This is topic ابي اشتري تلفون وياليت تنصحوني فدييييييييييييتكم !! in forum ســــاحـــــة الكمبيوتر وتقنية الإتصالات at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=5;t=002732

---

مرسلة من MA'3RooR (رقم العضويه 15379) on :
 
مســـاكم الله بالخيــــر .. اخوووكم مغــــرور بحاجتكم

بغيـــت استشيـــركم واشتري جهاااز يديد .. ويفضل نوكيااا

لكن انصحــوني شباب وايد وقالوا لي اخذ نوكيا اليديد اللي فيه دائرة من تحت .. اسمه 6630 !!

والله ما ادري جم رقمــه بس ياتليت تعطوني نصيحتكم .. وتعطوني احسن الاجهزة ومميزاتهااا
وشكرااا لكم
وهذي اغنية نزلتهااا حقكم
http://forum.salmiya.net/uploads/00015379/0001.ram
 

---

مرسلة من MA'3RooR (رقم العضويه 15379) on :
 


 

---

مرسلة من MA'3RooR (رقم العضويه 15379) on :
 
شسالفة .؟؟؟ موضوع نازل وصارلة اكثر من 3ايام وماكو رد
 

---

مرسلة من الفارس الملثم (رقم العضويه 243) on :
 
هلا أخوي مغرور

إختيارك للجوال يحكمه شيئين , (( الفلوس + مدى حاجتك وإستخداماتك للجوال ))

عموماً راح أعرض لك أفضل خمس جوالات من الناحية التقنية , اللي موجوده في السوق

شركة نوكيا طرحت في السوق ثلاث جوالات , تعتبر من أكثر الجوالات تقنية في العالم لاكن مو الأفضل , وأطلقت عليهم مسمى مجموعة (( N )) إختصار لكلمة nseries
هذي صورة لكل جوال , مع بعض المميزات

جوال N70
جوال قوي يعتبر النسخة المطورة من نوكيا 6680 , لأكنه يفرق عنه بزياده زوم ×20 , وتم إضافة راديو FM , بالإضافة إلى أنه أقل منه وزن
صور للجوال


=================

جوال N90
جوال رهيب , يتميز بكميرا ديجتال قوية متحركه بقوة زوم 20x من شركة (( Zeiss )) المعروفة بقوة كميراتها , وشاشتين ملونه أمامية وخلفية
صور للجوال



================

نوكيا N91
هذا الجوال صمم علشان يكون مسجل متطور , لتشغيل مقاطع الصوت , ومدعوم بذاكرة داخلية بقوة 10 قيقا , طبعاً مافيه جوال في العالم ذكرتة بحجم ذاكرة هذا الجوال و وبما أن ذاكرة الداخلية ضخمة فقد تم إلغاء الذاكرة الخارجية , لاكن كميرته اقل قوة من اجوالات السابقة , يعني كميرته مو ذاك الزود
صور للجوال





هذي تقريباً أقوى جوالات نوكيا (( تقنياً )) تم عرضها حتى الآن

وإذا بغيت معلومات أكثر أضغط هذا الرابط
http://www.nokia.com/nseries/

وعموماً نوكيا متميزه بجودة منتجاتها ورخص قطع غيرها , وتوفرها بالسوق بشكل كبير

===============

فيه أجهزة قويه (( تقنياً )) تحمل اسم الـ Pockt PC

وهي جوالات مدعومه بنظام ويندوز , ومتطوره جداً لاكن فيها عيوب كثيره , تخلي منها جوال مو مرغوب فيه
أول عيوبها قلة قطع يغيارها , وغلاء سعر قطع الغيار
ثاني شئ أنها تمسح كل بياناتك وتسوي فورمات من نفسها في حال إذا طفى الجول لأكثر من 15 دقيقة بسبب البطارية
ثالثاً أغلب هالنوعيات كبير حجمها
رابعا علشان تتصفحها لازم تستخدم يديك الثنتين , وهذي تسبب مشكلة إذا كنت تسوق السيارة
وأنا في رأيي أفضل نوعية هي I-mate JAM لأن حجمها صغير مقارنه بغيرها من أجهزة البوكت بي سي
صورة للجوال



==============

فيه شركة اسمها (( Sony Ericsson )) جوالاتها مواصفاتها التقنية قويه , لاكن في رئيي نوكيا أفضل منها

وأنصحك بـ n70 إذا كنت تبي جوال يعمر معك فترة طويلة (( سنتين أو أكثر ))

وعموماً يا مغرور أنا حطيت لك أقوى الجوالات في السوق من الناحية التقنية لاكن اسعارها غالية , و إذا أهم شئ عندك الشكل ومو مشكلة التقنية , فالأشكال كثيره , ولا أقدر أفيدك لأن الأذواق تختلف

أتمنا أني أفدك بهذا الرد
 

---

مرسلة من MA'3RooR (رقم العضويه 15379) on :
 
الفارس الملثم .. اشكــرك على هذي المعلومات .. لكن انا سألت عن جهاز اسمه 6630 .. ياليت تعطيني معلوماتت عنه

وعســـاك سالم ..
 

---

مرسلة من الفارس الملثم (رقم العضويه 243) on :
 
هلا مغرور

جوال 6630 تقنيته حلوه ويدعم خدمة الجيل الثالث ورخيص (( سعره حوالي 1100 ريال )), لاكن ما أنصحك به لأنه نزلت جوالات أفضل منه , إلا إذا كانت حدودك الماديه محدوده , وتقدر تشوف كل مواصفاتها في هذا الرابط
http://www.nokiamena.com/arabic/phones/models/6630/index.htm

جوال نوكيا 6680 يمتلك كل مواصفات 6630 ويزيد عنه بكميرا أمامية ولمبة فلاش للتصوير الليلي وخيارات تصوير إضافية , وكميرا خلفيه مخفيه تشتغل أوتوماتيك بمجرد فتحه , وخمس إختصارت إضافيه في الواجهه غير الإختصارين المعروفين , ,اطرافه نيكل مو مثل 6630 بلاستيك
صور للجوال



وانا أنصحك إذا كان ما عندك مشكلة من الناحية المادية , وأهم شئ عندك يكون جوال كشخه ورزه ومواصفاته التقنية حلوه , تشتري أحد جوالات مجموعة (( Nseries )) االي ذكرتها لك في الرد السابق
 

---

مرسلة من MA'3RooR (رقم العضويه 15379) on :
 
والله حدودي المادة ما يقارب 110 دينار كويتي

وما عندي قدرة اكثر من هالمبلغ ..

وسألت عن افضل جهاز وقالوا لي 6630 من كل النواحي .. ويناسبني

وما ادري شنو افضل جهازي بهالحدود المادية
 

---

مرسلة من Queen (رقم العضويه 11999) on :
 
يه يه تبي تشتري جهاز يديد
انزين اشترلي وبعدين اشترلك
مغرور نصيحتي لك معنه ادري انك ماراح تاخدها
اشتر الدمعه(القديم) سبع تالاف مادري جم.. الصراحه
بودمعه اليديد موشي يعلق وايد
واللي تبي تشتريه انت عند اخوووي موشي كله يعلق..حتن ابوي شره مثله يقول وايد يعلق
بعدين ليش تشتري يمكن احد اييب لك جهاز؟؟
نصيحتي لك اشتري بودمعه القديم ولللون الاسوود اللي فيه جم خط احمر

انا قلت لك وانت كيفك حرام تشتري شي غالي واخر شي يطلع مو زين ويخترب
لو بدالك اشتري بودمعه القديم تحياتي لك
 

---

مرسلة من Queen (رقم العضويه 11999) on :
 
مغرور في جهاز يديد اخوي يقول ب 300 دينار
هذا المينون اللي يشتريه اصلا
يشتريه وبعدين يطيح منه وينكسر


[ سبتمبر 30, 2005, 08:26 PM: تم تحرير المشاركه من قبل: Queen ]
 

---

مرسلة من MA'3RooR (رقم العضويه 15379) on :
 
^


^


^


^

خلاص ما ابي اشتري ..
 

---

مرسلة من الفارس الملثم (رقم العضويه 243) on :
 
هلا مغرور

بهذا المبلغ أنصحك بجوال نوكيا 6681 , هو نفس مواصفات 6680 , بس بدون كاميرا أمامية
صور للجوال



 

---

مرسلة من النسر الأبيض (رقم العضويه 16511) on :
 
هلا مغرور

مثل تفضل اخوي الفارس انصحك
ب 6681 او 6630

6681 سعره الان بحدود 130 دينار
6630 سعره 101 او 102 دينار

وانا عندي 6630 وماعليه كلام جهاز
ممتاز وجميل لكن لما تشتريه قول حق المحل
ينزلك اخر فيرجن له علشان تاخذه بدون مشاكل


تحياتي
 

---

مرسلة من MA'3RooR (رقم العضويه 15379) on :
 
اشكركم كلكـــم وانشاء الله خير
 

---

UBB.classic™ 6.7.1