This is topic اول مشاركة واول هدية شرح بالصور لطريقة عمل الفورمات + طريقة تحميل الوندوز in forum ســـاحـــــة الكمبيوتر والانترنت at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=4;t=003103

---

مرسلة من abu_hany (رقم العضويه 7255) on :
 
[ALIGN=CENTER] شرح بالصور لطريقة عمل الفورمات

المطلوب اولاً : قرص بدء التشغيل . + القرص الخاص في الوندوز

98 او ملينيوم او 2000 او وندوز xp + القرص الخاص بتعاريف الجهاز

ودا شرح لطريقة تجهيز الفلوبي الخاص ببدء التشغيل من الوندوز "الأكس بي "

تروح للقرص المرن او الفلوبي درايف وتعمل كلك يمين زي ما هوا في الصورة



بعد كدا تختار الأمر الخاص بإنشاء قرص بدء تشغيل



وبالنسبة للوندوز الملينيوم او الـ 98

Control Pael & Add-Remove Programs & Startup Disk & Create Disk

او لوحة التحكم وبعد كدا إضافة وإزالة برامج وبعد كدا قرص بدء التشغيل واخيرا إنشاء القرص

قبل كل دا واهم شي تكون متأكد من جهازك يعني مافيه فيروس عشان راح ينتقل للجهاز بعد التجزئة طبعا راح يكون الفلوبي ملغم .
بعد ما صار عندنا قرص بدء تشغيل نعمل إعادة تشغيل حق الجهاز

وراح يعمل تشك حق الجهاز ويقراء جميع البيانات لمن ينتهي راح تجيك شاشة نختار منها الخيار الأول

الأقلاع من السيدي روم زي ما هوا في الصورة



بعد كدا نكتب الأمر format c: للفورمات العادي

او format c:\ q للفورمات السريع

او format c:\ u للإعادة الهاردس لبرمجة المصنع .

وراح تجينا شاشة انه راح تروح كل الملعومات نعطيه yes زي ما هوا في الصورة



وبكدا نكون عملنا فورمات حق الجهاز . ودي هيا كل الهرجه .

بعد ما تمت عملية الفورمات بنجاح ننتقل للسيدي روم عشان نبداء عملية الستب او التحميل الخاصة في الوندوز ولنفرض انه وندوز 98

ولنفرض بأن محرك السيدي روم هو القرص G

ونكتب الأمر التالي : G :\win98loc\setup.exe

ولو حبيت يكون الوندوز بالغة الإنجليزية تعطيه الأمر G :\win98ena\setup.exe

بعد كدا تضغط انتر راح تجيك الشاشة الخاصة بالكشف عن الأخطاء اضغط على زر الهروب Esc



دحين راح نبداء في عملية الستب راح تجيك الشاشة الخاصة بطلب السيريل نمبر الخاص في الوندوز زي ما هوا في الصورة طبعا تكون مجهز السيريل نمبر في ورقة خارجية



دحين المفروض انه تجيك الشاشة الخاصة بعمل قرص بدء تشغيل

طبعا انت عندك واحد جاهز عشان كدا اضغط كنسل او الغاء .زي ما هوا في الصورة



دحين المفروض تجيك الشاشة الخاصة بإعدادات الوندوز انت تختار التيبكل او الكستمر والأفضل التيبكل زي ما هوا في الصورة



بعد ما تختار نوع الإعدادات راح تجيك شاشة يطلب منك كتابة اسمك طبعا اكتب اي اسم. واعطيه نكست . التالي

وراح يبدا في عملية التحميل للوندوز . انت تابعه عشان راح يطلب إعادة تشغيل الجهاز . ودي هيا كل الهرجه .

لمن ينتهي من التحميل يبقي شي واحد وهوا عملية تعريف بعض الأجهزة مثل كرت الشاشة والفاكس موديوم .

ودي بسيطة جدا طبعا عن طريق الدسك الخاص بالتعاريف الخاص بجهازك . ودي هيا كل الهرجه .

والسلام ختام محب الجميع اخوكم ابوهاني .

[/ALIGN]
 

---

مرسلة من abu_hany (رقم العضويه 7255) on :
 
ودي هيا كمان طريقة تحميل الوندوز الأكس بي

نبداء عملية الستب او التحميل الخاصة في الوندوز Xp

ولنفرض بأن محرك السيدي روم هو القرص G

ونكتب الأمر التالي : G :\winxploc\setup.exe

ونبدا عملية التحميل



راح تجيك شاشة طبعا تضغظ انتر لبدء التحميل وحر R لتصحيح الأخطاء في الوندوز طبعا لوكنت حملته من قبل . و F3 للخروج



دحين نختار موافق اي F8



طبعا نختار موافق يعني نظغط على F8

والشاشة اللي بعد كدا راح يعطيك الخيارات الخاصة في ملفات النظام والبرتشن او التجزئة الخاصة في القرص الصلب لديك كما هوا في الصورة



الشاشة الجاية تعطيك خيارات الفورمات والتجزئة اللي تحب تستخدمه

بالنسبة لينا نختار الخيار الأخير او الرابع عشان احنا عملنا فورمات

ونقدر كمان نختار الخيار التاني وكلهم نفس الهرجه .

وبالنسبة للأخوان اللي يستخدمو الشبكات انصحهم بالخيار الأول او 3

طبعا بعد الأختيار راح يسالك هل ترغب في عمل فورمات انته قله لا ولو حبيت تعمل فورمات اضغط حرف الـ F

ولو حبيت تعمل برتشن اضغط هروب او ESC



لو عملت فورمات او برتشن اتومتك هوا راح يبدا ويعطيك الشاشة الجاية



لمن تنتهي عملية الفورمات او البرتشن راح يبدا بنسخ مجلد خاص بقاعدة البيانات الخاصة في الوندوز زي ما هوا في الصورة



طبعا لمن يخلص اوتمتك راح يعمل رستارت للجهاز او إعادة تشغيل حق الجهاز زي ماهوا في الصورة


 

---

مرسلة من abu_hany (رقم العضويه 7255) on :
 
وراح تجيك واجهة الوندوز الأكس بي او ما يشتغل الجهاز ويبدا في عملية التنصيب



نبدا عملية التنصيب زي ماهوا في الصورة





والمفروض لمن ينتهي راح يبدا في الأعدادات الأساسية زي اللغة

وكمان الأسم اللي تحب تسجل فيه الوندوز وانصحك ماتسجل اسمك

يعني عشان الهاك وكمان يطلب السيريل نمبر . زي ماهوا في الصور









وبعد كدا FINISH

ودي هيا كل الهرجه اتمنى يكون الشرح سهل ياعمري واي خدمة ابوهاني حاضر والسلام ختام محب الجميع ابوهاني
 

---

مرسلة من N O R T O N (رقم العضويه 4675) on :
 
شكـــــــــــرا
abu_hany
بس فين الصور




 

---

مرسلة من الوطواط (رقم العضويه 942) on :
 
يعطيك الف عافية بو هاني على المجهود الرائع
 

---

مرسلة من الفارس الملثم (رقم العضويه 243) on :
 
يا عيني عليك

تسلم لنا يابو هاني والموضوع فعلاً يستحق التثبيت , وقريبا إلى المميزه
 

---

مرسلة من abu_hany (رقم العضويه 7255) on :
 
هلا شباب والعفو ولاشكر على واجب وكمان خير الناس من افاد الناس .

وكمان بالنسبة حق الأخ نورتن ياعمي والله انا عندي الصور طالعين وكمان واحد من الشباب اعطيته اللنك على المسنجر وهوا مو مسجل بالمنتدى وبيقول الصور طالعين . وكمان السيرفر اللي انا منزل عليه الصور احلى سيرفر لتحميل الصور بجد سريع .

اني وي حبيبي ياليت اشوف رد الأخوان ولو كمان مو طالعين حاضر انزلكم هيا على سيرفر تاني واي خدمة حاضرين والسلام ختام محب الجميع اخوكم ابوهاني
 

---

مرسلة من همس (رقم العضويه 1614) on :
 
هلا
والله

ابوهاني

تسلم

الله يعطيك العافية
 

---

مرسلة من N O R T O N (رقم العضويه 4675) on :
 
عفوا بو هانى لقد رايت الصور وهى كامله فِشـــــــكرا
على هذا الموضوع الشيق

 

---

مرسلة من ROBINHOOD (رقم العضويه 3295) on :
 
ويسلموا أبو الهان
 

---

مرسلة من مجنونة اليسا (رقم العضويه 6987) on :
 
ثانكيو و يسلمو على هالمجهود الرائع
 

---

مرسلة من Bo raas (رقم العضويه 709) on :
 
بعطيك العافيه اخو...

ولا تحرمنا من مشكاركاتك الرائعه
 

---

UBB.classic™ 6.7.1