انا مسجلة بموقع ebay و عندي حساب paypal و مشتركة بـ aramex
المهم طلبت من موقع ebay و طلع لي ان تم الدفع و انخصم المبلغ
بس بعدين استوعبت ان انا يمكن مسجلة بياناتي غلط بموقع ebay
حاطة عنوان البيت و الارقام الفعلية للكويت بموقع ebay
مو المفروض احط البيانات اللي معطيني ياها aramex ?
لا و لقيت نفسي مسجلة عنوانين مو واحد ، مكرر
دزولي ايميل ان انا سويت ship على عنوانين و مادري شسوي
منو الشطور اللي بساعدني
و ثاني شغله شلون اعرف متى يوصل الطلب ترى مليت وانا احوس بالمواقع
help please
مرسلة من ابراهام بركوفيتش (رقم العضويه 14215) on :
حبوبه عاش من شافك ورمضان كريم، كل عام وانتي بخير.
ebay موقع auctions. بمعنى هو عباره عن سوق او مجمع. المجمع ما يبيعك السلعه، ناس يفتحو محلات بالمجمع هم يبيعونك.
بمعنى السلعه مهما كانت الي انت اشتريتيها، ما اشتريتيها من ebay، انتي اشتريتي من شخص يستخدم ebay عشان يبيعك. ممكن الشخص هذا يكون مثلي ومثلك شخص عادي، واحيان شركات صغيره او حتى شركات كبيره.
فلازم توصلي للبائع نفسه. لما تدخلي على صفحة اي سلعه، بالركن اليمين فوق اسم العضو الي مسجل ب ebay والي قاعد يبيعها. وتقدري حتى تقرأي تجارب ناس سبقوكي مع البائع هذا وتعتبر خطوه جدا مهمه قبل ما تشتري من موقع مثل ebay، لان مثل ما قلتلك الناس فيه مجهولين والشي الوحيد الي يشجعك تشتري سلعه المفروض يكون سمعة البائع في الموقع وتجارب الناس الي قبلك.
عموما هذا مو موضوعنا هنا. روحي للبائع الي اشتريتي منه، وراسليه عن طريق الموقع نفسه تقدري تسأليه عن طريقة الشحن الي استخدمها. اذا استخدم مثلا DHL في السلع الغاليه بحالة خلينا نقول اشتريتي جوال، اكيد عنه رقم متابعه للشحن. او اذا استخدم طريقه ثانيه هو يقدر يقلك عليها وعن المده الي بتوصل فيها الاغراض، لانهم يقولوله قبل ما يرسل كم تاخذ. لازم تعرفي بالغرض الي اشتريتيه باستخدام رقم السلعه نفسها الي المفروض موجود بايميل التأكيد او ما اشتريتي.
ومعاكي حق انتي بما انك مع ارامكس كان حطيتي عنوانك الي عطوكي هو ارامكس. بس احيان اغراض بسيطه ممكن توصل على عناوين عاديه. او اذا كان الغرض ارسله البائع عن طريق شركات مثل DHL او UPS او Fedex ففي الحاله هذي انتي مو بحاجه لارامكس اساسا لانهم افضل واضمن واسرع.
مثل ما قلتلك اتأكدي من البائع. واذا حبيتي نساعدك باي شي حاضرين.
مرسلة من [Basel] (رقم العضويه 83164) on :
it's ok to have multiple addresses, i do have many shipping and billing addresses
it's all about when checking out, they give you an option to choose which address did you want
the stuff being shipped to
--
!and YES, you should put the informations that Aramex gave you
--
:and about knowing when you should receive your package
upon checking out they give you a Tracking number for the company that's delivering your package
in your case i guess its Aramex, copy the Tracking number and go to Aramex' website and look for Tracking a shippment or something like that
and then paste the number and they'll give you full details and current too
مرسلة من حــبوبہ (رقم العضويه 10456) on :
ابراهام عاااشت اياااامك مشكووور و ما قصرت
انا اول مرة اطلب ما عندي خبرة وايد و استفدت من معلوماتك
انزين انا دشيت عند مراسلة البائع و في اسئلة مجاوب عليها :
Where is my item? ltd_goods received your payment on Aug 17, 2011 and your tracking number is ....... opens in a new window or tab. Your delivery estimate is Aug 26, 2011 - Sep 01, 2011
يعني بتوصل بين 26-8 الى 1-9 ؟ صح
....
سؤال أخير انا الحين خلاص دفعت سعر السلعه و الشحن ؟ يعني مافي شي بعد ادفعه ؟
مشكووورين و ما قصرررررتوووا
مرسلة من ابراهام بركوفيتش (رقم العضويه 14215) on :
حبوبه مكان الفراغ انتي مسحتي رقم ولا هو مو موجود؟
لان لو في رقم من خلاله تقدري تتابعي الشحنه. والتواريخ ايوه معناه يوصل في الفتره المحدده، وممكن حتى قبل.
وايوه سعر السلعه والشحن وخلاص. الا لو الجمارك في بلدك دفعوكي رسوم جمركيه، عادة بتكون شي رمزي جدا.
والعاده ان الشركه الي بتوصل السلعه تدفعها طبعا عشان يسمح للسلعه تدخل البلد. ولما تجي تستلمي السلعه من عندهم او هم يوصلوها لك يقولولك انهم دفعو رسوم جمركيه بالمبلغ الفلاني. واحيان لا ما يكون في شي. يعتمد عالبلد والسلعه نفسها.
بس حاب اتأكد من شغله
انتي بالصوره فوق في اشياء ماسحتها، اتوقع معلوماتك الشخصيه.. بس ليه الدوله امريكا والولايه فلوريدا؟ على كلامك انك حاطه عنوانك بالكويت؟
في ايميل تأكيد الطلب او تأكيد الشحن موجود العنوان الي هم شحنو السماعه عليه؟ وهل هو عنوانك بالكويت؟ وفي رقم تلفون حاطه ولا لا؟
مرسلة من حــبوبہ (رقم العضويه 10456) on :
انا مسحت الرقم لوول مادري خفت ان يكون شي بخصوص اكاونتي
و بالنسبة للصورة اللي فوق مو من عندي من النت طلعتها بس عشان اوضح قصدي وانا فعلا حاطة عنوان كويتي
بالنسبة للايميل دزولي ايميل من IG limited goods عنوانه : LimitedGoods Shipping Confirmation
فيه رقم الطلب و مكتوب فيه :
Shipment Details Shipment date: Wed Aug 17th, 2011
If your order requires multiple shipments, we will send you an email as soon as each of the items ship
بس ما فهمت المقصود اممم غير اني حاطة عنوانين
و في مكان كاتبين Link ضغطت عليها طلعت لي صفحة مكتوب : track and confirm
في شغلات مكتوبة مو فاهمتها
مرسلة من ابراهام بركوفيتش (رقم العضويه 14215) on :
حبوبه لا الرقم الي مسحتبيه ماله دخل بحسابك بس له دخل بتعقب الشحن.
الرقم تستخدميه عشان تتابعي الشحنه واغلب الشركات تحدث المكان اول باول. يعني تكون وصلت البلد الفلاني، بعد البلد الفلاني، بعدين الكويت لكن ما عدت الجمارك، واخيرا يكون مكتوب انها وصلت قبل ما يبدأ يوم العمل ويرسلولك رساله عالجوال.
عشان كذا كنت اسألك اذا انتي حاطه رقم تلفون لانه مهم.
الصفحه الي تضغطي عليها وتفتح track and confirm المفروض تكون صفحه تقدري منها تتعقبي الشحنه.
مرسلة من حــبوبہ (رقم العضويه 10456) on :
بصبر و بشوووووف شصير عالطلب مشكووووووووور ابراااهااااااام يعطيك الللف عافية لانك تابعت موضوعي مرسلة من ابراهام بركوفيتش (رقم العضويه 14215) on :
العفو حبوبه انشالله توصلك بالسلامه وعقبال ما تخلصي الموقع وتطلبي كل الي فيه مرسلة من حــبوبہ (رقم العضويه 10456) on :
هههههههههه لالا اذا بطلب مره ثانيه ان شاء الله بدقق اكثر مرسلة من حــبوبہ (رقم العضويه 10456) on :
كلولولولولولوووووووووووووش
وصلت السمااااعه ما شاء الله ما طولت 8 ايام بس
مشكوووووووووووووووور ابراهام استفدت منك وااايد يعطيك الف عافية
==> تدور تطلب شي ثاني ههههههههههه
بس بقعد اقرا عن طرق الشحن لان الظاهر في طرق وايد على حسب السلعه ابي اتعلم
ثااااانكس
مرسلة من الثقافه لقافه (رقم العضويه 87810) on :
مبروووك بس ان شاء الله السماعه طلعت تسوى ؟؟
اما هذا القلب الي في توقيعك يذكرني بقلب
شخبارك وشخبار رمضان معكم
مرسلة من ابراهام بركوفيتش (رقم العضويه 14215) on :
رد مقتبس:المرسل الأصلي هو حــبوبہ: كلولولولولولوووووووووووووش
وصلت السمااااعه ما شاء الله ما طولت 8 ايام بس
مشكوووووووووووووووور ابراهام استفدت منك وااايد يعطيك الف عافية
==> تدور تطلب شي ثاني ههههههههههه
بس بقعد اقرا عن طرق الشحن لان الظاهر في طرق وايد على حسب السلعه ابي اتعلم
ثااااانكس
مبرووووووووووووووووووك حبوووووبه
الله يعافيكي ويسلمك.. وبالعافيه السماعه.
والموضوع فعلا اسهل مما تتوقعي. بس بما انك بتطلبي من دوله ثانيه، حاولي ما تطلبي الا من بائعين تقييمهم عالي او يكونو power sellers.
وبالنسبه للشحن ايوه في طرق كثيره. عشان كذا الناس تشترك في شركات مثل ارامكس.. في شركه اسمها myus، وشركات كثير ثانيه.
يعطونك العنوان بامريكا وخلاص انتي ترسلي الاغراض عليه، وهم يصلوها لك.
تستاهلي كل خير حبوبه ولا تقطعي المنتدى كل الوقت هذا مرسلة من حــبوبہ (رقم العضويه 10456) on :
الثقافه لقافه الله يبارك فيك لحد الحين ما استعملت السماعه خخخ لانها مو لي حق اخوي يبيها حق playstation 3 حمدلله والله رمضان مر بسرعه خفيف ربي يعوده علينا ان شاء الله
ابراهام : ههههههههههه و الله شعور حلوو لمة وصلت حسيت نفسي فايزة بهديه ههههههه الله يبارك فيك و يخليك ما قصرت معاي والله
انزين دامك طريت الشحن عندي سؤال لمة يكتبون الشحن للكويت .. معناته يوصلون لي الطلب على بريد الكويت نفس الحركة اللي سويتها بالسماعه صح ؟
و لمة يكتبون التوصيل لأمريكا راح يوصل عن طريق ارامكس ؟
مرسلة من ابراهام بركوفيتش (رقم العضويه 14215) on :
^ ^
اجل كانك فايزه بشي
انتي لما تدخلي على صفحة اي سلعه عاليمين في معلومات عنه. بعدين مكتوب
Shipping
وجنبها يا يكون مكتوب Worldwide او Only US
اذا الاولى فانتي تقدري ترسليها على عنوان بالكويت. اذا الثانيه فما عندك حل الي ترسليها على عنوانك تبع ارامكس في امريكا وهم يوصلوها.
وفي حالة الشحن الدولي مو عن طريق ارامكس، فهذا يعتمد عالبائع والسلعه. احيان الكترونيات غاليه مثلا البائع يقول انا ما ارسلها الا عن طريق DHL او Fedex او UPS او الشركات المعروفه حتى يريح باله لانه شبه مضمونه وعليها تأمين. بالنهايه طبعا الدفع عليكي. وحتى لو كانت السلعه بالامكان ارسالها لاي مكان بالعالم تقدري دائما تستخدمي عنوانك بامريكا تبع ارامكس وهم يوصلوها.
مرسلة من حــبوبہ (رقم العضويه 10456) on :
![[girlie]](graemlins/girlie.gif)
![[Razz]](tongue.gif)
![[help]](graemlins/help.gif)
![[iwantattention]](graemlins/iwantattention.gif)
![[cleverman]](graemlins/cleverman.gif)
![[crying]](graemlins/crying.gif)
![[rose]](graemlins/40.gif)
![[Big Grin]](biggrin.gif)
![[Wink]](wink.gif)
![[happy.]](graemlins/happy.gif)
![[bgrlaugh]](graemlins/bgrlaugh.gif)
![[Smile]](smile.gif)
![[rofl]](graemlins/rofl.gif)
![[dance]](graemlins/dance.gif)
