهم مافي شي عجبني وإستمعت به غير فروست نيكسون !!

كورالاين أقولك ياها مايتفوت نصور, تطلع منه بدروس وقيم

تيري عطت الشخصية حقها ولو إنك تقدر تتعرف عليها وتقول هذي سوزن أما داكوتا فأبدعت

تنتج مدى واسع من طبقات صوت بالتالي ماتتعرف عليها !!

--------------------

المشاركات: 7100 | من: || Dubai || | تاريخ التسجيل: فبراير 2004 |

howtodeal
Smart Star 2
رقم العضويه 10339

This user is from United Arab Emirates

مرسله في

خليفة..

كورالاين كنت مقرر اني أشوفه بس لاني كنت متأكد انهم
بيحطونه على الIMAX فقررت اني أأجله لأقرب زيارة
الي لدبي وشفت بداله فلم ثاني [nerd]

هالسنة أفلام الرسوم مولعه [super]

--------------------
[

المشاركات: 7335 | من: الامارات | تاريخ التسجيل: يوليو 2003 |

[ L.O.V.E.R ]

سوبر مصمم
رقم العضويه 3004

This user is from Quatar

مرسله في

خليفه .. ماتحس ان هذا اللي يميز كل واحد فينا [Big Grin]

؟

انا والله احاول قــد ماقدر اذكر السلبيات .. بس مشكلتي اني دايماً اشوف النص المليان من الكوب !!

طبعاً ماقول هالشي صح لما اجي اتكلم عن الفلم بتجرد

بس مادري انا جذي .. لول

احلى شي ان كل واحد بالمنتدى له اسلوب معين ..

انت مثلاً ماشاءالله وايد قاسي لول .. مايعجبك العجب ولا الصيام برجب

بس ارائك اراء انسان فاهم المقومات السينمائيه ويتكلم عن معرفه .. ماحس انك تتفلسف وتنتقد لمجرد الانتقاد وهذا احلى شي فيك

تنين .. او سلطان << مادري ليش احس راكب عليه هالاسم وكل مابي اذكر اسمه جدام ميود اقول شخباره سلطان .. لول

المهم تنين لما ينتقد فلم يحسسني اني قاعد اسولف مع رفيجي وكلامه قريب وايد للقلب

ماجد احلى شي فيه انه يجيب لك الزبده ويكتب رايه بطريقه مختصره من غير مايبخص حق الفلم .. واحب فيه دقة ملاحظته بعد

سكوربين يشوف دايما المعاني اللي ورا المشهد ويحب يحللها ويجيبها صح ..

ولما يتكلم عن فلم يحسسك انه يتكلم بإسلوب مليان عاطفه وروحانيه .. مادري اذا فهمتوا قصدي لول

وهديل واقعيه واللي بقلبها على لسانها .. احسها تكتب بصدق وماتضطر انها تلبس قناع الانسانه الفاهمه عشان تبهرنا بتحليلها

لول وطبعا باقي الاعضاء في اللي يميزهم عن غيرهم ..

بالنهايه كلنا نشكل باقه حلوه ومتنوعه .. تعرف خليفه ترى هذا احلى شي [Big Grin]

--------------------

المشاركات: 27170 | من: ~ NeverlanD ~ | تاريخ التسجيل: يوليو 2002 |

[ L.O.V.E.R ]

سوبر مصمم
رقم العضويه 3004

This user is from Quatar

مرسله في

على فكره شباب خاطري اعرف شسالفتكم .. ليش باردين هالسنه [Mad]

افتحوا مواضيع عن الافلام اللي تترقبونها لـ 2009 ..

متحمس لشغل مارتن سكورسيزي هالسنه .. حاس انه بيضرب ضربة معلم ..

للاسف دورت على الروايه مترجمه وماحصلتها

بعد فلم بيتر جاكسن الجديد The Lovely Bones من الافلام اللي اترقبها على نار هالسنه

فكرة الفلم غريبه وتشـد .. بيكون الفلم مزيج بين الواقع والخيال .. بينقلنا بيتر بين عالم الاحياء والاموات بنفس الوقت

ابداع بيتر جاكسن بسيد الخواتم يحتم علي انتظر هالفلم ..

the road الفلم المقتبس من احد روايات المؤلف اللي قدم لنا نو كونتري فور اولد مين

على كثر ماتأجل هالفلم بس كلش ماحسيت اني فقدت حماسي لمشاهدته ..

في نقاد قالوا انه واحد من الافلام القويه اللي بإمكانها بسهوله الدخول بسباق الاوسكار

مع ان المخرج غير معروف .. بس حاس ان النتيجه بتكون مذهله

--------------------

المشاركات: 27170 | من: ~ NeverlanD ~ | تاريخ التسجيل: يوليو 2002 |

الموضوع متكون من صفحات: 1 2 3 ... 51 52 53 54 55 56 57 ... 611 612 613