مثل ما هو معروف بخدمة الملتيميديا مسج ( رسائل الوسائط ) انها تتسع لكتابة أكثر من 1000 حرف اضافة الى ارفاق الصورة الملونة معاها وهذا الي يخلي بعض المسجات تحتوي على اكثر من نكته فيها مثل المسج الثاني بهالموضوع
هذي اخر الملتيمديا مسجز من موبايلي وانشالله يعجببونكم
كان ودي احط معاهم الصور المرفقة بس للاسف الوصلة معطيها رفيجي ما اقدر انزل الصور عالجهاز
بدوي جنن مدرس الجغرافيا يقوله : خط الاستواء قار والا حصى
بدوي حلق لحيته وشاربه ودخل على ربعه الميلس قالهم : تصدقون ما عرفتكم
مصرية سبت بدوية قالت لها غوري :قالت انا غوري يا دلة القهوة
مصرية قالت حق بدوية انا عندي بكالريوس ردت عليها البدوية وانا عندي بقر وحوش
اخر مميزات لند كروزر 2004 .. اذا غرزت تضغط دقمة ينزل لك بدوي يحفر
بدوي كريم ربت حرمته ويابت توم وحلف على الدكتور الا ياخذ واحد
بدوي فتح دكان يديد وربط حمار عند الباب ليش ؟ يعني تسوق واربح حمار
بدوي راح البحر وصور عمره لابس مايوه وطرشها حق اهله فطرشوله ثياب
:: 3 ::
الصورة : مرة عيوز ولابسة نقاب والا برقع ما ادري شيسمونه
النص : سيدة اماراتية تبلغ من العمر 72 سنة ارملة صاحبة املاك وعقارات لديها 5 ابناء متزوجين ! تسكن فيلا 3 ادوار 8 غرف ،، مطلوب عريس عمره 32 سنة يسكن في الفيلا معها وله راتب شهري لا يقل عن 10000 درهم وهدية الزواج : خاتم الماس مع ساعة كارتير واخرى رولكس وحساب في البنك مليون دولار ، المطلوب من العريس ان تكون صحته ممتازة كلامه عسل
وانشالله راح احط اكثر بس ترد الوصلة بعد ما ارجع من السفر
مرسلة من أجمل إحساس (رقم العضويه 9558) on :
شكراا اخوي واقعي على مسجات الوسائط..
بس هالخدمه مو موجوده الا بالامارات فقط...
والبرقع نسميه برقع والنقاب نسميه نقاب
أختك: أجمل إحساس
مرسلة من واقـعـي (رقم العضويه 997) on :
والله توني ادري انها بس عندنا
انا اعرف انه البرقع برقع والنقاب نقاب لكن مو عارف اي واحد بالصورة