هالفيلم خفيف دراما اكثر منه كوميدي، ما كنت ناوي احكي عنه بس لما شفتكم بتحوا عن Kate Winslet قلت احكي رأيي بهالفيلم ..
طبعا اغلبكم حاضرينه لأنه 2006 ، انا حضرته من يومين . شخصيا انا بحب ادوار Cameron Diaz بهيك افلام ، بتخليني ابتسم بحركاتها والمواقف اللي بتحط فيها ..
دورها بهالفيلم ما بعرف ليش حسيته قريب من دورها ب what happens in vegas .. بس طبعا بهالفيلم كانت احلى وجهها احلى قبل ما تظهر علامات الشيخوخة ..
الفيلم محبوك وحلو وفيه عقدة بوصل لها الفيلم ، وبتحل ، مع هيك حسيت بالملل ببعض المشاهد ..
عجبني دور كيت كثير، مع انها بتبدع بال real drama اكثر بس عجبتني بهالدور نوعا ما ، كانت قريبة على القلب ، وهايبر ..
تقييمي للفيلم 7/10
-----------------------------------
الفيلم الثاني: The Kite Runner
هالفيلم قرأت روايته قبل ما احضر الفيلم ، وعندي الفيلم من شهرين ، كنت بس بدي وقت فراغ حتى احضره ، زي هيك افلام بحب اعيد المشاهد اكثر من مرة حتى افهمه من A TO Z ، ما بحب امشي عليها مرور الكرام ..
هذا فيلم بمعنى فيلم ، قصة بمعنى قصة ، حبكة بمعنى حبكة ، ابداااع لا يوصف ، حبيته وصار من احب الافلام على قلبي ، من الافلام القليلة اللي خلتني ادمع ..
خصوصا مشهد اللي كان يشوف امير صاحبه بنضرب فيه ويغتصب فيه ، ومشهد الرسالة ، والمشهد الاخير وكثير مشاهد ..
المخرج مش معروف ، بس بعتبر هالفيلم من اجمل القصص المصورة ، لأن الافلام المأخذوة عن قصص حقيقة وروايات ، بتكون صعب تنفيذها ، وقليل لحتى يكون الفيلم بجمال الرواية والعكس صحيح ..
من احلى المشاهد : مشاهد البداية بافغانستان وكيف كانت البلد عايش بسبات ونبات .. مشهد استاد كرة القدم ورجم المراة ..
ملاحظة : الفيلم مصور بامريكا وافغانستان ، حاسسكم بس تسمعوا افغانستان رح تكنسلوا تحضروا الفيلم لا صدقوني الفيلم من اجمل ما رأت عيني ..
[ نوفمبر 02, 2008, 01:07 PM: تم تحرير المشاركه من قبل: Becoming Him ]
مرسله في
صح معك حق لوفر ، انا حسيتهم فيلمين منفصلين ، والكاتب دمج القصتين بشكل او بآخر ، حسيت بعض المشاهد متضعضعة <<حلوة الكلمة ومش مترابطة مع بعضها ، لدرجة كنت استبق الاحداث بعقلي ، واخمن شو بدو يصير ويصير ، وهذا بعتبره علامة ضعف بالفيلم ..
صح حضرت الفيلم الثاني ؟ اذا لأ بتمنى تحضره على مسؤوليتي ..
[ نوفمبر 01, 2008, 03:27 PM: تم تحرير المشاركه من قبل: Becoming Him ]