يتمحور الفلم عن حكاية فتى موسيقار مكسيكي أسمه ميغيل عمره 12 عام ومغامره مثيره إلى عالم الأموات بصحبة غيتاره
و سيتمحور الفيلم عن "يوم الموت" و هو يوم في المكسيك حيث يزور الناس قبور أقاربهم الذين غادروا الحياة ..
[ يوليو 12, 2017, 03:30 AM: تم تحرير المشاركه من قبل: [ L.O.V.E.R ] ]
[ يوليو 15, 2017, 02:06 AM: تم تحرير المشاركه من قبل: // BanDar // ]
مرسلة من // BanDar // (رقم العضويه 87745) on :
[ يوليو 15, 2017, 05:26 AM: تم تحرير المشاركه من قبل: // BanDar // ]
مرسلة من // BanDar // (رقم العضويه 87745) on :
[ يونيو 07, 2017, 09:56 AM: تم تحرير المشاركه من قبل: // BanDar // ]
مرسلة من itunes_q8 (رقم العضويه 91724) on :
يعطيك العافيه بندر
انا عن نفسي بنطر الريفيو على الفيلم اذا عالي راح اشوفه بالسينما اذا عادي راح اشوفه بعدين على OSN
مرسلة من // BanDar // (رقم العضويه 87745) on :
[ أغسطس 16, 2017, 04:12 PM: تم تحرير المشاركه من قبل: [ L.O.V.E.R ] ]
مرسلة من // BanDar // (رقم العضويه 87745) on :
[ يوليو 15, 2017, 07:44 AM: تم تحرير المشاركه من قبل: // BanDar // ]
مرسلة من *risky (رقم العضويه 14875) on :
مسوينه عشان يخرعون اليهال؟
مادري مابلعت الفكره .. انتوا شرايكم مرسلة من ahmedy1194 (رقم العضويه 91652) on :
بالعكس انا حبيت القصة هو من ناحية تخرع .. يعني في جهال احتمال يتخرعون بس ان شاء الله الفلم يكون حلو
مرسلة من // BanDar // (رقم العضويه 87745) on :
مرسلة من howtodeal (رقم العضويه 10339) on :
رد مقتبس:المرسل الأصلي هو *risky: مسوينه عشان يخرعون اليهال؟
مادري مابلعت الفكره .. انتوا شرايكم
بالنسبة للنجاح التجاري وتقبل اليهال للفلم أعتقد مثل ما قلت أحمد ما بيتقبلونه وبيخافون منه.. لأنه كان فيه تجارب قبل بأفلام قوية بس فيها شوية رعب وكلها فشلت.. أكثر واحد زعلت عليه آنه فشل كان Frankenweenie مادري اذا شفتوه بس من أكثر الأفلام اللي ما خذت حقها... لكن كفلم أحس فيه روح بيكسار ومادري ليش ذكرني بأفلام مثل والي و Up .. فيه شي كلاسيكي وشكله بيطلع حلو.. اليهال بالطقاق عيبهم ولا خافوا منه.. أحسن يتعلمون يصيرون أقوياء بدال هالخوف والحساسية المفرطة .. مرسلة من بعطوش (رقم العضويه 75) on :
اي صح ماجد فيه من روح Frankenweenie بالشكل .. انا زعلت ان هالفلم ما نجح و ما اخذ صيت عن نفسه حبيته و شفته كذا مرة .. اتمنى كوكو ينجح.
مرسلة من // BanDar // (رقم العضويه 87745) on :
حتى الفلم الرائع كورالاين اليهال يخترعون منه وماتقبلوه ومع ذلك نجح من النقاد والجمهور
فلم كوكو متوقعله النجاح مرسلة من howtodeal (رقم العضويه 10339) on :
صح بعطوش.. خلطة الرعب و الكوميديا والبراءة اللي في الفلم خلته مميز جدا وقليله الأفلام اللي مثله.. حتي اختيارهم انه يكون بالأبيض و الأسود أضاف للفلم ...
بندر.. كورالاين كلاسيك و أحلى أفلام لايكا.... فيه بعد Paranorman و Book of life و Monster House كلها أحسها مبدئيا نفس توجه كوكو وللأسف القاسم المشترك بينهم انهم فشلوا في البوكس أوفيس.. أتمنى يكون كوكو مختلف و عرض شورت فرزون قبله أكيد بيشجع الناس ياخذون عيالهم...
مرسلة من // BanDar // (رقم العضويه 87745) on :
[ أغسطس 16, 2017, 04:11 PM: تم تحرير المشاركه من قبل: [ L.O.V.E.R ] ]
مرسلة من // BanDar // (رقم العضويه 87745) on :
[ سبتمبر 10, 2017, 11:04 AM: تم تحرير المشاركه من قبل: // BanDar // ]
مرسلة من // BanDar // (رقم العضويه 87745) on :
مرسلة من // BanDar // (رقم العضويه 87745) on :
بيكسار حرقو مشاهد جديده من الفلم
كل اسبوع منزلين تيزر جديد
[ سبتمبر 29, 2017, 11:22 AM: تم تحرير المشاركه من قبل: // BanDar // ]
مرسلة من // BanDar // (رقم العضويه 87745) on :
واو حبيت المجسمات
[ أكتوبر 11, 2017, 06:11 PM: تم تحرير المشاركه من قبل: [ L.O.V.E.R ] ]
مرسلة من howtodeal (رقم العضويه 10339) on :
رد مقتبس:المرسل الأصلي هو // BanDar //:
بيكسار حرقو مشاهد جديده من الفلم
كل اسبوع منزلين تيزر جديد
بيكسار خايفين لأنه الفلم ماله حس ومحد يتكلم عنه وهالتريلرات محد قاعد يطالعها للأسف.. انا مع اني متحمس للفلم بس لأنه الكل مب حاب التريلرات والكل يقول انه بيفشل خف حماسي.. الشغلة الوحيدة اللي في صالح الفلم انه من بعد Despicable Me 3 كل أفلام الأنيميشن اللي نزلت فشلت فشل ذريع.. يعني جمهور العوايل أعتقد متعطش يشوف فلم عائلي محترم .. ان شالله يكون مفاجأة الموسم ويحقق النجاح اللي يستاهله..
مرسلة من // BanDar // (رقم العضويه 87745) on :
فعلا هالسنه أفلام الانيميشن اغلبها فاشله
وحتى كارز ماكان حلو
الفلم الوحيد اللي حبيته أهو ذَا ليغو باتمان
مرسلة من // BanDar // (رقم العضويه 87745) on :
فلم كوكو اتوقعله النجاح
[ أكتوبر 12, 2017, 07:10 AM: تم تحرير المشاركه من قبل: // BanDar // ]
مرسلة من علوووش (رقم العضويه 17300) on :
مادري السؤال انذكر من قبل او لا بس صايدني فضول كوكو شنو المقصد من الكلمة؟ مادري اذا معناها معروف او لا بس حبيت أسألكم مرسلة من yasmino (رقم العضويه 66894) on :
ترا هاليوم مو من خيال الكاتب
بالفعل المكسيكان عندهم بشهر نوفمبر el dia de los muertos
يعني يوم اللموات
مش بالمعنى اللي هو بيزورو المقابر بالظبط
بس من عاداتهم انهم بيسوو زاوية بالبيت او بالحفلة و بيحطو خبز مشهور و اشياء الميت اللي بيعز عليهم على الطاوله و بيحطو هيكل باعتقادهم من اساطير انه بهاليوم روح الميت بتزور و بتاكل من هالاكل
مرسلة من yasmino (رقم العضويه 66894) on :
رد مقتبس:المرسل الأصلي هو ahmedy1194: مادري السؤال انذكر من قبل او لا بس صايدني فضول كوكو شنو المقصد من الكلمة؟ مادري اذا معناها معروف او لا بس حبيت أسألكم
اسم كوكو كتير دارج اخر سنتين للاتنيين
بالاكتر بيقصدو فيه اسمراني للون الكاكاو او لكوكو شانيل انه اسمراني و قيمة لول مدري اذا بالفعل هاذ المقصود
مرسلة من howtodeal (رقم العضويه 10339) on :
رد مقتبس:المرسل الأصلي هو ahmedy1194: مادري السؤال انذكر من قبل او لا بس صايدني فضول كوكو شنو المقصد من الكلمة؟ مادري اذا معناها معروف او لا بس حبيت أسألكم
أحمد كوكو اسم أم جدة بطل القصة ميغيل الgreat grandmother يعني... مع انها مو البطلة الرئيسية بس هي أكبر وحدة في العايلة وهي اللي تربط الأجيال ببعضها.. لهالسبب اختاروا شخصيتها عشان تكون عنوان للفلم...
مرسلة من طبيعي (رقم العضويه 11956) on :
رغم انه دعايته ذكرتني في فلم كارولين بس اكيد بحضره
مرسلة من ahmedy1194 (رقم العضويه 91652) on :
اوكي .. مشكورين على الشرح
مرسلة من // BanDar // (رقم العضويه 87745) on :
اي صح اسم جدته
وبيكون لها مشهد مهم ومؤثر بنهاية الفلم
لايفوتكم الفلم فيه مفاجآت مو متوقعه
[ نوفمبر 22, 2017, 01:31 PM: تم تحرير المشاركه من قبل: // BanDar // ]
مرسلة من [ L.O.V.E.R ] (رقم العضويه 3004) on :
حضرت البريمير قبل امس بدعوه خاصه من احد مشاهير السوشال ميديا عندنا
الفيلم ابداع ولا غلطه .. اكثر فيلم بحياتي قشعرت فيه
الشخصيات كلها تجنن والتفاصيل تاخذ العقل ..
خصوصا عالم الاموات ..
هالعالم لوحده بس ضروري تشوفون تفاصيله بالسينما .. تلفزيون البيت حتى لو 70 بوصه ماراح يعطي هالمشاهد حقها
والاغاني رائعه .. صح الفيلم مش ميوزيكال لكن الاغاني تشكل جزء كبير ومهم من القصه
اغنية ريمامبر مي ترشيحها للاوسكار مضمون خلاص ..
اغنية لها ابعاد مختلفه ..
بالبداية نشوفها اغنية مبهره واستعراضيه فجأة وبنهاية الاحداث نكتشف انها شي ثاني تماماً
والقصة ذكية وفيها مفاجأت ماتخطر على بال ..
التويستات الموجودة بالثيرد اكت تلحس المخ وتخلي المشاهد فاتح فمه مو مصدق اللي يصير قدامه .. كل اللي كنت تعتقده شي والنهاية شي ثاني
وشخصية كوكوووو تجنن وكيوت ..
والله العظيم جاتني الصيحه على جدتي بسببها وظليت متأثر حتى بعد مارجعت البيت .. طريقة كلامها وابتسامتها كيوووت
فيلم جبار يخليك مذهول بعد مايخلص ..
دخل قائمتي لافضل 5 افلام لبيكسار بعد حكاية لعبة ونيمو والخارقون وراتاتوي
مرسلة من [ إنسـان أكثـر ] (رقم العضويه 49238) on :
سواء من المعجبين أو من النقاد مفيش شخص أعرفه دخل الفيلم ومخرجش بيشكر فيه بكل قوة
بعض الناس بتعتبره واحد من أفضل أفلام بيكسار بتاريخها
كنت متحمس بما فيه الكفاية للفيلم لكن التقيمات تحمس بشكل خيالي
مرسلة من علوووش (رقم العضويه 17300) on :
تابعتو مبارح
كتير حلو
مشهدو الاخير مع الجدة مرسلة من HolyAngemon (رقم العضويه 89162) on :
بحط الرد هنا عشان يتأرشف مع الموضوع
قبل يومين شفت فيلم كوكو بالسينما بصراحة الفيلم خيال وماتوقعته بهالروعة .. درامي و مؤثر بشكل خصوصا الجزء الأخير من الفيلم
رغم اني قريت اراء ايجابية تمدح الفيلم بقوة و تعظمه لدرجة انه يكون من افضل 3 اعمال لبيكسار و بنفس الوقت ناس دخلوه و قالوا انه ممل ومافيه لاروح ديزني ولا بيكسار .. مع ذلك طلعت كل هالأراء من راسي وانا داخل الفيلم و قلت الحين بشوفه بنفسي و بحكم
الفيلم فعلا من اجمل ابداعات بيكسار و اكيد بكل بساطة من ضمن افضل 5 افلام .. فيلم عميق عميق و مؤثر بشكل بغض النظر عن احداث الفيلم بس هيكل القصة نفسها بشكل عام رائع وفيه فلسفه عن الحياة وعن وجودنا فيها .. فيلم يعطي امل و طموح و احساس بقيمة العائلة و الذكريات و شلون الواحد يسعى وراء الشي اللي يحبه و حاس انه موهوب فيه
اول شي بهرني و جد بهرني بالفيلم كان الأنميشن مش معقول روعة الأنميشن بالفيلم طول الوقت و انا مبقق عيوني على كبر الشاشة و كأني اشوف لوحة فنية من روعة الأنميشن و الألوان .. من اول مشهد و طريقة السرد عن الاجداد بالقصاصات و انا قلت واو لين وصلنا عالم الأموات و هني جد جد قشعر جسمي من روعة التفاصيل و الألوان و حرام هالمشهد ما ينشاف بالسينما على اكبر شاشه ممكنه عيوني طلعت من مكانها .. الفيلم كله الواان كله حيوية و صورته فريش عالأخر تحس عيونك مسحورة و انت تتفرج و ذكرني بلوحات فانتازيا 2000
الأغاني و الموسيقى تجنن بالفيلم و رغم انها اغاني بسيطة مش غنائية مثل باقي افلام ديزني الا انها روعة بدون اسثناء و تعلق براسك من اول مشاهدة للفيلم و حمستني اني اروح اطلب الساوندتراك للفيلم فورا .. و الساوندتراك نفسه روعه و عاطي الروح اللاتينية بالفيلم بشكل كامل
التويست و المفاجأت بالفيلم و الربط بين كل شي كان خيال صراحة و غير متوقع .. يعني في افلام تكون شايف السيناريو وين رايح و تتوقع شو بيصير بس كوكو من الأفلام اللي تفاجأك و تقلب توقعاتك كلها و ذكرني شوي بفروزن و سالفة الشرير الغير متوقع
الشخصيات روعة بداية من ميجيل اللي فعلا يدخل القلب من كياته وهضامته و الاكسنت الاسباني اللي يتكلم فيه للعيوز ايمويلتا جدته لماما ايميلدا و اكيد كوكو طبعا أنا اعشق شخصيات العيايز بأفلام ديزني من الجدة ويلو لماما اودي لكارل فرديركسن لماما كوكو احس فيهم روح مدري شلون و يذكرونا بجداتنا 3> كوكو طول الفيلم كانت كاسرة خاطري و خصوصا اخر الفيلم لما تتذكر .. وقتها تذكرت جدتي و تذكرت كل هالعجايز اللي يصيبهم زهايمر و ينسون الماضي و شلون انه مو باقي لهم الا اشياء بسيطة تربطهم بالحياة و بالماضي
بعد تذكرت وقتها برنامج طلعت فيه وحدة تقول انه امها مصابة بالزهايمر و ناسية كل شي فعلا لكن بمجرد ماتشغلها أغاني فيروز على طول تبدأ تغني معها و الشي الوحيد اللي تتذكره و يربطها بالواقع هو اغاني فيروز .. هالشي جدا أثر فيني و تذكرته لما ابتدأ ميجيل يغني لها اغنية ابوها
كنت ماسك نفسي بس اخر مشهد فعلا ماقدرت و دموعي نزلت و تذكرت جدتي و امي اللي مابي اشوفها بيوم من الأيام بهالموقف او اني ممكن افقدها بيوم لاسمح الله .. حسيت باحساس غريب اخر الفيلم ماعرف شلون اوصفه
هذي هي ديزني هذي هي بيكسار اللي تلامس الجانب العاطفي و الحساس فينا و تحسسنا اننا مربوطين بالقصة اللي قدامنا وتلامسنا بشكل من الأشكال و هني تنزل دموعنا و نتأثر باللي نشوفه .. مش مجرد تفاهه و احداث مالها معنى و كوميديا بلا طعم ولا لون .. لي انكريش هذي ثاني مرة يسويها فيني و ينزل دموعي و انا اتفرج , سواها بحكاية لعبة 3 و الحين كوكو .. هالأنسان مبدع و ذكي فعلا و دايما اخراجه فيه شي يضرب بالقلب .. باختصار كوكو فيلم درامي موسيقي مؤثر قصته عميقه و مليان بمتعه بصرية مالها حدود .. برافو بيكسار
اذا في سلبيات بالفيلم بتكون بعض المشاهد اللي بنص الفيلم حسيت فيها بملل وهم يدورون على سانتا كروز غير هالشي الفيلم توب باقي الحين اشوف فيلم بوك اوف لايف و اشوف هل فعلا في استنساخ او لا .. بالنهاية الفيلم عجبني ولمس شي فيني مو ضروري الكل يشوف الفيلم حلو او يحس باللي حسيته كل شخص له نظرته و رأيه بالأخر
بخصوص شورت فروزن استغربت الهجوم عليه و مطالبات بحذفه من العرض الفيلم سو كيوت و لطيف و مناسب لأجواء الكريسمس وماحسيت بمدته اصلا .. اولاف من الشخصيات اللي اشوف تنفع يستثمرونها بهالنوع من الشورتز و السبيشلز بدال ماطم و هالخرابيط لول هذي شخصية تستاهل و فعلا تنحب و دمها خفيف بس اكيد لا يمصخونها و يسووله فيلم
اما الاغاني اللي غنتهم السا روووعة و كنت طول الوقت قاعد اتخيل صوت نسمة محجوب شلون بيكون فيهم بالعربي تحمست للنسخة العربية منه كثير
![[thinking]](graemlins/thinking.gif)
![[eyelove]](graemlins/eyelove.gif)
![[Razz]](tongue.gif)
![[heartpump]](graemlins/heartpump.gif)
![[super]](graemlins/super.gif)
![[Big Grin]](biggrin.gif)
![[applause]](graemlins/applause.gif)
![[Eek!]](eek.gif)
![[crying]](graemlins/crying.gif)
![[rofl]](graemlins/rofl.gif)
![[Frown]](frown.gif)
باقي الحين اشوف فيلم بوك اوف لايف و اشوف هل فعلا في استنساخ او لا .. بالنهاية الفيلم عجبني ولمس شي فيني مو ضروري الكل يشوف الفيلم حلو او يحس باللي حسيته كل شخص له نظرته و رأيه بالأخر![[Confused]](confused.gif)
الفيلم سو كيوت و لطيف و مناسب لأجواء الكريسمس وماحسيت بمدته اصلا .. اولاف من الشخصيات اللي اشوف تنفع يستثمرونها بهالنوع من الشورتز و السبيشلز بدال ماطم و هالخرابيط لول هذي شخصية تستاهل و فعلا تنحب و دمها خفيف بس اكيد لا يمصخونها و يسووله فيلم ![[Roll Eyes]](rolleyes.gif)
![[nut]](graemlins/nut.gif)
تحمست للنسخة العربية منه كثير 