This is topic SONY XPERIA Z1 البددعة + إكسسوارات مُبتكره قوية ! in forum ســــاحـــــة الكمبيوتر وتقنية الإتصالات at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=5;t=003392

---

مرسلة من اقوى,, (رقم العضويه 12040) on :
 


هلوو شباب ، بنات ،

أول شي الكلام من منظوري الشخصي .. يحتمل الصحة ويحتمل الخطأ

شركة sony بعد ما اشترت حصة ericsson ، كنت متوقع بتسوي شي ، بس من العام الماضي وهي تمشي ببطء شديد !

شدتني بمجال التابلت ، لكن ك جوالات ماكانت بالمستوى المطلوب للمنافسة ..

هالسنة كانت بدايتها جيدة جداً ولكن ليست ممتازة !

جربت جهاز القمة لهم هالسنة Xperia z وكان جيد جداً لكن يعيبه الشاشة كانت باهته كعادة أجهزتهم السابقة ..

المهم أجهزة النصف الثاني بدت مع xperia z ultra الي مايناسبني أبدا ك"حجم" ، بس صدمني بشاشته ، استخدموا تكنلوجيا جديدة بالشاشة خورافية وأقدر أقول انها أفضل شاشة شافتها عيني المعالج أحدث معالجات سنابراقون SN 800 (كوادكور بتردد2.3g ، لأول مره سوني تستخدم معالج حديث وتكون أول شركة تستخدمه .. وأخيراً ياسوني ،


الشركة متوعده العالم

اليوم بيكون إعلانهم عن اجهزة جديدة ، وإكسسوارات "خورافية" حرفياً "خوراااافية"!


الإعلان اليوم بيكون عن جهاز Xperia z1

المواصفات المُسربة والأكيدة :

الشاشة 5" FHD بتقنيتهم الجديدة المستخدمه بالالترا، اسمها رايح عن بالي لول

المعالج SN 800
الرام 2 g

الكاميرا 20.7mp !!!!!!!!!!!!!!!!!

طبعاً ضد الموية والغبار ...

الجهاز مشابة بنسة 98% للإكسبيريا زد ، بس بأطراف معدن

الصورة




الجهاز الثاني xperia z mini
مدري هل صحيح أو اشاعة لأنه ماعليه كلام مثل الزد ون ! بس الكلام اللي طلع انه بنفس المواصفات لكن بشاشة 4.3 <<< أتمنى يكون صحيح


نجي للشغل الخورافي ... الإكسسوارات !

عدسة كام تتصل بالجهاز بالNFC !

صراحة مقدر اتكلم عنها لأني مابعطيها حقها ! شوفوا الفيديو


https://www.youtube.com/watch?v=0TWh3EvSZ_0&feature=youtube_gdata_player


اليوم الاعلان عن الأجهزة والإكسسوارات رسمياً ، بالانتظار ، وان شاء أحدث الموضوع بعد الإعلان ..


(سوري مافيه تنسيق ولا ترتيب للكلام قاعد اكتب الموضوع وأنا بالمكتب وبنصه جاني شغل لخبطني )




[ سبتمبر 04, 2013, 06:15 PM: تم تحرير المشاركه من قبل: اقوى,, ]
 

---

مرسلة من R Y A N (رقم العضويه 90308) on :
 
اكره شي عندي لما تكون شاري جهاز على أساس هو تلفون السنه عقب 6 شهور الشركة الي باعت عليك هالتلفون تنزل تلفون ثاني أقوى وأحدث !

احين لو انا شاري اكسبيريا z بتنبط جبدي

يلا ننطر نشوف شبيسون, شورانا

ثانكس مسعود
 

---

مرسلة من اقوى,, (رقم العضويه 12040) on :
 
ريان سوني سياستهم غير ،

بالسنة عندهم 2 فلاقشيب ، جهاز للنص الأول وجهاز للنص الثاني ..

بالعادة النص الثاني يكون تطوير خفيف للأول لتنشيط المبيعات ، بس هالسنة غير والتطوير عبارة عن انقلاب فوق تحت ،

الشكل صحيح مو ذاك الفرق ، بس المواصفات شوية عليها جبارة !


وأخيرا سوني صارت تسبق الكل بالمواصفات !

+ ماقلتلي رايك بالاكسسوارات ، على فكره تركب لجميع أجهزة الأندرويد عن طريق nfc ، والأيفون عن طريق الواي فاي حسب ماقريت لأنه مافيه nfc ..

لأول مره إكسسوار يكون بهالقوة ! عدسة احترافية بهالشكل !
 

---

مرسلة من اقوى,, (رقم العضويه 12040) on :
 
الإعلان الأول للجهاز

- https://www.youtube.com/watch?v=MPDalU7aHls&feature=youtube_gdata_player


والله وقرب الإستغناء عن الآيفون

I really miss Android
 

---

مرسلة من [ oSama ] (رقم العضويه 51697) on :
 
شكله خرافي!

كنت خلاص ناوي أجيب الـ Samsung S4 .. لكن أنا بصراحة من مجانين الكاميرا فـ حسيت هذا مغري أكثر!

العيب الوحيد في Xperia z هو شاشته .. فـ لو فعلاً اتفادوا هالشي بـ هالجهاز يعني رح يكون لقطة!

مسعود عندك أي فكرة عن السعر المتوقع؟
 

---

مرسلة من Zyood123 (رقم العضويه 90699) on :
 
عندي الالترا,شي خرافي الصراحة
ساعات قلائل ونشوف شو عند سوني
العدسة شي خرااااااااااااااافي
 

---

مرسلة من اقوى,, (رقم العضويه 12040) on :
 
أوسامه سعره أول ماينزل أتوقع 2500-2700 ريال

ونصيحتي انتظر بلا سام بلا هم ،

سوني يعني الفخامه والجودة ،

برأيي السوني كتصميم وخامات الأفضل وبعدها اتش تي سي ،

بالنسبة لي كان اللي يقهرني بسوني ان مواصفاتهم دائماً متأخره بالنسبة للمعالج والشاشات ، لكن اللي قاعد اشوفه الحين العكس


لو شاشته بتكون مثل الزد ألترا ،بتكون شي خورافي
 

---

مرسلة من Zyood123 (رقم العضويه 90699) on :
 
التقنية اللي في الالترا اسمها trilomunos display و هالتقنية نفس التقنية اللي تستخدم في شاشات سوني ال4K
عشان جذي شاشة الالترا طالعة روعة عكس الزد العادي اللي مستخدمين تقنية البرافيا انجن 2
ف متحمس للزد 1
باقي 20 دقيقة عالمؤتمر

رابط البث المباشر للمؤتمر:

http://community.sony.co.uk/t5/IFA/ct-p/ifa_en

[ سبتمبر 04, 2013, 04:39 PM: تم تحرير المشاركه من قبل: Zyood123 ]
 

---

مرسلة من اقوى,, (رقم العضويه 12040) on :
 
مشكووور زيود عالمعلومات والرابط

الحين تحلى الشيشة مع المؤتمر
 

---

مرسلة من iDoc (رقم العضويه 74592) on :
 
الجهاز شكله إبن كلب !!
 

---

مرسلة من iDoc (رقم العضويه 74592) on :
 
بس أشوف تركيزهم بس ع الكميرا !
والشي الثاني مافي مؤتمرات زي apple كلها حماس و نشاط و تصفيق إلخ

[ سبتمبر 04, 2013, 05:56 PM: تم تحرير المشاركه من قبل: iDoc ]
 

---

مرسلة من iDoc (رقم العضويه 74592) on :
 


[ سبتمبر 04, 2013, 07:18 PM: تم تحرير المشاركه من قبل: iDoc ]
 

---

مرسلة من iDoc (رقم العضويه 74592) on :
 



• كشفتَ Sony اليومَ عن أقوى هاتف لديهاً وأقوى هاتف أندرويديَ│ Xperia Z1 │ ~

Xperia Z1 │الهاتف الذي يتحدث عنه الجميع ♥ Sony ~

~ الهاتف المدلل من Sony ، الذي سيحصل على إكسسوارات خيالية ومبتكرة ~

سأدع الصور والمواصفات تكمل وصفيَ لهذا العآشق الكبير ♥ ◄


~ × [ الـمَـوُاصـفـآت Xperia Z1 ] × ~


• شاشة 5 إنش بدقة FHD ونوٌع Triluminous + بمحرك X-Reality للشاشة •

• معالج SD 800 بتردد 2.25Ghz + كاميرة 20.6MP وحجم السنسور 1/2.3 •

• مستشعر Exmor RS BSI وعدسة Sony G lens •

• ليد فلاش عادي + رامات 2GB بنوعية LPDDR3 + ذاكرة داخلية 16GB •

• مع منفذ للذاكرة الخارجية + منفذ MHL + بطارية 3000mAh •

• سمك 8.5mm + رامآت 2GB + مقآوم للمياه والأتربة + NFC •


• سيتوفر Xperia Z1 بـ 3 ألون ( الأسود ’، الأبيض ’، البنفسجي ) •


~ × [ الـمَـوُاصـفـآت Xperia Z1 mini ] × ~
































































 

---

مرسلة من iDoc (رقم العضويه 74592) on :
 




• أعلنت SONY عن إكسسوار جديد وهي عدسات إحترآفية متنقلة •

• QX10 and QX100؛ والمواصفات ◄



• العدستين مزودة بتطبيق Playmemories

الذي يتيح الاتصال عن طريق الـ WiFi والـ NFC ~

يمكن للمستخدم التعديل على الصور قبل حفظها بالإضافة إلى إمكانية مشاركتها بسرعة

على الشبكات الاجتماعية ؛ بالإضافة إلى إمكانية التقاط الصور حتى دون

تركيب الكاميرا على الهاتف ،، شاهد الإعلان الدعائي لتعرف التفاصيل "












 

---

مرسلة من اقوى,, (رقم العضويه 12040) on :
 
خطير !

روعة !

حبيييييته ،

تصميم الزد والشاشة والمعالج ونوع الرام والكام والبطارية كلها خورافية


رسمياً بيكون جهازي بإذن الله ...


شكرا دوك عالنقل
 

---

مرسلة من iDoc (رقم العضويه 74592) on :
 
انت اي شي يطلع تأخذه مايصييييير
ماشاء الله طبعن
لول
 

---

مرسلة من Zyood123 (رقم العضويه 90699) on :
 
انا و مسعود توائم من هالناحية
متى ينزل بس
 

---

مرسلة من M a R o m a ™ (رقم العضويه 88429) on :
 
واو حبيت
 

---

مرسلة من اقوى,, (رقم العضويه 12040) on :
 
دوك هالمره آخر مره

باخذه ان شاء الله واتوب سنه قدام طفرت ياخي

بينزل بأوروبا في 16 سبتمبر
 

---

مرسلة من iDoc (رقم العضويه 74592) on :
 




























ر
 

---

مرسلة من iDoc (رقم العضويه 74592) on :
 
كل يوم بقتنع إللي مصبرني ع apple هي Apps و النظام
حراااااااااااام والله العالم التانية تسبقهم بكل شي حرام
 

---

مرسلة من M a R o m a ™ (رقم العضويه 88429) on :
 
يالله شكلو وهو في المويه مره سيكسي :$

يعني خلاص ايطل اشتري اتش تي سي ون !
 

---

مرسلة من اقوى,, (رقم العضويه 12040) on :
 

 

---

مرسلة من اقوى,, (رقم العضويه 12040) on :
 
مرمر زماني

بدون تردد



 

---

مرسلة من [ oSama ] (رقم العضويه 51697) on :
 
شكله جد روعة! خلاص ع الأغلب رح أجيبه إن شاء الله..
إذا يوم 16 بينزل بأوروبا.. متى بينزل في الخليج؟
 

---

مرسلة من Zyood123 (رقم العضويه 90699) on :
 
شخباركم بعد النوت 3
واااااااي سامسونج ابدعت
 

---

مرسلة من {{ {MindFactor} }} (رقم العضويه 91142) on :
 
سوني الأفضل بين نظيراتها بامكانيات الهاردوير والشكل الخارجي والكاميرا
الحاضر و المستقبل للأندرويد راحت على الايفون .
 

---

مرسلة من «[.MASTER.]» (رقم العضويه 12532) on :
 
حبيت قطعة الزوم
 

---

مرسلة من [ oSama ] (رقم العضويه 51697) on :
 
محتاااااار يا ناس اجيب السوني ولا السامسونغ نوت 3
 

---

مرسلة من اقوى,, (رقم العضويه 12040) on :
 
أوس . . بصراحه أنا أبهرررني النوت ثري بشكله ومواصفاته .. تدري في منفذ usb 3.0 !!! وحش المواصفات ..


بس مازلت أفضل السوني لحجمه + الكام مافي مقارنه والأفضلية للزد ون طبعاً
 

---

مرسلة من R Y A N (رقم العضويه 90308) on :
 
العدسة الروعه راح تركب على كل التلفونات حتى الايفون =d
حركة حلوه من سوني
 

---

مرسلة من [ oSama ] (رقم العضويه 51697) on :
 


المصدر
 

---

مرسلة من اقوى,, (رقم العضويه 12040) on :
 
تم استلام الجهاز اليوم ، بحمد الله وفضله ..


من اليوم اقدر اقول اني سوووبر فااان لسوني ...


آي لوف يووووو سوني
 

---

مرسلة من [ oSama ] (رقم العضويه 51697) on :
 
^
^
من وين جبته؟! الجهاز ما رح ينزل في الإمارات إلا بعد شهر
 

---

مرسلة من اقوى,, (رقم العضويه 12040) on :
 
بريطانيا ....

Clove
 

---

مرسلة من [ oSama ] (رقم العضويه 51697) on :
 
^
^
فعلاً لقيته .. و سعره 2900 مع التوصيل .. أرخص من سعره لما ينزل هنا أكيد!

مسعود أعطينا الـ review تبعك عن الجهاز بعد الاستخدام .. عشان أتوكل على الله و أجيبه على طول
 

---

مرسلة من اقوى,, (رقم العضويه 12040) on :
 


ان شاء الله خلال كم يوم ...

لأني الآن مبهور ، ف ما ودي اتكلم بعاطفة خخخخ

عطني كم يوم واعطيكم المميزات والعيوب
 

---

مرسلة من [ oSama ] (رقم العضويه 51697) on :
 
أكيد take your time

وألف مبروك, عليك بالعافية ..
 

---

مرسلة من اقوى,, (رقم العضويه 12040) on :
 
الله يبارك فيك
 

---

مرسلة من [ oSama ] (رقم العضويه 51697) on :
 
على فكرة مسعود، قريب تقرير في موقع جي اس ام ارينا، قالوا إنه الكاميرا هي أكثر شي مميز في الجهاز.. بس بطاريته ضعيفة و ألوان الشاشة دون المستوى! خبرنا عن هالنقطين لما تمخمخ عالجهاز أكثر
 

---

مرسلة من اقوى,, (رقم العضويه 12040) on :
 
أسامه مالقوا الا البطارية وألوان الشاشة !!! مب صاحين :/

الجهاز بشكل عام ممتاز ، وفوق الممتاز ..


الشكل "تُحفة" و " فخخخخم"

سرعة الجهاز روعة ، وجد حسيت ان المعالج يفرق عن SD 600 ,أفضل منه أكيد , رغم اعجابي بالمعالج القديم ..

النظام مستقر ، "ولكن" احيانا لما اكون فاتح ابلكيشن واضغط الهوم ، الخلفية تتخربط ! يصير نصها اسود ويرجع للوضع الطبيعي "أجزاء من الثانية" لكن تكررت معي كثير ... "واكيد ان شاء الله تنحل بأول تحديث"

البطارية .. للآن الوضع ممتاز جدا جدا .. ماشاء الله البطارية بطله جداً

الشاشة .. وانت ماسك الجوال ماراح تشوف شاشة بروعتها أبدا .. الألوااان والتفاصيل شي يسحرررررر من قلب .. ماأبالغ ان قلت أجمل شاشة شفتها ! ... شاشة جميييييلة "قلوووب" ، لكن زوايا الرؤيه ليست بالمستوى المطلوب للأسف .. هالشي ماهمني وكثير .. "زوايا الرؤيا" اللي هي لما تشوف الجهاز وانت مو ماسكه بيدك لول .. يعني مثلاً اللي جنبك ماراح يشوف الشاشة مثل ماتشوفها انت .. (ميزة خخخ)

الكاميرا ... فوق التوقعات (على الأقل بالنسبة لي ، خااااصة بالأماكن ذات الإضاءة الضعيفة ، الوضع الليلي ممتااااز وبدون نويز ! ، لكن الكام يحتاج تحديث ، لازم يزيدون الحِدة قليلاً..


وزن الجهاز ..ثقيل شوي

كل جهاز فيه عيوب ومميزات ،بس مميزات الزد ون تناسبني أكثر ... مسأله شخصية ، الواحد يشوف وش تفضيلاته .. ممكن اللي يناسبني مايناسب غيري ..

بالأخير .. الحمدلله أحس اني لقيت الجهاز المناسب لي
 

---

مرسلة من « Crm » (رقم العضويه 76358) on :
 
مسعود وصلتك معو العدسة ؟ رح يوقف قلبي من الريفيو تبعها
 

---

مرسلة من « Crm » (رقم العضويه 76358) on :
 
وألف مبروك بعتزر ما انتبهت انك جبتو .. تهريه بعرق العافية ( ملاحظة : عيد ميلادي مرق من شهر وتخرجي قرب ) لول
 

---

مرسلة من [ oSama ] (رقم العضويه 51697) on :
 
جبت الجهاز .. صراحة روعة! سريع بشكل ما شا الله ..
بس على فكرة ما جات معاه سماعة مادري ليش
 

---

مرسلة من اقوى,, (رقم العضويه 12040) on :
 
الله يبارك فيك كرم

اسامة .. الجهاز تجي معاه سماعات .. غريب ماجت مع جهازك ..


+

تست
 

---

مرسلة من [ oSama ] (رقم العضويه 51697) on :
 
^
^
مسعود شو الموضوع؟! شايفك سحبت على السوني و حولت عالـ LG

بصراحة الـ Xperia z1 خرافي! صارله معاي أسبوعين وللحين كل شي فيه بيرفكت .. وعلى فكرة الشهر الجاي رح ينزل تحديث الكيت كات عليه ..
 

---

مرسلة من اقوى,, (رقم العضويه 12040) on :
 
اسامه روح شوف الجي تو بأقرب محل وبتعرف ليش حولت عليه ... خورافي !


بحياتي ماستخدمت جهاز بهالقوة 3>

[ أكتوبر 13, 2013, 05:02 PM: تم تحرير المشاركه من قبل: اقوى,, ]
 

---

مرسلة من iDoc (رقم العضويه 74592) on :
 
^^

http://cdn5.akhbaar24.com/wp-content/uploads/2012/03/20120319_11106346464374373.jpg
 

---

مرسلة من M a R o m a ™ (رقم العضويه 88429) on :
 
مسعود الله يعينك لول
كل شوي جوال

الموهم ابي موقع ثقه اشتري منه الجوال مع كل اكسسواراته
والاهم العدسه
بليييييز واعطوني السعر الاجمالي
ع فكره ماني خبيره بالشراء اون لاين .. يعني ابي شرح وكزا
 

---

مرسلة من Zyood123 (رقم العضويه 90699) on :
 
^

http://jadopado.com/category/00575/mobile-phones/sony-phones/xperia-z1

الجهاز روعة و ما بغيره الا يوم ينزل جوال سوني جديد

[ أكتوبر 15, 2013, 11:35 AM: تم تحرير المشاركه من قبل: Zyood123 ]
 

---

مرسلة من The N (رقم العضويه 18421) on :
 
كيف بطاريتو يا جماعة؟
و حجمو حجم السامسونج أس فور ولا اكبر ولا اصغر؟
 

---

مرسلة من اقوى,, (رقم العضويه 12040) on :
 
ريان بطاريته ممتازة ، وحجم شاشته نفس الاس فور ، لكن حجم الجهاز أكبر .. ووزنه أثقل ..

تبي نصيحتي شوف LG G2

بسويله ريفيو ان شاء الله ..
 

---

مرسلة من The N (رقم العضويه 18421) on :
 
نايف واللي يسلمك
 

---

مرسلة من اقوى,, (رقم العضويه 12040) on :
 
لول كاتبها نايف مدري شلون صارت ريان
 

---

مرسلة من M a R o m a ™ (رقم العضويه 88429) on :
 

رد مقتبس:

---

المرسل الأصلي هو Zyood123:
^

http://jadopado.com/category/00575/mobile-phones/sony-phones/xperia-z1

الجهاز روعة و ما بغيره الا يوم ينزل جوال سوني جديد

---

UBB.classic™ 6.7.1