This is topic LG G3 احـــدث منافـس على لقــب " هـاتف العــام " in forum ســــاحـــــة الكمبيوتر وتقنية الإتصالات at منتــدى الســالميــه.


To visit this topic, use this URL:
http://salmiyaforum.net/cgi-bin/ultimatebb.cgi?ubb=get_topic;f=5;t=003460

---

مرسلة من R Y A N (رقم العضويه 90308) on :
 



• شـاشة بقياس 5.5 انش IPS بدقـة 2560×1440
4 مرات ادق من شاشات HD [ وضوح الشاشة 2k ]

• معالج كوالكوم “سناب دراغون 801″
رباعي النواة و بتردد 2.5 غيغاهيرتز.

• الرام 2 جي بي لنسخة ال 16 جي بي
رام 3 جي بي لنسخة ال 32 جي بي

• الكاميرا بدقة 13 ميغابكسل
مزودة بفلاش ثنائي مع ليزر لدعم ادق للتركيز التلقائي.
كاميرا امامية 2.1 ميغا بيكسل , مع خاصية جديدة لألتقاط "selfie " بدون الضغط وهي عن طريق حركة اليد ( شاهد الفيديو بالاسفل )

• البطارية بسعة 3000 ميللي أمبير

• الجهاز مدعوم بأندرويد 4.2.2 كيت كات مع تجديد مظهر الايقونات

• المتيريل مصنوع من البولي كربونات مع عازل للبصمات







رابط الفيديو



[ مايو 30, 2014, 12:13 AM: تم تحرير المشاركه من قبل: R Y A N ]
 

---

مرسلة من iDoc (رقم العضويه 74592) on :
 
كنت حنزل موضوع عنه بس لقيت الساحة ميتة لول

كلمة بدعة قليلة بحقه
الشاشة صحيح سوبر واو لكن شو بخصوص البطارية
ودي أخذه بس قلبي ما يطاوعني مستنى ايفون 6
 

---

مرسلة من طبيعي (رقم العضويه 11956) on :
 
كم سعرة ياولاد وفين نشتريه
 

---

مرسلة من R Y A N (رقم العضويه 90308) on :
 
^

حجم البطارية المفروض ممتاز بس مو معروف شلون بيكون الاداء مع هالدقة الفضيعه بالشاشة !
بس نصيحة توكل واخذه لا تنطر الايفون 6
احلى تجربة لتلفون +5 انش
 

---

مرسلة من iDoc (رقم العضويه 74592) on :
 

رد مقتبس:

---

المرسل الأصلي هو R Y A N:
^

حجم البطارية المفروض ممتاز بس مو معروف شلون بيكون الاداء مع هالدقة الفضيعه بالشاشة !
بس نصيحة توكل واخذه لا تنطر الايفون 6
احلى تجربة لتلفون +5 انش

---

والله أدري أني حارم نفسي بأشياء كثيرة كوني قاعد على apple لول بس ياخي صدق هالشركة بنت كلب سحرتني مدري شسوت فيني
غير أنه عندي مشتريات تفوق 100$ من برامج و أغاني حرام يضيعون كذا
انا كل إللي أبغاه من ايفون 6

1- شاشة 4.7 وتكون FHD

2- IOS 8 يكون قريب من android من ناحية الأنفتاحية

3- بطارية محترمة تمشيني يوم ونص مع أستعمال متوسط و بالزات على 3G

4- كميرا محترمة وفيها خيارات متعددة زي السامسونغ من أنماط و تصوير ليلي زي العالم

thats all , is that to much to ask
 

---

مرسلة من R Y A N (رقم العضويه 90308) on :
 
^
^

تصدقني يا دوك لو قلت لك ان الايفون 5s تصويره أفضل من غالكسي s5 ؟ عن تجربة شخصية بنفس الظروف كواليتي صور الايفون واقعيه واجمل بشكل واضح

آي أبل تصك عليه صكه ماتخليك تهدها بسهولة بس شوف شتسوي عشان المشتريات , خذ لك تابلت أبل واخذ تلفون اندرويد
هالتلفون راح يعجبك فيه افكار حلوه وعملية مسوينها مب اشياء زياده

+
خخخ أنسى التلفون يكون مفتوح أو دقة FHD
 

---

مرسلة من iDoc (رقم العضويه 74592) on :
 
ريان أوفكورس كميرا 5s أحسن من S5 لكن قصدي الأنماط modes تكون منوعة شوية مو بس خيار HDR وخلاص
انا قصدي كذا

فكرتك هذي انا ماشي عليها بالعكس تابلت أندرويد و تلفون ابل خخخخخخخ
 

---

مرسلة من طبيعي (رقم العضويه 11956) on :
 
عجبني البنفسجي ودي اخذه
 

---

مرسلة من R Y A N (رقم العضويه 90308) on :
 
بنفسجي , اصفر , ذهبي حلوين هالالوان بشكل عام

للحين السعر ماتحدد ولا الوقت يا بدر
 

---

مرسلة من iDoc (رقم العضويه 74592) on :
 
إلا أيش هالتخلف
أبو 16 غيغا الرام حقه 2 غيغا
وأبو 32 غيغا الرام حقه 3 غيغا

إيش الحكمة طيب ؟
الله يعين المطورين حقين الأندرويد هم و تطبيقاته كل شوي معدلين التطبيق عشان يتناسب مع الرام خخخخخخ
 

---

مرسلة من R Y A N (رقم العضويه 90308) on :
 
^
حركةةة تحرررررر

مادري شنو تستفيد هالشركات من الاصدارات المختلفه ! لا وازيدك في اصدارات البطارية removable وبعضهم لا لول !!
 

---

مرسلة من Zyood123 (رقم العضويه 90699) on :
 
طيب شفايدة كل هالمواصفات والبرامج و الستور ابو كلب؟ اسمحولي الايفون متفوق بهالشي ومحد يقدر ينكر
انتظروا الايفون 6 و بس..

[ مايو 30, 2014, 03:19 AM: تم تحرير المشاركه من قبل: Zyood123 ]
 

---

مرسلة من طبيعي (رقم العضويه 11956) on :
 
طبعا مليش غنا عن الايفون انا عندي خطين خط ايفون دائم وخط بحط فيه هالتلفون
 

---

مرسلة من اقوى,, (رقم العضويه 12040) on :
 
تسلم دياتك ريان باشا 3>

الجي ، مجنونة !

الشاشة مو طبيعية ، ماني متخيل كيف بتكون عالطبيعة !
أبعاد الجهاز ، شي خورافي ! هذي لعبة الجي من الجي تو ، جهاز بشاشة 5.5" وبنفس حجم xperia z2 ! وتقريبا حجم M8 !

الكام شكلها يبشر بالخير.

البطارية كنت متخوف منها بحكم انها 3000 (اللي هو نفس حجم بطارية G2) بس مع شاشة QHD اتوقع الاداء اقل ، بس على كلامهم مستخدمين تقنية جديدة وراح يكون أداء البطارية مثل G2 (شخصياً لو كان أقل بنسبة 20% من G2 راضي لأن G2 كان جبار (عادي تسوي اشتراك للسيارة منه لول )

الخامة مدري كيف بتكون اللمعه تخوف واخاف شكله يكون رخيص ! بس شلون لمعة وضد البصمة لول لو بتصير بالواقع مثل خامة G Flex بتكون حلو .

الرام وفكرة 3 و 2 قيقا ، حلوة ومو حلو !
حلوة للي يبي الجهاز ومايحتاج 3 قيقا ، بتكون حلوة له توفير السعر .
شخصياً اذا عزمت راح اخذ 32 ورام 3 قيقا ، اكيد.

ننتظر لجولاي ونشوف (بينزل أول اسبوع من يوليو ان شاءالله)


----------

زيود ، استغرب اللي يتكلم عن الستور ، شوف انا مو مره مع البرامج والالعاب ، بس اشوف كل شي موجود بالنظامين ، عطني 3 برامج قوية او تحتاجها في IOS مو موجودة بالاندرويد؟

موضوع المقارنات بين النظامين ، اتوقع وصلنا لمرحلة ماعاد احد يقارن ، كل النظامين ممتازات بس الموضوع صار تفضيل شخصي ، مثلا انا اللي مايخليني اخذ الايفون (غير الحجم والبطارية اتكلم عن النظام بس) هو عدم العملية بالنظام حسب استخدامي ، يعني انا و90% من العالم استخدامهم واتس اب ، اللي يقهرني بالايفون لما يجيني رابط عالواتس اب وافتحه بعدها برجع للواتس اب (دبل كلك عالهوم واختار الواتس اب) والصفحه اللي فتحتها بتكون موجودة ورابط ورا رابط ، تلقى نفسك باخر اليوم اذا جيت تدخل المتصفح فبه 20 صفحه مفتوحه مثلاً!
بينما (متعوب عالكلمة ) بالاندرويد اضغط باك ويرجعني للواتس اب ويقفل الصفح من نفسه .
هذا مثال بسيط .

بالأخير مثل ماقلت تفضيلات شخصية

اللي صج صج الايفون محد ينافسه فيه الفخامة والديزاين ، ياخي كل ماشوف ايفون 5s احس يدي تحكني ودي اروح اشتريه ، بعدين اتذكر الحجم والبطارية واهون لول
احتمال كبير كبير كبيرررر اخذ iphone 6 اذا صدق شاشته 4.7" FHD
 

---

مرسلة من اقوى,, (رقم العضويه 12040) on :
 

رد مقتبس:

---

المرسل الأصلي هو R Y A N:
^
حركةةة تحرررررر

مادري شنو تستفيد هالشركات من الاصدارات المختلفه ! لا وازيدك في اصدارات البطارية removable وبعضهم لا لول !!

---

لا ريان ، كلها ريموفبل باتري ، اللي كان فيه نسختين هو G2

[ مايو 30, 2014, 01:19 PM: تم تحرير المشاركه من قبل: اقوى,, ]
 

---

مرسلة من iDoc (رقم العضويه 74592) on :
 

 

---

مرسلة من اقوى,, (رقم العضويه 12040) on :
 
دوك ، اللون اللي بالصورة جميل
 

---

مرسلة من طبيعي (رقم العضويه 11956) on :
 
أقوى: " مو كل شي برامج والعاب

ستور الايفون كافي انزل الاغاني والفيديوات اول بأول اشتريها من الستور هذا بروحة كافي
 

---

مرسلة من Zyood123 (رقم العضويه 90699) on :
 
^
+1

والبرامج و حتى الالعاب لو كانت موجودة عالنظامين نسخة الايفون تكون احسن و اسلس!
برامج جوجل نفسها احسن عالايفون من الاندرويد وفيها مميزات مش موجودة في نسخة الاندرويد!
هذا غير آلاف البرامج اللي بس عالios
ويكفي انه ابل نفسها تشيك البرامج قبل ماتحطها فالستور وتتأكد انه تابع للستاندرد حقهم.
البرامج شي متفوق فيه الios و بقوة
 

---

مرسلة من R Y A N (رقم العضويه 90308) on :
 
في إشاعات انهم بينزلون ال iTunes على الاندرويد وباقي الأنظمة ، لو هالشي صار فعلا ممكن اجرب تلفون غير الايفون

الApp Store أكثر احبه على الايباد مب الايفون
اهم شي البرامج الاساسية تويتر ، واتس اب ، انستقرام ، الدروب بوكس وباقي الطخه موجودين على الباقي

لكن الايتونز الي صعب استغنى عنه 💔

--

بس lg g3 روووووعه كمواصفات الصراحه واشوف شاشته مغريه

[ مايو 30, 2014, 04:04 PM: تم تحرير المشاركه من قبل: R Y A N ]
 

---

مرسلة من M.I.N.I.S.T.E.R. O.F. E.V.I.L (رقم العضويه 89162) on :
 
بعد ماضرب الميموري عندي فايروس بسبب برنامج التورنت الزفت و اتلف كل الملفات و الصور و الفيديوز

ابو الأندرويد على ابو انفتاحه على ابو اللي اخترعه شو انه نظام متهالك و عفن

بانتظار الأيفون 6 بس
 

---

مرسلة من iDoc (رقم العضويه 74592) on :
 
OMG وسيم ههههههههههههههههههههه
حاسس إنني السبب لووووووووووووووووووول
 

---

مرسلة من M.I.N.I.S.T.E.R. O.F. E.V.I.L (رقم العضويه 89162) on :
 
^
^

ادري اول شي خطر على بالي انت قلت كله من فان ام لقوه و عينه
 

---

مرسلة من iDoc (رقم العضويه 74592) on :
 
عين جاك مو عيني lmao
 

---

مرسلة من M.I.N.I.S.T.E.R. O.F. E.V.I.L (رقم العضويه 89162) on :
 
ادم و انت الصادق
 

---

مرسلة من iDoc (رقم العضويه 74592) on :
 


[ مايو 31, 2014, 04:49 PM: تم تحرير المشاركه من قبل: iDoc ]
 

---

مرسلة من طبيعي (رقم العضويه 11956) on :
 
اليوم طافكم

ولد عمي الايفون ماله ظرب قديم هه المهم قتله ليش ماتاخذ جلاكسي يديد توه كلش نزل بامريكا بس بعد مانزل بالكويت

قالي جيب صورته اشوفه , قمت جبت له الصورة الي هنا
بالموضوع

ٌقالي هذا LG !! قتله مادري مافرق بينهم اي هذا قصدي فيه

قالي لا انا ابي جلاكسي

المهم بعد فترة بينه وبين نفسي وبعد ماشاف صور ال LG قالي تصدق عجبني باخذه

قلت ايهو؟ قالي الجلاكسي <<< بعد ما انا حفظته هه

جان اقوله " يا اهبل هذا LG مو جلاكسي

المهم انه رجع ل كتكات نوكيا هه
 

---

مرسلة من iDoc (رقم العضويه 74592) on :
 

في حين ينتظر العالم توفر هاتف LG G3 بشكل رسمي في أنحاء العالم كانت مبيعات الجهاز

في كوريا الجنوبية ( مقر LG وسامسونج ) بلغت 100,000 جهاز خلال الخمسة أيام الأولى فقط

هذا الرقم مذهل حقيقة وقد ظهرت تقارير سابقة أشارت إلى أنه تجاوز مبيعات سامسونج s5

حيث حقق G3 مبيعات 25 ألف - 30 ألف يومياً مقابل 7 آلاف - 8 آلاف يومياً للـ جالكسي s5

وذلك في الأيام الأولى من اطلاق كلا الجهازين في كوريا الجنوبية





في العام الماضي حقق هاتف LG G2 مبيعات 10 آلاف يومياً في الأيام الخمسة الأولى من اطلاقه

مايعني أن G3 حقق نجاحاً مضاعفاً عن سابقه G2

.
.


وجود G3 بشكل رسمي وحصري عند الإطلاق في كوريا الجنوبية حالياً له تبعات وتأثير على المبيعات بشكل سلبي.

حيث أن سامسونج باعت 10 مليون جالكسي s5 خلال 25 يومياً ولكن كان ذلك في 125 دولة حول العالم عند الإطلاق.

على أية حال نأمل نأمل من شركة LG عدم اضاعة المزيد من الوقت لتوفير G3 بشكل عالمي.
 

---

مرسلة من الشـقـردي (رقم العضويه 16752) on :
 
شكل ومواصفات الجهاز اكثر من رووعه يعطيك العافيه على التغطيه
 

---

مرسلة من Fisaal (رقم العضويه 31) on :
 
يعطيك العافيه اخوي ريان على التغطيه المميزة انا شخصيا بانتظار هذا الجهاز على احر من الجمر الجهاز مانزل بالكويت ولا السعودية

وهذه الدول اللي نزل فيها الجهاز بشكل رسمي

Available as:
LG G3 D855 for Europe
LG G3 D851 for T-Mobile
LG G3 D850 for AT&T
LG G3 VS985 for Verizon
LG G3 LS990 for Sprint












[ يونيو 22, 2014, 06:54 AM: تم تحرير المشاركه من قبل: Fisaal ]
 

---

مرسلة من اقوى,, (رقم العضويه 12040) on :
 
الوكيل عندنا نزل حجز مسبق عالجهاز بسعر خورافي !

نسخة 32GB اللي ب3Gb RAM

جميع الألوان + السيركل كوفر + قاعدة شاحن وايرلس

كل هذا ب2499 ريال بس !

وتاريخ النزول 10 July

رغم اعجابي بالجهاز بس قاعد افكر انتظر ايفون 6 !

[ يونيو 23, 2014, 04:22 PM: تم تحرير المشاركه من قبل: اقوى,, ]
 

---

مرسلة من iDoc (رقم العضويه 74592) on :
 

رد مقتبس:

---

رغم اعجابي بالجهاز بس قاعد افكر انتظر ايفون 6 !

---

 

---

مرسلة من اقوى,, (رقم العضويه 12040) on :
 

رد مقتبس:

---

المرسل الأصلي هو iDoc:

رد مقتبس:

---

رغم اعجابي بالجهاز بس قاعد افكر انتظر ايفون 6 !

---

---

عجبني ios7 مرررررره رهيب 3>

بس مدري شلون الناس للحين صابرين على 4" يصدع بالراس ولازم تقرب الجهاز لوجهك وحالتك حالة لول

مو متخيل كيف بيكون بشاشة +4.7"

متحممممس لرجعتلي للآيفون
 

---

مرسلة من الشـقـردي (رقم العضويه 16752) on :
 
الجهاز راح ينزل في دبي بتاريخ 27 هذا الشهر
 

---

مرسلة من اقوى,, (رقم العضويه 12040) on :
 
نزل قبل امس عندنا وبسعر خورافي

32 قيقا ب2350 ريال بس !
 

---

مرسلة من R Y A N (رقم العضويه 90308) on :
 
^

هالسعر عندنا حق بو 16

الشاشه رهيييييييبه حبيييت الفيديو الديمو الي حاطينه الدقة مو طبيعيه

عجبني وايد بأستثناء من ورا حسافة كان ممكن يكون احلى : /
 

---

مرسلة من Waleedooh IB (رقم العضويه 90856) on :
 

رد مقتبس:

---

المرسل الأصلي هو اقوى,,:
نزل قبل امس عندنا وبسعر خورافي

32 قيقا ب2350 ريال بس !

---

UBB.classic™ 6.7.1