This is topic [ الـتـريـلر + UNRATED ] [ اسـتـفـسـار ] !! in forum ســـاحــة الفـــن الغـــربــــي at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=26;t=000061

---

مرسلة من حمـزة (رقم العضويه 82337) on :
 
هللو

يا جماعة الخير. يمكن أسألتي راح تضحك. بس صارلي فترة مو فاهم شغلتين

لما أشوف أي فيلم. أنا جدًا مجنون أفلام وعندي مكتبة جدًا زاخرة بالأفلام

واذا ما أشارك وايد بمواضيع رأيي عن الأفلام مو معناها اهتمامي معدوم

فيها. ع العموم خلونا من هذا..

لما آخذ مرات أفلام معينة أشوف يكتبون على الغلاف، أو تحت عنوان

الفيلم: [ UN-RATED ] شنو يعني!! أنا ما أسألكم عن المعنى

لأني أعرف معناها شنو. أنا ابي أعرف شنو الفرق بين الفيلم العادي

والفيلم الي مكتوب عليه [ UN-RATED ] !! وغير جذي مرات لما أشغل

الفيلم. يحطون:

play movie with rated version

play movie with un-rated version


=================

السؤال الثاني:

لما أشوف أي تريلر لأي فيلم. بعدها أشوف الفيلم كامل، ألاحظ إن في مشاهد

وايد من التريلر أساسًا مو موجودة بالفيلم ليش؟ هل التريلر يسوون له مشاهد

معينة علشان يجذب الناس؟

الي اعرفه ان كل فيلم فيه مشاهد محذوفة، او ما يحبها المخرج لسبب معين

فهل التريلر يمشي فيه على نفس النمطية على أساس يجذب الجمهور!؟

الصراحة في وايد أفلام خذيتها من ورا التريلير مالها ولما شفتها كاملة

انصدمت انها افلام فاشلة وشلون خطر على بالي أشتريها وأفكر فيها

بعدين عرفت ان التريلر ممكن يغطي وايد عيوب. من كثر الافلام البايخة

الي عندي، أقول معقولة هالفيلم شفت التريلر ماله ورضيت أخذه وانا مقتنع!!


حمزة

 

---

مرسلة من MaShaRy ™ (رقم العضويه 90066) on :
 
UN-RATED
ماله تقييم للمشاهده العمريه مثل PG PG13 g R وكذا
 

---

مرسلة من عليلو (رقم العضويه 41235) on :
 
Unrated

يعني مرات الشركات ما بيقدموا الافلام للتقييم خوفا انهم يجيبو تقييم R / -17
و بالتالي يفقدو جمهور كبيير من اللي ممكن يشوفوا الفيلم سينما
فبيقرروا ينزلو الفيلم unrated

بخصوص مشاهد التريلر ساعات او غالبا بينزل التريلر قبل ما ينتهي المخرج من تصوير او مونتاج الفيلم
ف وارد يلغي بعض المشاهد من النسخة النهائية
 

---

مرسلة من حمـزة (رقم العضويه 82337) on :
 
يسلمو شباب
 

---

UBB.classic™ 6.7.1