اولا انا مثل نصور قاعد اعاني من بطء التورنت بشكل رهيب
مو قادر احمل حلقه رقم 13
بس حبيت اعلق على حلقة رقم 12 ( بصراحه ناسي اذا سبق و علقت عليها ولا لأ .. اسمحولي يا الربع هاليومين مخي وايد مفتر )
المهم ... الحلقه كانت حلوه و كان فيها احداث يديده .. و اعتقد الكل يوافقني الراي بإن إحنا فعلا كنا محتاجين هذي الأحداث بعد الرتابه في غالبية الحلقات ..
موضوع أورسون و مايك و إعادة إحياء الموضوع من جديد ما كانوا موفقين فيه الكتاب .. حسيت إنهم out of stories كأنهم أفلسوا فكريا فقاموا يعيدون مواضيع قديمه .. مثل موضوع الريال اللي كانت لينيت على وشك إنها تخون زوجها معاه .. نسيت اسمه .. اظن مارك ؟
أما باقي الأحداث ( قابي و المعاقين .. و بري و هذيج الجاره اليديده .. و موضوع الحفله ) وايد حبيتهم .. لأن فعلا حسيت هذي هي أجواء الدسبرت و نساء وستيريا لين .. و زين سووا حفله حسيت اني اختبيت معاهم لووول ..
بس مادري شخصيا ( ككاتب ) عندي اقتراحات لو يطبقونها في المسلسل بالفترة اليايه راح تكون وايد حلوه ( إي هين .. هذا إذا سمعوك مارك شيري و ربعه )
1- محتاجين قصة يديده و لغز يديد يشربك الأحداث كلها و يخلي فيها تصاعد.. يتني فكره رهيبة وهي : إن يخلون عايله مكونه من زوجه و عيالها الصغار يسكنون في وستريا لين .. و لما يسإلون عن زوجها تقول لهم إنه في العراق مع الجيش .. و يتعاطفون معاها و تكون قمة البراءة .. و لما يرجع الزوج يسوون له حفله في شارع وستيرياو يفتخرون فيه كبطل ( مثل ما يحتفلون الامريكان عادة بعودة الجنود) .. و بعدين سوزان تكتشف بالصدفه إن الزوج ما كان بالعراق و إن الموضوع كان كله جذب و تمثيل .. بس سوزان تحتار ليش جذبوا عليهم؟؟ .. و يورونا لقطات مبهمه و غامضه لسر يخشونه الزوج و الزوجه .. واو .. راح تطلع أحداث مو طبيعيه .. و بعدين يدخلون شخصية واحد عربي يدور الزوج .. و تزيد الشكوك أكثر .. شلون اهو مو بالجيش ولا راح العراق؟ و شلون في شخص عربي الجنسيه يدوره؟ راح يزيد الغموض أكثر .. 2- لو يخلون كارلوس يرجع البصر .. و يكون المرض اللي يعانيه مرض مؤقت .. لكنه ما يقول حق قابي و يستمر في التظاهر بالعمى علشان يشوفها شتسوي و شلون تتحمله ولا لأ؟ أحسن راح يكون في كوميديا حلوه 3- يخلون سوزان تولد و تحتاس بعمرها لأن مايك مو موجود و تكون في مفارقات .. عاد تعالوا شوفوا .. مثلا تحط الياهل في الكرسي الخلفي في السياره و تنزل منها و فجأه السياره تمشي لأن الشارع فيه منحدر و تلحق السياره و تركض وراها لووول .. أو تطلع تقط الزباله ( و انتو بكرامه ) بره البيت و لما ترجع تلاقي الباب مقفول و الياهل داخل و تتوهق .. 4- يطورون بموضوع أورسون و بري و يزيد التوتر بينهم . و يرجعون البنيه للبيت و تزيد المشاكل
و بس سلامتكم
أتمنى ما أكون هذرت على راسكم وايد
تحياتي
المشاركات: 2197 | من: kuwait | تاريخ التسجيل: يوليو 2006
|
مرسله في
مبارح شفت الحلقة 13 و بصراحة روعة الحلقة وبالنسبة لسرعة التورنت فالحلقة نزلت عندي ب 20 دقيقة على سرعة 300 kb/s
SPOILERS
مشاهد غابي مع الكلب بتضحك كتير و اعطت الحلقة جو طريف اقوى مشهد في الحلقة لما بري بتقول لسوزان ، اعتقد انه مدهش ان تسامحي اورسن لانني لا استطيع بانتظار الحلقات الجاية على نار
[ مايو 01, 2008, 04:00 PM: تم تحرير المشاركه من قبل: Strider ]
-------------------- المشاركات: 2510 | من: Palestine and Germany | تاريخ التسجيل: يناير 2006
|
الموضوع مغلق
إرسال هذه الصفحه لصديق!
لطباعه هذا الموضوع
![[Big Grin]](biggrin.gif)
![[Razz]](tongue.gif)
![[Frown]](frown.gif)
![[Smile]](smile.gif)
)
![[gibe]](graemlins/gibe.gif)
![[rofl]](graemlins/rofl.gif)
![[dance]](graemlins/dance.gif)
![[heartpump]](graemlins/heartpump.gif)
.. ضحكتني واثرت فيني![[Mad]](mad.gif)
![[kiss]](graemlins/kiss.gif)
![[crying]](graemlins/crying.gif)
شوي و ابجي معاها 
